ⴰⴳⵔⴰⵡⴰ ⵏ ⵜⵙⵇⵇⴰⵎⵓⵏⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏ ⵏⵏⵙ 86

• ⴰⵙⵖⵣⵏ ⵅⴼ 8 ⵏ ⵜⵎⵢⴰⵇⵇⴰⵏⵉⵏ ⴷ ⵉⵎⴹⴼⵕⵏ  ⵏ ⵉⵙⵏⴼⴰⵔⵏ ⵉⵎⵙⵙⴰⵔⵓⵜⵏ ⵙ ⵡⵓⴳⴳⴰⵔ ⵏ 5,7 ⵎⵍⵢⴰⵕ ⴷⵔⵀⵎ;
• ⵜⴰⵙⴽⵔⵉⵡⵜ ⵏ ⵡⵓⴳⴳⴰⵔ ⵏ 2469 ⵏ ⵓⵎⵓⵔ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ ⴷ ⵉⴽⴽⴰⵏ ⴰⴱⵔⵉⴷ.

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵡⴰⵙ _ ⵢⵓⵍⵢⵓⵣ 2022 ⴳ ⵕⵕⴱⴰⵟ ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ 86 ⵜⴰⵎⵔⴰⵡ ⴷ ⵚⴹⵉⵚⵜ, ⵙ ⵓⴷⵔⴰⵡ ⵏ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⴷ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵏⵉⵣⴰⵔ ⴱⴰⵔⴰⴽ,  ⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⵏ, ⴷ ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⴷ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⴷ ⵎⴰⵙⵙⴰ ⴼⴰⵟⵉⵣⵣⵀⵔⴰ ⵄⵎⵎⵓⵕ, ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⴷ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴷ ⵎⴰⵙⵙⴰ ⵍⴰⵢⵍⴰ ⴱⵏ ⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ  ⴰⵣⵎⵔⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ,ⵎⴰⵡⴰⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵡⴰⵔ, ⵜⴰⵎⴰⵡⴰⵙⴰⵙⵜ ⵏ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ.
 

ⵜⵣⵔⵓ ⵜⵙⵇⵇⵉⵎⵜ ⵏⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙⵜⵎⴰⵔⴰⵡⵜ ⴷ ⵚⴹⵉⵚⵜ, 10 ⵏ ⵉⵙⵏⴼⴰⵔⵏ ⵏ ⵜⵎⵢⴰⵇⵇⴰⵏⵉⵏ ⴷ ‘ ⵉⵎⴹⴼⵕⵏ ⵏ ⵜⵎⵢⴰⵇⵇⴰⵏⵉⵏ, ⵜⵙⵖⵣⵏ ⴷⵉⴳⵙ  ⵅⴼ 8 ⵏ ⴷⵉⴳⵙⵏ, ⵙ ⵡⴰⵜⵉⴳ ⵏ 5,7 ⵎⵍⵢⴰⵕ ⴷⵔⵀⵎ, ⵏⵏⴰ ⵉⴷⴷⴰⵏ ⴰⴷ ⵉⵙⴽⵔ 2.469 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ ⴷ ⵡⴰⵔⵓⵙⵔⵉⴷ.
ⵉⵔⵡⴰⵔ ⴰⵙⵏ ⵢⵉⴳⵔ ⵏ ⵜⵣⵎⵔⵜ ⵉⵙⵏⴼⴰⵔⵏ ⵏ ⵓⵙⵙⴰⵔⵓ ⵍⵍⵉ ⵅⴼ ⵉⵜⵜⵓⴳ ⵓⵙⵖⵣⵏ, ⵙ ⵡⴰⵜⵉⴳ ⵏ ⵉⵙⵙⴰⵔⵓⵜⵏ ⵉⵜⴰⵡⴹⵏ ⵖⵔ 3.7 ⵎⵍⵢⴰⵕ ⴷⵔⵀⵎ, ⴰⵢⵏⵏⴰⵢ ⵉⵜⵜⴳⴳⵏ ⵓⴳⴳⴰⵔ ⵏ 65% ⴳ ⵜⵎⵓⵜⵜⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵅⴼ ⵜⵙⵣⵖⵏ ⵜⵙⵇⵇⵉⵎⵜ, ⵉⴹⴼⵓⵕ ⵜ ⴳ ⵜⴼⵔⴽⵜ ⵜⵉⵙ ⵙⵏⴰⵜ ⵢⵉⴳⵔ ⵏ ⵉⵣⴰⵖⵓⵣⵏ, ⵙ ⵜⵎⵓⵜⵜⵔⵜ ⵏⵉⵙⵙⴰⵔⵓⵜⵏ 1.5 ⵎⵍⵢⴰⵕ ⴷⵔⵀⵎ, ⴷ ⵢⵉⴳⵔ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ.
ⴷ ⵓⵖⵣⴷⵉⵙ ⵏ ⵓⵙⴽⴰⵔ ⵏ ⵉⵙⵓⵍⴼⵏ ⵏ ⵜⵡⵓⵔⵉ, ⵉⴳⴰ ⵢⵉⴳⵔ ⵏ ⵉⵣⴰⵖⵓⵣⵏ ⵉⴳⵔ ⴰⴷⵙⵍⴰⵏ ⵉ ⵜⵙⴽⵔⵉⵡⵜ ⵏ ⵉⵙⵓⵍⴼⵏ ⵏ ⵜⵡⵓⵔⵉ, ⵙ ⵎⴰ ⴰⵢⴷ ⵉⵜⵜⴳⴳⵏ 1.150 ⵏ ⵓⵎⵓⵔ ⵏ ⵜⵡⵓⵔⵉ ⴷ ⵉⴷⴷⴰⵏ ⴳ ⵓⴱⵔⵉⴷ, ⵙ ⵡⵓⴳⴳⴰⵔ ⵏ 47% ⵙⴳ ⵓⵙⵎⵓⵏ ⵏ ⵡⵓⵟⵟⵓⵏ ⵏ ⵉⵙⵓⵍⴼⵏ ⵏ ⵜⵡⵓⵔⵉ, ⵉⴹⴼⵓⵉⵕ ⵜ ⵉⴷ ⵡⵉⵏ ⵜⵎⴰⵍⵍⴰⵢⵜ, ⴷ ⵡⵉⵏ ⵜⵣⵎⵔⵜ ⴷ ⵜⵎⴳⵓⵔⵉ.
ⴷ ⵡⵓⴳⴳⴰⵔ, ⴳⴰⵏ ⵉⵙⵏⴼⴰⵔⵏ ⴰⵢⵜ ⵜⴷⴳⴰⵔⵜ ⵜⴰⵏⴰⵎⵓⵔⵜ 46% ⵙⴳ ⵓⵙⵙⴰⵔⵓⵜⵏ ⴷ ⵉⴷⴷⴰⵏ ⴳ ⵓⴱⵔⵉⴷ ⵙ ⵡⴰⵜⵜⴰⵢⵏ ⵏ 2.6 ⵎⵍⵢⴰⵕ ⴷⵔⵀⵎ.
ⵙⴳ ⵜⵉⵣⵡⵓⵔⵉ ⵏ ⵍⵡⵍⵉⵢⴰⵏ ⵜⵏⴱⴰⴹⵜ ⴰⴷ, ⵜⵜⵡⴰⴳⵏⵜ - ⵏ ⵜⵙⵓⵜⴰⵍ ⵉ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ, ⵉⵙⵙⵓⵔⴼⵏ ⵉ ⵓⵙⵣⵖⵏ ⵅⴼ 58 ⵏ ⵓⵙⵏⴼⴰⵔ ⵏ ⵜⵎⵢⴰⵇⵇⴰⵏⵜ ⴷ ⵉⵎⴹⴼⵕⵏ ⵙ ⵡⴰⵜⵉⴳ ⴰⵎⵙⵎⵓⵏ  ⵏ 39,1 ⵎⵍⵢⴰⵕ ⴷⵔⵀⵎ ⴷ ⵜⵉⴳⴳⵉ ⵏ 16.800 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ ⴷ ⵡⴰⵔⵓⵙⵔⵉⴷ, ⴷ ⵜⵉⴳⴳⵉ ⵏ ⵜⵏⵎⵎⴰⵍⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ  ⵉⵇⵇⵏ ⵖⵔ ⵉⴳⴳⵉ ⵏ ⵓⵙⵙⴰⵔⵓ ⴷ ⴰⵏⵎⵓⵙⵙⵓ ⵏ ⵜⴳⵎⵉ ⵜⴰⵙⵓⵙⵢⵓ-ⴷⵎⵙⴰⵏⵜ ⵉ ⵜⴳⵍⴷⵉⵜ