ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵉⵅⴼ ⵜⴰⵙⵎⵓⵏⵉ ⵏ ⵜⵓⴱⴷⴷⴰ ⵖⴼ ⵓⵣⵣⵉⴳⵣ ⵏ ⵉⵙⵓⵎⵓⵜⵜⵓⴳⵏ ⵉ ⵓⵙⵏⵓⴱⴳ ⵏ ⵍⵎⵖⵔⵉⴱ ⵏ ⵜⵙⵎⵓⵏⴰⵢ ⵜⵉⵙⴳⵯⵙⴰⵏ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ

ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ ⵓⵙⵉⵏⴰⵙ 08 ⵏⵓⵡⴰⵏⴱⵉⵔ 2022, ⵜⴰⵙⵎⵓⵏⵉ ⵉⵥⵍⵉⵏ ⵉ ⵜⵓⴱⴷⴷⴰ ⵏ ⵓⵣⵣⵉⴳⵣ ⵏ ⵉⵙⵎⵓⵜⵜⵓⴳⵏ ⵏ ⵓⵙⵏⵓⴱⴳ ⴳ ⵜⵖⵔⵎⵜ ⵏ ⵎⵓⵔⴰⴽⵓⵛ, ⵏ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ ⵏ ⵜⴳⵔⵓⵎⵎⴰ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ, ⴳ ⴽⵟⵓⴱⵕ 2023, ⵍⵍⵉ ⴳ ⵔⴰⴷ ⵢⵓⵎⵓ 14 ⵏ ⵢⴰⵏ ⵙⴳ 189 ⵏ ⵓⵡⴰⵏⴽ ⴰⴳⵎⴰⵎ ⴳ ⵙⵏⴰⵜ ⵜⵎⵔⵙⴰⵍ ⴰⴷ ⵜⵉⴳⵔⴰⵖⵍⴰⵏⵉⵏ. ⵔⴰⴷ ⴷ ⵉⴹⴼⵓⵕ ⵜⴰⵙⵎⵓⵏⵉ ⴰⴷ ⵜⴰⵙⵎⴰⵜⵜⴰⴳⵜ ⵜⵓⴳⵜ ⵏ ⵉⵎⵙⴰⴳⴰⵔⵏ ⵃⵎⴰ ⴰⴷ ⵓⵎⵓⵔⵙ ⵉⵎⵊⵕⵉ ⴰⴷ ⴰⴳⵔⴰⵖⵍⴰⵏ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⵎⵏⵥⴰⵡ ⵉⵏ ⵉⴼⵔⵉⵇⵉⵢⴰ ⵜⵉⴽⴽⵍⵜ ⵉⵣⵡⴰⵔⵏ ⵙⴳ 50 ⵏ ⵓⵙⴳⴳⵯⴰⵙ.
ⵉⵜⵜⵓⵙⵏⴽⴷ ⴳ ⵓⵎⵙⴰⴳⴰⵔ ⴰⴷ ⵓⵙⴼⵙⵔ ⵏ ⵎⴰⵕⵕⴰ ⵜⵉⴼⵔⴽⵉⵡⵉⵏ ⵍⵍⵉ ⴳ ⵣⵔⵉⵏ ⵉⵙⵎⵓⵜⵜⵓⴳⵏ ⴷ ⵜⵉⵍⵍⵉ ⵙⵓⵍⵏⵉⵏ,, ⵓⵍⴰ ⵜⴰⵔⵔⴰⵢⵜ ⵏ ⵓⵎⵢⴰⵡⴰⴹ ⵍⵍⵉ ⵉⵜⵜⵓⴳⴰⵏ ⵉ ⵓⴹⴼⴰⵔ ⵏ ⵓⵙⵏⵓⴱⴳ ⵏ ⵜⵎⴰⵣⵉⵔⵜ ⵏⵏⵖ ⵉ ⵜⵙⵎⵓⵏⴰⵢ ⴰⴷ.
ⵍⵍⴰⵏⵜ ⴳ ⵓⵎⵙⴰⴳⴰⵔ ⴰⴷ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ : ⴰⵎⴰⵡⵙⴰⵙ ⵏ ⵓⴳⵏⵙⵓ, ⵄⴱⴷ ⵍⵄⵣⵉⵣ ⵍⴼⵜⵉⵜ, ⴷ ⵓⵉⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵉⴼⵔⵉⵇⵉⵢ ⴷ ⵉⵎⵖⵔⵉⴱⵉⵢⵏ ⵣⴷⵖⵏⵉⵏ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⴷ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵏⴰⴷⵢⴰ ⴼⵜⵜⴰⵃ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵅⴰⵍⵉⴷ ⴰⵢⵜ ⵟⵟⴰⵍⴷ, ⴷ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ, ⵎⵓⵃⵎⵎⴰⴷ ⵄⴱⴷ ⵍⵊⴰⵍⵉⵍ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵖⴼ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵥⵕⴼ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⴼⴰⵡⵣⵉ ⵍⴼⵊⵄ, ⴷ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵖⵔⵉⴱ, ⵄⴱⴷ ⵍⵍⵟⵉⴼ ⵊⵡⴰⵀⵔⵉ, ⴷ ⵓⵎⴰⵔⴰ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⵏ ⵓⵥⵕⴼ, ⵏⴰⴱⵉⵍ ⵍⵅⴹⵕ, ⴷ ⵜⵏⵎⵀⴰⵍⵜ ⵏ ⵓⵙⴱⴰⵢⵏⵓ ⴷ ⵓⵥⵕⴼ ⵏ ⴱⵕⵕⴰ ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⴼⵓⵣⵉⵢⴰ ⵣⵄⴱⵓⵍ, ⴷ ⵓⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⵓⵔⵄⵏ ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵎⵓⵃⵎⵎⴰⴷ ⵍⵅⵔⵎⵓⴷⵉ.
 

ⴰⵔ ⵜⵜⵓⴳⴰⵏⵜ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ ⴽⵓ ⵙⵉⵏ ⵉⵙⴳⴳⵯⴰⵙⵏ ⴳ ⵡⴰⵏⵙⴰ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ ⴳ ⵡⴰⵛⵉⵏⵟⵓⵏ ⵜⴰⵎⴰⵥⵓⵏⵜ, ⴷ ⴽⵓ ⵡⵉⵙⵙ ⴽⵕⴰⴹ ⵉⵙⴳⴳⵯⴰⵙⵏ ⴳ ⵢⴰⵏ ⵜⵎⴰⵣⵉⵔⵜ ⵜⴰⴳⵎⴰⵎⵜ. ⴰⵔ ⵉⵜⵜⵎⵙⴰⴳⴰⵔ ⵙⴰⴷⵓ ⵏ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ, ⵉⵎⵃⴹⴰⵏ ⵏ ⵉⴷ ⵍⴱⴰⵏⴽ ⵉⵏⴰⵎⵎⴰⵙⵏ, ⴷ ⵉⵎⴰⵡⵙⴰⵙⵏ ⵏ ⵉⵥⵕⴼ ⴷ ⵜⴳⵎⵉ, ⴷ ⵉⵎⴰⵙⴰⵢⵏ ⵉⵎⵣⵣⴳⵉⵔⵏ ⵙⴳ ⵢⵉⴳⵔ ⵓⵙⵍⵉⴳ, ⴷ ⵉⴳⵏⵙⴰⵙ ⵏ ⵡⴰⵎⵉⵏ ⴰⵎⴷⵏⴰⵏ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ, ⴷ ⵉⴽⴰⴷⵉⵎⵉⵢⵏ, ⴰⴷ ⵎⵙⴳⴷⴰⵍⵏ ⵖⴼ ⵜⵖⴰⵡⵙⵉⵡⵉⵏ ⵉⵍⴰⵏ ⴰⵏⵣⴳⵓⵎ ⴰⴳⵔⴰⵖⵍⴰⵏ, ⴳ ⵍⵍⴰⵏ ⵉⴷⵉⵔⵏ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ, ⴷ ⵓⵙⵙⵕⵚⵓ ⴰⵥⵕⴼⴰⵏ ⴰⵎⴰⴹⵍⴰⵏ, ⴷ ⵓⵙⴱⴷⴷ ⵏ ⵓⵥⵍⴰⴹ, ⴷ ⵜⴳⵎⵉ ⵜⴰⴷⵎⵙⴰⵏⵜ, ⴷ ⵓⵙⵖⵏⵓ ⵏ ⵓⵙⵓⵍⴼ ⵏ ⵜⵡⵓⵔⵉ, ⴷ ⵓⵙⵏⴼⵍ ⵏ ⵓⵏⵣⵡⵉ, ⴷ ⵜⵉⵢⵢⴰⴹ ⵜⵎⵏⵜⵉⵍⵉⵏ ⵜⵉⵎⵉⵔⴰⵏⵉⵏ. 
ⵉⴼⵓⴽⴽ ⴰⴷ ⵉⵜⵜⵓⵏⵄⵜ ⵎⴰⵙ ⵉⵎⵙⴰⴳⴰⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴰⵍⴰⵙⵙ ⵉⵣⵔⵉⵏ ⴰⴽⴷ ⵉⴳⵏⵙⴰⵙ ⵏ ⵉⴱⴰⵏⴽ ⴰⴳⵔⴰⵖⵍⴰⵏ, ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ, ⴳ ⵜⵉⴳⵉⵔⴰ ⵏ ⵓⵔⵣⴰⴼ ⵏⵏⵙⵏ ⴰⵎⵣⵣⵉⵡⵕ ⴰⵙⵙⴰⵏ ⵍⵍⵉ ⴷ ⵙⵙⴽⵔⵏ ⵉⴳⵏⵙⴰⵙ ⵏ ⵙⴰⵏⵜ ⵜⵎⵔⴰⵍ ⵉⵜⵜⵢⴰⵡⴱⴷⴰⵔⵏ,ⵉ ⵜⵎⵉⵣⴰⵔ ⵎⵣⴰⵔⴰⵢⵏⵉⵏ ⵏ ⵓⵎⴰⴹⴰⵍ, ⵍⵍⵉ ⵉⴱⴷⴰⵏ ⴳ ⵜⵎⴰⵣⵉⵔⵜ ⵏⵏⵖ ⵙⴳ 24 ⴽⵟⵓⴱⵕ ⵉⵣⵔⵉⵏ, ⴱⴷⴷⴰⵏ ⴳⵉⵙ ⵖⴼ ⵉⵙⵎⵓⵜⵜⵓⴳⵏ ⵏ ⵜⵎⴰⵣⵉⵔⵜ ⵏⵏⵖ ⵉ ⵓⵙⵏⵓⴱⴳ ⵏ ⵜⵙⵎⵓⵏⴰⵢ ⵜⵉⵙⴳⵯⵙⴰⵏⵉⵏ ⵉ ⵜⴳⵔⵓⵎⵎⴰ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⵥⵕⴼ ⴰⴳⵔⴰⵖⵍⴰⵏ.