ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴳⵔⵎⴰⵡⵙⴰⵙ ⵡⵉⵙⵙ ⵙⵉⵏ ⵅⴼ ⵓⵙⵖⵏⵓ ⵏ ⵓⵎⵉⵔⵓ ⴰⵎⴰⵢⵏⵓ ⵏ ⵓⵙⵖⵍⵍⴰ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⴰⴽⵡⴰⵙ 07 ⵉⴱⵔⵉⵔ 2022, ⴰⴳⵔⴰⵡ ⴰⴳⵎⴰⵡⵙⴰⵙ ⵅⴼ ⵓⵎⵉⵔⵓ ⵏ ⵓⵙⵖⵍⵍⴰ ⴰⵎⴰⵢⵏⵓ, ⵉⵍⵍⴰ ⴷⵉⴽⵙ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⴰⵎⴰⵡⵙⴰⵙ ⴰⴳⵏⵙⴰⵏ, ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴷ ⵓⵏⴼⵍⵓⵙ ⴰⵎⴰⵜⵜⴰⵢ ⵏ ⵜⵏⴱⴰⴹⵜ, ⵎⴰⵙⵙ ⵎⵓⵃⴰⵎⵎⴰⴷ ⵃⴰⵊⵊⵉⵡⵉ , ⴷ ⵜⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵕⴰ ⵍⵎⴰⵏⵚⵓⵕⵉ, ⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵢⴰⵜ, ⴷ ⵜⵡⵓⵔⵉ ⴷ ⵜⵙⵓⴳⴰⵔ, ⵎⴰⵙⵙ ⵢⵓⵏⵙ ⵙⵙⴻⴽⴽⵓⵔⵉ , ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ, ⵎⴰⵙⵙ ⵕⵢⵢⴰⴹ ⵎⵣⵡⴰⵔ, ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵎⴰⵢⵡⴰⵙⴰⵏⵜ, ⵎⴰⵙⵙⴰ ⴼⴰⵟⵉⵎⴰ ⵥⵥⴻⵕⴰ ⵄⵎⵎⵓⵕ , ⴷ ⵓⵎⴰⵡⵙⴰⵙ ⴰⵎⴰⵍⴰⵍ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵖⵍⵍⴰ ⴷ ⵓⵙⵎⵙⴰⴳⴰⵔ ⴷ ⵓⵙⵜⴰⵍ ⵏ ⵜⵔⵜⴰⵢ ⵜⵉⴳⴷⵓⴷⴰⵏⵉ, ⵎⴰⵙⵙ ⵎⵓⵃⵙⵉⵏ ⵍⵊⴰⵣⵓⵍⵉ, ⴷ ⵓⵎⴰⵡⵙⴰⵙ ⴰⵎⴰⵍⴰⵍ ⵖⵓⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⵎⴰⵙⵙ ⴼⴰⵡⵣⵉ ⵍⵇⵊⵄ, ⴷ ⵜⵎⴰⵡⵙⴰⵙⵜ ⵉⵜⵜⵓⵎⴰⴳⵍⵏ ⵙ ⵓⵎⵎⵓⵜⵓⵢ ⴰⵎⴰⵟⵟⵓⵏ ⴷ ⵓⵙⴰⵙⵜⵡⴰ ⵏ ⵜⵎⵙⵙⵓⴳⵓⵔⵜ, ⵎⴰⵙⵙⴰ ⵖⵉⵜⴰ ⵎⵣⵡⴰⵔ.
ⵉⵜⵜⵓⵥⵍⴰⵢ ⵓⴳⵔⴰⵡ ⴰⴳⵔⵎⴰⵡⵙⴰⵙ ⵡⵉⵙⵙ ⵙⵉⵏ ⴳ ⵡⴰⵏⴰⵏ ⵏⵏⵙ, ⵉ ⵓⵙⵜⴰⵍ ⵏ ⵡⴰⵍⴰⵢ ⵉⵜⵜⵓⵣⵎⴻⵎⵎⵏ ⵅⴼ ⵓⵙⵡⵉⵔ ⵏ ⵓⵙⵓⴳⴳⵣ ⴰⵙⴰⵡⵔ ⵉⵙⵉⵍⴰⵏ ⵉⵥⵍⵉⵏ ⵙ ⵓⵙⵎⵀⵍ ⵏ ⵓⵎⵉⵔⵓ ⴰⵙⵖⵍⵍⴰⵏ ⴰⵎⴰⵢⵏⵓ, ⴷ ⵓⵙⵓⵊⴷ ⵏ ⵜⴳⴹⵉⵡⵉⵏ ⵏⵏⴰ ⵉⵙ ⵉⵣⴷⵉⵏ , ⵏⵏⴰ ⵙ ⵇⴰⴷ ⵉⵜⵜⵢⴰⵣⵏ ⵉ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵢⴰⴷⵊ ⵕⴱⴱⵉ.
ⴳ ⵜⵉⵣⵡⵓⵔⵉ ⵏ ⵓⴳⵔⴰⵡ, ⵉⵙⵙⴽⵜⵉⵢ ⵎⴰⵙⵙ ⴰⵏⵙⵙⵉⵅⴼ ⵏ ⵜⵜⵏⴱⴰⴹⵜ ⵜⵉⵏⴷⵉ ⵜⴰⵎⵇⵕⴰⵏⵜ ⵏⵏⴰ ⵉⵡⵛⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵉ ⵓⵙⵖⵍⵍⴰ, ⵙ ⵓⵙⴰⵜⵉⴳ ⵏⵏⵙ ⴷ ⴰⵎⴰⵜⵜⴰⴳ ⵜⴰⵙⵉⵍⴰⵏⵜ ⵉ ⵓⵙⵙⴹⵕⵓ ⵏ ⵜⴳⵎⵉ, ⴷ ⵓⵙⴷⵔⴼ ⵏ ⵡⴰⵍⴰⵢ ⴰⴷⵎⵙⴰⵏ, ⵉⵙⴽⵜⵉ ⵙ ⵉⵙⵡⴰⵍⴰⵜⵏ ⵏ ⴱⴰⴱ ⵏ ⵡⵓⴷⴷⵓⵔ ⴳ ⵢⵉⴳⵔ ⵡⴰⵏⵉⵜⴰ, ⵉⵎⴽⵉⵏⵏⴰ ⵉⵖⵔⴰ ⵙ ⵓⵎⵙⵉⵡⴹ ⵏ ⵓⵙⵓⴳⴳⵣ ⵏ ⵉⵙⵖⵏⴰ ⵉⵎⵢⴰⵏⴰⵡⵏ ⵙ ⵜⵎⴰⵎⴽⵜ ⵏ ⵓⵙⴷⴷⵔⴼ.
