ⴰⵔ ⵉⵙⴽⴰⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴷⵉⵡⴰⵍ ⴰⴽⴷ ⵓⵏⵙⵙⵉⵅⴼ ⵏ ⵜⴳⵔⵓⵎⵎⴰ ⵍⴱⴰⵏⴽ ⵏ ⵉⴼⵔⵉⵇⵉⵢⴰ ⵉ ⵜⴳⵎⵉ
ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 20 ⵢⵓⵍⵢⵓⵣ 2022, ⴳ ⵎⵓⵕⴰⴽⵓⵛ, ⵉⵎⴷⵉⵡⴰⵍ ⴰⴽⴷ ⵎⴰⵙⵙ ⴰⴽⵉⵏⵓⵎⵉ ⴰⴷⵉⵙⵉⵏⴰ, ⴰⵏⵙⵙⵉⵅⴼ ⵏ ⵍⴱⴰⵏⴽ ⵏ ⵉⴼⵔⵉⵇⵉⵢⴰ ⵉ ⵜⴳⵎⵉ, ⵍⵍⵉ ⴷ ⵢⵓⴳⴳⴰⵏ ⴰⵔⵣⴰⴼ ⵏ ⵜⵡⵓⵔⵉ ⵏ ⵍⵎⵖⵔⵉⴱ, ⵉⵎⵓⵏ ⴷ ⴷⵓⴽⴰⴱⴰⵕ ⵉⵣⵜⴰⵡⵀⵎⵎⴰⵏ.
ⵉⵍⵍⴰ ⴳ ⵓⵎⵙⴰⴳⴰⵔ ⵙ ⵜⵙⴳⴰ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵎⴰⵙⵙ ⵢⵓⵏⵙ ⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ, ⴷ ⵜⵡⵓⵔⵉ ⴷ ⵜⵙⵓⴳⴰⵔ, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⴰ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⴷ ⵓⵙⵙⵉⵜⴳ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ.
ⴽⴽⴰⵏ ⴷ ⵉⵎⴷⵉⵡⴰⵍ ⵖⴳ ⵡⵓⴷⵎⴰⵡⵏ ⵎⵣⴰⵔⴰⵢⵏⵉⵏ ⵏ ⵓⴷⵔⴰⵡ ⴳⵔ ⵍⵎⵖⵔⵉⴱ ⴷ ⵜⵎⵔⵙⴰⵍ ⵜⵉⵏⵥⵕⴰⴼⵉⵏ ⵜⵉⴼⵔⵉⵇⵉⵢⵉⵏ, ⴷ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏⵏⵙⵏⵜ ⴷ ⵓⵙⴱⵓⵖⵍⵓ ⵏⵏⵙⵏⵜ, ⵉⵎⵉⵍ ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵖⴼ ⵓⵙⵓⵏⴼⵓ ⵏⵏⵙ ⵉ ⵓⵙⵡⵉⵔ ⵏ ⵓⵎⵢⴰⵡⴰⵙ ⵉⵍⵍⴰⵏ ⴷ ⵜⵉⵅⵅⵉⵜⵔⵜⵏ ⵏ ⵉⵖⴰⵡⴰⵙⵏ ⴷ ⵉⵙⵖⵏⵓⵜⵏ ⴷ ⵜⵙⵜⵔⴰⵜⵉⵊⵉⵏ ⵜⵉⴽⵙⵡⴰⵜⵉⵏ ⵍⵍⵉ ⴳ ⵉⵙⵙⵏⵜⴰ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⴷⵔⴰⵡ ⴰⴽⴷ ⵍⴱⴰⵏⴽ ⵏ ⵉⴼⵔⵉⵇⵉⵢⴰ ⵉ ⵜⴳⵎⵉ.
ⵉⵎⴽⵉⵍⵍⵉ ⵉⴳⴰ ⵓⵎⵙⴰⴳⴰⵔ ⴰⵣⵎⵣⵣⵓ ⵉ ⵉⵎⴷⵉⵡⴰⵍ ⵖⴼ ⵉⵏⴰⵥⴰⵕⵏ ⵍⵍⵉ ⵜⵜⴰⴼⴰⵏⵜ ⵜⴷⴰⵎⵙⵉⵡⵉⵏ ⵜⵉⵎⴰⴹⵍⴰⵏⵉⵏ, ⴳ ⵓⵙⴰⵜⵉ ⴰⴷ ⵉⴼⵙⵔ ⵎⴰⵙⵙ ⴰⵏⵙⵙⵉⵅⴼ ⵜⵉⵙⵜⵔⴰⵜⵉⵊⵉⵏ ⵎⵣⴰⵔⴰⵢⵏⵉⵏ ⴷ ⵉⵖⴰⵡⴰⵙⵏ ⵍⵍⵉ ⵎⵉ ⵉⵕⵥⵎ ⵍⵎⵖⵔⵉⴱ ⵙ ⵜⵏⴰⵔⴰ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵡⵓⴷⴷⵓⵔ, ⵉⵙⵙⵏⵜⵎ ⵎⴰⵙ ⵜⵓⴳⴷ ⵜⵏⴱⴰⴹⵜ ⵡⴰⵅⵅⴰ ⴷ ⵉⵙⴼⵍⵏ ⵉⴷⵎⵙⴰⵏⵏ ⵉⵎⴰⴹⵍⴰⵏⵏ ⵖⴼ ⵜⴰⵙⵓⵍⵜ ⵏ ⵉⵙⵖⵏⵓⵜⵏ ⵉⵎⵙⵖⵓⴷⵓⵜⵏ ⵉⵎⴽⵉⵏⵏⴰ ⵍⵍⴰⵏ ⴳ ⵓⵙⵎⵔⵙ ⴰⴽⵓⴷⴰⵏ, ⴷ ⵜⴰⵙⵓⵍⵜ ⵏ ⵡⴰⵏⵏⴰⵍ ⵏ ⵉⵖⴰⵡⴰⵙⵏ ⵉⵏⴰⵎⵓⵏⵏ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵓⵙⵙⵍⵎⴷ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵥⵍⴰⵢ ⵏ ⵡⴰⵏⵏⴰⵍ ⴰⵎⵔⵏⵓ ⵉ ⵓⵃⵟⵟⵓ ⵏ ⵜⵣⵎⵔⵜ ⵜⴰⵎⵙⵓⴱⵜ ⵏ ⵉⵏⵎⵓⵔⴰⵏ ⴳ ⵓⵎⴰⵍⵓ ⵏ ⵓⵡⴰⵍⴰⵢ ⵏ ⵡⴰⵜⵉⴳ ⵏ ⵜⵓⴳⴳⵜ ⵏ ⵜⵎⵜⵜⴰⵡⵉⵏ ⵜⵉⵎⵣⵡⵓⵔⴰ ⴳ ⵓⵙⵡⵉⵔ ⴰⵎⴰⴹⵍⴰⵏ.
