ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 20 ⵎⴰⵕⵚ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 19 ⵕⴰⵎⴰⴹⴰⵏ ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ 20 ⵎⴰⵕⵚ ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵉⵔⵉ ⵏ ⵓⴳⵔⴰⵡ ⵏ ⵓⵙⵇⵇⵉⵎ ⴰⴷ, ⴰⵢⵍⵍⵉ ⵉⵣⴷⵉⵏ ⵙ ⵓⵙⵏⵜⵉ ⵏ ⵓⵙⵎⵕⵙⵓⵎ ⵓⵟⵟⵓⵏ 2.23.1043 ⵉⵥⵍⵉⵏ ⵙ ⵉⵔⵣⵣⵓⵜⵏ ⵉⵢⵍⴰⵏⵏ ⵅⴼ ⵉⵏⴳⴰⵙⵏ ⴳ ⵢⵉⵍ ⵍⵍⵉⵖ ⴰⵔ ⵜⵜⵢⴰⴳⴰⵙⵏ ⵉⵖⵔⵔⵓⴱⴰ ⵏ ⵜⴳⵎⵔⵜ, ⵢⵓⵊⵊⴰ ⵜ ⵓⵙⵇⵇⵉⵎ ⴰⵔ ⴽⵉⵖ ⵉⵍⵍⴰ ⵓⵙⴱⵖⵍⵓ ⵏⵏⵙ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.655 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.10.313 ⵍⵍⵉ ⴷ ⵉⴼⴼⴰⵖⵏ ⴳ 20 ⵛⴰⵡⵡⴰⵍ 1431 ⵉⵎⵙⴰⵙⴰⵏ ⴷ 9 ⵛⵓⵜⴰⵏⴱⵉⵔ 2010 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 52.05 ⵉⵥⵍⵉⵏ ⵙ ⵓⵙⵍⴳⵏ ⵏ ⵓⴱⵔⵉⴷ ⴳ ⵎⴰ ⵉⵥⵍⵉⵏ ⵙ ⵡⴰⵥⵥⴰⵢⵏ ⵙ ⵜⵎⵙⵎⵀⴰⵍⵜ ⴷ ⵙ ⵜⴳⵯⵔⵊⵜ, ⵍⵍⵉⵖ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⵅⴼ ⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜ ⵎⴰⵙⵙ ⵏⵉⵥⴰⵔ ⴱⴰⵔⴰⴽⴰ ⴳ ⵓⴷⵖⴰⵔ ⵏ ⵎⴰⵙⵙ ⵄⴰⴱⴷⵚⵚⴰⵎⴰⴷ ⵇⵇⵉⵢⵓⵃ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴷⵜ ⵏ ⵜⴳⴷⵓⴷⴰⵏⵜ ⵏ ⵎⴰⵍⴰⵡⵉ ⵉⵣⴷⵉ ⵙ ⵡⴰⵙⵙⴰⵢ ⵏ ⵡⵉⵍⵍⵉ ⵉⵍⵍⴰ ⵉⴱⴹⵉ, ⵉⵜⵜⵓⵙⴳⵎⴰⴹⵏ ⴳ 16 ⵢⵓⵍⵢⵓⵣ 2024, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 51.24 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜ ⵎⴰⵙⵙ ⵄⴱⴷⵍⵍⴰⵜⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵜⴷⴷⴰ ⴷ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⴰⵜⵉ ⵏ ⵓⵖⵙⵖⵓⴷⵓ ⵏ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵎⴰⵍⴰⵡⵉ ⵙ ⵜⵖⵔⴰⵙⵜ ⵏ ⵓⵏⴳⵉⴷⴷⵉ ⴷ ⵜⵉⵔⵡⵉ ⵉⵜⵜⴰⵡⵛⵔⴰⴽⴰⵏ ⵍⵍⵉ ⵉⵎⵎⴰⵍⴰⵏ ⵎⴰⵏⵉⴽ ⵙ ⴷⵓⵙⵏⵜ ⵜⵣⴷⴰⵢⵉⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⵃⵎⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵙⵍⴳⵏ ⴷ ⵉⵏⴱⵉⴹⵉ.
ⵉⴳⴰ ⴰⵡⴷ ⵓⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⴰⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴳ ⵉⴳⵔ ⵏ ⵡⴰⵙⵙⴰⵢ ⵏ ⵡⵉⵍⵍ ⵅⴼ ⵉⵍⵍⴰ ⵉⴱⴹⵉ ⴱⴰⵛ ⴰⴷ ⴰⴷ ⵢⵉⵍⵉ ⵓⵙⵎⵓⵜⵜⴳ ⵏⵏⵙⵏ ⴷ ⵓⵙⵉⴷⴼ ⵏⵏⵙⵏ ⴰⵏⴰⵎⵓⵏ ⴰⴷ ⵣⵣⵔⵉⵏ ⴰⵥⵥⴰⵢⵏ ⵏⵏⵙⵏ ⴳ ⵓⴳⵯⵏⵙ ⵏ ⵡⴰⵎⵓⵏⵏ ⵏⵏⵙⵏ ⵙ ⵓⵎⵙⴰⵙⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴰⵏⵡⴰⵕ ⵍⵄⴰⵡⴰⵍⵉ ⵉⵙⵎⴰⵄⵉⵍⵉ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏⵓⵙⵎⵓⵜⵜⴳ ⵏ ⵜⵎⵙⵙⵏⵜⵉⵜ ⵜⴰⵎⴰⵥⵢⴰⵏⵜ ⴷ ⵜⵉⵏ ⵡⴰⵎⵎⴰⵙ.
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ:
- ⵎⴰⵙⵙⴰ ⴼⴰⵜⵉⵎⴰ ⵥⵥⴰⵀⵕⴰ ⵄⴰⵍⴰⵎⵉ, ⵜⴰⵏⴱⴷⴰⴷⵜ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⵄⵉⵏ ⵛⵛⵓⵇ ⴳ ⵜⴳⵎⵉ ⵜⵓⵎⵍⵉⵍⵜ;
- ⵎⴰⵙⵙⴰ ⵙⴰⵡⵃⴰ ⵚⵃⵕⴰⵡⵉ, ⵜⴰⵏⴱⴷⴰⴷⵜ ⵏ ⵜⵖⵉⵡⴰⵏⵜ ⵏ ⵜⵙⵏⵉⵊⵊⵉⵜ ⴷ ⵜⵙⵏⵙⴼⴰⵔⵜ ⴳ ⵜⴳⵎⵎⵉ ⵜⵓⵎⵍⵉⵍⵜ;
- ⵎⴰⵙⵙ ⵎⵓⵃⵎⵎⴰⴷ ⵛⴰⴷⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⵍⵎⵓⵃⴰⵎⵎⴰⴷⵢⴰ;
- ⵎⴰⵙⵙ ⵄⴱⴷⵙⵙⵍⴰⵎ ⵍⴱⵡⴰⵔⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏⵏ ⴳ ⴱⵏ ⵎⵙⵉⴽ-ⵙⵉⴷⵉ ⵄⵓⵜⵎⴰⵏ;
- ⴳ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ- ⵉⴳⵔ ⵏ ⵜⴷⵍⵙⴰ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵖⵉⵣⵍⴰⵏ ⴷⵕⵕⵓⵙ, ⵜⴰⵏⵎⵀⴰⵍⵜ ⵏ ⵓⴷⵍⵉⵙ ⴷ ⵜⵎⵙⵙⵉⴷⵍⵉⵙⵉⵏ ⴷ ⵜⵎⵃⴹⴰⵢ;
- ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵖⵔⵎ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵎⵓⵃⵎⵎⴰⴷ ⴰⵄⴱⵉⴷ, ⴰⵎⴳⴳⵉⵡⵙ ⴰⵙⴳⴰⵡⴰⵏ ⵏ ⵓⵙⵖⵔⵎ ⴷ ⵓⵥⵟⵟⴰ ⴰⵖⵔⵎⴰⵏ ⴷ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵏ ⵏ ⵜⵙⴳⴰ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ;
- ⴳ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵎⵓⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵙⴰⵍⵎⴰ ⵜⵜⴰⵣⵉ, ⵜⴰⵏⵀⴰⵍⵜ ⵓⵎⵍⴰⵏ ⵉⵜⵜⵎⴰⵜⵜⴰⵢⵏ ⴷ ⵓⵎⵎⵓⵜⵉ ⵏ ⵜⵏⵓⴼⴰ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⵎⵓⵜⵉ ⴰⵎⴰⵟⵟⵓⵏ.
- ⴳ ⵜⵙⵎⵉⵔⵉⵜ ⵜⴰⵏⴼⵍⵍⴰⵜ ⵏ ⵓⵙⵖⵉⵡⵙ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵕⴰⵛⵉⴷ ⵣⵓⵎⴰⵏ, ⴰⵏⵎⵀⴰⵍ ⵏ ⵉⵖⴰⵡⴰⵙⵏ ⵉⵏⵎⵎⴰⵍⵏ ⴷ ⵉⵙⵉⵟⵟⵏⵏ.
- ⵎⴰⵙⵙ ⵕⴰⵛⵉⴷ ⵣⵓⵎⴰⵏ, ⴰⵏⵎⵀⴰⵍ ⵏ ⵉⵖⴰⵡⴰⵙⵏ ⵉⵏⵎⵎⴰⵍⵏ ⴷ ⵉⵙⵉⵟⵟⵏⵏ.
