ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⴽⵔ ⴰⵏⵎⵓⵇⵇⴰⵔ ⵙ ⵜⴱⵔⵉⴷⵜ ⵏ ⵜⴻⵜⵉⵇⵏⵉⵢⵜ ⵏ ⵡⴰⴼⵉⴷⵢⵓ ⴰⴽⴷ ⵉⵙⵎⴷⴰⵢⵏ ⵏ ⵓⴼⵏⵉⵇ ⴰⵎⴰⴹⵍⴰⵏ ⵏ ⵉⵇⴰⵕⵉⴹⵏ, ⵙ ⵢⵉⵍⵉ ⵏ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴰⴼ, ⵏⵏⴰ ⵉⵜⵜⵓⵙⵎⴷⴰⵢⵏ ⵙ ⵜⵎⴰⵀⵍⴰ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵢⵜ.
ⵉⵙⵙⴽⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 09 ⴷⵓⵊⴰⵏⴱⵉⵔ, ⵢⴰⵏ ⵓⵏⵎⵓⵇⵇⴰⵔ ⵙ ⵜⴱⵔⵉⴷⵜ ⵏ ⵜⴻⵜⵉⵇⵏⵉⵢⵜ ⵏ ⵡⴰⴼⵉⴷⵢⵓ ⴰⴽⴷ ⵉⵙⵎⴷⴰⵢⵏ ⵏ ⵓⴼⵏⵉⵇ ⴰⵎⴰⴹⵍⴰⵏ ⵏ ⵉⵇⴰⵕⵉⴹⵏ, ⵙ ⵢⵉⵍⵉ ⵏ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴰⴼ, ⵏⵏⴰ ⵉⵜⵜⵓⵙⵎⴷⴰⵢⵏ ⵙ ⵜⵎⴰⵀⵍⴰ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵢⵜ. ⴼⴽⴰⵏ ⵉⵙⵎⴷⴰⵢⵏ ⵏ ⵓⴼⵉⵏⵉⵇ ⴰⵎⴰⴹⵍⴰⵏ ⵏ ⵉⴷⵔⵉⵎⵏ ⵉⵙⴼⵍⵓⵜⵏ ⵏⵏⵙⵏ ⵏⵏⴰ ⵉⵥⵍⵉⵏ ⵙ ⵜⵣⵔⴰⵡⵜ ⵏ ⵓⴱⵓⵖⵍⵍⵓ ⵏ ⵡⴰⴷⴷⴰⴷ ⴰⴷⵎⵙⴰⵏ ⴳ ⵜⴳⵍⴷⵉⵜ ⴷ ⵜⵙⵔⵜⴰⵜⵉⵏ ⵜⵉⴷⵎⵙⴰⵏⵉⵏ ⵏⵏⴰ ⵉⵜⵜⵓⴳⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵏⴱⴰⴹⵜ.
ⴳ ⵓⵏⵎⵓⴳⴳⴰⵔ, ⵉⴱⴷⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙ ⵉⵙⵙⵏ ⵍⵎⵖⵔⵉⴱ ⴳ ⵓⵣⵎⵣ ⴰⴷ ⵢⴰⵜ ⵜⵉⵣⵉ ⵜⴰⴷⵉⵎⵓⵇⵔⴰⵜⵉⵢⵜ ⵉⵙⵙⴰⵡⵀⵎⵎⴰⵏ ⵍⵍⵉ ⵉⵜⵜⵓⵙⴼⵔⴰⵙⵏ ⵙ ⵜⴷⵔⴰⵡⵜ ⵜⴰⵎⵇⵇⵔⴰⵏⵜ ⴳ ⵜⵙⵜⴰⵢⵉⵏ ⵜⵓⵣⵔⵉⴼⵉⵏ ⴷ ⵜⴷⵖⵔⴰⵏⵉⵏ ⴷ ⵜⵏⵎⵏⴰⴹⵉⵏ ⵜⵉⵎⴳⴳⵓⵔⴰ, ⵏⵏⴰ ⴳ ⵙⵏⴼⵍⴻⵍⵏ ⵉⵎⵣⴷⴰⵖ ⵙ ⵢⴰⵜ ⵜⵎⴰⵎⴽⵜ ⵜⴰⴷⵉⵎⵓⵇⵕⴰⵟⵉⵢⵜ ⵅⴼ ⵉⵏⴰⵔⵓⵣⵏ ⵏⵏⵙⵏ ⴷ ⵢⴰⵜ ⵜⵉⵔⵉⵜ ⵜⴰⴽⵙⵡⴰⵜ ⴳ ⵓⵙⵏⴼⵍ.
ⵉⵙⵙⵓⴳⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⴷ “ ⴷⴷⴰⵡ ⵏ ⵓⵃⵔⴰⵢ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵕⴱⴱⵉ ⴰⴷ ⵜ ⵢⴰⵊⵊ, ⴰⵔ ⵜⵙⵡⵓⵔⵉ ⵜⵏⴱⴰⴹⵜ ⴰⵢⴷⴷⵖ ⵜⴳⴰ ⵜⴰⵏⴱⴰⴹⵜ ⴰⵎⵣⵣⴳⵔⴰⵏⵜ ⵅⴼ ⵓⵣⵣⵓⴳⵣ ⵏ ⵜⴰⵏⵏⴰⵢⵜ ⵜⴰⵎⴽⴰⵢⵍⴰⵍⵜ ⵏⵏⴰ ⵢⴰⴽⴽⴰⵏ ⵜⵉⵎⵔⴰⵔⵓⵜⵉⵏ ⵉ ⵓⵢⵏⵏⴰ ⵔⴰⵏ ⵉⵎⵖⵔⴰⴱⵉⵢⵏ”. ⴳ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⴰⴷ ⴷ ⵢⵓⵙⴰⵏ, ⴷ ⵜⵙⵡⵜⵜⴰ ⵉ ⵎⴰⵏ ⴰⵢⴰ ⵜⵉⵣⵡⴰⵔⵉⵏ ⵜⵉⴳⵊⴷⴰⵏⵉⵏ ⵍⵍⵉ ⵉⵔⴰⵏ ⴰⴷ ⵉⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴷ ⵓⵃⵟⵟⵓ ⴰⵏⴰⵎⵓⵏ ⴷ ⵓⵙⵙⵍⵎⴷ ⴷ ⵓⵙⵡⵓⵔⵉ ⴷ ⵜⵏⵎⴰⵀⵍⴰ.
ⵉⵙⵙⴼⵔⴰ ⵓⵏⵎⵀⴰⵍ ⴰⵎⵣⵣⴳⴰⵔ ⵏ ⵓⴼⵏⵉⵇ ⴰⵎⴰⴹⵍⴰⵏ ⵏ ⵉⴷⵔⵉⵎⵏ ⵎⴰⵙⴷ ⴰⴽⴰⵎ ⵏ ⵓⵙⵖⵍⵍⴰ ⵉⵥⵍⵉⵏ, ⴷ ⵜⴰⵡⵙⴰ ⵏ ⵜⵎⵣⵡⴰⵔⵜ ⵏ ⵜⵡⵓⵔⵉⵡⵉⵏ, ⴷ ⵓⴷⵡⴰⵍ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ- ⵎⴰⵏ ⴰⵢⴰ ⴽⵓⵍ ⴳⴰⵏⵏ ⵉⵙⵏⴼⴰⵔⵏ ⵏⵏⴰ ⵜⵔⵣⵎ ⵜⵏⴱⴰⴹⵜ ⵃⵎⴰ ⴰⴷ ⵜⵙⵉⵣⵣⵍ ⵉⴼⵔⵉⵙⵏ ⵉⴷⵓⵙⴰⵏⵏ ⴳ ⵓⵣⵎⵣ ⵏ ⵜⴰⵙⵙⴰⵜ ⵜⴰⴷⵓⵙⴰⵏⵜ ⵜⴰⵎⴰⴹⵍⴰⵏⵜ- ⵉⴷⵙⵏ ⵉⵙⵖⴰⵏⵏ ⵏⵏⴰ ⵖⵓⵔ ⵎⵉ ⵇⴰⴷ ⵢⵉⵍⵉ ⴱⵍⴰ ⵜⵓⵔⴷⴰ ⵉⴷⵔⵉⵙⵏ ⵉⴼⵓⵍⴽⵉⵏ ⵏ ⵓⴱⵓⵖⵍⵓ ⵏ ⵉⵎⵢⴰⵙⵏ ⵉⴷⵓⵙⴰⵏⵏ ⴷ ⵓⵏⵏⴱⴹ ⴳ ⵓⵎⵔⵡⴰⵙ ⴰⴳⴷⵓⴷⴰⵏ.