ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵖⴼ ⵜⵎⵙⵙⴽⵜⵉⵜ ⵏ ⵓⵎⵙⵔⵎⴰⵙ ⵏ ⵓⵎⵙⴰⵙⴰⵜⵏ ⵏ ⵜⵓⵛⵛⵔⴽⴰ ⴳⵔ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⵏ ⵓⵙⵔⵓⵙ ⵏ ⵓⵙⵔⵙ ⵏ ⵓⵙⴰⴹⴼⵉⵔ ⵏ ⵡⴰⵎⴰⵏ ⵏ ⵢⵉⵍⵍ ⴷ ⵜⴼⵔⴽⴰ ⵏ ⵡⴰⴹⵓ ⴳ ⴷⴷⴰⵅⵍⴰ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵖⴼ ⵜⵎⵙⵙⴽⵜⵉⵜ ⵏ ⵓⵎⵙⵔⵎⴰⵙ ⵏ ⵓⵎⵙⴰⵙⴰⵜⵏ ⵏ ⵜⵓⵛⵛⵔⴽⴰ ⴳⵔ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⵏ ⵓⵙⵔⵓⵙ ⵏ ⵓⵙⵔⵙ ⵏ ⵓⵙⴰⴹⴼⵉⵔ ⵏ ⵡⴰⵎⴰⵏ ⵏ ⵢⵉⵍⵍ ⴷ ⵜⴼⵔⴽⴰ ⵏ ⵡⴰⴹⵓ ⴳ ⴷⴷⴰⵅⵍⴰ
ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 22 ⵢⵓⵏⵢⵓ 2022 ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵙⵙⴽⵜⵉⵜ ⵏ ⵓⵎⵙⵔⵎⴰⵙ, ⴳⵔ ⵎⴰⵙⵙ ⵎⵉⵓⵃⵎⵎⴰⴷ ⵚⵉⴹⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵜⵔⵉⵙⵉⵏⵜⵉ ⴷ ⵡⴰⵎⴰⵏ ⵏ ⵜⵉⵙⵙⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ DAWEC ⵉⵀⵎⵎⴰⵏ ⴰⵙⵃⴷⵓⴷⵉ ⵏ ⵡⴰⵎⴰⵏ ⵏ ⵓⵙⴻⵙⵙⵉ ⵉ ⵓⵣⴰⵔⵓ ⵉⵍⴽⵎⵏ 5000 ⵀⵉⴽⵟⴰⵕ, ⵓⵍⴰ ⴰⵎⴰⵏ ⵏ ⵜⵉⵙⵙⵉ ⵉ ⵜⵖⵔⵎⵜ ⵏ ⴷⴷⴰⵅⵍⴰ ⴷ ⵜⵙⴳⴳⵯⵉⵏ ⴰⵙ ⵉⵏⵎⴰⵍⴰⵏ, ⴰⵏⵓ ⵉⵏⵥⵕⴰⵏ ⴷ ⵓⴼⵜⵉⵙ ⴰⵎⴰⵢⵏⵓ ⵏ ⴷⴷⴰⵅⵍⴰ ⴰⵟⵍⴰⵚⵉ ⵙ ⵓⵙⵔⵓⵙ ⵏ ⵓⵙⵔⵙ ⴰⵎⴰⵢⵏⵓ ⵏ ⵓⵙⴰⴹⴼⵓⵜ ⵏ ⵡⴰⵎⴰⵏ ⵏ ⵢⵉⵍⵍ, ⵉⵎⴽⵉⵍⵍⴰ ⵉⵜⵜⵓⵚⴳⵎⴹ ⵓⵎⵙⴰⵙⴰ ⵏ ⵢⵉⵡⴹ ⵖⴼ ⵜⵔⴰⵜⵙⴰ ⵏ ⵜⵔⵉⵙⵉⵏⵜⵉ ⵜⴰⵏⴰⵎⵓⵔⵜ ⵏ ⵡⴰⵙⵙⵢⴰ ⵏ ⵜⵏⴰⴼⵓⵜ ⵓⵙⵔⵙ ⵏ ⵓⵙⴰⴹⴼⵓⵜ; ⴷ ⵓⵎⵙⴰⵙⴰ ⵏ ⵓⵣⴷⴰⵢ ⵙ ⵜⵔⴰⵜⵙⴰ ⵏ ⵜⵔⵉⵙⵉⵏⵜ ⵉ ⵓⵙⴰⵃⴰ ⵏ ⵜⴼⵔⴽⴰ ⵏ ⵡⴰⴹⵓ ⴳ ⵓⵙⵖⵏⵓ ⵏ ⵓⵙⴰⴹⴼⵓⵜ ⴳ ⴷⴷⴰⵅⵍⴰ.
ⵉⴷⴷⴰ ⴷ ⵓⵙⴳⵎⴹ ⴰⴷ ⴳ ⵉⴷⵉⵔ ⵏ ⵓⵕⵥⵥⵓⵎ ⵏ ⵓⵙⵔⵙ ⵏ ⵓⵙⴰⴹⴼⵓⵜ ⵏ ⵜⵎⵏⴰⴹⵜ, ⵉⴽⵛⵎ ⴳ ⵓⵙⴰⵜⵉ ⵏ ⵓⵣⵓⵔⵜ ⴰⵎⴰⵢⵏⵓ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵜⵙⴳⴳⵯⵉⵏ ⵏ ⵉⴼⴼⵓⵙ ⵍⵍⵉ ⵎⵉ ⵉⵕⵥⵎ ⴱⴰⴱⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵢⴰⵊⵊ ⵕⴱⴱⵉ ⴰⵙⴳⴳⵯⴰⵙ ⵏ 2025, ⵏⵏⵉⴳ ⵓⵙⴷⵓⵙ ⵏ ⵓⴷⵔⴰⵡ ⵏ ⵢⵉⴳⵔ ⵓⵙⵍⵉⴳ ⴳ ⵓⵙⴱⵓⵖⵍⵓ ⵏ ⵜⵓⵙⴽⴰ ⵜⴰⵏⴰⴷⴷⴰⵢⵜ.
ⴳ ⵓⵙⴰⵜⴰⵍ ⴰⴷ ⵏⵉⵜ, ⵜⵖⵜⵙ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵍⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴳ ⵓⵙⴰⵜⵉ ⵏ ⵓⵙⵍⴳⵏ 12-86 ⵉⵇⵇⵏⵏ ⵙ ⵜⵎⵢⴰⵇⵇⴰⵏⵜ ⵏ ⵜⵓⵛⵛⵔⴽⴰ ⴳⵔ ⵢⵉⴳⵔⴰⵏ ⵓⵙⵍⵉⴳ ⴷ ⵓⴳⴷⵓⴷⴰⵏ, ⴰⵣⵓⴳⴳⵣ ⵏ ⵙⵉⵏ ⵉⵎⵙⴰⵙⴰⵜⵏ :
ⴰⵎⵙⴰⵙⴰ ⵏ ⵜⵓⵛⵛⵔⴽⴰ ⴳⵔ ⵢⵉⴳⵔⴰⵏ ⵓⵙⵍⵉⴳ ⴷ ⵓⴳⴷⵓⴷⴰⵏ ⵉ ⵓⵙⵥⵕⴼ ⴰⵎⵛⵛⵔⴽ ⴷ ⵓⵙⵖⵉⵡⵙ ⵏ ⵓⵙⵍⵓ ⴷ ⵓⵙⵡⵓⵔⵉ ⴷ ⵓⵏⵀⵍⵍⴰ ⴳ ⵜⴰⵢⴰⵏⵜ ⵏ ⵓⵙⴰⴹⴼⵓⵜ ⵏ ⵡⴰⵎⴰⵏ ⵏ ⵢⵉⵍⵍ ⵍⵍⵉ ⵔⴰⴷ ⵉⴷⵍⵏ ⴰⴳⴰⵔⴰⵡ ⵏ ⵓⵙⴻⵙⵙⵉ ⴰⵎⴰⵢⵏⵓ ⵙ ⵓⵣⴰⵡⵓ ⵏ 5000 ⵀⵉⴽⵟⴰⵔ ⴳ ⵜⵙⴳⴰ ⵏ ⴷⴷⴰⵅⵍⴰ, ⴷ ⵜⴼⵔⴽⴰ ⵏ ⵡⴰⴹⵓⵏ ⵍⵍⵉ ⵔⴰⴷ ⵉⵜⵜⵓⵙⴱⵓⵖⵍⵓⵏ ⴳ ⵓⵙⴰⵜⵉ ⵏ ⵓⵙⵍⴳⵏ 09-13 ⵉⵥⵍⵉⵏ ⵙ ⵜⵥⴹⴰⵕⵉ ⵜⵉⵎⵙⵎⴰⵢⵏⵓⵜⵉⵏ, ⵍⵍⵉ ⵉⵡⴰⵜⵙⵏ ⴰⵙⴰⴷⵎⵔ ⵉ ⵡⴰⵙⵙⴰⵔⵏ ⵏ ⵜⴰⵢⴰⵏⵜ ⵏ ⵓⵙⴰⴹⴼⵓⵜ ⵏ ⵡⴰⵎⴰⵏ ⵙⴳ ⵜⵥⴹⴰⵕⵜ ⵏ ⵜⵔⵉⵙⵉⵏⵜⵉ.
ⵜⴰⵎⵢⴰⵇⵇⴰⵏⵜ ⵏ ⵜⵛⵛⵔⴽⴰ ⴳⵔ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⵉ ⵓⵙⵥⵕⴼ ⴰⵎⵛⵛⵔⴽ ⴷ ⵓⵙⵖⵉⵡⵙ ⵏ ⵓⵙⴽⵓ ⴷ ⵓⵙⵡⵓⵔⵉ ⵏ ⵓⵏⵀⵍⵍⴰ ⴳ ⵜⵔⴰⵜⵙⴰ ⵏ ⵓⵙⴻⵙⵙⵓ ⵉⴷⵍⵏ ⴰⵣⴰⵔⵓ ⴰⵎⴰⵢⵏⵓ ⵉⵍⴽⵎⵏ 5000 ⵀⵉⴽⵟⴰⵕ ⴳ ⵜⵙⴳⴰ ⵏ ⴷⴷⴰⵅⵍⴰ.
ⵉⵜⵜⵓⴳⴰ ⵡⴰⵍⴰⵙ ⵏ ⵓⵙⵖⵉⵡⵙ ⵏ ⵓⵙⵖⵏⵓ ⴰⴷ ⴰⵎⴰⴳⴳⵓⵎ ⵍⵍⵉ ⵉⵡⴰⵜⵙⵏ ⴳ ⵜⵉⵣⵡⵓⵔⵉ ⴰⵙⴻⵙⵙⵉ ⵏ 5000 ⵀⵉⴽⵟⴰⵕ ⵙ ⵉⵛⴰⴽⴰⵏ ⵉⵎⵏⵣⴰ,
ⵢⴰⵙⵉ ⵙ ⵉⵙⵓⵜⵓⵔⵏ ⵍⵍⵉ ⴼ ⵉⵙⴰⵡⵍ ⵓⵙⵉⵔⴰ ⴰⵏⴰⵎⵓⵔ ⵏ ⵜⵔⵉⵙⵉⵏⵜⵉ ⴷ ⵡⴰⵎⴰⵏ ⵏ ⵜⵉⵙⵙⵉ ⵃⵎⴰ ⴰⴷ ⵉⵏⵏⴰⵍ ⵜⵉⴳⵎⵉ ⵏ ⵜⵙⴳⴰ ⴳ ⵓⵙⵃⴷⵓⴷⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⵉ ⵜⵖⵔⵎⵜ ⵏ ⴷⴷⴰⵅⵍⴰ ⴷ ⵜⵙⴳⴳⵯⵉⵏ ⴰⵙ ⵉⵙⵙⵓⵜⵍⵏ, ⴰⵏⵓ ⴰⵏⵥⵕⴰⵏ ⴷⵓⴼⵜⵉⵙ ⵏ ⴷⴷⴰⵅⵍⴰ ⴰⵟⵍⴰⵙⵉ ⴰⵎⴰⵢⵏⵓ. ⵙ ⵎⴰⵏ ⴰⵢⴰ ⵔⴰⴷ ⵜⵜⵓⵔⵏⵓ ⵜⵥⴹⴰⵕⵜ ⵜⴰⵎⵙⵢⴰⴼⵓⵜ ⵏ ⵡⴰⵎⴰⵏ ⵉⵏⴰⴹⴼⴰⵜⵏ ⵙ 37 ⵎⵍⵢⵓⵏ ⵎⵉⵜⵔ ⴽⵓⴱ ⴳ ⵓⵙⴳⴳⵯⴰⵙ. ⴰⵔ ⵉⵜⵜⵓⵇⴷⴷⴰⵔ ⵡⴰⵜⵉⴳ ⵏ ⵜⵉⴳⴳⵉ ⵏ ⵜⵓⵙⴽⴰⵜ ⵜⴰⵏⴰⴷⴷⴰⵢⵜ ⵙ ⵡⴰⵜⵜⴰⵢ ⵏ 3 ⵉⴷ ⵍⵎⵢⴰⵕ ⴷⵔⵀⵎ.
ⵉⵜⵜⵓⵙⴽⵜⵉ ⵎⴰⵙ ⵎⴷⴰⵏⵜ ⵜⴼⴰⴷⵉⵡⵉⵏ ⵉⵍⴰⵡⵏ ⵉ ⵓⴽⵛⵛⵓⵎ ⵏ ⵉⵎⵙⴰⵙⴰⵜⵏ ⵏ ⵜⵓⵛⵛⵔⴽⴰ ⴳⵔ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⴰⵣⵣⴳⵉⵔ, ⴷ ⵔⴰⴷ ⵏⵜⵉⵏⵜ ⵜⵡⵓⵔⵉⵡⵉⵏ ⵏ ⵓⵙⴽⵓ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ. ⵜⵍⴽⵎ ⵜⵉⵣⵉ ⵜⴰⵖⵣⵓⵔⴰⵏⵜ ⵉⵜⵜⵓⵙⵡⵓⵜⵜⴰⵏ ⵉ ⵓⵙⵔⵓⵙ ⵏ ⵓⵙⵔⵙ ⵏ ⵓⵙⴰⴹⴼⵓⵜ ⴷ ⵜⴼⵔⴽⴰ ⵏ ⵡⴰⴹⵓ 30 ⵏ ⵡⴰⵢⵢⵓⵔ, ⵜⵍⴽⵎ ⵜⵉⵣⵉ ⵉⵥⵍⵉⵏ ⵙ ⵓⵏⴰⴳⵔⴰⵡ ⵏ ⵓⵙⴻⵙⵙⵉ ⵙ 24 ⵏ ⵡⴰⵢⵢⵓⵔ, ⴷ ⵓⵙⵡⵓⵔⵉ ⵏ 20 ⵏ ⵓⵙⴳⴳⵯⴰⵙ.
