ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⴽⵔ ⵉⵎⴷⵉⵡⴰⵍ ⴰⴽⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵡⵙⵙⴰⵔⵏ ⵏ ⴱⵓⵍⴰⵏⴷⴰ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 30 ⵎⴰⵢⵢⵓ 2022 ⴳ ⵕⴱⴰⴹ, ⵎⴰⵙⵙ ⵜⵓⵎⴰⵙ ⵖⵔⵓⴷⵣⴽⵉ TomaszGrodzki, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⴱⵓⵍⴰⵏⴷⴰ, ⵏⵏⴰ ⵉⵙⵙⴽⴰⵔⵏ ⵢⴰⵜ ⵜⵔⵣⴼⵜ ⵜⵓⵏⵚⵉⴱⵜ ⵉ ⵜⴳⵍⴷⵉⵜ ⴰⴽⴷ ⵢⴰⵏ ⵓⴽⴰⴱⴰⵕ ⵉⵙⵙⴰⵡⵀⵎⵎⴰⵏ, ⴷ ⵎⴰⵏ ⴰⵢⴰ ⴳ ⵜⵉⵣⵉ ⵏⵏⴰ ⵉⵍⵍⴰⵏ ⴳⵔ 26 ⴰⵔ 30 ⵎⴰⵢⵢⵓ ⴷ ⵢⵓⵙⴰⵏ.
ⴳ ⵓⵏⵎⵓⵇⵇⴰⵔ ⵎⵔⴰⵔⴰⵏⵜ ⵜⵙⴳⴳⵉⵡⵉⵏ ⵜⴰⵏⵏⴰⵢⵉⵏ ⵏⵏⵙⵏ ⴳ ⵎⴰⴷ ⵉⵥⵍⵉⵏ ⵙ ⴽⵉⴳⴰⵏ ⵏ ⵜⵎⵏⵜⵉⵍⵉⵏ ⵏⵏⴰ ⵉⵙⵙⴰⵡⵀⵎⵎⴰⵏ ⵉⵛⵛⴰⵔⵏ, ⵙⵏⵉⵎⵎⵔⵏ ⵜⵉⵣⴷⴰⵢⵉⵏ ⵏ ⵓⵎⵣⵔⵓⵢ ⴰⵎⵖⵔⵉⴱⵉⵢ ⴰⴱⵓⵍⴰⵏⴷⵉⵢ ⴷ ⵜⴷⵉⵏⴰⵎⵉⵢⵜ ⵏⵏⴰ ⵙⵙⵏⵜ ⵜⵣⴷⴰⵢⵉⵏ ⴷⵏ ⵍⵎⵖⵔⵉⴱ ⴷ ⴱⵓⵍⴰⵏⴷⴰ, ⵙⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⵏⴰⴷⵎⵙⴰⵏ, ⴰⵢⴷⴷⵖ ⵜⵜⵓⵙⴷⵓⵙⵏⵜ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ ⵙ ⵜⵔⵣⴰⴼⵉⵏ ⵉⵜⵜⵡⴰⴱⴷⴷⴰⵍⵏ ⵏ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵏ ⵜⵡⵓⵔⵉⵡⵉⵏ ⵏ ⵜⵎⵉⵣⴰⵔ.
ⵉⴳ ⴰⵡⴷ ⵓⵏⵎⵓⵇⵇⴰⵔ ⵢⴰⵜ ⵜⵎⵍⴷⴰ ⴷ ⵢⵓⵙⴰⵏ ⵉ ⵡⵓⴷⴷⵓⵔ ⵏ ⵓⵙⴷⵓⵙ ⵉⴷⵎⵙⴰⵏⵏ ⵏ ⵜⵙⴱⴱⴰⴱⵜ ⵙ ⵓⵙⴷⵓⵙ ⵏ ⵓⵙⵖⵍⵍⴰ ⵉⵥⵍⵉⵏ ⴳ ⵉⴳⵔⴰⵏ ⵣⵓⵏⴷ ⵉⵣⵎⵎⵉⵔⵏ ⵉⵜⵜⵓⵙⵎⴰⵢⵢⵓⵏⵓⵜⵏ, ⴷ ⵜⵎⴳⵓⵔⵉ ⵏ ⵜⵀⵉⵔⵔⵉⵜⵉⵏ ⴷ ⵜⵢⵍⴰⵍⵉⵏ ⴷ ⵜⵎⴳⵓⵔⵉⵡⵉⵏ ⵏ ⵡⵓⵜⵜⵛⵉ.
