ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵡⴰⴽⵕⴰⵙ ⴰⴳⵔⴰⵡ  ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⵍⵍⵉ ⴷⴰⵔ ⵢⴰⵏ ⵡⴰⴷⴷⵓⵔ ⵓⵅⴰⵜⵔⵏ ⵖⵓⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵙ ⵓⵙⵎⵙⴰⵙⴰ ⵙ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⴰⵙⵜⵉ ⵓⵟⵟⵓⵏ 06.22 ⵉⵥⵍⵉⵏ ⵙ ⵜⵖⴰⵡⴰⵙⵜ ⵏ ⵜⴷⵓⵙⵉ ⵜⴰⵏⴰⵎⵓⵔⵜ.
ⵢⵉⵡⵉⵏ ⴷ ⴳ ⵓⴳⵔⴰⵡ ⴰⴷ ⵅⴼ ⵜⵎⵙⵔⴰⵢⵉⵏ ⵜⵉⵙⵜⵕⴰⵜⵉⵊⵉⵏ ⵉⵣⴷⵉⵏ ⵙ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⵍⵍⵉ ⵉⵜⵜⵓⵙⴽⴰⵔⵏ ⵙ ⵓⵙⵍⴳⵏ ⴰⵙⵜⵉ ⵓⵟⵟⵓⵏ 06.22 ⴷ ⵓⵙⵖⵥⵏ ⵏ ⵓⵖⴰⵡⴰⵙ ⴰⵙⴳⴳⵯⵙⴰⵏ ⵏ ⵜⵡⵓⵔⵉ ⵏⵏⵙ ⴷ ⵜⵎⵙⴰⵙⵍⵜ ⵏⵏⵙ ⵏ ⵓⵙⴳⴳⵯⴰⵙ 2025 ⴷ ⵓⵙⵖⵥⵏ ⵏ ⵓⵙⵇⵇⵉⵎ ⵅⴼ ⴰⵥⵟⵟⴰ ⴰⵎⴰⴷⴷⴰⵙ ⵏ ⵜⵙⵏⵓⵔⴰⵢⵜ ⴷ ⵓⵏⴳⵔⴰⵡ ⴰⴷⵙⵍⴰⵏ ⵉⵎⵥⵍⵉⵢ ⴷ ⵉⵙⵎⵡⵓⵔⵉⵏ ⵏⵏⵙ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ  ⵙ ⵡⴰⵜⵉⴳ ⵉⵍⵍⴰⵏ ⵖⵓⵔ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⵃⵎⴰ ⴰⴷ ⵜⴳⴰ  ⵢⴰⵏ ⵓⵏⴱⴷⴰⴷ ⴰⴷⵙⵍⴰⵏ ⵏ ⵜⴳⵓⵍⴷⴰ ⵏ ⵉⵙⴰⴼⴰⵔⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵣⴰⵢⴷ ⵉⵏⵏⴰ ⴰⴷⴷⴰⵖ ⵉⵍⵍⴰⵏ ⵖⵓⵔ ⵉⵙⴰⴼⴰⵔⵏ ⵉⵣⵔⵉⵏ ⵉⵥⵉⵕ ⴰⴷⵎⵙⴰⵏ  ⵙ ⵓⵙⵡⵉⵔ ⴰⵥⵕⴼⴰⵏ ⴷ ⵓⵏⴰⵎⵓⵏ ⴷ ⵔⴰⴷ ⴰⴷ ⵜⴰⵡⵙ ⴳ ⵓⵙⵉⴷⴼ ⵙ ⵉⵙⴰⴼⴰⵔⵏ ⵙ ⵜⵖⴰⵔⴰⵙⵜ ⵏ ⵓⵏⴳⵉⴷⴷⵉ ⵉ ⵉⵙⵎⵉⵍⵏ ⴰⴽⴽⵯ ⵏ ⵡⴰⵎⵓⵏ.
ⵉⴳⴰ ⵓⴹⴰⴽⴰⵍ ⵏ ⵜⵙⵏⵓⵔⴰⵢⵜ ⴰⵙⵓⵊⴷ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⴷ ⵓⴹⴰⴽⴰⵍ ⵏ ⵓⴼⵔⴰ ⵏⵏⵙ ⴷ ⵓⵙⵖⵓⴷⵓ ⵏⵏⵙ ⴷ ⵓⴹⴼⵉⵔⴰⵙⵓⵍⴰⵏ  ⵏ ⵡⴰⵜⵉⴳ ⵏ ⵉⵙⴰⴼⴰⵔⵏ. ⵢⵉⵍⵉ ⴰⵡⴷ ⵜⵉⴹⴰⴼ ⴷ ⵓⵎⵙⴰⵙⴰ ⵏ ⵉⵎⵓⴽⵔⵉⵙⵏ ⵙ ⵓⵣⵔⵔⴰⵢ ⵏ ⵜⵡⵓⵔⵉ ⴷ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵓⵙⵎⵖⵔ ⵏ ⵓⵙⵡⵓⵔⵉ ⵙ ⵉⵙⴰⴼⴰⵔⵏ ⵉⵎⴰⵏⴰⵡⵏ ⴷ ⵉⵎⴰⵔⵡⴰⵙⵏ ⵉⵎⴰⵢⵏⵓⵜⵏ ⵃⵎⴰ ⴰⴷ ⵢⵉⵍⵉ ⵓⵙⴳⴳⴷ ⵜⵓⴽⴽⵉⵜⵉⵏ ⴷ ⵓⵙⴷⵓⵙ ⴰⴷⵎⵙⴰⵏ.