ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 13 ⵎⴰⵕⵚ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 12 ⵕⴰⵎⴰⴹⴰⵏ ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ13 ⵎⴰⵕⵚ ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⴼⵍⴷ ⵏ ⵢⴰⵏ ⵓⵙⴼⵔⵙ ⴰⵎⴰⵡⵙⴰⵙ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⵓⴽⵛⵛⵓⵎⵜ ⵅⴼ ⵜⵢⴰⴼⵓⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴳ ⵜⵣⴷⴰⵢⵜ ⵏⵏⵙ ⴷ ⵓⴱⴰⵕⵍⴰⵎⴰⵏ ⴳ ⵜⵙⵓⵜⵍⵜ ⵏ ⵓⴽⵟⵓⴱⵕ 2024-2025 ⴳ ⵜⵓⵙⵜⵍⵜ ⵜⴰⵣⵔⵔⴰⴼⵜ ⵜⵉⵙ ⵢⴰⵏ ⴷ ⵎⵔⴰⵡⵜ 2021-2026, ⵉⵙⵎⵏⵉⴷ ⵜⵜ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⴰⵕⵍⵎⴰⵏ ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ.
ⴳ ⵎⵏⵉⴷ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵜⴱⵉⴷⵜ ⵜⵏⴱⴰⴹⵜ ⵅⴼ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⴳ ⵉⴳⵔ ⵏ ⵜⵣⴷⴰⵢⵉⵏ ⴷ ⵓⴱⴰⵕⵍⴰⵎⴰⵏ, ⵙ ⵓⵙⵖⵓⴷⵓ ⵏⵓⵎⵢⴰⵡⵙ ⵉⴷⵓⵙⵏ ⴷ ⵓⵎⵢⴰⵡⴰⴹ ⴰⴷⵙⵍⴰⵏ ⵖ ⵉⵍⵍⴰ ⵍⵓⵇⵇⵕ ⴷ ⵜⴱⴹⵉ ⵏ ⵜⵏⴱⴰⴹ ⴷ ⵓⵙⴰⵙⴰ ⵏⵏⵙⵏⵜ ⴷ ⵜⵙⵙⵏⵜⴰⵢⵉⵏ ⵏ ⵉⴷ ⵎⴰⵙⵙ ⵉⵙⵜ ⵎⴰⵙⵙⴰ ⵉⴱⴰⵕⵍⵎⴰⵏⵉⵏ ⵙ ⵖⴰⵢⵍⵍⵉ ⵔⴰⴷ ⵉⵙⵅⵉⵜⵔ ⵜⴰⵡⵓⵔⵉ ⵏ ⵜⵎⵔⵙⵍⵜ ⵜⴰⵏⵣⵔⴼⴰⵜ.
ⴳ ⵎⴰ ⵉⵥⵍⵉⵏ ⵙ ⵜⵡⵓⵔⵓ ⵜⴰⵏⵣⵔⴰⴼⵜ, ⵉⵍⴽⵎ ⵓⵟⵟⵓⵏ ⵏ ⵉⵙⵍⴳⵏ ⵍⵍⵉ ⵉⵙⵖⵥⵏ ⵓⴱⴰⵕⵍⵎⴰⵏ ⴳ ⵜⵙⵓⵜⵍⵜ ⵜⴰⵏⵣⵔⴰⴼⵜ ⵎⴰ ⵉⵜⵜⴳⴰⵏ (36) ⵏ ⵓⵙⵍⴳⵏ. ⴰⵢⵍⵍⵉ ⵉⵥⵍⵉⵏ ⵙ ⵉⵙⵇⵇⵙⵉⵜⵏ ⵉⵜⵜⵢⴰⵔⴰⵏ, ⵜⵓⵔⵓⵔ ⵜⵏⴱⴰⴹⵜⵅⴼ ⴳ ⵜⵙⵓⵜⵍⵜ ⵏ ⵓⴽⵟⵓⴱⵕ 2024-2025 ⴳ ⵓⵙⴳⴳⵯⴰⵙ ⴰⵏⵣⵔⴰⴼ ⵡⵉⵙ ⴽⴽⵓⵥ ⵅⴼ 63.48 % ⴳⵉⵙⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.149 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.09. 442 ⵍⵍⵉ ⴷ ⵉⴼⴼⴰⵖⵏ ⴳ 4 ⵎⵓⵃⵕⵕⴰⵎ 1431 ⵉⵎⵙⴰⵙⴰⵏ ⴷ 21 ⴷⵓⵊⴰⵏⴱⵉⵔ 2009 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⴳⴰ ⵏ ⵓⵖⴰⵡⵍ ⴰⵎⴳⵓⵔⵉ ⵏ ⵇⵇⵏⵉⵟⵕⴰ, ⵉⵙⵎⵏⵉⴷ ⵜ ⵎⴰⵙⵙ ⵕⵢⴰⴹ ⵎⵣⵡⵕ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓ 2.25.150 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.19. 345 ⵍⵍⵉ ⴷ ⵉⴼⴼⴰⵖⵏ ⴳ 18 ⵕⴰⵎⴰⴹⴰⵏ 1440 ⵉⵎⵙⴰⵙⴰⵏ ⴷ 24 ⴰⵢⵓ 2019 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⴳⴰ ⵏ ⵓⵙⵙⵓⴼⵖ ⵏ ⵓⵍⴻⵍⵍⵉ ⵏ ⵟⴰⵏⵊⴰ ⵟⵉⴽ, ⵉⵙⵎⵏⵉⴷ ⵜ ⵎⴰⵙⵙ ⵕⵢⴰⴹ ⵎⵣⵡⵕ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵏ ⵙⵏⴰⵜ ⵜⴰⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵙⵏⵜⵉ ⵏ ⵓⵙⵍⴳⵏ ⵙⵔⵙⵏⵜ ⵉⵥⵍⵉⵏ, ⵉⵙⵎⵏⵉⴷ ⵜⵏⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵥⵍⵉⵏⵜ ⵙ :
- ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳ ⵉⴳⵔ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵙⴳⵎⵉⵍⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⴱⵏⵉⵏ, ⵉⵜⵜⵓⵙⴳⵎⴰⴹⵏ ⴳ ⴽⵓⵏⵜⵓⵏⵓ ⴳ 15 ⴱⵕⴰⵢⵕ 2024 ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 15.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ.
- ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴰⵏⴳⵓⵍⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴼⵍⵍⴰⵃⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⵍⵓⴱⵏⴰ ⵍⵎⵏⵚⵓⵕⵉ, ⵜⴰⵏⵎⵀⴰⵍⵜ ⵏ ⵉⵖⴰⵡⴰⵙⵏ ⵉⵎⴰⵟⵟⵓⵏⵏ ;
- ⵎⴰⵙⵙ ⵎⵓⵃⵎⵎⴰⴷ ⵓⵃⵙⴰⵢⵏ, ⴰⵏⵎⵀⴰⵍ ⵏ ⵜⵥⵕⴼⵜ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⴰⵃⵎⴰⴷ ⵍⵄⵍⵍⴰⵍⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⵟⴰⵏⵊⴰ;
- ⵎⴰⵙⵙ ⵃⴰⵙⴰⵏ ⵜⴱⵉⵡⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵉⴳⵜⵉⵥⵍⵉⵢⵏ ⴳ ⵜⴰⵣⴰ;
- ⵎⴰⵙⵙ ⵙⴰⵎⵉⵔ ⴱⵓⵣⵡⵉⵜⴰ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵉⵎⴰⵙⵙⴰⵏ ⵉⵏⴰⴼⴳⴰⵏⵏ ⴳ ⵙⴰⵢⵙ-ⴼⴰⵙ ;
- ⵎⴰⵙⵙ ⵎⵄⵔⵓⴼ ⵍⴱⴽⴽⴰⵢ, ⴰⵏⴱⴷⴰⴷ ⴳ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏⵏ ⴳ ⵡⵓⵊⴷⴰ;
- ⵎⴰⵙⵙ ⵎⵓⵙⵟⴰⴼⴰ ⵎⴰⵛⵔⵉⴼⵉ, ⴳ ⵙⵍⴰ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ;
- ⵎⴰⵙⵙⴰ ⵍⴰⵢⵍⴰ ⵎⵣⵢⴰⵏ, ⵜⴰⵏⴱⴷⴰⴷⵜ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵉⵎⴰⵙⵙⴰⵏ ⵉⵏⴰⴼⴳⴰⵏⵏ ⴳ ⴱⵏⵎⵙⵉⴽ-ⵙⵉⴷⵉ ⵄⵓⵜⴰⵏ.
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ - ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ-, ⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⵡⴰⴼⴰ ⵛⴰⴽⵉⵔ, ⵜⴰⵏⵎⵀⴰⵍⵜ ⵏ ⵜⴳⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ;
- ⵎⴰⵙⵙ ⴰⵃⵎⴰⴷ ⵍⴳⵔⵉⵎⵉ, ⴰⵏⵎⵀⴰⵍ ⵏ ⵓⵙⵎⵓⵜⵜⴳ ⴷ ⵜⴳⵎⵉ ⴷ ⵜⵎⵙⵙⵓⴳⴰⵔ;
- ⴳ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⴰⵕⵍⵎⴰⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵃⴰⵎⵉⴷ ⴱⵏⵛⵔⵉⴼⴰ, ⴰⵏⵀⴰⵍ ⴷ ⵜⵣⴷⴰⵢⵉⵏ ⴷ ⵡⴰⵎⵓⵏ ⵓⵖⵔⵉⵎ.
