ⵉⴳⵣⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵙⵎⴰⵍ ⵏ ⵓⵏⵙⵙⵉⵅⴼ ⴰⴱⵔⴰⵣⵉⵍⵉ

ⵉⴳⵣⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵉⴹⵍⵍⵉ ⴰⵙⴰⵎⴰⵙ, ⴳ ⵜⴼⵓⴳⵍⴰ ⵏ ⵓⵙⵎⴰⵍ ⵏ ⵓⵏⵙⵙⵉⵅⴼ ⴰⴱⵔⴰⵣⵉⵍⵉ, ⵎⴰⵙⵙ ⵍⵡⵉⵙ ⵉⵏⵢⴰⵙⵢⵓ ⵍⵓⵍⴰ ⴷⵉ ⵙⵉⵍⴼⴰ.
ⴷⴼⴼⵉⵔ ⵎⴰ ⴰⵢ ⴷ ⵏⵏ ⵉⵍⵍⴰ ⴳ ⵜⵉⵍⴰⵍ ⵏ ⵓⵙⵎⴰⵍ ⵏ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⴱⵔⴰⵣⵉⵍ ⴰⵎⴰⵢⵏⵓ ⴷ ⵓⵎⴰⵔⴰ ⵏⵏⵙ, ⵊⵉⵔⴰⵍⴷⵓ ⵅⵓⵙⵙⵉ ⵔⵓⴷⵔⵉⴳⵉⵣ ⴷⵉ ⴰⵍⴽⵎⵉⵏ ⴼⵉⵍⵀⵓ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵡⴰⵏⵙⴰ ⵏ ⵍⵓⴽⵓⵏⴳⵔⵉⵙ, ⵉⵙⵏⵓⴱⴱⴳ ⵓⵏⵙⵙⵉⵛⴼ ⵍⵓⵍⴰ ⴷⵉ ⵙⵉⵍⴼⴰ ⴷ ⵓⵎⴰⵔⴰ ⵏⵏⵙ,  ⵎⴰⵙⵙ ⴰⵅⵏⵓⵛ ⴳ ⵉⴱⵔⴳⵎⵎⵉ ⴱⴰⵍⴰⵏⵟⵓ, ⴰⵏⵙⴰ ⵏ ⵓⴷⴰⴱⵓ ⴰⵎⵣⵣⴳⴰⵔ.
ⵢⵉⵡⵉ ⵍⵓⵍⴰ ⴷⵉ ⵙⵉⵍⴼⴰ ⵉⵙⵜⴰⵢⵏ ⵉⵏⵙⵙⵉⵅⴼⵏ ⵍⵍⵉ ⵉⵍⴰⵏ ⵜⴰⵙⵓⵜⵍⵜ ⵏⵏⵙⵏ ⵜⵉⵙⵙ ⵙⵏⴰⵜ ⴳ 30 ⴽⵟⵓⴱⵕ ⵉⵣⵔⵉⵏ, ⵙ ⵓⵙⵖⵍ ⵏ 50,9 ⴳ ⵜⵉⴳⵎⵉⴹⵉ ⵏ ⵉⵎⵙⵍⵉⵜⵏ, ⵙ ⵓⵎⵣⴰⵔⴰⵢ ⵏ 1,8 ⵏ ⵜⵏⵇⵇⴰⴹ ⴳ ⵜⵉⴳⵎⵉⴹⵉ ⴰⴽⴷ ⵓⵏⵙⵙⵉⵅⴼ ⴰⵣⴰⵢⴽⵓ ⵊⴰⵢⵔ ⴱⵓⵍⵙⵓⵏⴰⵔⵓ (49,1 ⴳ ⵜⵉⴳⵎⵉⴹⵉ).
ⵢⵓⴻⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴱⵔⴰⵜ ⵏ ⵓⵙⵙⵔⵖⵓⴷ ⵉ ⵎⴰⵙⵙ ⵍⵓⵍⴰ ⴷⵉ ⵙⵉⵍⴼⴰⵏ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏⵏⵙ, ⵉⵏⵏⴰ ⴰⵙ “ ⴰⴱⵓⵔⵣ ⵏⵏⵙ ⵙ ⵓⵢⵏⵏⴰ ⵉⵥⵍⵉⵏ ⵉⵎⵢⴰⵙⵙⴰⵜⵏ ⵉⵎⵖⵔⴰⴱⵉⵔⵏ ⵉⴱⵔⴰⵣⵉⵍⵉⵢⵏ ⴳ ⵜⵉⴷⴷⵓⴽⴽⵍⴰ ⵉⴷⵓⵙⵏ ⴷ ⵓⵎⵢⴰⵡⴰⵙ ⵉⴱⵖⵓⵔⵏ ⴳ ⵉⴳⵔⴰⵏ ⵎⵣⴰⵔⴰⵢⵏⵉⵏ” ⵃⵎⴰ ⴰⴷ ⵢⵉⵍⵉ ⵓⵣⵓⵍⵣ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵎⵉ ⴳⴳⵓⵜⵏ ⵉⵙⵡⵉⵏ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ.”
ⵉⴽⴽⴰ ⵜⵜ ⵏⵏ ⵢⴰⴷ ⵍⵓⵍⴰ ⴷⵉ ⵙⵉⵍⴼⴰ ⵉⴳⴰ ⴰⵏⵙⵙⵉⵅⴼ ⵏ ⵜⴳⴷⵓⴷⴰ ⴳ ⵍⴱⵔⴰⵣⵉⵍ ⴳⵔ ⵉⵙⴳⴳⵯⴰⵙⵏ 2003 ⴷ 2010.