ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵏⵎⴰⵍⴰ ⴰⴳⵔⴰⵡ ⴰⵎⴰⵡⵙⴰⵏ ⵅⴼ ⵓⵃⵟⵟⵓ ⴰⵏⴰⵎⵓⵏ
ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⴰⵙⵉⵏⴰⵙ 07 ⵢⵓⵏⵢⵓ 2022, ⴳ ⵓⵙⵖⵉⵎ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵢⴰⵏ ⵓⴳⵔⴰⵡ ⴰⵎⴰⵡⵙⴰⵏ ⵅⴼ ⵓⵙⴰⵔⴰⵡ ⵏ ⵓⵃⵟⵟⵓ ⴰⵏⴰⵎⵓⵏ, ⵙ ⵜⵉⵍⵉⵜ ⵏ ⵉⴷ ⵎⴰⵙⵙ ⴷ ⵉⴷ ⵎⴰⵙⵙⴰ, ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⵎⴰⵙⵙⴰ ⵏⴰⴷⵢⴰ ⴼⵜⴰⵃ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⵃⵟⵟⵓ ⴰⵏⴰⵎⵓⵏ, ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴷ ⵓⵎⴰⵡⵙⴰⵙ ⴰⵎⴰⵍⵍⴰⵍ ⵖⵓⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⵎⴰⵙⵙ ⴼⴰⵡⵣⵉ ⵍⵇⵊⵄ, ⴷ ⴰⵡⴷ ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵓⴹⴰⴽⴰⵍ ⴰⵏⴰⵎⵓⵏ, ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ
ⵢⵓⵛⴽⴰ ⴷ ⵓⴳⵔⴰⵡ ⴰⴷ, ⴳ ⵓⵙⴰⵜⵉ ⵏ ⵜⵥⵓⵥⵜ ⵏ ⵜⴰⵏⴱⴰⴹⵜ ⵅⴼ ⵓⴹⴼⴼⵓⵕ ⵏ ⵓⵙⵓⴳⴳⵣ ⴰⵙⴰⵔⴰⵡ ⵏ ⵓⵃⵟⵟⵓ ⴰⵏⴰⵎⵓⵏ ⴷ ⵉⴱⴷⴷⵉ ⵅⴼ ⵓⵣⵔⴰⴳ ⵡⴰⵍⴰⵢ ⵏ ⵜⵡⵓⵔⵉⵡⵉⵏ ⵙ ⵓⵡⵇⵇⵕ ⴰⵖⴰⵡⴰⵙ ⴰⴽⵓⴷⴰⵏ ⵉⵜⵜⵓⴳⵍⵉⵏ.
ⴼⴼⵉⵔ ⴰⵙⵎⵎⴳⵏⵜ ⵏ ⵜⵉⵖⵍⴰⴼ ⵢⴰⵜⵜⵓⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵢⴰⴷⵊ ⵕⴱⴱⵉ, ⴳ ⵎⴰⴷ ⵉⵣⵉⴷⵏ ⵙ ⵓⵙⵎⴰⵜⴰ ⵏ ⵓⵃⵟⵟⵓ ⴰⵏⴰⵎⵓⵏ ⵅⴼ ⵓⵎⴰⵜⴰ ⵏ ⵉⵎⵖⵔⴰⴱⵉⵢⵏ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⴷ ⴰⵙⵓⴳⴳⵣ ⵏ ⵓⵙⵖⵏⵓ ⴰⴷ ⴰⵏⴰⵎⵓⵏⴰⵏ ⵉⵙⵜⴰⵡⵀⵎⵎⴰⵏ ⵔⴰⴷ ⴷⴰⵔⵙ ⵜⵉⵍⵉ ⵜⵎⴰⵜⴰⵔⵜ ⵏ ⵓⵙⵔⵉⴷ ⴰⴽⵎⴰⵎ ⴳ ⵓⵙⵖⵓⴷⵓ ⵏ ⵜⵎⵙⵓⵜⴰⵍ ⵏ ⵜⵓⴷⵔⵜ ⵏ ⵉⵏⴰⵎⵓⵔⵏ, ⴷ ⵓⵏⵀⵍⵍⴰ ⴳ ⵡⵓⴷⵎ ⵏ ⵎⴰⵕⵕⴰ ⵉⵎⵖⵔⴰⴱⵉⵢⵏ ⴷ ⵓⵙⴽⵯⵓ ⵓⵡⴰⵏⴽ ⴰⵏⴰⵎⵓⵏ
ⵉⵖⵔⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵕⵕⴰ ⵉⴳⵔⴰⵏ ⵏ ⵉⵏⴱⴰⴹⵏⴻⵏ ⴰⵣⵏⵥⵉ ⵏ ⵜⵣⵎⵎⴰⵔ ⴷ ⵓⵙⴷⴷⵔⴼ ⵏ ⵓⵙⵓⴳⴳⵣ ⵏ ⵓⵙⴰⵔⴰⵡ ⵏ ⵓⵃⵟⵟⵓ ⴰⵏⴰⵎⵓⵏ ⵎⴽⵉⵏⵏⴰ ⵜ ⵉⵅⵙ ⵓⴳⵍⵍⵉⴷ ⴱⴰⴱ ⵏ ⵡⵓⴷⴷⵓⵔ ⴰⴷ ⵜ ⵢⴰⴷⵊ ⵕⴱⴱⵉ.
