ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 27 ⴽⵜⵓⴱⵕ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ ⴰⵎⵣⵡⴰⵔⵓ ⵏ ⵉⵏⴹⵕ ⵏ ⵜⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 27 ⴽⵜⵓⴱⵕ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⵉ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.820 ⵏ ⵓⵙⵖⵣⴼ ⵏ ⵜⵉⵣⵉ ⵏ ⵡⴰⴷⴷⴰⴷ ⵓⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵓⵏⵎⴰⵍⴰ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ -ⴽⵓⴼⵉⴷ 19, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⴷⴼⴼⵔⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.783 ⵏ ⵜⵉⴳⴳⵉ ⵏ ⵜⵙⵓⵏⴹⵉⵏ ⴷ ⵜⵏⴱⴰⴹⵉⵏ ⵜⵉⵎⴰⵢⵏⵓⵜⵉⵏ, ⵉⵙⵏⴽⴷ ⵜ ⵎⴰⵙⵙ ⴰⵍⵜⵓ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.670 ⵙ ⵓⵙⵡⵜⵜⵓ ⵏ ⵜⵉⴳⴳⵉ ⴷ ⵜⵎⴰⵎⴽⵉⵏ ⵏ ⵓⵙⵡⵓⵔⵉ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵢⴰⴼⵓⵜⵉⵏ ⵏ ⵓⴼⴰⵔⴰⴳ ⵉ ⵉⵎⵖⴰⵢⵏ, ⵉⵙⵏⴽⴷ ⵜ ⵎⴰⵙⵙ ⵎⵚⵟⴰⴼⴰ ⴱⴰⵢⵜⴰ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵡⵉⵍ ⵓⵏⵚⵉⴱ ⵙ ⵢⵉⵙⵎ ⵏ ⵜⵏⴰⴱⴹⵜ, ⴳ ⵓⴷⵖⴰⵔ ⵏ ⵎⴰⵙⵙ ⵎⵓⵃⵎⵎⴰⴷ ⵚⵉⴷⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ .
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵉⵡⵓⵔⵉⵡⵉⵏ ⵏⵏⵙⵏ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.535 ⵏ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.77.862 ⴳ ⵓⵙⴰⴽⵓⴷ ⵏ 25 ⵉⵙⵡⵉ 1397 (9 ⴽⵜⵓⴱⵕ 1977) ⵙ ⵓⵙⵡⵉⵔⵉ ⵏ ⵜⵓⴳⵔⵉⵡⵜ ⵜⴰⴷⵡⴰⵏⵉⵜ ⴷ ⵉⵔⴳⴰⵢⵏ ⴰⵔⵓⵙⵔⵉⴷⵏ ⵉⵜⵜⴰⵖⵓⵍⵏ ⵖⵔ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵉⵜ ⴷ ⵉⵔⴳⴰⵢⵏ ⴰⵔⵓⵙⵔⵉⴷⵏ ⵅⴼ ⵉⵍⵍⴰ ⵓⵙⵖⵣⵏ ⴳ ⵓⴹⴰⵀⵉⵕ ⵛⵛⴰⵔⵉⴼ ⴷ ⴰⵣⵔⴼ ⵓⵟⵟⵓⵏ 1.77.339 ⴷ ⵉⴼⴼⵖⵏ ⴳ 25 ⵉⵙⵡⵉ 1397 (9 ⴽⵜⵓⴱⵕ 1977), ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ.
- ⴹⴰⵕⴰⵙ, ⵉⵎⵎⴰⵜⵜⵉ ⵓⵙⵇⵇⵉⵎ ⵏⵜⵏⴰⴱⴹⵜ ⵖⵔ ⵓⵎⴷⵉⵡⴰⵍ ⵏ ⵓⵙⵏⴼⴰⵔ ⴰⵎⵕⵚⵓⵎ ⴰⵎⵣⵡⴰⵔⵓ ⵉⵇⵇⵏ ⵖⵔ ⵜⵏⵎⴰⵇⵇⴰⵙⵉⵏ ⵜⵉⴳⴷⵓⴷⴰⵏⵉⵏ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ, ⵎⴰⵔ ⴰⴷ ⴰⴷ ⵉⵜⵜⵓⵙⴽⴰⵏ ⵅⴼ ⵓⵙⵇⵇⵉⵎ ⵏ ⵜⵏⴰⴱⴹⵜ ⴷ ⵢⵓⵙⵏ ⴰⴷ ⵖⵉⴼⵙ ⵉⵎⵔⴰⵔⴰ ⴰⵡⴰⵍ ⵉⵙⵖⵣⵏ ⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ , ⵉⵜⵜⵓⵙⵎⴰⵍ:
- ⵎⴰⵙⵙ ⵙⴰⵄⵉⴷ ⵎⵖⵔⴰⵡⵉ ⵃⵙⵏⵉ, ⴷ ⴰⵏⵎⵀⴰⵍ ⵉ ⵓⴼⵔⴰⴳ ⴷ ⵓⵇⵏⵏⴻⵏ ⵏ ⵜⵙⴱⴱⴰⴱⵜ.
- ⴳ ⵜⵎⴰⵡⴰⵙⵜ ⵏ ⵜⵏⵣⵣⴰⵔⴼⵓⵜ - ⵜⴰⵙⵎⵉⵔⵉⵜ ⵜⴰⵎⴰⵡⴰⵙⵜ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴻⵜⵜⵓⵙⵎⴰⵍ:
- ⵎⴰⵙⵙⴰ ⵙⴰⵔⴰ ⴱⵏⵜⴰⴼⵔⵉⵜ, ⴷ ⵜⴰⵏⵎⵀⴰⵍⵜ ⵉ ⵜⵖⵓⵔⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ.
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⴰⵎⵍ:
- ⵎⴰⵙⵙ ⵎⵓⵃⵎⵎⴰⴷ ⵄⵍⵍⴰⵍ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵉⴱⵔⴷⴰⵏ.
