ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⵙⴰⵜⵉ ⵅⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵜⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ ⴳ ⵓⵎⵏⵉⴷ ⵏ ⵓⵙⴳⴳⵯⴰⵙ 2025
- ⵉⵜⵜⵓⴼⴽⴰ ⵢⴰⵏ ⵓⵏⵛⵛⴽ ⴰⵥⵕⴼⴰⵏ ⵢⵓⵡⴹ 4 ⵎⵍⵢⴰⵕ ⵏ ⴷⴷⵔⵀⵎ ⵅⴼ ⵓⵎⵏⵉⴷ ⵏ ⵙⵎⵎⵓⵙ ⵏ ⵉⵙⴳⴳⵯⴰⵙⵏ
- ⴰⵙⵔⵓⵙ ⵏ ⵓⵜⵡⴰⵍ ⴰⵎⴰⵏⵢⵏⵓ ⵏ ⵓⵙⵎⵓⵜⵜⴳ ⴰⵙⵉⵍⴰⵏ ⴷⵉⴽⵙ 5 ⵏ ⵉⵙⴳⴳⵯⴰⵙⵏ
ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ ⴰⵢⵏⴰⵙ 13 ⵢⵓⵏⵢⵓ 2022 ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⵙⴰⵜⵉ ⵅⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⵙⵎⵓⵜⵜⴳ ⵏ ⵜⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵏ ⵉⵙⵍⵎⴷ ⴰⵎⵣⵓ ⴷ ⵓⵙⵉⵏⴰⵏ ⴳ ⵓⵎⵏⵉⴷ ⵏ ⵓⵙⴳⴳⵯⴰⵙ 2025,
ⵜⵜⵓⵙⴽⵎⴹ ⵊⴰⵔ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⴷ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ
ⵢⵓⵛⴽⴰ ⴷ ⵓⵖⴰⵡⴰⵙ ⴰⴷ ⴰⵙⵓⵎⵎⵏ ⵉ ⵓⵏⵀⵍⵍⴰ ⴰⵎⴰⵜⵜⴰⵢ ⵏ ⵉⵛⵡⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵢⴰⴷⵊ ⵕⴱⴱⵉ ⵢⴰⵡⵙ ⴰⵙ ⵉ ⵜⵎⵙⴰⵔⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⴻⵣⵣⵓ ⵙ ⵎⵉⵏⵜⵉ ⵏⵉⵜⵏⵉ ⴷ ⵜⴰⵎⴰⵜⴰⴳⵜ ⵜⴰⵙⵉⵍⴰⵏⵜ ⵏ ⵓⵙⵖⵔⵜ ⵏ ⵓⴼⵔⴷⵉⵙ ⴰⵏⴰⴼⴳⴰⵏ ⴷ ⵓⴳⵊⴷⵉ ⴰⴽⵓⵎⴰⵏ ⴳ ⵓⵙⵖⵏⵓ ⴰⵏⴳⵎⴰⵏ, ⴷ ⵓⵣⵣⴳⵉⵔ ⵏ ⵉⵙⴱⴷⴰⴷⵏ ⵏ ⵓⵙⵍⴳⵏ ⴰⵙⴰⵜⵉ ⵓⵟⵟⵓⵏ 51-17 ⵉⵣⴷⵉⵏ ⵙ ⵓⵏⴰⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⴻⵣⵣⵓ ⴷ ⵓⵣⵓⵔⵜ ⵏⴳⵎⴰⵏ ⴰⵎⴰⵢⵏⵓ, ⵏⵏⴰ ⵉⴳⴰⵏ ⴰⵍⴰⵢ ⵏ ⵓⵙⵡⵉⵔ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵙ ⵓⵙⵎⵓⵜⵜⴳ ⴷ ⵓⵏⵀⵍⵍⴰ ⴷ ⵓⴽⴰⵎ ⵉⴳⴰ ⴰⵙⴰⴷⴼ ⴰⵙⵉⵍⴰⵏ ⵉ ⵓⵙⵙⵉⵍⵢ ⵏ ⵜⵉⵕⵡⵉ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⴰⵎⵓⵔⵜ ⵏⵏ, ⴰⵢⴰ ⵙ ⴰⵙⵔⵙⵓ ⵏ ⵓⵜⵡⴰⵍ ⴰⵎⴰⵢⵏⵓ ⵏ ⵓⵙⵎⵓⵜⵜⴳ ⴰⵙⵉⵍⴰⵏ ⴳ 5 ⵏ ⵉⵙⴳⴳⵯⴰⵙⵏ, ⴰⵔ ⵉⵜⵜⵓⵙⵎⵓⵜⵜⴳ ⴷⵉⴽⵙ ⴳ ⴽⵔⴰⴹⵜ ⵉⵙⴰⵢⵔⴰⵔⵏ ⵉⵎⵙⵎⴰⴷⵏ ( ⴰⵙⵎⵓⵜⵜⴳ ⴰⵙⵉⵍⴰⵏ ⴳ ⵉⵙⴰⴽⴰⵜⵏ ⵏ ⵜⵓⵔⴰⴳⵜ ⴳ ⵓⵙⴳⵎⵉ ⴳ ⵜⵎⵔⵙⴰⵍ ⵜⵉⵖⵉⵡⴰⵏⵉⵏ ⵜⵉⵎⵥⵍⴰⵢ, ⴷ ⵓⵙⵖⵔⵜ ⴰⵣⵣⵓⵍⴰⵏ ⴳ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵜⵓⵣⵣⵓⵍⵉⵏ ⵏ ⵓⵙⴳⵎⵓ ⴷ ⵓⵙⵎⵓⵜⵜⴳ, ⴷ ⵓⵙⴰⵏⵓⵏ ⴳ ⵜⵎⵔⵙⴰⵍ ⵏ ⵓⵙⵍⵎⴷ )
ⵙ ⵎⴰⵏⴰⵢⴰ ⵉⵙⵡⵓⵜⵜⵙ ⵓⵖⴰⵡⴰⵙ ⴰⴷ ⴰⵙⵉⴷⵎⵔ ⴰⵙⵙⴰⵔⵏ ⵏⵏ ⴷⵖⵉ ⴷ ⵡⵉⵏ ⵢⵉⵎⴰⵍ ⴳ ⵜⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⴳ ⵎⴰⵕⵕⴰ ⵜⵉⵎⵥⵍⴰⵢ ⵏ ⵉⵙⴰⴽⴰⵜⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ, ⴷ ⵜⵉⴳⴳⵉ ⵏ ⵓⵙⴰⴽⴰ ⵏ ⵜⵓⵔⴰⴳⵜ ⴳ ⵓⵙⴳⵎⵉ ⵜⵉⵔⵙⵍⵜ ⵜⴰⵙⵓⵍⴰⵏⵜ ⵉ ⵡⴰⴷⴰⴼ ⵏ ⵜⵓⵣⵣⵓⵍⵉⵏ ⵏ ⵓⵙⵍⵎⴷ , ⴰⵢⴰ ⵙ ⵓⵙⵙⵉⵍⵢ ⵏ ⵡⵓⵟⵟⵓⵏ ⵏ ⵡⴰⵡⴰⵢ, ⴷ ⵓⵙⵖⵓⴷⵓ ⴷ ⵓⵙⴼⴰⵍⴽⵉ ⵏ ⵜⵉⵕⵡⵉ ⵏ ⵓⵙⵎⵓⵜⵜⴳ ⴰⵙⵉⵍⴰⵏ
ⵉⵣⴷⴰⵡ ⵓⵣⵎⵣ ⵏ ⵓⵖⴰⵡⴰⵙ ⴰⴷ ⵉ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⴷ ⵜⵥⵍⵉ ⴰⵙ ⵜⵏⴱⴰⴹⵜ ⵢⴰⵏ ⵏ ⵓⵥⵔⴷ ⴽⴽⵓⵥ ⵎⵍⵢⴰⵕ ⵏ ⴷⵔⵀⵎ.
