ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷⴰ ⵉⵙⴱⵔⵔⴰⴽ ⵙ ⵓⵏⵙⵎⵉⵔⵉ ⵢⴰⵜⵜⵓⵢⵏ ⵏ ⵓⵙⵖⵉⵡⵙ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ , ⴰⵙⵙ ⵏ ⵓⵙⵉⵏⴰⵙ 30 ⵎⴰⵢⵢⵓ 2022, ⵎⴰⵙⵙ ⴰⵃⵎⴰⴷ ⵍⵃⵍⵉⵎⵉ ⴰⵙⵎⵉⵔ ⴰⵎⵇⵇⵔⴰⵏ ⵏ ⵓⵙⵖⵉⵡⵙ ⵢⵉⵍⵉ ⴰⴽⴷ ⵢⴰⵏ ⵓⴽⴰⴱⴰⵕ ⵏ ⵉⵙⴱⴷⴰⴷⵏ ⵏ ⵜⵙⵎⵉⵔⵜ.
ⴳ ⵓⵏⵎⵓⵇⵇⴰⵔ ⵉⵜⵜⵓⵙⵎⵔⴰⵔⴰ ⵡⴰⵡⴰⵍ ⵅⴼ ⵉⵙⵔⵓⵏ ⵉⵎⵇⵇⵔⴰⵏⵏ ⴷ ⵉⵙⵖⵏⵓⵜⵏ ⵏⵏ ⵇⴰⴷ ⵜⵣⵣⴳⵉⵔ ⵜⵙⵎⵉⵔⵉⵜ ⵜⴰⵎⵇⵇⵔⴰⵏⵜ ⵏ ⵓⵙⵖⵉⵡⵙ, ⵏⵏⴰ ⵇⴰⴷ ⵢⴰⵡⵙ ⴳ ⵜⵏⴽⵔⴰ ⵏ ⵜⵡⵓⵔⵉ ⵏ ⵜⵎⵔⵙⴰⵍ, ⴰⵢⴷⴷⵖ ⵉⵜⵜⵓⵙⵎⵔⴰⵔⴰ ⵡⴰⵡⴰⵍ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵏⵏ ⵉⵣⴷⵉⵏ ⵙ ⵜⵎⵎⴰⴽ ⵏ ⵓⵙⵖⵓⴷⵓ ⴷ ⵓⵙⴱⵓⵖⵍⵍⵓ ⵏ ⵜⵡⵓⵔⵉ ⵏ ⵜⵙⵎⵉⵔⵉⵜ ⴷ ⵓⵙⴷⵓⵙ ⵏ ⵜⵎⵎⴰⴽⵉⵏ ⵏ ⵓⵣⴷⴰⵢ ⴳⵔ ⵜⵎⵔⵙⴰⵍ ⵏ ⵓⵡⵏⴰⴽ ⵉⵎⵢⴰⵏⴰⵡⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴰ ⵏⵏⴰ ⵉⵣⴷⵉⵏ ⵙ ⵜⵏⴼⴽⵉⵡⵉⵏ ⴷ ⵜⵏⵎⵎⴰⵍⵉⵏ ⵏ ⵓⵙⵉⴹⵏ.
ⵎⴽⵉⵏⵏⴰ ⵉⴳⴰ ⵓⵏⵎⵓⴳⴳⴰⵔ ⴰⴷ ⵢⴰⵏ ⵓⵎⵡⴰⵊⴱ ⵏⵏⴰ ⴳ ⵎⵔⴰⵔⴰⵏ ⵅⴼ ⵡⵓⴷⴷⵓⵔ ⵏ ⵜⵡⵓⵔⵉ ⵏⵏⴰ ⵜⵙⵙⴽⴰⵔ ⵜⵙⵎⵉⵔⵉⵜ ⵜⴰⵎⵇⵇⵔⴰⵏⵜ ⴰⵢⴷⴷⵖ ⵜⴳⴰ ⵢⴰⵜ ⵜⴰⵎⵎⴰⴽⵜ ⵏ ⵜⵏⴰⵔⴰ ⴷ ⵓⴹⴼⵓⵕ ⵉⵣⴷⵉⵏ ⵃⵎⴰ ⴰⴷ ⵜⵜⵓⵙⴱⵓⵖⵍⵍⵓⵏⵜ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴷ ⵉⵎⵓⴽⵔⵉⵙⵏ ⴷ ⵢⵉⴳⵔⴰⵏ ⴷ ⵜⵎⵎⴰⵍⵉⵏ ⴰⵎⵎⴰⵙ ⵏ ⵡⴰⵎⵓⵏ, ⴰⵢⵏⵏⴰ ⵉⵣⵎⵔⵏ ⴰⴷ ⵢⴰⵡⵙ ⵜⵏⴱⴰⴹⵜ ⵅⴼ ⵓⵙⴱⵓⵖⵍⵍⵓ ⵏ ⵓⵙⵏⴼⴰⵔ ⴷ ⵜⵉⴽⴽⵉ ⵏ ⵉⴼⵙⵙⴰⵢⵏ ⴷ ⵢⵓⵙⴰⵏ ⵉⴼⵓⵍⴽⵉⵏ.
