ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴳⵎⴹ ⵅⴼ ⵓⴼⵉⴼⵖ ⵏ ⵓⵕⵥⵥⵓⵎ ⵏ ⵓⵖⵡⴰⵙ ⵏ “ⴰⵡⵕⴰⵛ” ⵍⵍⵉ ⵉⴽⴽⴰⵜⵏ ⵅⴼ ⵓⵙⵙⴽⴰⵔ ⵏ 250000 ⵏ ⵓⵎⵡⴰⵊⴱ ⵏ ⵜⵡⵓⵔⵉ ⵓⵙⵔⵉⴷⵏ ⴳ ⵉⵙⵡⴰⵔⵏ ⵏ ⵡⴰⴳⵓⵔⵏ ⵅⴼ ⵙⵉⵏ ⵉⵙⴳⴳⵯⴰⵙⵏ 2022 ⴷ 2023

• ⵜⵉⴳⴳⵉ ⵏ ⵉⵎⵡⴰⵊⴱⵏ ⵏ ⵜⵡⵓⵔⵉ ⴳ ⵉⵙⴰⵡⵔⵏ ⵏ ⵡⴰⴳⵓⵔⵏ ⵉ ⵎⵉⴷⴷⵏ ⵏⵏⴰ ⵎⵉ ⵜⴷⴷⴰ ⵜⵡⵓⵔⵉ ⵏⵏⵙⵏ ⵙ ⵜⵎⵏⵜⵉⵍⵜ ⵏ ⵜⵎⴰⴹⵓⵏⵜ ⵏ ⴽⵓⴼⵉⴷ 19, ⵢⵉⵍⵉ ⴷⴰⵔⵙⵏ ⵓⵎⵓⴽⵔⵉⵙ ⴳ ⴰⴷ ⴰⴷⴼⵏ ⴰⴳⴰⴷⴰⵣ ⵏ ⵜⵡⵓⵔⵉ,
• ⴰⵙⵎⵓⵙⵙⵓ ⵏ ⵉⵙⵓⴳⴰⵎ ⵉⵥⵕⴰⵏⵏ ⵙ ⵡⴰⵜⵉⴳ ⵏ 2,25 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⴳ ⵓⵙⴳⴳⵯⴰⵙ ⵏ 2022 ⵃⵎⴰ ⴰⴷ ⵣⵣⵓⴳⵣⵏ ⴰⵖⴰⵡⴰⵙ ⵏⵏⴰ ⵅⴼ  ⵙⴳⵎⴹⵏ

ⴰⵙⵙ ⵏ ⵓⴽⵕⴰⵙ 12 ⵢⵏⵏⴰⵢⵔ 2021, ⴳ ⵕⴱⴰⴹ, ⵅⴼ ⵓⴼⵉⴼⵖ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴹⵜ ⵏⵏⴰ ⵉⵣⴷⵉⵏ ⵙ ⵓⵖⴰⵡⴰⵙ ⵏ “ⴰⵡⵕⴰⵛ” , ⵍⵍⵉ ⵉⴽⴽⴰⵜⵏ ⵅⴼ ⴰⴷ ⵉⵙⵙⴽⵔ 250000 ⵏ ⵓⵎⵡⴰⵊⴱ ⵏ ⵜⵡⵓⵔⵉ  ⵜⵓⵙⵔⵉⴷⵜ ⴳ ⵉⴷⵙⵏ ⵉⵙⴰⵡⵔⵏ ⵉⵜⵜⵓⵡⴰⴳⵔⵏ ⵙ ⵙⵉⵏ ⵉⵙⴳⴳⵯⴰⵙⵏ 2022 ⴷ 2023. ⵉⵜⵜⵓⵙⵏⴰⵍ ⵓⴼⵉⴼⵖ ⴰⴷ ⵉ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵡⵙⴰⵙⵏ ⵉⵏⵎⵍⴰⵍⵏ ⴷ ⵉⵙⵎⵉⵔⵏ ⵉⵅⴰⵜⴰⵔⵏ ⴷ ⵓⵙⵎⵉⵔ ⴰⵎⴰⵜⴰⵢ ⵅⴼ  ⴰⴷ ⵜⵉⵍⵉ ⵜⵡⵓⵔⵉ ⵅⴼ ⵓⵙⵎⵀⵍ ⵏ ⵉⵏⴼⵔⵓⵜⵏ ⵏⵏⵙ. 
ⴰⵖⴰⵡⴰⵙ ⴰⴷ ⵏⵏⴰ ⵎⵉ ⵉⵜⵜⵓⴼⴽⴰ ⵡⴰⵙⵙⴰⵖ ⵏ “ⴰⵡⵕⴰⵛ”  ⴷⵉⵙⵏ ⵙⵏⴰⵜ ⵜⵙⴳⴳⵉⵡⵉⵏ, ⵜⴰⵙⴳⴰ ⵜⴰⵎⵇⵇⵔⴰⵏⵜ ⵜⵣⴷⵉ ⵙ  ⵉⵙⵡⵔⵏ ⵉⵎⴰⵜⴰⵢⵏ ⵉⵜⵜⵡⴰⴳⴰⵔⵏ, ⵏⵏⴰ ⵇⴰⴷ ⵜⵜⵓⵙⵎⵀⴰⵍ   ⵉⵎⵉⴽ ⵙ ⵉⵎⵉⴽ ⴳ ⵓⵙⴳⴳⵯⴰⵙ ⵏ 2022 ⴷ ⵓⵥⵍⴰⵢ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⴷ ⵏⵏ ⵜⵍⴽⵎ ⵉⵡⵜⵜⴰⵙⵏ ⵉⵜⵜⵓⵙⵔⴰⵙⵏ.  ⴳ ⵜⵉⵣⵉ ⵏⵏⴰ ⴳ ⵜⵥⵍⵢ ⵜⵙⴳⴰ ⵏⵏⵉⴹⵏ ⵙ ⵉⵙⴰⵡⵔⵏ ⵏ ⵓⵙⴷⵓⵙ ⵏ ⵓⵙⵉⴷⴼ ⴰⵙⵓⵍⴰⵏ ⵅⴼ ⵓⵙⵡⵉⵔ ⴰⵏⴰⵎⵓⵔ. 
ⵇⴰⴷ ⵉⵙⵙⴱⵖⵔ ⴳ ⵓⵖⴰⵡⴰⵙ ⴰⴷ ⴳ ⵜⵉⵣⵉ ⵏ ⵓⵣⵣⴳⴰⵔ ⵏⵏⵙ ⴳ ⵙⵉⵏ ⵉⵙⴳⴳⵯⴰⵙⵏ ⴰⴷ 2022 ⴷ 2023 ⵖⵓⵔ 250000 ⵏ ⵓⵡⵔⵉⴽ ⴳ ⵓⵙⴰⵜⵉ ⵏ ⵜⵏⵜⵜⴰⵎⵉⵏ “ⴰⵡⵕⴰⵛ”ⵏⵏⴰ ⵜⵜⴳⴳⴰⵏⵜ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴷ ⵜⵎⵢⴰⵡⴰⵙⴷ ⵜⵎⵙⵙⵏⵜⵉⵜⵉⵏ, ⵙ ⵜⵙⵜⴰⵢⵉⵏ ⴷ ⵜⵎⴰⵖⵓⵏⵉⵏ ⵏ ⵜⵡⵓⵔⵉ, ⵙⵍⴰⵡⴰⵏ ⵉⵡⵔⵉⴽⵏ ⵏⵏⴰ ⵉⵜⵜⴰⴼⴰⵏ ⴰⵎⵓⴽⵔⵉⵙ ⴳ ⴰⴷ ⵢⴰⴼ ⵜⴰⵡⵓⵔⵉ. ⴷ ⵎⴰⵏ ⴰⵢⴰ ⴱⵍⴰ ⴰⵡⴷ ⵢⴰⵏ ⵛⵛⵕⴹ. ⵜⵥⵍⵉ ⵜⵏⴱⴰⴹⵜ ⵢⴰⵏ ⵡⴰⵜⵉⴳ ⵏ ⵉⴷⵔⵉⵎⵏ ⵃⵎⴰ ⴰⴷ ⵜⵣⵣⵓⴳⵣ ⴰⵖⴰⵡⴰⵙ ⴰⴷ ⵏ 2,25 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⴳ ⵓⵙⴳⴳⵯⴰⵙ ⵏ 2022. 
ⵉⴽⵛⵎ ⵓⵖⴰⵡⴰⵙ ⵏ “ⴰⵡⵕⴰⵛ” ⴳ ⵓⵙⴰⵜⵉ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⵓⵏⵏⴱⵉⴹ 2021-2026, ⵖⵉⴽⵍⵍⵉ ⵉⵙⵙⴰⵡⵀⵎⵎⴰ ⵜⴰⵎⵓⵏⵜ ⴰⴽⴷ ⵉⵡⵔⵉⴽⵏ ⵏⵏⴰ ⵎⵉ ⵜⴷⴷⴰ ⵜⵡⵓⵔⵉ ⵏⵏⵙⵏ ⴰⴼⵉⵏ ⵜⵉⵎⵓⴽⵔⵉⵙⵉⵏ ⴳ ⴰⴷ ⴰⴼⵏ ⵉⵎⵡⴰⵊⴱⵏ ⵏ ⵜⵡⵓⵔⵉ. ⴷ ⵎⴰⵏ ⴰⵢⴰ ⵙ  ⵜⴰⵛⵛⵓⵔⵜ ⵏⵏⴰ ⵉⵙⵎⵓⵏⵏ ⴳⵔ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⴰⵏⴰⵡⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⴷ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⴷ ⵜⴳⵔⴰⵡⵉⵏ ⵜⵉⴷⵖⵔⴰⵏⵉ, ⵓⵍⴰ ⵜⵉⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵎⵢⴰⵡⴰⵙⵉⵏ ⵜⵉⴷⵖⵔⴰⵏⵉⵏ, ⴷ ⵜⵎⵙⵙⵏⵜⵉⵜⵉⵏ ⵏ ⵢⵉⴳⵔ ⵉⵥⵍⵉⵏ. 
ⵉⵜⵜⵡⴰⵙⴽⴰⵔ ⵓⵖⴰⵡⴰⵙ ⵏ “ⴰⵡⵕⴰⵛ” ⵅⴼ ⵙⵏⴰⵜ ⵜⵙⴳⴳⵉⵡⵉⵏ, ⵜⴰⵙⴳⴰ ⵜⴰⵎⵣⵡⴰⵔⵓⵜ  ⵜⵣⴷⵉ ⵙ  ⵉⵙⵡⵔⵏ ⵉⵎⴰⵜⴰⵢⵏ ⵉⵜⵜⵡⴰⴳⴰⵔⵏ 6 ⵏ ⵡⴰⵢⵓⵔⵏ, ⴳ ⵜⵉⵣⵉ ⵏⵏⴰ ⴳ ⵜⵥⵍⵢ ⵜⵙⴳⴰ ⵏⵏⵉⴹⵏ ⵙ ⵉⵙⴰⵡⵔⵏ ⵏ ⵓⵙⴷⵓⵙ ⵏ ⵓⵙⵉⴷⴼ ⴰⵙⵓⵍⴰⵏ. 
ⴰⵔ ⵙⵡⵜⵜⴰⵙⵏ ⵉⵙⴰⵡⵔⵏ ⵉⵎⴰⵜⴰⵢⵏ ⵉⵜⵜⵓⵥⵍⴰⵢⵏ, ⵏⵏⴰ ⵉⵜⵜⵓⴼⴽⴰⵏ ⵉ 80% ⴳ ⵡⵓⵟⵟⵓⵏ ⴰⵅⴰⵜⴰⵔ ⵏ ⵉⵎⵙⵙⴱⵖⴰⵔ ⵙⴳ ⵓⵖⴰⵡⴰⵙ, ⴰⴷ ⵜⴼⴽ ⵜⵉⵎⵔⴰⵔⵓⵜⵉⵏ ⵉ ⵜⵖⴰⵡⵙⵉⵡⵉⵏ ⵏⵏⴰ ⵃⵜⴰⵊⵊⴰⵏ ⵉⵏⵎⵓⵔⴰ ⵙⴳ ⵜⵓⵚⴽⵉⵡⵉⵏ ⵜⵉⵎⴰⵣⴷⴰⵔⵉⵏ, ⵎⴽⵉⵏⵏⴰ ⵜⴽⴽⴰⵜ ⴰⴷ ⵜⵙⴽⴰⵔ ⵜⵉⵡⵓⵔⵉⵡⵉⵏ ⴷ ⵉⵙⵖⴰⵏⵏ ⵏⵏⴰ  ⴷⴰⵔ ⴰⴽⵓⴷ ⵉⵉⵥⵍⵉⵏ ⵏⵏⴰ ⵢⴰⵎⵓⵏ ⴳ ⵓⵙⴰⵜⵉ ⵏ ⵖⵓⵔ ⴰⵏⴼⴰⵄ ⴰⵙⴳⵎⴰⵏ  ⴰⵙⵓⵍⴰⵏ ⵣⵓⵏⴷ ⴰⵙⵙⴽⴰⵔ ⵏ ⵉⵙⴰⴽⴰⵜⵏ ⵏ ⵉⴱⵔⴷⴰⵏ ⴷ ⴰⵀⵢⵢⴰ ⵏ ⵉⴷⵔⵉⵣⵏ ⵏ ⵓⵎⴷⵔⵓⵣ ⵉⴳⴷⵓⴷⴰⵏⵏ ⴷ ⵜⵓⵥⵥⵓⵜ ⵏ ⵡⴰⴷⴷⴰⴳⵏ ⴷ ⵓⵃⵢⵢⵍ ⵏ ⵡⴰⵙⵉⵡⵏ ⵉⵣⴳⵣⴰⵡⵏ ⴷ ⵓⵙⴱⴷⴷ ⵏ ⵜⴰⵖⴰⵔⵜ ⴷ  ⵓⵏⵀⴱⵓ ⵏ ⵓⵎⵍⴰⵍ ⴷ ⵜⵙⵎⵓⵟⵟⵓⵏⵜ ⵏ ⵜⵎⵃⴹⵉⵜ ⴷ ⵓⵙⵎⵓⵙⵙⵓ ⴰⴷⵍⵙⴰⵏ ⴷ ⵡⵉⵏ ⵜⵓⵏⵏⵓⵏⵜ ⴷ  ⵡⵓⵜⵓⵢ ⴰⵙⴳⵎⴰⵏ ⵓⵙⴽⵉⵏ. 
ⵎⴰⴽⴰ ⵉⵙⴰⵡⵔⵏ ⵏ ⵓⵙⴷⵓⵙ ⵏ ⵓⵙⵉⴷⴼ  ⴰⵙⵓⵍⴰⵏ, ⵜⴷⴷⴰ ⵙ ⵖⵓⵔ 20% ⵏ ⵉⵎⵙⵙⴱⵖⴰⵔ  ⵙⴳ ⵓⵖⴰⵡⴰⵙ, ⴰⵔ ⵜⴽⴽⴰⵜ ⵅⴼ ⴰⴷ ⵏⵏ ⵜⵍⴽⵎ ⴽⵉⴳⴰⵏ ⵏ ⵉⵡⵜⵜⴰⵙⵏ ⴷ ⵜⵙⵓⴳⴰⵔ ⵙⴳ ⴷⵉⵙⵏ ⴰⴷ ⵜⵙⴷⵎⵔ  ⵉ ⵜⵏⴰⴼⵓⵜⵉⵏ ⵏⵏⴰ ⵉⵜⵜⵓⴼⴽⴰⵏ ⵉ ⵉⵡⵔⵉⴽⵏ ⴷ ⵜⴰⵡⵊⵉⵡⵉⵏ ⴷ ⵡⴰⵎⵓⵏ ⵍⵍⵉ ⴳ ⵉⵍⵍⴰ ⵓⵅⵚⵚ ⴰⵎⵇⵇⵔⴰⵏ ⴳ  ⵡⴰⵏⵙⵉⵡⵏ ⵙ ⵓⵎⴰⵜⴰ, ⵣⵓⵏⴷ ⴰⵙⵉⴷⴼⵍ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵓⵏⵀⵍⵍⴰ ⴳ ⵉⵡⵙⵙⴰⵔⵏ ⴷ ⵜⵉⵍⴰⵍ ⵏ ⵜⵓⵏⵏⵓⵏⵜ ⴷ ⵜⴷⵍⵙⴰⵏⵉⵏ ⴷ ⵡⵓⵜⵛⵉⵜⵏ ⵉⵏⵎⵍⴰⵏⵏ ⴷ ⵜⵏⴰⴼⵓⵜⵉⵏ ⵏ ⵓⵊⵓⵊⵊⵉ... 
ⵇⴰⴷ ⵉⵣⵎⵔ ⵓⵖⴰⵡⴰⵙ ⵏ ⴰⵡⵕⴰⵛ ⵉⵎⵙⵙⴱⵖⴰⵔ  ⵙⴳ  ⵉⵙⴰⵡⵔⵏ ⵉⵎⴰⵜⴰⵢⵏ ⵡⴰⴳⴰⵔ ⴰⴷ : 
ⴰⴷ ⵙⴱⵖⵔⵏ ⴳ  ⵢⴰⵜ ⵜⵉⵛⵛⵓⵜ ⵏ ⵡⴰⵢⵓⵔ ⵏⵏⴰ ⵓⵔ ⵉⴽⴽⵉⵏ ⴷⴷⴰⵡ ⵜⵉⵛⵛⵓⵜ  ⵏ ⵜⵖⵔⴰⴷ ⵜⴰⵎⴳⴳⴰⵔⵓⵜ ⴳ ⵜⵉⵣⵉ ⵏ ⵓⵙⴰⵡⵔ, ⴰⵙⴱⵖⵔ ⵙⴳ  ⵓⵖⴰⵎⵓⵙ  ⴰⵏⴰⵎⵓⵏ ⵍⵍⵉ ⴳ ⵍⵍⴰⵏⵉⵎⵢⴰⵔⴰⵣⵏ ⵏ ⵜⴰⵡⵊⴰ  ⵙ ⵜⵎⴰⵎⴽⵜ ⵏⵏⴰ ⵉⵍⵍⴰⵏ ⴳ ⵉⵍⵓⴳⴰⵏ ⴷ ⵉⵙⴳⴰⵡⵏ ⵏⵏⴰ ⵉⵍⵍⴰⵏ, ⴰⵙⵉⴷⴼⵍ ⴰⵎⵎⴰⵙ ⵏ ⵓⵙⴰⵡⵔ ⵃⵎⴰ ⴰⴷ ⴱⵓⵖⵍⵍⵓⵏⵜ ⵜⵣⵎⵎⴰⵔ ⴷ ⵜⵙⵓⴳⴰⵔ, ⵉⵎⵥ ⵏ ⵜⵉⴼⵔⵜ ⵙⴳ ⴷⴰⵔ ⵓⵎⵙⵙⵡⵓⵔⵉ ⴷⴼⴼⵉⵔ ⵏ ⵓⵙⵎⴰⴷ ⵏ ⵜⵡⵓⵔⵉ ⵃⵎⴰ ⴰⴷ ⵜⵙⴷⵓⵙ  ⴰⵏⵏⴰⵥⵏ ⵏ ⵓⵙⵉⴷⴼ  ⴳ ⴷⴼⴼⵉⵔ ⴳ ⵓⵙⴰⵜⵉ ⵏ ⵜⵉⵍⴰⵍ ⵜⵉⴷⵎⵙⴰⵏⵉⵏ ⵉⵔⴰⵡⵙⵏ. 
ⵇⴰⴷ ⵉⴱⴰⴱ  ⵓⵡⵏⴽ ⴰⵢⵏⵏⴰ ⵉⵥⵍⵉⵏ ⵙ ⵜⵖⵔⴰⴷ ⴷ ⵜⵉⵔⵎⵀⵜ ⵏ ⵓⵎⵙⵙⵡⵓⵔⵉ ⴷ ⵓⵏⴼⵍⵙ  ⵏ ⵜⴰⴳⴳⴰⵙⵉⵏ ⵏ ⵜⵡⵓⵔⵉ ⴳ ⵎⴰⴷ ⵉⵥⵍⵉⵏ ⵙ ⵓⵖⴰⵎⵓⵙ ⴰⴳⴷⵓⴷⴰⵏ. 
ⵖⵉⴽⵍⵍⵉ ⵇⴰⴷ ⵉⵣⵎⵔ ⵓⵖⴰⵡⴰⵙ ⵉⵎⵙⵙⴱⵖⵔⵏ ⵙⴳ  ⴰⵡⵕⴰⵛ ⵏ ⵓⵙⴷⵓⵙ ⵏ ⵓⵙⵉⴷⴼ ⴰⵙⵓⵍⴰⵏ ⵙⴳ: 
ⴰⵙⵉⴷⴼ ⵏ ⵢⴰⵜ ⵜⵉⵣⵉ ⵏⵏⴰ ⵓⵔ ⵉⴽⴽⵉⵏ ⴷⴷⴰⵡ 24 ⵏ ⵡⴰⵢⵓⵔ ⴰⴽⴷ ⵜⵉⵖⵔⴰⴷ ⵏⵏⴰ ⵓⵔ ⵉⴳⴳⵯⵉⵣⵏ  ⵅⴼ ⵓⵡⵜⵜⵓ ⴰⵎⴰⵣⴷⴰⵔ ⵏ ⵜⵖⵔⴰⴷ, ⴰⵙⴱⵖⵔ ⵙⴳ ⵓⵖⴰⵎⵓⵙ ⴰⵏⴰⵎⵓⵏ ⵏⵏⴰ ⴳ ⵍⵍⴰⵏ ⵉⵎⵢⴰⵔⴰⵣⵏ ⵏ ⵜⴰⵡⵊⴰ ⵣⵓⵏⴷ ⵖⵉⴽⵍⵍⵉ ⴷ ⵢⵓⵙⴰⵏ ⴳ ⵉⵍⵓⴳⴰⵏ ⴷ  ⵉⵏⴳⵔⴰⵡⵏ ⵏⵏⴰ ⵉⵍⵍⴰⵏ ⵖⵉⵍⴰ, ⴰⵎⵖⴰⵏ ⵢⵉⵔⵉⵎ ⴰⵣⵣⵓⵍⴰⵏ. 
ⴷ ⵇⴰⴷ ⵉⵡⵛ ⵓⵡⵏⴽ ⵉ ⴰⵢⵜ ⵜⵡⵓⵔⵉ ⵢⴰⵜ ⵜⴰⴳⴳⴰⵣⵜ ⵃⵎⴰ ⴰⴷ ⵢⴰⴽⴰⵎ ⵅⴼ ⵓⵙⵡⵓⵔⵉ ⵙ ⵢⴰⵏ ⵡⴰⵜⵉⴳ ⵏ 1500 ⵏ ⵉⴷ ⴷⵔⵀⵎ ⴳ ⵡⴰⵢⵓⵔ ⴳ ⵜⵉⵣⵉ ⵏ 18 ⵏ ⵡⴰⵢⵓⵔ ⵉ ⴽⵓ ⴰⵎⵙⵙⴱⵖⵔ. 
ⴳ ⵎⴰⴷ ⵉⵣⴷⵉⵏ ⵙ  ⵉⴳⵔⴰⵡⵏ ⵏ ⵓⵏⵏⴱⴹ ⴳ ⵓⵖⴰⵡⴰⵙ ⵏ ⴰⵡⵕⴰⵛ, ⵜⵜⵡⴰⴳⴳ ⵢⴰⵜ ⵜⵏⴰⴳⵔⴰⵡⵜ ⵏ ⵓⵏⴱⴹ ⵉ ⵜⵏⴰⵔⴰ ⴷ ⵓⵙⴷⵓⵙ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ, ⵏⵏⴰ ⵉⵙⵡⵓⵔⵉⵏ ⵅⴼ ⴰⴷ  ⵜⵙⵙⴽⵔ ⵢⵜ ⵜⵏⵇⵇⵉⵙⵜ ⵜⴰⵙⵜⵔⴰⵜⵉⵊⵉⵢⵜ ⴷ ⵢⴰⵜ ⵜⵏⵇⵇⵉⵙⵜ ⵏ ⵜⵏⴰⵔⴰ ⵅⴼ  ⵓⵙⵡⵉⵔ ⴰⵏⴰⵎⵓⵔ ⴷ ⵢⴰⵜ ⵜⵏⵇⵇⵉⵙⵜ ⵜⴰⵏⵎⵏⴰⴹⵜ ⵏⵏⴰ ⵉⵍⵍⴰⵏ ⴷⴷⴰⵡ ⵓⵙⴰⴳⴳⵯ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⴰⴷ ⵙⵡⵓⵜⵜⵓⵏ ⵉⵏⵎⵎⴰⵍⵏ ⵉⵙⵜⵔⴰⵜⵉⵊⵉⵢⵏ ⵏ ⵓⵖⴰⵡⴰⵙ, ⴳ ⵜⵉⵣⵉ ⵎⴽⵉⵏⵏⴰ ⵇⴰⴷ ⵜⵜⵡⴰⵙⵙⴽⴰⵔ ⵢⴰⵜ ⵜⵏⵇⵇⵉⵙⵜ ⵜⴰⵙⴳⴰⵡⴰⵏⵜ ⵏ ⵓⵖⴰⵡⴰⵙ ⵏ ⴰⵡⵕⴰⵛ ⵅⴼ ⵓⵙⵡⵉⵔ ⵏ ⴽⵓ ⵜⴰⵙⴳⴰ ⴳ ⵜⵉⵣⵉ ⵏⵏⴰ ⴳ ⵇⴰⴷ ⵜⵙⵡⵓⵔⵉ ⵜⵏⵇⵇⵉⵙⵜ ⵏ ⵜⵏⴰⵔⴰ  ⵏ ⵓⵖⴰⵡⴰⵙ ⵍⵍⵉ ⴷ ⵉⴼⴼⵓⵖⵏ ⵙⴳ ⵜⵏⵇⵇⵉⵙⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵙⵏⵙⵙⵉⵅⴼ ⵓⵎⴰⵡⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵢⴰⵏⵉⵏ  ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⵅⴼ ⵓⵙⵎⵀⵍ  ⵏ ⵉⵙⵏⵎⴰⵍⴰⵜⵏ ⵉⵙⵜⵕⴰⵜⵉⵊⵉⵢⵏ ⵏ ⵓⵖⴰⵡⴰⵙ, ⵎⴽⵉⵏⵏⴰ ⵇⴰⴷ ⵜⵉⵍⵉ ⵢⴰⵜ ⵜⵏⵇⵇⵉⵙⵜ ⵜⴰⵙⴳⴰⵡⴰⵏⵜ ⵏ ⵓⵖⴰⵡⴰⵙ ⵏ ⴰⵡⵕⴰⵛ ⴳ ⴽⵓ ⵜⴰⵙⴳⴰ ⵏⵏⴰ ⵅⴼ ⵇⴰⴷ ⵉⴱⴷⴷ  ⵍⵡⴰⵍⵉ ⵏ ⴽⵓ ⵜⴰⵙⴳⴰ  ⵇⴰⴷ ⵜⴱⴷⴷ ⵅⴼ  ⵓⵣⵣⵓⴳⵣ ⴰⵎⴰⴼⴰⵢ ⵏ ⵓⵖⴰⵡⴰⵙ ⴳ ⵓⵙⵎⵉⵔ ⴰⵙⴳⴰⵡⴰⵏ, ⵉⵍⵉⵏⵜ ⴰⵡⴷ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ   ⵏⵏⴰ ⵇⴰⴷ ⵉⵜⵜⵡⴰⵙⴽⴰⵔ ⴳ ⵓⵙⵡⵉⵔ ⵏ ⴽⵓ ⵜⴰⵎⵏⴰⴹⵙ ⵓⵏⵙⵙⵉⵅⴼ ⵏ ⵓⵎⵏⴱⴰⴹ ⵏ ⴽⵓ ⵜⴰⵎⵏⴰⴹⵜ ⵇⴰⴷ ⵜⴱⴷⴷ ⵅⴼ  ⵓⵣⵣⵓⴳⵣ ⴰⵎⴰⴼⴰⵢ ⵏ ⵓⵖⴰⵡⴰⵙ ⴳ ⵓⵙⵎⵉⵔ ⴰⵙⴳⴰⵡⴰⵏ.