ⵜⴰⵎⵔⴰⵔⵓⵜ ⵏ ⵓⵙⵍⵡⴰⵢ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵅⴼ ⵉⵙⵇⵙⵉⵜⵏ ⵏ ⵉⴷ ⵎⴰⵙⵙⴰ ⵓⵍⴰ ⵉⴷ ⵎⴰⵙⵙ ⵉⵎⵛⵛⴰⵡⵕⵏ ⵏⵏⴰ ⵉⵣⴷⵉⵏ ⵙ ⵓⵙⵇⵙⵉ ⴰⵎⵇⵇⵔⴰⵏ: “ⴰⵙⵎⵀⵍ ⵏ ⵓⵙⴰⵡⵔ ⵏ ⵓⵖⴰⵎⵓⵙ ⴰⴷⵓⵙⴰⵏ ⴷ ⵜⵏⴰⵎⵓⵔⵜ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵜⵜⵓⵙⵔⴰⵙⵏⵜ ⵜⵔⵙⴰⵍ ⵏ ⵓⵡⵏⴽ ⴰⵏⴰⵎⵓⵔ”

ⴰⴽⵓⵎ: ⴰⵙⵎⵀⵍ ⵏ ⵓⵙⴰⵡⵔ ⵏ ⵓⵖⴰⵎⵓⵙ  ⴰⴷⵓⵙⴰⵏ ⴷ ⵜⵏⴰⵎⵓⵔⵜ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵜⵜⵓⵙⵔⴰⵙⵏⵜ ⵜⵔⵙⴰⵍ ⵏ ⵓⵡⵏⴽ ⴰⵏⴰⵎⵓⵔ

ⵎⴰⵙⵙ ⴰⵏⵙⵙⵉⵅⴼ  ⵏ ⵓⵙⵇⵇⵉⵎ ⵏ ⵉⵎⵛⵛⴰⵡⵕⵏ ⵉⵜⵜⵓⵡⵇⵇⴰⵔⵏ, 
ⵉⴷ ⵎⴰⵙⵙⴰ ⵓⵍⴰ ⵉⴷ ⵎⴰⵙⵙ ⵉⵜⵜⵓⵡⵇⵇⴰⵔⵏ
ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵛⵛⴰⵡⵕⵏ ⵉⵜⵜⵓⵡⵇⵇⴰⵔⵏ,

1.    ⴳ ⵓⵎⵣⵡⴰⵔⵓ, ⴰⵔ  ⵣⵓⵣⵣⵓⵔⵖ ⵢⴰⵏ ⵡⴰⵣⵓⵍ ⴰⵎⵇⵇⵔⴰⵏ ⵉ ⵇⵇⴰⵃ ⵉⴼⵔⴷⵉⵙⵏ ⵏ ⵓⵙⵇⵇⵉⵎ ⵉⵜⵜⵓⵡⵇⵇⴰⵔⵏ ⴰⵢⴷⴷⵖ ⵉⴹⴼⴰⵕ ⴰⵏⵔⴰⵔ ⵏ ⵏ ⵓⵚⵚⵕⵚⵓ ⵏ ⵓⵡⵏⴽ ⴰⵏⴰⵎⵓⵔ ⵏⵏⴰ ⴷⴰⵔ ⵢⴰⵏ ⵡⴰⵜⵉⴳ ⵎⵇⵇⵓⵔⵏ ⴷⴰⵔ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵕⴱⴱⵉ ⴰⴷ ⵜ ⵉⵏⵚⵕ; ⵎⴽⵉⵏⵏⴰ ⴷⴰ ⴽⴽⵏ ⵏⵙⵏⵉⵎⵎⵉⵔ ⵅⴼ ⵜⵣⵎⵎⴰⵔ ⵏⵏⵓⵏ ⵜⵉⵎⵇⵇⵔⴰⵏⵉⵏ ⴷ ⵜⵖⴷⴼⵜ ⵏⵏⵓⵏ ⵅⴼ ⵓⴹⴼⵓⵕ ⵏ ⵜⵎⴰⵎⴽⵜ ⵏ ⵜⵡⵓⵔⵓ ⵏ ⵜⵏⴱⴰⴹⵜ ⴳ ⵜⵙⴳⴰ ⴰⴷ ⴷ ⵓⵙⵜⵜⴰⵢ ⵏⵏⵓⵏ ⵉ ⵉⵎⵔⵙⵉ: “ⴰⴽⵓⵎ: ⴰⵙⵎⵀⵍ ⵏ ⵓⵙⴰⵡⵔ ⵏ ⵓⵖⴰⵎⵓⵙ  ⴰⴷⵓⵙⴰⵏ ⴷ ⵜⵏⴰⵎⵓⵔⵜ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵜⵜⵓⵙⵔⴰⵙⵏⵜ ⵜⵔⵙⴰⵍ ⵏ ⵓⵡⵏⴽ ⴰⵏⴰⵎⵓⵔ” ⵏⵏⴰ ⵉⴳⴰⵏ ⴰⵎⵔⵏⵓ ⵏ ⵜⵖⵉⵎⵉⵜ ⴰⴷ ⵜⴰⴷⵓⵙⵜⵓⵔⵉⵢⵜ.

ⵉⴷ ⵎⴰⵙⵙⴰ ⴷ ⵉⴷ  ⵎⴰⵙⵙ ⵏⵏⴰ ⵉⵀⴰⴹⵕⵏ,

2.    ⵀⴰⵏ ⵜⴰⵙⵙⴰⵙⵜ ⵏⵏⴰ ⵉⴽⴽⴰⵏ ⴰⵎⴰⴹⴰⵍ ⴳ ⵓⵣⵎⵣ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⴽⵓⴼⵉⴷ 19 ⵜⴳⴰ ⵢⴰⵜ ⵜⴰⵙⵙⴰⵙⵜ ⵏⵏⴰ ⵓⵔ ⵊⵊⵓ ⵉⵍⵍⵉⵏ ⵙⵡⴰ ⴳ ⵡⴰⵏⴰⵡ ⵏⵏⵙ ⵓⵍⴰ ⴰⵜⵉⴳ ⵏ ⵏ ⵢⵉⵕⵕⵥⴰⵏ ⵏⵏⵙ ⵉⵏⴰⵎⵓⵔⵏ ⴷ ⵉⴷⵎⵙⴰⵏⵏ ⵏⵏⴰ ⴷ ⵜⵣⵔⵉ ⴷⴼⴼⵉⵔ ⴰⵙ, ⵎⴰⴽⴰ ⵙ ⵜⵡⵉⵙⵉ ⵏ ⵕⴱⴱⵉ ⴷ ⵜⴷⵓⵙⵉ ⵏⵏⵙ, ⵜⵥⴹⴰⵕ ⵜⵏⴱⴰⴹⵜ ⵜⴰⴳⴷⵓⴷⴰⵏⵜ ⴰⴷ ⵜⴱⴰⴹ ⴳ ⵓⵙⵖⵉⵡⵙ ⵏ ⵍⴰⵜⵕ ⵏⵏⴰ ⴷ ⵜⵓⴷⵊⴰ ⵜⴰⵙⵙⴰⵙⵜ ⴰⴷ ⵙ ⵢⴰⵜ ⵜⵎⴰⵎⴽⵜ ⵉⴼⵓⵍⴽⵉⵏ, ⵜⴰⵡⵓⵔⵉ ⴰⴷ ⵜⵙⵙⵓⵙⵎ ⴽⵓⵍ ⴰⵎⴰⴹⴰⵍ, ⵜⵜⵡⴰⵙⵙⴰⵏ ⵜⵉⵣⵉ ⴰⴷ ⵙ ⵓⵎⵢⴰⵡⴰⵙ ⴱⴰⵀⵔⴰ ⵉⵎⵇⵇⵓⵔⵏ, ⵓⵍⴰ ⵢⴰⵏ ⵓⵙⵎⵓⵙⵙⵓ ⴰⴽⵙⵡⴰⵜ ⵉ ⵇⵇⴰⵃ ⵉⵎⴳⴳⴰⵢⵏ ⵓⵍⴰ ⵉⵏⴰⵎⵓⵔⵏ ⵎⴰⵕⵕⴰ ⴷ ⴰⵢⵜ ⵜⵎⴰⵣⵉⵔⵜ ⵃⵎⴰ ⴰⴷ ⵔⴰⵔⵏ ⵅⴼ ⵍⴰⵟⵕ ⵏ ⵜⵎⴰⴹⵓⵏⵜ. ⴳ ⵢⴰⵏ ⵓⵏⵣⵡⵉ ⵉⴳⴰⵏ ⵜⴰⵡⵙⴰ ⴷ ⵜⵡⵉⵣⵉ ⴰⴽⴷ ⵜⵎⵍⵎⴰⴷⵉⵏ ⵜⵉⵅⴰⵜⴰⵔⵉⵏ ⵏⵏⴰ ⵢⴰⴽⴽⴰ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵕⴱⴱⵉ ⴰⴷ ⵢⴰⴷⵊ. 

3.    ⵎⴰⵛⴰ ⵜⵓⴳⴳⵜ ⵏ ⵜⵖⴰⵡⵙⵉⵡⵉⵏ ⴳ  ⵓⵎⵏⴰⴹ ⵏⵏⵖ ⴰⵏⴰⵎⵓⵔ ⵓⵔ ⵍⵍⵉⵏ ⵖⴰⵙ ⴰⵙⵙⴰ, ⴰⵢⵏⵏⴰ ⵢⵓⵊⵊⴰⵏ ⴰⵏⵙⵉⵡⵏ ⵓⵔ ⵉⴷⵓⵙⵏ ⴷ ⵉⵎⵖⵏⵓⵜⵏ ⵉⵏⵜⵓⵜⵔⵏ ⴳ ⵜⵎⴰⵎⴽⵉⵏ ⵏ ⵓⵙⵖⵉⵡⵙ ⵏ ⴽⵔⴰ ⵏ ⵢⵉⴳⵔⴰⵏ, ⵉⴳⴰ ⵢⴰⵏ ⴳ ⵉⵎⵏⵜⵉⵍⵏ ⵏⵏⴰ ⵢⵓⵍⵍⵏ ⴳ ⵜⴱⴱⴰⵢⴹⴰⵕⵉⵏ ⵏⵏⴰ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ, ⴰⵢⴷⴷⵖ ⵉⵎⴰⵟⵍ ⵓⵣⵣⵓⴳⵣ ⵏ ⵉⵙⴰⵡⵔⵏ ⵉⵎⵇⵇⵔⴰⵏⵏ ⵣⵓⵏⴷ  ⴰⵙⵎⴰⵜⴰ ⵏ ⵓⵃⵟⵟⵓ ⴰⴳⴷⵓⴷⴰⵏ ⴷ ⵜⵙⵖⵉⵢⵜ ⵏ ⵜⵏⴰⴳⵔⴰⵡⵜ ⵏ ⵜⴷⵓⵙⵉ, ⴷ ⵓⵙⵙⴽⵛⵎ ⵏ ⵢⵉⴳⵔ ⵏⵏⴰ ⵓⵔ  ⵉⵥⴹⵉⵏ; ⴷ ⵓⵙⴷⵓⵙ ⵏⵜⵣⵔⴼⵉ ⵜⴰⴷⵖⵔⴰⵏⵜ ⴷ ⵜⵏⴽⵔⴰ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.

4.    ⵎⵇⵇⴰⵔ ⵍⵍⴰⵏ ⴽⵉⴳⴰⵏ ⵏ ⵜⴱⴱⴰⵢⴹⴰⵕⵉⵏ ⵜⵉⵏⴰⵎⵓⵔⵉⵏ ⴷ ⵜⴷⵎⵙⴰⵏⵉⵏ ⵏⵖⵉⵍⵍⴰ, ⵜⵏⵏⴰⵖ ⵜⵏⴱⴰⴹⵜ ⵙ  ⵢⴰⵏ ⵓⵏⵣⴳⵓⵎ ⴰⵏⴰⵎⵓⵔ  ⴰⵎⴰⴳⵓⵜ ⵉⵛⵛⴰⵔⵏ ⴰⴷ ⵜⴳ ⵜⴰⵙⵙⴰⵙⵜ ⴷ ⵢⴰⵏ ⵓⵎⵡⴰⵊⴱ ⵏ ⵜⵉⴷⵜ ⵃⵎⴰ ⴰⴷ ⵢⵉⵍⵉ ⵓⵙⵏⴼⵍ ⴰⵥⵓⵕⴰⵏ ⴳ ⵜⵎⴰⵎⴽⵉⵏ ⵏ ⵓⵙⵓⴷⵙ  ⴷ ⵓⵙⵖⵉⵡⵙ ⴰⵎⴰⵜⴰⵢ ⵏⵏⴰ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ. ⴷ ⵏⵜⵜⴰ ⴰⴷ ⵉⴳⴰⵏ ⴰⵙⵏⴼⵍ ⵏⵏⴰ ⵉⵃⵜⴰⵊⵊⴰⵏ ⴽⵉⴳⴰⵏ ⵏ ⵉⵙⵖⵓⴷⵓⵜⵏ ⵉⵖⴱⴰⵏ ⴽⵉⴳⴰⵏ ⵏⵏⴰ ⵉⵣⵎⵔⵏ ⴰⴷ ⵜⴰⵡⵙ  ⴳⵓⵣⵣⵓⴳⵣ ⵏ ⵏ ⵓⵣⵓⵔⵜ ⴰⵏⴳⵎⴰⵏ ⴰⵎⴰⵢⵏⵓ. ⵃⵎⴰ ⴰⴷ ⵉⵣⵎⵔ  ⴳ ⴷⴰⵜ ⵏⵖ ⴳ ⵎⴰⵏ ⵢⴰⴳⴳⵓⴳⵏ ⴰⴷ ⵜⵉⵖⵉⵢⵜ ⵉ ⵇⵇⴰⵃ ⵜⴰⵙⵙⴰⵙⵉⵏ ⵏⵏⴰ ⵉⵍⵍⴰⵏ, ⴷ ⵜⴰⵡⵙⴰ ⵏ ⵓⵙⵙⵕⵚⵓ ⵏ ⵜⵔⵙⴰⵍ ⵏ ⵍⵎⵖⵔⵉⴱ ⵏⵏⴰ ⴳ ⵉⵍⵍⴰ ⵓⵎⵙⴰⵙⴰ ⵓⴳⴳⴰⵔ, ⴷ ⵍⴽⵙ ⴷ ⵓⴱⵓⵖⵍⵍⵓ ⴷ ⵜⵣⵎⵔⵜ ⵅⴼ ⵉⴱⴷⴷⵉ ⴷⵜ ⵏ ⵜⴰⵙⵙⴰⵙⵉⵏ.

5.    ⵀⴰⵏ ⴰⵎⴰⴳⴳⵓⵎ ⵏ “ⵍⵎⵖⵔⵉⴱ ⵏ ⵓⵙⵉⴷⴼ” ⵏⵏⴰ ⵢⵓⵎⵥⵏ ⵢⴰⵜ ⵜⵖⴹⴼⵜ ⵜⴰⵎⵇⵇⵔⴰⵏⵜ ⴷ ⵡⴰⵏⵙⴰ ⴰⵎⵣⵡⴰⵔⵓ ⴷⴰⵔ ⴱⴰⴱ ⵏ ⵜⵎⴰⴳⴰⵔⵜ, ⵉⴳ ⵢⴰⵏ ⵡⴰⵎⵎⴰⴽ ⵏⵏⴰ ⵉⵜⵜⵓⴼⴽⴰⵏ ⴰⵎⵎⴰⵙ ⵏ ⵓⵖⴰⵡⴰⵙ ⵏ ⵓⵎⴷⵢⴰ ⵏ ⵓⴱⵓⵖⵍⵍⵓ ⵃⵎⴰ ⴰⴷ ⵉⵖⵓⴷⵓ ⵓⵃⵔⴰⵢ ⵏ ⵉⵖⴰⵡⴰⵙⵏ ⵉⵏⴰⵎⵓⵏⵏ. ⵉⵣⴷⵉ ⴰⴽⴷ ⵜⵣⵎⵔⵜ ⵏ ⵜⵎⴰⵣⵉⵔⵜ ⵏⵏⵖ ⵙ ⵓⵙⴱⴷⴷ ⴷ ⵜⴰⴼⵙⵙⵉ ⵏ ⵉⵙⵏⵓⵃⵢⵓⵜⵏ ⵉⵏⴰⵎⵓⵔⵏ ⵎⵇⵇⵓⵔⵏⵉⵏ ⵏⵏⴰ ⵉⵍⵍⴰⵏ, ⵙⵡⴰ ⴳ ⵓⵙⵡⵉⵔ ⵏ ⵓⵙⵎⵓⵙⵙⵓ ⵏ ⵉⵙⵓⴳⴰⵎ ⵏⵖ ⴰⴱⵓⵖⵍⵍⵓ ⴷ ⵓⵣⵣⵓⴳⵣ ⵏ ⵜⵙⵜⵔⴰⵜⵉⵊⵢⵢⵉⵏ, ⵓⵍⴰ ⴰⵖⵓⴷⵓ ⵏ ⵓⵏⴰⴳⵔⴰⵡ ⵏ ⵓⵃⵟⵟⵓ ⴰⵏⴰⵎⵓⵔ ⴷ ⵓⵙⴷⵓⵙ ⵏ ⵉⵣⴷⴰⵢⵏ ⵉⵏⴰⵎⵓⵔⵏ.

ⵉⴷ ⵎⴰⵙⵙⴰ ⵓⵍ ⵉⴷ ⵎⴰⵙⵙ ⴷ ⵉⵃⴰⴹⵕⵏ, 

6.    ⵉⵍⴰⵣⵎ ⵙⴳ ⵜⵣⵡⵓⵔⵉ ⵏⵓⵏⵏⴱⴹ ⵏ ⵜⵏⴱⴰⴹⵜ ⵏⵏⴰ ⵉⵍⵍⴰⵏ ⵖⵉⵍⴰ, ⴰⴷ ⵜⵉⵍⵉ ⵜⴰⵡⵙⴰ ⵅⴼ ⵢⵉⵙⵢ ⵏ ⴽⵉⴳⴰⵏ ⵏ ⵜⵖⵜⴰⵙⵉⵏ ⵜⵉⵙⵔⵜⴰⵏⵉⵏ ⵏ ⵜⵉⴷⵜ ⵏⵏⴰ ⵉⴳⴰⵏ ⵜⴰⵔⵙⵍⵜ ⵉ ⵓⵣⵎⵣ ⴰⵎⴰⵢⵏⵓ, ⵜⵡⵛ ⵢⴰⵜ ⵜⴷⵉⵏⴰⵎⵉⵢⵜ ⵏ ⵓⵙⵙⴳⵎⵉ ⵍⵍⵉ ⵓⵔ ⵊⵊⵓ ⵉⵍⵍⵉⵏ, ⴰⴷ ⴳⵉⵙ ⵉⴳ ⵓⵏⴰⵎⵓⵔ  ⵏⵙⵙⵉⵅⴼ ⵏ ⵓⵙⴰⵡⵔ ⵏ ⵓⵡⵏⴽ ⴰⵏⴰⵎⵓⵔ ⵙ ⵉⵙⵏⴼⴰⵔⵏ ⵏⵏⵙ ⵉⵎⵢⴰⵏⴰⵡⵏ ⴷ ⵜⵙⵔⵜⵉⵜ ⵏⵏⵙ.

7.    ⵜⴳⴰ ⵢⴰⵜ ⵜⵎⵢⴰⴷⴰⵙⵜ ⵏⵏⴰ ⵉⵥⴹⴰⵕⵏ ⴰⴷ ⵜⵙⵎⵓⵔⵙ ⴰⵙⵏⴼⴰⵔ ⵏ ⵓⵃⵟⵟⵓ ⴰⵏⴰⵎⵓⵔ ⵙ ⵓⵏⴰⵎⴽ ⵏⵏⵙ ⵉⵍⴽⵙⵏ ⵏⵏⴰ ⵉⵣⴷⵉⵏ ⴳⵔ ⵓⵃⵟⵟⵓ ⵍⵍⵉ ⵉⴳⴰⵏ ⴰⵣⵔⴼ ⵙⴳ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵙⵔⵜⵉⵜ ⵏ ⵜⴳⵎⵉ ⵏⵏⴰ ⵉⴽⴽⴰⵜⵏ ⴰⴷ ⵢⵉⵍⵉ ⵓⴱⵓⵖⵍⵍⵓ ⴰⴷⵎⵙⴰⵏ. 

8.    ⵙ ⵓⵔⵖⵓⴷ ⵏ ⴰⵢⴷⴷⵖ ⵏ ⵏ ⵜⴽⴰⵢⵍⴰⵍⵜ ⵜⴰⵙⵎⴰⵢⵏⵓⵜ ⵏⵏⴰ ⵉⵎⵎⴰⵍⵏ ⵜⵉⴼⴰⵡⵜ ⵏ ⵡⴰⵍⵍⴰⵣ  ⵏ ⵜⵏⴱⴰⴹⵜ ⴷ ⵓⴼⵔⴰⴽ ⵏⵏⵙ ⵉⵖⴱⴰⵏ ⵙ ⵇⵇⴰⵃ ⵉⵙⵇⵙⵉⵜⵏ ⵏ ⵡⴰⵎⵓⵏ ⴷ ⵜⵎⵏⵜⵉⵍⵉⵏ ⵏⵏⵙ ⵜⵉⵅⴰⵜⴰⵔⵉⵏ, ⴷ ⵡⵓⵎⵓ ⵏⵏⵖ ⴷⴼⴼⵉⵔ ⵏ ⵜⴰⵏⵏⴰⵢⵜ ⵉⴼⵓⵍⴽⵉⵏ ⵏ ⵓⴳⵍⵍⵉⴷ, ⵏⵙⵙⵏⵜⵉ ⴳ ⵓⴷⵡⴰⵍ ⵏ ⵡⴰⵏⵙⴰ ⵏ ⵓⵏⴰⵎⴽ ⵏ ⵓⵃⵟⵟⵓ ⴰⵎⵎⴰⵙ ⵏ ⵜⵙⵔⵜⴰⵏⵉⵏ ⵜⴰⵏⴰⵎⵓⵏⵉ, ⴰⵢⴷⴷⵖ ⵜⴳⴰ ⵜⵉⵔⵙⵍⵜ ⵜⴰⵎⵇⵇⵔⴰⵏⵜ ⴳ ⵎⴰⵜⵜⴰ ⵜⴰⵖⵓⵏⵜ ⵜⴰⵏⴰⵎⵓⵔⵜ ⵉⴽⴽⴰⵜⵏ ⴰⴷ ⵉⵙⵎⵙⴰⵙⴰ ⵉⵏⵎⵓⵔⴰ ⵉⵃⵟⵓ ⵓⴷⵎ ⵏⵏⵙⵏ. ⵜⴳ ⴰⵡⴷ ⵢⴰⵜ ⵜⵏⴰⴳⵔⴰⵡⵜ ⵏ ⵉⵣⵔⴼⴰⵏ ⵉⵏⴰⵎⵓⵏⵏ ⵏⵏⴰ ⵉⵃⵟⵟⵓⵏ ⵉⵍⵉ ⵏ ⵉⵏⴰⵏⵎⵓⵔⴰ ⵅⴼ ⵉⴱⵔⵔⵉⵎⵏ ⵏ ⵜⵓⴷⵔⵜ, ⴷ ⴳ ⵜⵉⵣⵣⴰ ⵏ ⴳⴰⵔ ⵏⵏⴰ ⵉⵜⵜⵉⴷⵉⵔ ⴳ ⵜⵓⴷⵔⵜ ⵏⵏⵙ, ⴷ ⴰⵔⴰⵔ ⵅⴼ ⵇⵇⴰⵃ  ⵉⵎⵉⵣⵉⵜⵏ ⵏⵏⴰ ⵉⵙⴷⵉⴷⴷⵉⵢⵏ ⵙⵙⵍⴰⵎⵜ ⵏⵏⵙ ⴷ ⵓⵙⵙⵔⵚⵓ ⵏⵏⵙ.

9.    ⵜⵓⵔⴰ ⴰⴳⵍⵍⵉⴷ ⵉⵡⵛⴰ ⵜⵉⵖⵍⴼⵉⵏ ⵏⵏⵙ ⵎⵇⵇⵓⵔⵏⵉⵏ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⴰⵎⵇⵇⵔⴰⵏ ⵏ ⵓⵙⴳⴳⴰⵙ ⵏ 2020 ⵃⵎⴰ ⴰⴷ ⴰⵣⵣⵍⵏ ⴳ ⵓⵣⵣⵓⴳⵣ ⵏ ⵉⴼⵔⴷⵉⵙⵏ ⵉⵎⵢⴰⵏⴰⵡⵏ ⵏ ⵓⵏⴰⴳⵔⴰⵡ ⵏ ⵓⵃⵟⵟⵓ ⴰⵏⴰⵎⵓⵔ  ⴳ ⵜⵎⴰⵣⵉⵔⵜ, ⵉⴱⵓⵔⵣ ⵎⴰⵙⴷ “ⵉⵍⵉ ⵏ ⵓⵃⵟⵟⵓ ⴰⵏⴰⵎⵓⵏ ⵉ ⵇⵇⴰⵃ ⵉⵎⵖⵔⴰⴱⵉⵢⵏ, ⵏⵏⴰ ⵔⴰⵇ ⵉⴳ ⴰⵏⵣⴳⵓⵎ ⵏⵏⵅ ⴰⵎⵇⵇⵔⴰⵏ ⴰⵔ ⴰⵙⵔⴰ ⴳ ⵏⵣⵎⵔ ⴰⴷ ⵜⵜ ⵏⵙⵎⴰⵜⴰ ⵅⴼ ⵇⵇⴰⵃ  ⵜⵉⴳⵔⵓⵎⵎⴰ ⵜⵉⵏⴰⵎⵓⵏⵉⵏ”, ⵉⵙⵎⴷ ⵓⴳⵍⵍⵉⴷ ⴳ ⵜⵉⵏⴰⵡⵜ ⵏⵏⵙ  “ⵜⵍⴽⵎ ⵜⵉⵣⵉ, ⵃⵎⴰ ⴰⴷ ⵜⵔⵥⵎ ⵜⵎⴳⴳⵉⵜ ⵉⴷⵓⵙⵏ, ⵃⵎⴰ ⴰⴷ ⵜⵉⵍⵉ ⵜⴷⵓⵍⵉ ⵜⴰⵏⴰⵎⵓⵏⵜ ⵉ ⵇⵇⴰⵃ ⵉⵎⵖⵔⴰⴱⵉⵢⵏ ⴳ ⵉⵙⴳⴳⵓⵙⵏ ⴰⴷ ⵙ ⵙⵎⵎⵓⵙ ⵏⵏⴰ ⴷ ⵉⴷⴷⴰⵏ” (ⵉⵙⵎⴷ ⵡⴰⵡⴰⵍ  ⵏ ⴱⴰⴱ ⵏ ⵜⵎⴰⴳⴰⵔⵜ). ⵎⴰⵏ ⴰⵢⴰ ⴰⴷ ⵉⴳⴰⵏ ⵉ ⵜⵏⴱⴰⴹⵜ ⵢⴰⵜ ⵜⵖⴰⵔⴰⵙⵜ ⵉⴼⴰⵡⵏ ⵃⵎⴰ ⴰⴷ ⵜⵔⴳⵏ ⵜⵉⵎⴳⴳⵉⵜⵉⵏ ⵏⵏⴰ ⵉⵍⵍⴰⵏ ⴳ ⵓⵙⴰⵜⵉ ⴰⴷ. 

10.    ⵎⴰⵏ ⴰⵢⴰ ⴰⴷ ⵉⵎⵙⴰⵙⴰⵏ ⴰⴽⴷ  ⵉⵙⵖⵍⴼⵏ ⵉⵎⵇⵇⵔⴰⵏⵏ ⵏⵏⴰ ⴷ ⵉⴷⴷⴰⵏ ⴳ ⵓⵣⵓⵔⵜ ⵏ ⵓⴱⵓⵖⵍⵍⵓ ⴰⵎⴰⵢⵏⵓ, ⵍⵍⵉ ⵉⴽⴽⴰⵜⵏ ⴰⴷ ⵜⵙⴽⵔ ⵢⴰⵜ ⵡⴰⴱⵓⴹ ⵉⵇⵙⵃⵏ ⵉ ⵓⵃⵟⵟⵓ ⴰⵏⴰⵎⵓⵏ ⴰⴳⵊⴷⴰⵏ ⵏⵏⴰ ⵉⴽⴽⴰⵜⵏ ⴰⴷ  ⵜⵙⵎⴰⵜⴰ ⴷ ⵜⵙⵎⵓⵏ ⴰⵖⴰⵎⵓⵙ ⴰⴷⵓⵙⴰⵏ ⴰⵖⵣⵓⵔⴰⵏ. ⵃⵎⴰ ⴰⴷ ⵣⵎⵔⵏ ⵉⵏⵎⵓⵔⴰ ⴷ ⴰⵎⵣⵏ ⵉⵊⵓⵊⵓⵢⵏ ⵉⴳⵊⴷⴰⵏⵏ; ⵣⵓⵏⴷ ⵢⴰⵏ ⵡⴰⴷⴰⴼ  ⵉⵥⴹⴰⵏ ⵉⵣⵎⵔⵏ ⴰⴷ ⵉⵙⵙⴽⵔ ⵢⴰⵏ ⵓⴱⵓⵖⵍⵍⵓ ⴰⴷⵎⵙⴰⵏ ⵎⵇⵇⵓⵔⵏ, ⵉⵙⴷⵓⵙ ⴰⵎⵓⵏ ⴷ ⵉⵣⴷⴰⵢⵏ ⵏⵏⵙ. 

ⵎⴰⵙⵙ ⴰⵏⵙⵙⵉⵅⴼ ⵉⵜⵜⵓⵡⵇⵇⴰⵔⵏ,
ⵉⴷ ⵎⴰⵙⵙⴰ ⵓⵍⴰ ⵉⴷ ⵎⴰⵙⵙ ⵏⵏⴰ ⵉⵍⵍⴰⵏ, 

11.    ⵎⴽⵉⵏⵏⴰ ⵉⵜⵜⵡⴰⵙⵙⴰⵏ, ⵉⴹⵀⵕ ⵎⴰⵙⴷ ⵜⴰⵎⴰⵣⵉⵔⵜ ⵏⵏⵖ ⴽⴽⴰⵏ ⴷⴰⵜ ⴰⵙ ⴽⵉⴳⴰⵏ ⵏ ⵜⴱⴱⴰⵢⴹⴰⵕⵉⵏ ⵎⵇⵇⵓⵔⵏⵉⵏ ⵉⵣⴷⵉⵏ ⵙ  ⵓⴷⵖⵖⵍ ⵏ ⵓⵖⵎⴰⵙ ⴰⴷⵓⵙⴰⵏ; ⴰⵢⴷⴷⵖ ⵍⵍⴰⵏ ⵉⵏⴷⴼⵉⵍⵏ ⵏ ⵜⵓⵚⴽⵉⵡⵉⵏ ⵏⵏⴰ ⵉⵙⵙⵏ ⵓⵙⴼⵙⵔ ⵏ ⵜⴷⵓⵙⵉ ⴰⵏⴰⵎⵓⵔ, ⵢⵉⵍⵉ ⴰⵡⴷ ⵓⵙⴳⵣⵍ ⴳ ⵢⵉⴳⵔ ⵏ ⵏ ⵓⵙⴼⵍⵙ  ⵓⵛⵛⵉⵍ ⵅⴼ ⵜⵎⴰⴹⵓⵏⵜ. ⴰⵢⵏⵏⴰ ⴷ ⵢⵓⴷⴷⵊⴰⵏ ⵢⴰⵏ ⵓⵙⵢⴰⴼⴰ ⴰⴽⵙⵡⴰⵜ ⵏ ⴳⴰⵔ  ⵕⵕⴹⴰ ⴰⵎⵎⴰⵙ ⵏ ⵉⵏⵎⵓⵔⴰ.

12.    ⵅⴼ ⵎⴰⵏ ⴰⵢⴰ ⴰⵙ ⵜⵙⵙⵏⵜⵉ ⵜⵏⴱⴰⴹⵜ ⵙⴳ ⵉⵎⴰⵍⴰⵙⵙⵏ ⵉⵎⵣⵡⵓⵔⴰ ⵏⵏⵙ ⵏⵏⴰ ⴳ ⵟⵓⵎⵥ ⵜⴰⵏⴱⴰⴹⵜ ⴳ ⵓⵡⵇⵇⵔ  ⵏ ⵓⵙⵙⵎⵔⵙ ⵏ ⵡⴰⴽⵓⴷ ⵏⵏⴰ ⵉⵡⵛⴰ ⵓⴳⵍⵍⵉⴷ ⴰⵎⵇⵇⵔⴰⵏ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙⵙ 21 ⵏ ⵓⴷⴰⴱⵓ ⵉⵎⵀⵔⵔⵉ, ⵃⵎⴰ ⴰⴷ ⵜⵜⵓⵙⵔⴰⵙⵏⵜ ⵜⵔⵙⴰⵍ ⵉⴷⵓⵙⵏ ⵃⵎⴰ ⴰⴷ ⵜⵜⵓⵚⴽⴰ ⵜⴰⵏⴰⴳⵔⴰⵡⵜ ⵜⴰⵎⴰⵢⵏⵓⵜ ⵏ ⵓⵃⵟⵟⵓ ⴰⵏⴰⵎⵓⵏⵏ ⴳ ⵜⵎⴰⵣⵉⵔⵜ ⵏⵏⵖ, ⵜⵏⴹⵡ ⵇⵇⴰⵃ ⴰⵢⵍⵍⵉⵖ ⵏ ⵉⵔⵡⴰⵢⵏ ⵏⵏⴰ ⵜⵜⵏ ⵉⴽⴽⴰⵏ ⴳ ⵉⵖⴰⵡⴰⵙⵏ ⵏⵏⴰ ⵉⵣⵔⵉⵏ; ⴷ ⴳⴰⵔ  ⵜⵉⵥⵥⵉⴹⵕⴰ ⵏⵏⵙ ⵅⴼ ⴰⴷ ⵜⵙⵙⵉⵖ ⵎⵉⴷⴷⵏ ⵏⵏⴰ ⵉⴳⴰⵏ ⵡⵉⵏⵙ, ⵙⵡⴰ ⴰⵢⵏⵏⴰ ⵉⵥⵍⵉⵏ ⵙ ⵓⵡⵜⵜⵓ ⵏ ⵓⵙⵖⵍ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵏⵖ ⴳⴰⵔ ⴰⵏⵏⴱⴹ ⴷ ⵓⵣⴷⴰⵢ ⵏ ⵜⵔⵙⴰⵍ. 

13.    ⵎⴰⵏ ⴰⵢⴰ ⴰⴷ ⴰⵖ ⵢⵓⵊⵊⴰⵏ ⴰⴷ ⵏⵍⴽⵎ ⵢⴰⵜ ⵜⵏⵟⵟⴰⴼⵜ ⵏⵏⴰ ⵉⵖⵓⴷⴰⵏ ⵙⴳ ⵓⵙⴳⴳ-ⴰⵙ ⴰⵎⵣⵡⴰⵔⵓ, ⴰⵢⴷⴷⵖ ⵜⵎⵓⵔⵙ ⵜⵏⴱⴰⴹⵜ ⵙ ⵢⴰⵜ ⵜⵎⴰⵎⴽⵜ ⵓⵔ ⵉⵍⵉⵏ ⴰⵏⴰⵡ  ⴳ ⵓⵙⵔⵔⵓⵙ ⵏ ⵜⵔⵙⴰⵍ ⵏ ⵜⵡⵉⵣⵉ ⵏ ⵜⵎⵔⵙⴰⵍ ⵏ ⵓⴱⵣⵣⴻⵣ ⵏⵏⴰ ⵇⴰⴷ ⵢⴰⵡⵙ ⴳ ⵢⵉⵍⵉ ⵏ ⵓⵃⵟⵟⵓ ⵉ ⵓⵎⴰⵜⴰ ⴷ ⵓⵏⵀⵍⵍⴰ ⴳ ⵉⵣⵔⴼⴰⵏ ⵏⵏⵙⵏ, ⵓⴳⴳⴰⵔ ⵏ ⵎⴰⵏ ⴰⵢⴰ ⴰⵙⵙⵔⵅⵓ ⵏ ⵜⵖⴰⵔⴰⵙⵉⵏ ⵏ ⵓⴽⵊⵊⵓⵎ ⵉ ⵜⵏⴰⴼⵓⵜⵉⵏ ⴷ ⵓⴼⵔⴰⴷ ⴰⴷⵓⵙⴰⵏ ⴳ ⵓⵣⵎⵣ ⴷ ⵢⵓⵙⴰⵏ, ⵙ ⵜⵎⴰⵎⴽⵜ ⵏⵏⴰ ⵉⵃⵟⵟⵓⵏ ⴰⵎⵙⴰⵙⴰ ⴳⵔ ⵇⵇⴰⵃ ⵉⵎⵖⵔⴰⴱⵉⵢⵏ ⵎⴽⵉⵏⵏⴰ ⴳⴰⵏ ⵉⵙⵡⵉⵔⵏ ⵏⵏⵙⵏ ⵏ ⵜⵏⴳⴰ ⴷ ⵜⵣⵣⵓⵍⴰⵏⵜ.

14.    ⵉⴳⴰ ⴰⵖ ⴰⵣⵔⴼ ⴰⴷ ⵏⵄⵔⵎ ⵙ ⵓⵙⵡⵉⵔ ⴰⴷ ⵉⵃⵍⴰⵏ ⵏ ⵜⵡⵓⵔⵉⵡⵉⵏ ⵏⵏⴰ ⵉⵙⵎⴷⵏ, ⵍⵍⵉ ⵉⴳⴰⵏ ⵢⴰⵜ ⵜⴳⵔⴰⵡⵍⴰ ⵜⴰⵏⴰⵎⵓⵏⵜ ⴳ  ⵜⵉⴽⴽⵉ ⵏⵏⵙ ⵉ ⵜⵎⵏⵜⵉⵍⵉⵏ ⵏ ⵉⵏⵎⵓⵔⴰ; ⵜⵙⵔⵙ ⴳ ⵎⵏⵉⴷ ⴰⵙ  ⴰⵣⵔⴼ ⵏ ⵜⴷⵓⵙⵉ.

15.    ⵀⴰⵜ ⵜⵎⵓⵔⵙ ⵜⵏⴱⴰⴹⵜ ⴳ ⴰⴷ ⵜⴱⴷⴷ ⴳ ⵉⵙⵓⵖⴰⵏⵏ ⵏⵏⵙ ⴷⴰⵜ ⵏ ⵎⴰ ⴰⴷ ⵜⵙⵎⴷ 2022, ⴳ ⵓⵙⵎⴰⵜⴰ ⴷ ⵓⵙⵙⵎⵖⵔ ⵏ ⵜⵏⴰⴼⵓⵜⵉⵏ ⵏ ⵓⵙⴼⵍⵙ  ⵏ ⵓⴱⵣⵣⴻⵣ ⵅⴼ ⵜⵎⴰⴹⵓⵏⵜ, ⵃⵎⴰ ⴰⴷ ⵣⵎⵔⵏ ⵉⵎⵖⵔⴰⴱⵉⵢⵏ ⵎⴰⵕⵕⴰ ⴰⴷ ⵉⴽⵙⵉⵍⵏ ⴳ ⵓⵙⴱⵖⵔ ⵙⴳ ⵜⵏⴰⴼⵓⵜⵉⵏ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵉⵎⵓⵏⵏ, ⵎⵇⵇⴰⵔ ⵎⵣⴰⵔⴰⵢⵏ ⴳ ⵓⵙⵡⵉⵔ  ⵏⵏⵙⵏ ⴰⵏⴰⵎⵓⵏ ⴷ ⵓⵣⵣⵓⵍⴰⵏ. 

16.    ⵙ ⵡⵓⵟⵟⵓⵏⵏ, ⴳ ⵢⴰⵏ ⵓⵙⴳⴳ-ⴰⵙ, ⵉⵎⵎⵓⵜⵢ ⵡⵓⵟⵟⵓⵏ ⴰⵎⵙⵎⵓⵏ ⵏ ⵓⵎⵙⴼⵍⵙ ⴷⴰⵔ  ⵓⴼⵏⵉⵇ ⴰⵏⴰⵎⵓⵔ ⵏ ⵏ ⵓⴹⴰⴽⴰⵍ ⴰⵏⴰⵎⵓⵏ ⵙⴳ  7,8 ⵏ ⵉⴷ ⵎⵍⵢⵓⵏ ⵏ ⵢⴰⵏ ⴰⵔ ⵓⴳⴳⴰⵔ ⵏ 32, 2 ⵏ ⵉⴷ ⵎⵍⵢⵓⵏ ⵏ ⵉⵏⵎⵓⵔⴰ ⴷ ⵜⵏⵎⵓⵔⴰ ⵏ ⵉⵎⵖⵔⴰⴱⵉⵢⵏ (ⵓⴳⴳⴰⵔ ⵏ ⵎⴰⵏ ⴰⵢⴰ 3,68 ⵏ ⵡⵉⵏⵏⴰ ⵉⵙⵡⵓⵔⵉⵏ ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⴷ 9,4 ⵏ ⵉⴷ ⵎⵍⵢⵓⵏ ⵙⴳ ⵉⵎⵙⵙⴱⵖⵔⵏ ⵙⴳ  AMO-TADAMON).

17.    ⴳ ⵜⵉⵣⵉ ⵏⵏⴰ ⴳ ⴷⴰ ⵉⵜⵜⴰⵍⵢ ⵡⵓⵟⵟⵓⵏ ⵏ ⵉⵎⵙⴼⵍⵙⵏ, ⵙⵙⴹⵀⵕⵏⵜ ⵜⵏⴼⴽⴰ ⵏ ⵓⵊⵓⵊⵊⵉ ⵎⴰⵙⴷ ⵢⵓⵍⵉ ⵡⵓⵟⵟⵓⵏ ⵏ ⵡⵉⵏⵏⴰ ⵉⵎⵙⵙⴱⵖⴰⵔ ⴳ ⵜⵏⴰⴼⵓⵜⵉⵏ ⵏ ⵓⴼⵏⵉⵇ: 
ⵀⴰⵜ ⵉⵍⴽⵎ ⵡⵓⵟⵟⵓⵏ ⵏ ⵉⴼⴰⵢⵍⵓⵜⵏ ⵏ ⵓⵊⵓⵊⵊⵉ ⵉⵥⵍⵉⵏ ⵙ ⵜⴳⵔⵓⵎⵎⴰ ⵓⵔ  ⵉⵍⵉⵏ ⵜⵉⵎⴳⴳⵉⵜ ⴳ ⵓⵙⴳⴳ-ⴰⵙ ⵏ 2022, ⴷⴰⵔ 642,700 ⵏ ⵓⵙⴷⴰⵡ, 
ⵖⵉⴽⵍⵍⵉ ⵙ ⵉⵏⴹⵡ ⵡⵓⵟⵟⵓⵏ ⵏ ⵉⵙⴷⴰⵡⵏ ⵏ ⵓⵊⵓⵊⵊⵉ ⵉⵥⵍⵉⵏ ⵙ  AMO-TADAMON ⴳ ⵓⵙⴳⴳ-ⵙ ⵏ ⴷⵓⵊⴰⵏⴱⵉⵔ ⵏⵏⴰ ⵉⴽⴽⴰⵏ ⴷⴰⵢ 53000, ⵉⵍⵉⵏⵜ ⴰⵡⴷ 582,524 ⵏ ⵜⵎⵀⵍⵜ ⵏ ⵓⵙⵏⵓⴱⴳⵉ ⴳ ⵉⵙⴳⵏⴰⴼⵏⵉⴳⴷⵓⴷⴰⵏⵏ (ⵜⵉⵡⵉ ⵓⴳⴳⴰⵔ ⵏ 233 ⵏ ⵉⴷ ⵎⵍⵢⵓⵏ ⵏ ⴷⵔⵀⵎ ).

18.    ⴷ ⵃⵎⴰ ⴰⴷ ⵏⵙⵙⵏⵜⵉ ⵙ ⴳ ⵜⵡⵓⵔⵉⵡⵉⵏ ⴰⴷ ⵓⵔ ⵉⵍⵉⵏ ⴰⵏⴰⵡ ⵏⵃⵟⵓ ⴰⵣⴷⴰⵢ ⵏⵏⵙ, ⴷ ⵜⵎⵙⵙⵓⵎⴰⵏⵜ ⵏⵏⵙ ⵃⵎⴰ ⴰⴷ ⵜⵣⴷⵉ ⴳⵔ ⵜⵡⵓⵔⵉⵡⵉⵏ ⵏ ⵎⴰⵕⵕⴰ ⵡⵉⵏⵏⴰ ⵢⴰⵎⵓⵏ ⴳ ⵓⵙⵎⴰⵜⴰ ⵏ ⵓⵙⴼⵍⵙ  ⴰⵎⴱⵣⵣⴻⵣ  ⵅⴼ ⵜⵎⴰⴹⵓⵏⵜ, ⵜⵔⵓⵔⴰ ⵜⵏⴱⴰⴹⵜ ⵜⴰⵖⴹⴼⵜ ⵉ ⵓⵙⴱⵓⵖⵍⵍⵓ ⵏ ⵜⵙⴳⴳⵉⵡⵉⵏ ⵏⵏⴰ ⵉⵥⴷⵉⵏ ⵙ  ⵓⵙⵡⵓⴷⴷⵓ ⴷ ⵜⵏⵏⵓⴱⴹⴰ ⵏ ⵉⵏⴳⵎⴰⵎⵏ ⵏ ⵓⴹⴰⴽⴰⵍ ⴰⴳⴷⵓⴷⴰⵏ, ⵓⴳⴳⴰⵔ ⵏ ⵎⴰⵏ ⴰⵢⴰ ⵓⵙⵉⵏ ⴽⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵏⵏⴰ ⴷⴰⵔ  ⵜⴰⴼⵔⵙⵜ ⵏ ⵓⵣⵔⵉⴼ ⴷ ⵓⵙⵏⵎⴰⵍⴰ ⴷ ⵡⵉⵏ ⵉⴷⵔⵉⵎⵏ ⴷ ⵡⵉⵏ ⵜⵎⵔⵙⴰⵍ ⵃⵍⴰ ⴰⴷ ⵜⵎⵓⵔⵙ ⵜⵎⴳⴳⵉⵜ ⴰⴷ, ⴰⴽⴷ ⵓⵃⵟⵟⵓ ⵏ ⵏ ⵓⵙⵎⵙⵙⴰ ⵏ ⵓⵥⵜⵜⴰ ⴳⵔ ⵉⵉⵙⵓⴳⴰⵎ ⴷ ⵉⴷⵔⴰⵡⵏⴳ ⵢⴰⵜ ⵜⵙⴳⴰ, ⴷ ⵜⵖⵙⵙⵉⵔⵉⵏ ⴷ ⵜⵏⴰⴼⵓⵜⵉⵏ ⵍⵍⵉ ⵉⴽⴽⵉⵏⵜ ⴳ ⵜⵙⴳⴰ ⵏⵏⵉⴹⵏⵏ, ⵖⵉⴽⵍⵍⵉ ⴷ ⵢⵓⵙⴰⵏ ⴳ ⵓⵜⵡⴰⵍ ⵓⵣⵔⵉⴼ ⵏⵏⴰ ⵉⵍⵍⴰⵏ ⴳ ⵓⵙⵍⴳⵏ ⵏ ⵓⵙⴰⵜⵉⴳ ⵡⵉⵙⵙ 09-21 ⵏⵏⴰ ⵉⵣⴷⵉⵏ ⵙ ⵓⵃⵟⵟⵓ ⴰⴳⴷⵓⴷⴰⵏ.

19.    ⴳ ⵎⴰⵏ ⴰⵢⴰ, ⵉⵇⵇⴰⵏ ⴷ ⴰⴷ ⵏⵙⵏⵉⵎⵎⵔ ⵅⴼ ⵜⵡⵓⵔⵉⵡⵉⵏ ⵏⵏⴰ ⵜⴳⴳⴰⵜ ⴽⵉⴳⴰⵏ ⵏ ⵜⵏⴰⴼⵓⵜⵉⵏ ⵏ ⵜⵏⴱⴰⴷⵜ ⴷ ⵉⵎⵛⵛⵔⴽⵏ ⵏⵏⵙ ⵏ ⵜⵎⵔⵙⴰⵍ. ⵙⵡⴰ ⴳ ⵎⴰⴷ ⵉⵣⴷⵉⵏ ⵙ ⵓⵙⵡⵉⵔ ⵏ ⵓⵣⵣⵓⴳⵣ ⵏ ⵉⴼⵔⴷⵉⵙⵏ ⵏ ⵓⵙⵏⴼⴰⵔ ⵏⵖ ⴳ ⵎⴰⴷ ⵉⵣⴷⵉⵏ ⵉⵎⵥⵍⴰⵢ ⵏⵏⵙ  ⵓⵣⵔⵉⴼⵏ ⴷ ⵡⵉⵏⵏⴰ ⵜ ⵉⵙⵏⵎⴰⵍⴰⵏ. 

20.    ⴳ ⵎⴰⴷ ⵉⵥⵍⵉⵏ ⵙ ⵓⵃⵔⴰⵢ ⵏ ⵓⵙⵏⴼⴰⵔ ⴰⴷ ⵉⵥⴹⴰⵏ, ⵜⵜⵓⵙⴽⴰⵔ ⵢⴰⵜ ⵜⵙⵇⵇⵉⵎⵜ ⵜⴰⵎⴰⵡⵙⴰⵏⵜ ⴷ ⵢⴰⵜ ⵏⵏⵉⴹⵏ ⵉⴳⴰⵏ ⵜⴰⵜⵉⵇⵏⵉⵢⵜ ⵃⵎⴰ ⴰⴷ ⵜⴱⴷⴷ ⵅⴼ ⵓⴹⴼⵓⵕ ⵏ ⵓⵙⵏⴼⴰⵔ ⴰⴷ ⵓⵖⵓⴷⵓ ⵏ ⵓⵣⵣⵓⴳⵣ ⵏ ⵉⴼⵔⴷⵉⵙⵏ ⵏⵏⵙ ⵉⵎⵢⴰⵏⴰⵡⵏ. ⵙ ⵎⴰⵏ ⴰⵢⴰ ⴰⵅⴼ ⴱⴷⴷⵉⵖ ⵏⴽⴽ ⵙ ⵉⵅⴼ ⵉⵏⵓ ⵙⵙⴽⵔⵖ ⵉⴳⵔⴰⵡⵏ ⴽⵓ ⴰⵢⵢⵓⵔ ⵉ ⵜⵙⵇⵇⵉⵎⵜ ⵏⴳⵔ-ⵜⴰⵎⴰⵡⵙⴰⵏⵜ ⵃⵎⴰ ⴰⴷ ⵜⴱⴷⴷ ⵅⴼ ⵜⵡⵓⵔⵉ ⴷ ⵜⴰⵣⵣⵍⴰ ⵏ ⵜⵡⵓⵔⵉⵡⵉⵏ ⵏ ⵓⵙⵏⴼⴰⵔ ⴰⴷ, ⴷ ⴰⴷ ⵢⵉⵍⵉ ⵢⴰⵏ ⵓⵎⵢⴰⵡⴰⴹ ⴰⵎⵔⵙⴰⵍ ⵉⵣⴷⵉⵏ ⴷ ⵓⵙⵃⴷⵓⴷⵉ ⵏ ⵇⵇⴰⵃ ⵏ ⵉⵙⴰⵜⵉⵢⵏ ⴷ ⵉⵎⴰⵙⵙⵏ ⵏⵏⴰ ⵇⴰⴷ ⵃⵜⴰⴷⵊⴰⵏ, ⵙ ⵓⵙⵎⵓⵙⵙⵓ ⵏ ⵉⵎⴳⴳⵉⵜⵏ ⵉⵎⵢⴰⵏⴰⵡⵏ ⴷ ⵓⵃⵟⵟⵓ ⵏ ⵓⵡⵊⴰⴷ ⵏⵏⵙⵏ ⴰⵅⴰⵜⴰⵔ ⴰⴼⴰⴷ ⴰⴷ ⴷⵔⵓⵏ ⴳ ⵓⵎⵓⵔⵙ ⵏ ⵓⵙⴰⵡⵔ ⴰⴷ.

21.    ⴳ ⵜⵉⵣⵉ ⵍⵍⵉ ⴳ ⵜⵃⵢⵢⵍ ⵜⵙⵇⵇⵉⵎⵜ ⵜⴰⵜⵉⵇⵏⵉⵢⵜ ⴰⴷ ⵜⵙⵙⴽⵔ ⴽⵉⴳⴰⵏ ⵏ ⵉⵏⵎⵓⵇⵇⴰⵔⵏ ⵏ ⵉⵙⴳⵓⵎⴰⵏⵏ (ⵓⴳⴳⴰⵔ ⵏ 30 ⵏ ⵓⴳⵔⴰⵡ) ⵃⵎⴰ ⴰⴷ ⵜⴹⴼⵓⵕ ⴰⵙⵎⵀⵍ ⵏ ⵎⴰⵕⵕⴰ ⵜⵉⵇⵉⴼⴼⴰ ⵏⵏⴰ ⵖⵓⵔ ⴰⵜⵉⴳ ⴰⵜⵉⵇⵏⵉⵢ ⴷ ⵓⵎⴰⵙⵙⴰⵏ ⵃⵎⴰ ⴰⴷ ⵉⵜⵜⵓⵙⵎⴰⵜⴰ ⵓⵣⵣⵓⴳⵣ ⵏ ⵓⵙⴰⵡⵔ ⴰⴷ ⴳ ⵢⴰⵜ ⵜⵎⵙⵙⵓⵜⵍⵜ ⵏⵏⴰ ⵉⴼⵓⵍⴽⵉⵏ.

22.    ⵖⵉⴽⵍⵍⵉ ⵖⵓⴱⴱⵣⵏ ⴽⵓⵍ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⴰⵏⴰⵡⵏ ⵉⵎⵏⵜⴰⵢⵏ ⵅⴼ ⵓⵙⵙⵉⴷⴼ ⵏ ⵏ ⵜⴳⵔⵓⵎⵎⴰ ⵜⵉⵣⵣⵓⵍⴰⵏⵉⵏ ⴷ ⵜⴰⵡⵊⵉⵡⵉⵏ ⵜⵉⵎⵏⵜⴰⵢⵉⵏ. ⵜⵉⵣⵎⵎⴰⵔ ⴰⴷ  ⵏ ⵜⵏⴱⴰⴹⵜ ⵥⵍⵉⵏⵜ ⵙ ⵓⵙⵎⵓⵙⵙⵓ ⵏ ⵜⵏⴰⴼⵓⵜⵉⵏ ⵜⵉⵏⵎⵀⴰⵍⵉⵏ ⴷ ⵜⵉⵜⵉⵇⵏⵉⵢⵢⵉ, ⵅⴼ ⵜⵡⵓⵔⵉ ⵏⵏⴰ ⵉⵍⵍⴰⵏ ⴳ ⵓⵙⵔⵓⵙ  ⵏ ⵜⵏⴰⴼⵓⵜⵉⵏ ⵉⵥⵍⵉⵏ ⵙ ⵓⵏⴰⵎⵎⴰⵙ ⴷ ⵜⵎⵏⴰⴹⵜ, ⵃⵎⴰ ⴰⴷ ⵜⴹⴼⵓⵕ ⴰⵙⵡⵓⴷⴷⵓ ⵏ ⵉⵎⴰⵜⵜⴰⴳⵏ ⵉⵍⵓⵊⵉⵙⵜⵉⴽⵉⵢⵏ ⵢⵓⴷⴰⵏ.

23.    ⵎⴰⵛⴰ ⴰⵢⵏⵏⴰ ⵉⵣⴷⵉⵏ ⵙ ⵓⵙⵡⵉⵔ ⵏ ⵙ ⵜⴰⵎⵓⵏⵜ ⴰⴽⴷ ⵏ ⵓⵣⵣⵔⴰⴼ ⴷ ⵓⵙⵏⵎⴰⵍⴰ, ⵜⵣⴹⴰⵕ ⵜⵏⴱⴰⴹⵜ ⴰⴷ ⵜⵙⵏⴼⵍ ⵜⵙⵎⴷ ⴰⵙⵍⴳⵏ ⵣⵓⵏⴷ ⵜⵓⴳⵔⵉⵡⵜ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⴷ ⵓⵙⵙⵓⴼⵖ ⵏ 29 ⵏ ⵉⵎⵕⵚⵓⵎⵏ ⵓⵙⵏⵉⵙⵏ ⵉⴳⴰⵏ ⵢⴰⵜ ⵜⵙⵓⵔⵉⴼⵜ ⵜⴰⵎⵣⵡⴰⵔⵓⵜ ⵉⵏⵎⵏ, ⴰⵎⵎ ⵜⴳⴳⵓⵔⵜ ⵜⴰⴳⵊⴷⴰⵏⵜ ⵏ ⵓⵙⵙⴽⴰⵔ ⵏ ⵏ ⵓⵎⴰⴳⴰⵡ ⵉⵎⵓⵏⵏ ⵏ ⵓⵙⴼⵍⵙ ⴰⵎⴱⵣⵣⴻⵣ ⵅⴼ ⵜⵎⴰⴹⵓⵏⵜ. ⴰⵢⵏⵏⴰ ⵢⵉⵡⵙⵏ ⴽⵉⴳⴰⵏ ⵏ ⵜⴳⵔⵓⵎⵎⴰ ⵜⵉⵎⴰⵢⵏⵓⵜⵉⵏ ⵙⴳ ⵉⵎⵣⵣⵓⵍⴰⵏⵏ ⴷ ⵉⵎⵡⵓⵔⴰ ⵉⵥⵍⵉⵏ ⴷ ⵎⵉⴷⴷⵏ ⵏⵏⵉⴹⵏ ⵉⵙⴽⴰⵔⵏ ⵜⵉⵍⴰⵍ ⵏⵏⵙⵏ ⵉⵥⵍⵉⵏ ⴰⴷ ⴰⴷⴼⵏ ⵙ ⵜⵏⴰⴼⵓⵜⵉⵏ ⵏ ⵜⴷⵓⵍⵉ ⵜⴰⴷⵓⵙⴰⵏⵜ; ⴷ ⵓⵙⴼⵍⵙ ⵏⵏⵙⵏ ⵓⵍⴰ ⴰⵢⵜ ⴷⴰⵔⵙⵏ ⵅⴼ  ⵉⵎⵉⵣⵉⵜⵏ ⵉⵎⵢⴰⵏⴰⵡⵏ ⵏ ⵜⴷⵓⵙⵉ ⴷ ⵓⵙⴷⵓⵙ ⵏ ⴷ ⵓⵣⴳⴳⵓ ⵏⵏⵙ ⵏ ⵜⵡⵓⵔⵉ ⴷ ⵓⵣⵣⵓⵍⴰⵏ ⴳ ⵢⵉⵎⴰⵍ.

24.    ⴰⴷ ⵓⵔ ⵏⵜⵜⵓ ⴰⵎⵓⵔⵙ ⵏ ⵜⵏⴱⴰⴹⵜ ⴳ ⵓⵙⵉⵙⵜⵏ ⵏ ⵓⵎⵎⵓⵜⵢ ⵉⵖⵓⴷⴰⵏ ⵉ 4 ⵏ ⵉⴷ ⵎⵍⵢⴰⵕ ⵏ ⵜⴰⵡⵊⴰ ⵙⴳ ⵡⵉⵏⵏⴰ ⵓⵔ ⵉⵜⵜⵓⵣⵎⵎⴰⵎⵏ ⴳ ⵓⵎⴰⴳⴰⵡ ⵏ ⵜⴰⵡⵙⴰ ⵜⴰⵎⵙⵏⵉⵊⵊⵉⵜ Ramed, ⴷ ⵓⵙⵙⵉⴷⴼ ⵏⵏⵙⵏ ⵏⵉⵛⴰⵏ ⴳ ⵓⵏⴳⵔⴰⵡ ⵏ ⵓⵏⴼⵍⵙ ⴰⵎⴱⵣⵣⴻⵣ ⴰⴳⵊⴷⴰⵏ ⵅⴼ ⵜⵎⴰⴹⵓⵏⵜ, ⵙⴳ ⴷⵓⵊⴰⵏⴱⵉⵔ ⵍⵍⵉ ⵉⴰⵔⵉⵏ. ⵙ ⵓⵢⵏⵏⴰ ⵉⴹⵎⵎⵏ ⴰⵃⵟⵟⵓ ⵏ ⵉⵎⵖⵉⵏⵏ ⵏⵏⵙⵏ ⵏ ⵓⵊⵓⵊⵊⵉ ⴳ ⵜⵎⵔⵙⴰⵍ ⵜⵉⴷⵓⵙⴰⵏⵉⵏⵏ ⵜⵉⴳⴷⵓⴷⴰⵏⵉⵏⵏ, ⴷ ⵓⵙⴷⵓⵙ ⵏ ⵏ ⵓⵙⵙⴱⵖⵔ ⵏⵏⵙⵏ ⵙⴳ ⵜⵏⴰⴼⵓⵜⵉⵏ ⵍⵍⵉⵖ ⵉⵍⵍⴰⵏ ⴷ ⴽⵉⴳⴰⵏ ⵏ ⵉⵙⴰⴼⴰⵔⵏ ⵏⵏⴰ ⴳ ⵙⵙⴱⵖⴰⵔⵏ ⴰⵢⵜ ⵢⵉⴳⵔ  ⴰⵎⵥⵍⴰⵢ ⴷ ⵉⵎⵙⵖⴰⵏⵏ ⵏ ⵢⵉⴳⵔ ⴰⴳⴷⵓⴷⴰⵏ.

25.    ⵃⵎⴰ ⴰⴷ ⵏⵙⴱⴷⴷ ⵉⵔⵡⴰⵢⵏ ⵉⵎⵢⴰⵏⴰⵡⵏ ⵏⵏⴰ ⵉⴽⴽⴰⵏ ⴳ ⵜⵉⵣⵣⴰ ⵉⵣⵔⵉⵏ, ⴰⵢⴷⴷⵖ ⵍⴰⵃ  ⵉⵏⴳⵔⴰⵡⵏ ⵉⵛⵏⴰⵏ ⵉ ⵓⵏⵏⴱⴹ ⴰⵜⵉⵇⵏⵉⵢ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵏ ⵓⴱⵣⵣⴻⵣ, ⵜⵜⵓⵙⵎⵓⵙⵙⴰ ⵜⵎⵔⵙⵍⵜ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵏ ⵓⴹⴰⴽⴰⵍ ⴰⴳⴷⵓⴷⴰⵏ ⴰⴼⴰⴷ ⴰⴷ ⵜⵙⵙⴽⴰⵔ ⵉⵣⵣⵔⴰⵢⵏ ⵏⵏⴰ ⵙ ⴷ ⵉⵇⵇⴰⵏ ⵉ ⵉⵥⵟⵡⴰⵉⵎⵙⵙⵓⴳⵓⵔⵏ ⴷ ⵓⵙⵎⴰⵢⵏⵓ ⵏ ⵜⵎⴰⵎⴽⵉⵏ ⵏ ⵓⴽⵛⵛⵓⵎ ⵏⵏⵙ, ⴰⵢⴷⴷⵖ ⵜⴳⴰ ⵜⴰⵏⵇⵇⵉⵙⵜ ⵜⴰⵏⴰⵎⵎⴰⵙⵜ ⵉⵥⵍⵉⵏ ⵙ ⵢⵉⵎⵥ ⵏ ⵉⵙⴷⴰⵡⵏ ⵏ ⵉⵎⵍⵜⴰⵖⵏ ⵉⵎⵢⵏⵓⵜⵏ ⴷ ⵜⴰⵎⵓⵏⵜ ⴰⴽⴷ ⵎⴰⵕⵕⴰ ⵜⴼⵔⴽⵉⵡⵉⵏ ⵜⵉⴳⵊⴷⴰⵏⵉⵏ ⵏ ⵓⵙⴰⵡⵔ ⴰⴷ.

26.    ⴰⵢⴷⴷⵖ ⵉⵜⵜⵓⵙⴷⵓⵙ ⵓⵥⵟⵟⴰ ⴰⵎⵙⵙⵓⴳⵓⵔ  ⴷ ⵜⵙⵖⵉⵢⵜ ⵏ ⵉⵙⵓⴳⴰⵎⵎ ⵉⵏⴼⴳⴰⵏⵏ, ⴰⵛⴽⵓ ⵣⵎⵔⵏ ⴰⴷ ⵙⵙⴽⵔⵏ ⵢⴰⵜ ⵜⵏⵎⴰⵀⵍⴰ ⵜⴰⵎⴰⵢⵏⵓⵜ ⵉⵥⵍⵉⵏ ⵙ “ⵉⵙⴽⴽⵉⵏⵏ ⵉⴷⵓⵙⴰⵏⵏ”, ⵜⴰⵡⵓⵔⵉ ⵏⵏⵙ ⵜⴳⴰ ⵜⵜ ⴰⵙⴷⵓⵙ ⵏ ⵉⵙⴽⴽⵉⵏ ⵏ ⵓⴼⵏⵉⵇ ⴷ ⵓⵎⵙⵙⵓⴳⵓⵔ ⵏ ⵏ ⵉⵎⵉⵣⵉⵜⵏ ⵏ ⵉⵎⵙⵏⵉⵊⵊⵉⵜⵏ ⴷ ⵓⵙⴱⵓⵖⵍⵍⵓ ⵏ ⵜⵎⵛⵛⵓⵔⵉⵏ ⵜⵉⵏⴰⵎⵓⵔⵉⵏ ⴷ ⵜⵉⵢⵢⴰ ⵜⵉⵎⴰⴹⵍⴰⵏⵉⵏ. ⴰⵢⵏⵏⴰ ⵜⵜ ⵉⵜⵜⴰⵡⵙⵏ ⴰⴷ ⵜⵡⵛ ⵜⵉⵏⴰⴼⵓⵜⵉⵏ ⵖⵓⴷⴰⵏⵉⵏ ⵉ ⵉⵏⵖⵎⴰⵔⵏ.

27.    ⴰⴼⴰⴷ ⴰⴷ ⵜⵙⵖⵓⴷⵓ ⴰⵡⴷ ⵜⵉⴽⵛⵛⵓⵎⵉⵏ ⵏⵏⵙ, ⵍⵍⴰⵏⵜ ⵜⵡⵓⵔⵉⵡⵉⵏ ⵅⴼ ⴰⴷ ⵜⵉⵍⵉ ⵢⴰⵜ ⵜⵖⴰⵔⴰⵙⵜ ⵏ ⵓⵎⵢⴰⵡⴰⴹ ⵉⴳⴰⵏ ⵜⴰⵎⴰⵢⵏⵓⵜ ⵃⵎⴰ ⴰⴷ ⴼⴰⵍⴽⵉⵏⵜ ⵜⴼⴰⴷⵉⵡⵉⵏ ⵏ ⵓⵙⵏⴱⴳⵉ ⵏ ⵉⵏⵖⵎⴰⵔⵏ, ⴷⴰ ⵜⴽⴽⴰⵜ ⵅⴼ ⴰⴷ ⵙⵢⴰⴼⴰⵏ ⵉⵏⵎⵓⵔⵉⵜⵏ ⴷ ⵉⴳⵔⴰⵡⵏ ⵉⵣⵣⵓⵍⴰⵏⵏ ⵙ ⵡⴰⵜⵉⵔ ⵏ ⵓⵙⴰⵡⵔ ⴰⴷ ⴰⴳⴷⵓⴷⴰⵏ ⴰⵎⴰⵢⵏⵓ ⴷ ⵉⴼⵔⴷⵉⵙⵏ ⵏⵏⵙ ⵉⴳⵊⴷⴰⵏⵏ, ⵓⴳⴳⴰⵔ ⵏ ⵎⴰⵏ ⴰⵢⴰ ⴰⵙⵙⵎⵖⵔ ⵏ ⵏ ⵓⵙⵎⴷⵢⴰ ⵏⵏⵙ ⴰⴷⵖⵔⴰⵏ ⴷ ⵓⵙⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ ⵏ ⵜⴰⵛⵛⵓⵔⵜ ⴰⴽⴷ ⵜⵎⵔⵙⴰⵍ ⴷ ⵜⵇⵉⴼⴼⴰ ⵏ ⵓⵍⵎⴰⵍⴰ, ⴷ ⵓⵃⵟⵟⵓ ⵏ ⵓⴹⵎⴰⵏ ⵏ ⵓⵎⵙⴰⵙⴰ ⵏ ⵉⴷⵕⵉⵎⵏ ⵏ ⵓⵥⵟⵟⴰ ⴳ ⵎⴰⴷ ⴷ ⵉⵍⵎⴰⵍⴰⵏ ⵓⵍⴰ ⵎⴰⵏ ⵢⴰⴳⴳⵓⴳⵏ.

28.    ⵜⴳⴰ ⴰⵡⴷ ⵢⴰⵜ ⵜⵎⵍⴷⴰ ⵏ ⵉⴱⴷⴷⵉ ⵅⴼ ⵜⵡⵓⵔⵉ ⵜⴰⵎⵇⵇⵔⴰⵏⵜ ⵏⵏⴰ ⵙⵙⴽⴰⵔⵏⵜ ⵜⵏⴰⴼⵓⵜⵉⵏ ⵏ ⵓⴼⵏⵉⵇ ⴰⵏⴰⵎⵓⵔ  ⵏ ⵓⴹⴰⴽⴰⵍ ⴰⴳⴷⵓⴷⴰⵏ, ⵙ ⵜⵡⵉⵙⵉ ⵏ ⵜⵣⵎⵎⴰⵔ ⵏⵏⴰ ⵉⵜⵜⵓⴳⴰⵏ, ⵉⵥⴹⴰⵕ ⵓⴹⴰⴽⴰⵍ ⴰⴷ:
ⵉⵙⴷⵓⵙ  ⴰⵙⵖⵍ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵙ ⵓⵙⵡⵓⵔⵉ ⵏ ⵡⵓⴳⴳⴰⵔ ⵏ 1400 ⵏ ⵓⴷⵖⴰⵔ  ⴳ ⵓⵙⴳⴳⴰⵙ ⵍⵍⵉⵖ ⵉⵣⵔⵉⵏ;
ⴰⵙⵔⵔⵓⵙ ⵏ ⵢⴰⵜ ⵜⵖⴰⵔⴰⵙⵜ ⵜⴰⵎⴰⵢⵏⵓⵜ ⵏ ⵓⵙⵎⵓⵜⵜⴳ ⴰⴳⵊⴷⴰⵏ ⵏ ⵉⵙⵓⵜⵉⴳ ⵏ ⵜⵏⵎⴰⵀⵍⴰ; 
ⴰⵙⵙⴽⴰⵔ ⵏ ⵡⴰⵎⵎⴰⵙ ⵏ ⵏ ⵓⵙⵓⵖⴷ ⵏ ⵉⵙⴷⴰⵡⵏ ⵏ ⵜⵡⵓⵔⵉ ⵓⵔ  ⵉⴳⵉⵏ ⵉⵎⵖⵔⴰⴷ; 
ⴰⵙⵙⴽⴰⵔ ⵏ ⵜⵓⵛⵛⵓⵔⵉⵏ ⴰⴽⴷ ⵜⵎⵔⵙⴰⵍ ⵏ ⵓⵍⵎⵉⵍⴰ ⴷ ⵜⵏⴰⵎⵎⴰⵙⵜ ⵏⵏⴰ ⵖⵓⵔ ⵇⴰⴷ ⵜⵉⵍⵉ ⵜⵡⵓⵔⵉ ⵏ ⵓⵙⵡⵓⵜⵜⵓ ⵏ ⵉⵎⵡⵓⵔⴰ ⵓⵔ ⵉⴳⵉⵏ ⵉⵎⵖⵔⴰⴷ ⴷ ⵓⵙⵏⴼⵍ ⵏ ⵉⵙⴼⴽⴰ ⵏⵏⵙⵏ ⵙ ⵓⴼⵏⵉⵇ CNSS,
ⴰⵕⵥⵥⵓⵎ ⵏ ⴷⴰⵔ  47 ⵏ ⵜⵙⵏⵓⵔⴰⵢⵜ ⵏ ⵓⵍⵎⵉⵍⴰ ⵜⴰⵎⴰⵢⵏⵓⵜ, ⴷ ⵓⵕⵥⵥⵓⵎ ⵏ 45 ⵏ ⵜⵙⵏⵓⵔⴰⵢⵜ ⵉⵜⵎⵓⵜⵜⵓⵢⵏ;
ⴰⵙⵙⴽⴰⵔ ⵏ 8000 ⵏ ⵡⴰⵎⵎⴰⵙ ⵏ ⵓⵎⵢⴰⵡⴰⴹ ⵏ ⵓⵣⵎⵎⴻⵎ ⵏ ⵉⵎⵡⵓⵔⴰ ⵓⵔ ⵉⴳⵉⵏ ⵉⵎⵖⵔⴰⴷ
ⴰⵙⵙⴽⴰⵔ ⵏ 2000 ⵏ ⵓⴷⵖⴰⵔ ⵏ ⵓⵎⵢⴰⵡⴰⴹ ⵃⵎⴰ ⴰⴷ ⵙⵏⵓⴱⴳⵊⵓⵏ ⵉⵙⴷⴰⵡⵏ ⵏ ⵓⵙⴼⵍⵙ ⵏ ⵓⴱⵣⵣⴻⵣ ⵅⴼ ⵜⵎⴰⴹⵓⵏⵜ;
ⴰⵙⵙⴽⴰⵔ ⵏ 4000 ⵏ ⵜⵙⵏⵓⵔⴰⵢⵜ ⵉⵥⵍⵉⵏ ⵙ  ⵉⴷⵔⴰⵡⵏ 
... ⵓⴳⴳⴰⵔ ⵏ ⵎⴰⵏ ⴰⵢⴰ ⴰⵙⵖⵓⴷⵓ ⵏ ⵜⴼⴰⴷⵉⵡⵉⵏ ⵏ ⵡⴰⴷⴰⴼ ⴷ ⵓⴼⵔⵔⵓ ⵏ ⵜⵏⴰⴼⵓⵜⵉⵏ ⵏ ⵜⵏⵎⴰⵀⵍⴰ ⵃⵎⴰ ⴰⴷ ⵜⵉⵍⵉ ⵜⴰⵎⵓⵏⵜ ⴰⴽⴷ ⵉⴼⵓⵍⴽⵉⵏ ⵃⵎⴰ ⴰⴷ ⵉⵎⵓⵔⵙ ⵓⵙⴰⵡⵔ ⴰⴷ ⴰⴳⵍⴷⴰⵏ.

ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵏⵏⴰ ⵉⵀⴰⴹⵕⵏ, 

29.    ⵀⴰⵏ ⴰⵍⵍⴰⵣ ⵏⵏⵖ ⵉⵣⵣⴳⴰⵏ ⵅⴼ ⵓⵙⴱⴷⴷⵉ ⵏ ⵜⴼⴰⴷⴰ ⵏⵏⴰ ⵙ ⴷ ⵉⵇⵇⴰⵏ ⵃⵎⴰ ⴰⴷ ⵙⴼⵉⵔⵙⵏ ⵜⵉⴼⵉⵔⴰⵙ ⵏ ⵓⵣⵎⵣ ⴰⵎⴰⵢⵏⵓ ⴳ ⵜⴷⵓⵍⵉ ⵜⴰⴷⵓⵙⴰⵏⵜ ⵉ ⵎⴰⵕⵕⴰ ⵉⵎⵖⵔⴰⴱⵉⵢⵏ, ⵓⵔ ⵉⴷⵙ ⵉⵎⴰⵏ ⵖⴰⵙ ⴰⵀⵟⵟⵓ ⵏⵏⵖ ⴰⵎⵇⵇⵔⴰⵏ ⵉ ⵓⵙⵙⵕⵚⵓ ⵏ ⵉⴽⵛⵛⵓⵎⵏ ⵉⵙⵜⵕⴰⵜⵉⵊⵉⵢⵏ ⴰⴼⴰⴷ ⴰⴷ ⵏⴹⵎⵏ ⴰⵣⴷⴰⵢ ⵏⵏⵙ ⵏ ⵜⵉⵥⵕⴰⴼ  ⴷ ⵓⵙⵏⴰⵎ ⵏ ⵜⵔⴳⴳⵉⵏ ⵏ ⵓⵙⵡⵓⵜⵜⵙ ⴰⴳⴷⵓⴷⴰⵏ ⵙ ⵜⵎⴰⴷ ⵢⵓⵙⴰⵏ.

30.    ⴰⵢⵏⵏⴰ ⵉⵣⴷⵉⵏ ⵙ ⵜⴼⴰⴷⵉⵡⵉⵏ ⵉⵣⴷⵉⵏ ⵙ ⵜⵉⵥⵕⴰⴼ , ⵉⵇⵇⴰⵏ ⴷ ⴰⴷ ⵏⵙⴷⵉⴷⴷ ⴳ ⵓⵙⴰⵜⵉ ⴰⴷ, ⵎⴰⵙⴷ ⴰⵙⵅⵉⵜⵔ ⵏ ⵓⵃⵟⵟⵓ ⴰⴷⵓⵙⴰⵏ ⵏ ⵉⵏⵎⵓⵔⴰ ⵉⵣⴷⵉ ⵙ ⵓⵏⴹⴰⴼ ⵏ ⵜⵙⵏⴱⴹⴰⵢⵜ ⵏ ⵓⵣⵓⵛⵛⵍ ⵏ ⵓⵜⴷⵔⴰⵡⵜ ⵏ ⵉⵎⵔⵖⴰⴷ ⴷ ⵉⵏⵎⵡⵓⵔⴰ ⵓⵔ ⵉⴳⵉⵏ ⵉⵎⵔⵖⴰⴷ ⴳ ⵓⴼⵏⵉⵇ ⴰⵏⴰⵎⵓⵔ ⵏⵏ ⵓⴹⴰⴽⴰⵍ ⴰⴳⴷⵓⴷⴰⵏ, ⴰⴽⴷ ⴰⵣⵓⵛⵛⵍ ⵙ ⵜⴰⵎⵓⵏⵜ ⴰⴽⴷ ⵏ ⵉⴷ ⴱⴰⴱ ⵏ ⵜⵡⵓⵔⵉ ⵃⵎⴰ ⴰⴷ ⴼⵔⵓⵏ ⵜⵉⵖⵔⴰⴷ ⵏ ⵉⵎⵔⵖⴰⴷ ⴳ ⵜⵉⵣⵉ ⵏⵏⵙ ⵉⵥⵍⵉⵏ ⴷ ⵢⵉⵙⵢ ⵏ ⵜⵎⴳⴳⵉⵜⵉⵏ ⵜⵉⵏⵀⴰⵎⵉⵏ ⴰⴷⴷⴰⵢ ⵜⵜⵓⵃⵜⴰⴷⵊⴰⵏⵜ.

31.    ⴰⵊⵊⴰⵜ ⵉ ⵖⵉⴷ ⴰⴷ ⵙⵙⴽⵜⵉⵖ, ⵎⴰⵙⴷ ⵜⵉⵕⵡⵉ ⴷ ⵓⵣⴷⴰⵢ ⵏ ⵓⵙⵏⴼⵍ ⴰⴷ ⵉⴳⴰⵏ ⴰⵏⴰⵡ ⵍⵍⵉ ⵎⵉ ⵏⴱⴹⴹⵓ ⵖⴰⵙⵙ ⵜⵉⵢⵏⵉⵡⵉⵏ ⵏⵏⵙ ⵉ ⵜⴰⵔⵡⴰ ⵏⵏⵖ ⴷ ⵜⴰⵡⵊⵉⵡⵉⵏ ⵏⵏⵖ ⴷ ⵢⵉⵎⴰⵏ ⵏ ⵜⵙⵓⵜⵉⵡⵉⵏ ⴷ ⵉⵏⴽⵔⵏ, ⵉⵍⴰⵣⵎ ⴰⴷ ⵏⴱⴷⴷ ⵅⴼ ⵓⴱⵣⵣⴻⵣ ⵏ ⵓⴼⵔⵔⵓ ⵏ ⵜⴷⵔⴰⵡⵉⵏ ⴳ ⵜⵉⵣⵉ ⵏⵏⵙⵏⵜ ⵉⵥⵍⵉⵏ ⴰⵢⴷⴷⵖ ⴳⴰⵏⵜ ⴰⵎⴰⴳⴰⵡ ⵏ ⵜⴼⵍⵙⵜ ⵉⴱⴷⴷⴰⵏ ⵅⴼ  “ⴰⵏⴰⵡⴰⵢ ⵏ ⵜⵓⵛⵛⵓⵜ”. ⴰⵛⴽⵓ ⴰⵢⵏⵏⴰⵖ ⵏ ⵎⵉⴷⴷⵏ ⵉⵎⴰⵢⵏⵓⵜⵏ ⵏⵏⴰ ⵓⵎⵥⵏ ⵉⵙⴱⴷⴰⴷⵏ ⵏⵏⵙ ⵙⵍⴰⵣⵎⵜ ⴰⴼⵔⵔⵓ ⵏ ⵓⵣⵓⵛⵛⵍ ⵏⵏⵙ  ⵏ ⵜⴰⵡⵙⴰ ⵎⴽⵉⵏⵏⴰ ⴷ ⵢⵓⵙⴰ ⴳ ⵓⵙⵍⴳⵏ ⵏ ⵓⴹⵎⴰⵏ ⵏ ⵜⵏⴰⴼⵓⵜ ⵙⴳ ⵜⵏⴰⴼⵓⵜⵉⵏ ⵏ ⵓⵃⵟⵟⵓ ⴰⵎⵙⵏⵓⵊⵊⵉ ⵏⵏⴰ ⵢⴰⴽⴽⴰ, ⵣⵓⵏⴷ ⵢⴰⵜ ⵜⵖⴰⵡⵙⴰ ⵏ ⵓⵓⵙⵙⵓⵎⵓ ⵉ ⵜⴰⵣⵣⵉⵜ ⵏ ⵓⵙⵙⵏⵜⵉ ⵏ ⵜⵎⴰⵙⴰⵢⵜ ⵜⴰⴳⴷⵓⴷⴰⵏⵜ ⴷ ⵜⵡⵉⵙⵉ ⵜⴰⵏⴰⵎⵓⵔⵜ.

32.    ⵀⴰⵏ ⴰⵢⴷⴷⵖ ⵏ ⵜⵎⵢⴰⴷⴰⵙⵜ ⵉⵜⵜⵓⵙⵍⵍⵡⴰⵢⵏ ⴰⴷ ⴰⵖ ⵢⵓⵊⵊⴰⵏ ⴰⴷ ⵏⵕⵥⵎ ⴰⵖⴰⵡⴰⵙ ⵏ AMO    ⵜⵉⵡⵉⵙⵉ  ⵙ ⵢⵉⵙⵢ ⵏ ⵓⵡⵏⴽ ⵉ ⵜⵙⵓⵔⵉⵡⵉⵏ ⵏ ⵎⵉⴷⴷⵏ ⵓⵔ ⵉⵥⴹⴰⵕⵏ ⴰⴷ ⵜⵏ ⴰⴽⴽⴰⵏ, ⵃⵎⴰ ⴰⴷ ⴰⵙⵏ ⵜⴹⵎⵏ ⴰⴷⴰⴼ ⵏⵏⵙⵏ ⵉ ⵓⵙⴼⵍⵙ ⴰⴷⵓⵙⴰⵏ ⴷ ⵓⵙⴱⵖⵔ ⵙⴳ ⵣⵓⵏⴷ ⵉⵙⴰⴼⴰⵔⵏ ⵏⵏⴰ ⴳ ⵙⵙⴱⵖⴰⵔⵏ ⵡⵉⵏⵏⴰ ⵉⴼⵓⵍⵙⵏ ⵙⴳ ⵉⵎⵔⵖⴰⴷ, ⵙ ⵓⵃⵟⵟⵓ ⵏ ⴱⵍⴰⵛ ⵙⴳ ⵜⵏⴰⴼⵓⵜⵉⵏ ⵏ ⵢⵉⴳⵔ ⴰⴷⵓⵙⴰⵏ ⴰⴳⴷⵓⴷⴰⵏ.

33.    ⴰⵢⵏⵏⴰ ⵓⵔ ⴷ ⵢⵓⵙⴰⵏ ⴰⵙⵙⴰ, ⴰⴷ ⵉⵙⵎⴷ ⵓⵡⵓⵏⴽ ⴳ ⵢⵉⵙⵢ ⵏ ⵜⵎⴽⴽⵉⵜⵉⵏ ⵏ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ ⵉ ⴽⵉⴳⴰⵏ ⵏ ⵜⵉⵍⴰⵍ ⵜⵉⵣⵣⵓⵍⴰⵏⵉⵏ ⴷ ⵜⵣⵣⵓⵍⵉⵏ ⵙ ⵜⵍⴻⵍⵍⵉ, ⵎⴰⵀⴷ ⵜⵣⵎⵔ ⴰⴷ ⵜⴰⵡⵙ ⵜⴼⵔⵓ ⴰⵢⵏⵏⴰ ⴼⵍⵍⴰⵙ ⵉⵍⵍⴰⵏ. ⴷ ⵎⴰⵏ ⴰⵢⴰ ⴰⵇⴰⴷ ⵉⵣⵣⵉⵥⵉⵢ  ⵜⴰⵡⴰⴷⴰ ⵏ ⵓⵙⵡⵜⵜⵙ ⵏ ⵜⴰⵡⵊⵉⵡⵉⵏ ⵏⵏⴰ ⵖⵓⵔ ⵜⵓⵛⵛⵓⵜ ⵉⴳⴳⵓⵔⵎⴰⵏ, ⵉⴽⴽ ⴳⵔ ⴰⵙ ⴷ ⴷ ⵓⵙⴰⴳⴳ ⵏ ⵓⵙⵎⵙⴰⵙⴰ ⴰⵏⴰⵎⵓⵏⵏ ⵙ ⵢⴰⵜ ⵜⵎⴰⵎⴽⵜ ⴷ ⵢⵓⵙⴰⵏ.

34.    ⴳ ⵜⵙⴳⴰ ⵢⴰⴹⵏ, ⴰⴼⴰⴷ ⴰⴷ  ⵉⵜⵜⵓⴹⵎⴰⵏ ⵓⵙⵖⵓⴷⵓ ⵏ ⵓⵏⵏⴱⴹ ⵏ ⵜⵔⴰⵔⵓⵜ ⵏ ⴽⵉⴳⴰⵏ ⵏ ⵉⵖⴰⵡⴰⵙⵏ ⵏ ⵜⵏⴰⵍⵉⵜ ⵜⴰⵏⴰⵎⵓⵔⵜ, ⵜⵙⵙⵏⵜⵉ ⵜⵏⴱⴰⴹⵜ ⴳ ⵓⵙⵎⵀⵍ ⵏ ⵓⵏⴰⴳⵔⴰⵡ ⵏ ⵓⵙⵡⵜⵜⵙ ⴰⵏⴰⵎⵓⵏ ⴳ ⵇⵇⴰⵃ ⵜⵉⵎⵏⴱⴰⴹⵉⵏ ⴷ ⵜⵎⵏⴰⴹⵉⵏ ⵏ ⵜⴳⵍⴷⵉⵢⵜ ⵏ ⵍⵎⵖⵔⵉⴱ, ⵃⵎⴰ ⴰⴷ ⵜⵙⵎⵢⴰⵏⴰⵡ ⴷ ⵜⵙⵅⵉⵜⵔ ⵜⵉⵎⴰⵎⴽⵉⵏ ⵏ ⵓⵙⴷⵓⵙ  ⵏ ⵉⵎⵥⵍⴰⴹ, ⴰⵛⴽⵓ ⵜⴱⴰⵛⵕ ⵜⵏⴱⴰⴹⵜ ⴰⵣⵣⵓⴳⵣ ⵏ ⵡⴰⵔⵔⴰⵜⵏ ⵉⵥⵍⵉⵏ ⵙ ⵓⵙⵡⵜⵜⵙ, ⴰⵢⴷⴷⵖ ⵜⵣⵣⴳⵉⵔ ⴰⵢⵏⵏⴰ ⵉⵍⵍⴰⵏ ⴳ ⵓⵙⵍⴳⵏ ⵡⵉⵙⵙ 72.18 ⵏⵏⴰ ⵉⴽⴽⴰⵜⵏ ⴰⴷ ⵜⵜⵓⴳ  ⵢⴰⵏ ⵓⵏⴰⴳⵔⴰⵡ ⴰⵏⴰⵎⵓⵔ ⵏ ⵓⵣⵎⵎⴻⵎ ⵏ ⵜⴰⵡⵊⵉⵡⵉⵏ ⴷ ⵡⵉⵏⵏⴰ ⵉⵔⴰⵏ ⴰⴷ ⵙⵙⵡⵜⵙⵏ ⵙⴳ ⵓⵖⴰⵡⴰⵙ ⵏ ⵓⵙⴷⵓⵙ ⴰⵏⴰⵎⵓⵏ ⵏⵏⴰ ⵅⴼ ⴱⴷⴷⵏⵜ ⵜⵎⴰⵀⵍⵉⵡⵉⵏ ⵜⵉⴳⴷⵓⵏⴰⵏⵉⵏ ⴷ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ ⴷ ⵉⵎⵖⵏⵓⵜⵏ ⵉⴳⴷⵓⴷⴰⵏⵏ.

35.    ⵢⵓⵛⴽⴰⴷ ⵓⵙⵡⴰⵍⴰ ⴰⴷ ⴰⵎⴰⵢⵏⵓ ⴳ ⵓⵙⵡⵓⴷⴷⵓ ⵏ ⵉⵖⴰⵡⴰⵙ ⵏ ⵓⵙⴷⵓⵙ ⵏ ⵜⴰⵡⵊⵉⵡⵉⵏ ⵎⵎ ⵡⴰⴷⴰⴼ ⵉⵥⵍⵉⵏ, ⵙ ⵓⵣⵣⴳⵉⵔ ⵏ ⵜⵍⵎⵍⵎⴰⴷⵉⵏ ⵏ ⵓⴳⵍⵍⵉⴷ ⵕⴱⴱⵉ ⴰⴷ ⵜ ⵢⴰⵊⵊ ⵏⵏⴰ ⵉⵙⵙⴷⴼⵔⵏ ⵅⴼ ⵓⴷⵡⴰⵍ ⵏ ⵓⵥⵟⵟⴰ ⵏ ⵓⵙⴼⵙⵔ ⴰⴳⴷⵓⴷⴰⵏ ⵏ ⵉⵖⴰⵡⴰⵙⵏ ⵏ ⵓⵙⴷⵓⵙ. ⵎⴰⵏ ⴰⵢⴰ ⵙ ⵇⴰⴷ ⵢⵉⵍⵉ ⵙ ⵢⴰⵏ ⵓⵙⵖⵓⴷⵓ ⵉⵥⵉⵍⵏ ⵏ ⵉⵏⴳⵔⴰⵡⵏ ⴷ ⵉⵖⴰⵡⴰⵙⵏ ⵉⵏⴰⵎⵓⵏⵏ ⵏⵏⴰ ⵉⵍⵍⴰⵏ, ⴰⴼⴰⴷ ⴰⴷ ⵜⵜⵡⴰⴳⴳ ⵢⴰⵜ ⵜⴱⵔⵉⴷⵜ ⵜⴰⵎⴰⵢⵏⵓⵜ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ ⵏⵏⴰ ⵉⴱⴷⴷⴰⵏ ⵜⵉⵕⵡⵉ, ⵙ ⵜⵓⴳⴳⵜ ⵏ ⵜⵏⵖⴷⵉ ⴳ ⵓⵙⵔⵔⵓⵙ ⵏ ⵉⵖⴰⵡⴰⵙⵏ, ⴷ ⵓⵙⵎⴰⵜⴰ ⵏ ⵉⵎⴳⴳⵉⵜⵏ ⵏ ⵓⴹⴼⵓⵕ ⴷ ⵓⵙⵜⴰⵍ ⵏ ⵉⴼⵔⴷⵉⵙⵏ, ⴷ ⵓⴽⴰⵎ ⵅⴼ ⵓⵙⵏⴼⵍⵓⵍ ⴷ ⵓⵍⴽⴰⵎ ⵏ ⵉⵡⵜⵜⴰⵙⵏ.

36.    ⴰⵢⴷⴷⵖ ⵉⴳⴰ ⵓⵣⵎⵎⴻⵎ ⴳ ⵡⴰⵔⵔⴰ ⴰⵏⴰⵎⵓⵔ ⵏ ⵉⵎⵣⴷⴰⵖⵏ RNP  ⴰⴼⴰⴷ ⴰⴷ  ⵜⴰⵎⵥⵜ “ⴰⵙⵏⵎⵍⵉ ⵓⵖⵔⵉⵎ ⴷ ⵓⴳⴷⵓⴷⴰⵏ ⴷ ⵓⵎⵓⵟⵟⵓⵏ” ⵏⵏⴰ ⵥⴰⵕⵙⵏ ⵉⵥⵍⵉⵏ ⵢⴰⵜ ⵜⵙⵓⵔⵉⴼⵜ ⵙ ⴷ ⵉⵇⵇⴰⵏ ⵃⵎⴰ ⴰⴷ ⵜⵜⵓⵣⵎⵎⴰⵎ ⴷⴼⴼⵉⵔ ⴰⵙ ⴳ ⵡⴰⵔⵔⴰ ⴰⴳⴷⵓⴷⴰⵏ ⵉⵎⵙⵉⵡⵏ  RNP ⵉ ⵓⵙⵙⵉⵟⵏ ⵏ ⵜⴰⴼⵓⵛⴰⵢⵜ ⵜⴰⴳⴷⵓⴷⴰⵏⵜ  ⴷ ⵜⴷⵎⵙⴰⵏⵜ ⵏ ⵜⵡⴰⵊⵉⵡⵉⵏ ⵏⵏⴰ ⵉⵜⵜⵍⵉⵏ ⴳ ⵓⵥⵍⴰⵢ ⵏ ⵎⵉⴷⴷⵏ ⴷ ⵜⴰⵡⵊⵉⵡⵉⵏ ⵉⵜⵜⵡⴰⵅⵚⵚⴰⵏ ⴷ ⵡⵉⵏⵏⴰ ⵉⵔⴰⵏ ⴰⴷ ⵉⵙⵡⵜⵜⵙ ⵙⴳ ⵉⵖⴰⵡⴰⵙⵏ ⵉⵎⵢⴰⵏⴰⵡⵏ ⵏ ⵓⵙⴷⵓⵙ ⵏⵏⴰ ⵢⴰⴽⴽⴰ ⵡⴰⵡⵏⴽ ⵙ ⵢⴰⵜ ⵜⵎⴰⵎⴽⵜ ⵉⴷⵀⵕⵏ, ⵏⵏⴰ ⴳ ⵜⴰⵎⵓ ⵙ ⴷⴰⵜ ⵍⵃⴰⵍ    AMO  “ⴰⵎⵢⴰⵡⴰⵙ” ⴷ ⵡⴰⵔⵔⴰⵣⵏ ⵏ ⵜⴰⵡⵊⴰ ⵏⵏⴰ ⴳ ⵜⵙⵡⵓⵔⵉ ⵅⴼ ⴰⴷ ⵜ ⵜⵙⵙⵏⵜⵉ ⵙⴳ  ⵓⵙⴳⴳⵯⴰⵙ ⴰⴷ.

37.    ⵙ ⵎⴰⴷ ⵉⵥⵍⵉⵏ ⵙ ⵓⵙⵡⵜⵜⵓ ⵏ ⵜⵎⴳⴳⵉⵜⵉⵏ ⵜⵉⵎⵙⵙⵓⴳⵓⵔⵉⵏ ⵜⵉⵎⴰⵢⵏⵓⵜⵉⵏ, ⴰⵙⴷⵓⵙ ⵏ ⵏ ⵓⵍⵜⴰⵖ ⴰⵎⴰⴳⵓⵜ ⴳ ⵓⵙⵎⵓⵔⵙ ⵏ ⵓⵙⴰⵡⵔ ⴰⴷ, ⵅⴼ ⵎⴰⵏ ⴰⵢⴰ ⵉⵥⵍⵢ ⵓⵡⵏⴽ ⵜⵉⵏⴰⴼⵓⵜⵉⵏ ⴷⴷⴰⵡ ⵏ ⵓⵙⴽⴰⵏ ⵏ ⵉⵎⵣⴷⴰⵖⵏ ⴰⴼⴰⴷ ⴰⴷ ⴰⵡⵉⵏ ⵉⵏⵖⵎⵉⵙⵏ ⴷ ⵜⴰⵎⵓⵏⵜ ⴰⴽⵉⴷⵙⵏ ⴳ ⵇⵇⴰⵃ ⵜⵉⴼⵔⴽⵉⵡⵉⵏ ⵏ ⵜⵎⴳⴳⵉⵜⵉⵏ.

38.    ⵙⵙⵓⵔⴼⴰⵜ ⵉ ⵖⵉⴷ ⴰⴷ ⵙⵏⵉⵎⵎⵔⵖ ⵅⴼ ⵜⵣⵎⵎⴰⵔ ⵏⵏⴰ ⵜⴳⴳⴰⵏ ⵉⴷ ⵎⴰⵙⵙ  ⵉⵏⵎⵏⵉⵍⵏ ⴷ ⵉⵏⴱⴱⴰⴹⵏ ⴷ ⵉⵎⵙⵙⵓⵍⵜⴰ ⴷ ⵜⵎⵙⵙⵓⵎⵏⵜ ⵏⵏⵙⵏ ⴳ ⵓⵏⵔⴰⵔ, ⴷ ⵓⵏⴹⴰⴼ ⵏⵏⵙⵏ ⵉⵣⴷⵉⵏ ⵃⵎⴰ ⴰⴷ ⵉⵍⵉⵏ ⵉⴽⵛⵛⵓⵎⵏ ⴳ ⵓⵙⵡⵉⵔ ⴰⴷⵖⵔⴰⵏ, ⴰⴽⴷ ⵉⴱⴷⴷⵉ ⵅⴼ ⵜⵡⵉⵙⵉ ⵏ ⵉⵎⵣⴷⴰⵖⵏ ⴷ ⵜⴰⵡⵊⵉⵡⵉⵏ ⵅⴼ ⵉⵏⵖⵎⵉⵙⵏ ⴷ ⵉⵇⵇⴰⵏ ⴷ ⵡⴰⴹⴼⵓⵕ ⵏ ⵓⵣⵣⵓⴳⵣ ⵏ ⵓⵙⴰⵔⵡ ⴰⴷ ⴳ  ⵓⵎⵔⵏⵓ ⵏ ⵜⵎⴰⵎⴽⵜ ⵉⴼⵓⵍⴽⵉⵏ ⴷ ⴳ ⵜⵉⵣⵉ ⵏⵏ ⵓⵔ ⵢⴰⴳⴳⵓⴳⵏ.

ⵉⴷ ⵎⴰⵙⵙ ⴷ ⵉⴷ ⵎⴰⵙⵙⴰ ⵉⵀⴰⴹⵕⵏ, 

39.    ⵀⴰⵏ ⴰⵙⵃⴷⵓⴷⵉ ⵏ ⵉⴽⵊⵊⵓⵎⵏ ⵉⵎⵇⵇⵔⴰⵏⵏ ⵃⵎⴰ ⴰⴷ  ⵏⵙⴷⴷⵔ ⵉⵎⵙⴰⵔⴰⵙⵏ ⵏ ⵓⵙⵎⴰⵜⴰ ⵏ ⵓⵃⵟⵟⵓ ⴰⴳⴷⵓⴷⴰⵏ ⴳ ⵜⵎⴰⵣⵉⵔⵜ ⵏⵏⵖ, ⵓⵔ ⵉⵏⵏⵉ ⴰⴷ ⵉⵡⵛ ⵜⴰⵢⴰⴼⵓⵜ ⵏⵖ ⴰⴷ ⵢⴰⵊⵊ ⵍⴰⵟⵔ ⵎⵇⵇⵓⵔⵏ ⵅⴼ ⵓⵙⵡⵉⵔ ⵏ ⵓⴱⴰⵔⴰⵣ ⵎⴽ ⵓⵔ ⵜⵍⵍⵉ ⵜⵡⵏⴰⴹⵜ ⵏ ⵓⵙⵓⵊⵊⵉ ⵏⵏⴰ ⵉⵣⵎⵔⵏ ⴰⴷ ⵜⵎⵓⵏ ⴰⴽⴷ ⴰⵢⴷⴷⵖ ⵏ ⵓⵙⵏⴼⵍ ⴰⴳⴷⵓⴷⴰⵏ.

40.    ⴷ ⵏⵜⵜⴰ ⴰⴷ ⵉⵜⵜⵎⵏⴰⴳⴳⴰⵔⵏ ⴰⴽⴷ ⵢⴰⵏ ⵙⴳ ⵉⵥⵍⴰⵢⵏ ⵉⵙⵜⵔⴰⵜⵉⵊⵉⵢⵏ ⵏ ⵜⵏⴱⴰⴹⵜ, ⴰⵔ ⵜⵙⵡⵜⵜⴰⵙ ⵅⴼ ⴰⴷ ⵜⵙⵙⴽⵔ ⴰⵙⵙⵉⵜⴳ ⴰⴷⵓⵙⴰⵏ ⵉ ⵎⴰⵕⵕⴰ ⵜⴰⵎⵓⵔⵜ, ⵃⵎⴰ ⴰⴷ ⵜⴹⵎⵏ ⴰⴼⵔⴰⴷ ⴰⴷⵓⵙⴰⵏ  ⴰⵙⵓⵍⴰⵏ ⵉ ⵓⵎⴰⵜⴰ ⴰⵏⵎⴳⴰⵍ ⵏ ⵜⵎⴰⴹⵓⵏⵉⵏ ⴷ ⵉⵎⵉⵣⵉⵜⵏ ⵉⴷⵓⵙⴰⵏⵏ ⵙ ⵡⴰⵏⴰⵡⵏ ⵏⵏⵙⵏ. ⵙ ⵓⵙⵙⵉⴽⵍ ⵏ ⵜⵉⴳⴳⵔⵉ ⵏⵏⴰ ⵉⵍⵍⴰⵏ ⴳ ⵢⵉⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵢⵏⵏⴰ ⵉⵥⵍⵉⵏ ⵙ ⵜⵓⵚⴽⵉⵡⵉⵏ ⵏ ⵓⵙⵓⵊⵊⵉ ⴷ ⵉⵙⴰⵜⵉⴳⵏ ⵉⴷⵓⵙⴰⵏ ⴷ ⵓⵙⴱⵓⵖⵍⵍⵓ ⵏ ⵜⵣⵎⵎⴰⵔ ⵏ ⵓⴼⴰⵔⵙ ⵏ ⵉⵙⴰⴼⴰⵔⵏ ⴷ ⵉⵜⵇⵇⵉⵙⵏ ⴷ ⴰⵢⵏⵏⴰ ⵉⵅⵙⵙⴰⵏ ⴳ ⵓⵙⵏⵓⵊⵊⵉ ⴰⴳⵊⴷⴰⵏ.

41.    ⵎⵇⵇⴰⵔⵉⵍⵍⴰ ⵓⴱⵓⵖⵍⵍⵓ ⵉⵣⴷⵉⵏ ⵏⵏⴰ ⵉⵙⵙⵏ ⵢⵉⴳⵔ ⵏ ⵜⴷⵓⵙⵉ ⴳ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⵉⴳⴳⵯⵔⴰⵏ, ⵉⴽⴽⴰ ⵜⵜⵏ ⴰⵔ  ⵉⵙⵏⵜⴰⵔ ⵙⴳ ⴽⵉⴳⴰⵏ ⵏ ⵜⵎⵓⴽⵔⵉⵙⵉⵏ ⵏⵏⴰ ⵉⴳⴰⵏ ⵙ ⵓⵣⵡⵍ ⴰⴽⵙⵡⴰⵜ ⵛⵛⵇⵉⵢⵜ ⵏ ⵡⴰⴷⴰⴼ ⵏ ⵓⵙⵓⵊⵊⵓⵢⵏ ⴷ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ ⵏⵏⴰ ⵓⵔ ⵉⵍⵍⵉⵏ ⴳ ⵓⵙⵡⵉⵔ ⵏ ⵜⵖⴰⵡⵙⵉⵡⵉⵏ ⴷ ⵉⴳⴰⵏⵏⴰⵢⵏ.

42.    ⵎⴽⵉⵏⵏⴰ ⴱⴹⴰⵏ ⵛⵉⴳⴰⵏ ⵏ ⵜⴼⵔⵉⵙⵉⵏ ⵏ ⵉⵔⵡⴰⵢⵏ ⵏⵏⴰ ⵉⵜⵜⵓⵣⵎⵎⴰⵎⵏ ⴳ ⵓⵏⴰⵅⵉ ⵏ ⵓⵇⵡⵡⵉⵎⵏ ⵏ ⵜⵎⵔⵙⴰⵍ ⵏ ⵓⵎⵙⵏⵉⵊⵊⵉ ⵜⵉⵎⴰⵜⵓⵜⵉⵏ, ⴷ ⵍⵖⵍⴰ ⵏ ⵉⵙⴰⴼⴰⵔⵏ ⴷ ⵉⵊⵓⵊⵊⵓⵢⵏ ⴳ ⵜⵎⵔⵙⴰⵍ ⵏ ⵓⵎⵙⵏⵉⵊⵊⵉ ⵍⵍⵉ ⵉⵥⵍⵉⵏ ⵙ ⵓⵙⵏⵓⵃⵢⵓ ⴰⴽⴷ ⵜⵣⵎⵔⵜ ⵏ ⵜⵎⵙⵓⵖⵜ ⵏ ⵜⴰⴳⴳⴰⵢⵜ ⵜⴰⵏⴰⵎⵎⴰⵙⵜ ⴷ ⵜⵎⴰⵣⴷⴰⵔⵜ. ⵎⴰⵏ ⴰⵢⴰ, ⵉⵍⵍⴰ ⴰⵡⴷ ⴳⴰⵔ ⵜⵉⵥⵥⵉⴹⵕⴰ ⵏ ⵓⵏⴰⴳⵔⴰⵡ ⵏ ⵜⴷⵓⵙⵉ ⵅⴼ ⵓⵙⵡⵉⵔ ⴰⵏⴰⵎⵏⴰⴹ ⴷ ⴳⴰⵔ ⵜⵉⵥⵥⵉⴹⵕⴰ ⵏ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵅⴼ ⴰⴷ ⴰⵙⵉⵏⵜ ⵉⵎⵓⴹⵉⵏⵏ, ⴰⵢⴷⴷⵖ ⵓⵔ ⵉⵍⵍⵉ ⴱⵟⵟⵓ ⴷ ⵢⵓⵙⴰⵏ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⴽⵎⴰⵎ ⵅⴼ ⵓⵙⵡⵉⵔ ⵏ ⵡⴰⵎⵓⵔ.

43.    ⴰⵢⵏⵏⴰⵖ ⴰⵙ ⵉⵅⵚⵚ ⴰⴷ ⵎⵓⵏⵏⵜ ⵜⵣⵎⵎⴰⵔ ⵏ ⵜⵏⴱⴰⴹⵜ ⵅⴼ ⴰⴷ ⵜⵙⴱⵓⵖⵍⵍⵓⵏ ⵢⴰⵜ ⵜⵎⴰⵎⴽⵜ ⵜⴰⵎⴰⵢⵏⵓⵜ ⵏ ⵓⵏⵏⴱⴹ ⴷ ⵜⵙⵖⵉⵢⵜ ⵏ ⵜⵏⴰⴼⵓⵜⵉⵏ ⵏ ⵢⵉⴳⵔ ⵏ ⵜⴷⵓⵙⵉ, ⴰⵢⴷⴷⵖ ⵉⴳⴰ ⵢⴰⵏ ⵙⴳ ⵉⴼⵔⴷⵉⵙⵏ ⵉⵅⴰⵜⴰⵔⵏ ⵏⵏⴰⵉⵙⵙⵉⵜⵉⴳⵏ ⵜⴰⵎⵇⵇⴰⵏⵜ ⵏⵏⵙ ⴰⴽⴷ ⵉⵎⵣⴷⴰⵖⵏ ⴷ ⵜⵎⵣⴷⴰⵖⵉⵏ ⵃⵎⴰ ⴰⴷ ⵜⵜⵡⴰⵍⵙ ⵜⴰⵏⵏⴰⵢⵜ ⴳ ⵓⴱⵔⵉⴷ ⵏ ⵉⵙⴰⴼⴰⵔⵏ ⵉⴳⵊⴷⴰⵏⵏ ⴷ ⵓⵙⵙⴽⴰⵔ  ⵏ ⵢⴰⵏ ⵓⴷⵡⴰⵍ ⵉⵖⵓⴱⵏ ⴳ ⵡⴰⵏⴰⵡ ⵏ ⵜⵏⴰⴼⵓⵜⵉⵏ ⵜⵉⵎⵙⵏⵉⵊⵊⵉⵜⵉⵏ ⵉⵜⵜⵓⴼⴽⴰⵏ.

44.    ⴰⴼⴰⴷ ⴰⴷ ⵜⵜⵓⵣⵣⴳⵉⵔⵏⵜ ⵜⵜⵖⵍⴼⵉⵏ ⵜⵉⴳⵍⴷⴰⵏⵉⵏ ⵎⵇⵇⵓⵔⵏⵉⵏ ⴳ ⵎⴰⵏ ⴰⵢⴰ, ⵜⵀⵔⵢ ⵜⵏⴱⴰⴹⵜ ⵏⵏⴰ ⵉⵍⵍⴰⵏ ⵖⵉⵍⴰ ⵢⴰⵏ ⵓⵙⴰⵔⵡ ⵎⵇⵇⵓⵔⵏ ⵏ ⵓⵙⴳⴳⴷ ⵏⵏⴰ ⵉⵜⵜⵡⴰⵃⵢⵢⴰⵍⵏ ⵉ ⵢⵉⴳⵔ ⴰⴼⴰⴷ ⴰⴷ ⵉⴳ ⴳ ⵓⵙⵡⵉⵔ ⵏ ⵓⵙⴰⵡⵔ ⵏ ⵓⵙⵎⴰⵜⴰ ⵏ ⵓⵙⴼⵓⵍⵙ ⴰⵎⴱⵣⵣⴻⵣ ⵅⴼ ⵜⵎⴰⴹⵓⵏⵜ ⴷ ⵓⵖⴰⵡⴰⵙⵏ ⵏ ⵉⵙⴷⵓⵙⵏⵉⴳⴷⵓⴷⴰⵏⵏ ⴷ ⵉⴷⴷⴰⵏ, ⴱⴷⴷⴰⵏ ⵉⴼⵔⴷⵉⵙⵏ ⵏⵏⵙ ⵉⵅⴰⵜⴰⵔⵏ ⵅⴼ  ⵓⵢⵏⵏⴰ ⵉⵍⵍⴰⵏ ⴳ ⵓⵙⵍⴳⵏ _ ⴰⵙⴰⵜⵉ ⵏⵏⴰ ⵉⵥⵍⵉⵏ ⵙ  ⵓⵏⴰⴳⵔⴰⵡ ⵏ ⴰⴷⵓⵙⴰⵏ ⴰⵏⴰⵎⵓⵔ, ⵏⵏⴰ ⵉⵜⵜⵓⵙⴼⵙⴰⵔⵏ ⵅⴼ  ⴷⴰⵜ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵕⴱⴱⵉ ⴰⴷ ⵜ ⵉⵏⵚⵕ  ⵉⵎⵙⴰⵙⴰ ⴼⵍⵍⴰⵙ ⴰⵡⴷ ⵓⵙⵇⵇⵉⵎ ⵏ ⵉⵎⵓⵔⴰ.

45.    ⴳ ⵓⵙⴰⵜⵉ ⴰⴷ, ⵜⵡⵛⴰ ⵜⵏⴱⴰⴹⵜ ⵢⴰⵏ ⵡⴰⵜⵉⴳ ⵎⵇⵇⵓⵔⵏ ⵉ ⵢⵉⴳⵔ ⴰⴷ ⵉⵖⵓⴷⴰⵏ, ⴰⵢⴷⴷⵖ ⵉⵍⵍⴰ ⵢⴰⵏ ⵓⵎⵔⴰⵔⴰ ⵉⵃⵍⴰⵏ ⴷ ⵢⴰⵏ ⵓⵙⵎⵓⵙⵙⵓ ⵏ ⵉⵙⵓⴳⴰⵎ ⵉⵥⵕⴼⴰⵏⵏ ⵉⴳⴳⵓⵜⵏ ⴷ ⵓⵔⴰⵔ ⵏ ⵜⵎⵥⵍⴰⵢⵉⵏ ⵏ ⵜⵖⵓⵙⵙⴰⵔ ⵏⵏⵙ ⵙ ⵢⴰⵜ ⵜⵖⴹⵜ ⵉⴳⴳⵓⵜⵏ, ⴰⵛⴽⵓ ⵢⵓⵍⵍ ⵉⵎⵉⴽ ⵙ ⵉⵎⵉⴽ ⵜⴰⵎⵙⴰⵙⵜⴰⵍⵜ ⵏ ⵜⴷⵓⵙⵉ ⴳ ⵓⵙⴳⴳⵯⴰⵙ ⴰⵎⵣⵡⴰⵔⵓ ⴷ ⵡⵉⵙⵙ ⵙⵙⵉⵏ ⵙⴳ ⵓⵏⵏⴱⴹ ⵏⵏⵙ, ⴰⵢⴷⴷⵖ ⵜⵉⵡⴹ 23 ⵏ ⵉⴷ ⵎⵍⵢⴰⵔ ⴷ 551 ⵏ ⵉⴷ ⵎⵍⵢⵓⵏ ⵏ ⴷⴷⵔⵀⵎ ⴳ ⵓⵙⴳⴳⵯⴰⵙ ⵏ 2022, ⵙ ⵓⵄⴰⵡⴷ ⵏ ⴽⵕⴰⴹ ⵏ ⵉⴷ ⵍⵍⵢⴰⵕ ⵏ ⵉⴷ ⴷⵔⵀⵎ ⴷ 741 ⵏ ⵉⴷ ⵎⵍⵢⵓⵏ ⵅⴼ ⵓⵢⵏⵏⴰ ⵜⵜⵏ ⵉⴽⴽⴰⵏ ⴳ ⵓⵙⴳⴳⵯⴰⵙ ⵏ 2021. ⴷ ⵎⴰⵏ ⴰⵢⴰ ⴰⴷ ⴷ ⵉⵜⵜⵓⵙⴷⵓⵙⵏ ⴳ ⵓⵙⵍⴳⵏ ⴰⵥⵕⴼⵏ  ⵏ 2023 ⴰⴼⴰⴷ ⴰⴷ ⵏⵏ ⵉⵍⴽⵎ 28 ⵏ ⵉⴷ ⵎⵍⵢⵕ ⵏ ⵉⴷ ⴷⵔⵀⵎ ⵙ ⵓⵣⴰⵢⴷ ⵏ 4,6 ⵏ ⵉⴷ ⵎⵍⵢⴰⵕ ⴷⵔⵀⵎ ⵅⴼ ⵓⵢⵏⵏⴰ ⵜⵜⵏ ⵉⴽⴽⴰⵏ ⴳ ⵓⵙⴳⴳⵯⴰⵙ ⵍⵍⵉⵖ ⵉⵣⵔⵉⵏ. ⵓⴳⴳⴰⵔ ⵏ ⵎⴰⵏ ⴰⵢⴰ ⵜⵜⵓⵥⵍⴰⵢ ⴷⴰⵔ 9,5 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⵉ ⵡⴰⵎⵓⵏ ⴰⴽⴷ 4 ⵏ ⵉⴷ ⵎⵍⵢⴰⵕ ⵏ ⵜⴰⵡⵊⵉⵡⵉⵏ ⵏⵏⴰ ⵇⴰⴷ ⵉⵙⵖⵍⵍⴰ ⵙⴳ ⵜⵏⴰⴼⵓⵜⵉⵏ ⵏ AMO-Tadamon, ⴰⴼⴰⴷ ⴰⴷ ⵉⵜⵜⵓⴹⵎⴰⵏ ⵡⴰⴷⴰⴼ ⵏⵏⵙⵏ ⵉ ⵜⵎⵔⵙⴰⵍ ⵏ ⵓⵊⵓⵊⵊⵉ ⴰⴽⴷ ⵡⵉⵏⵏⴰ ⵉⵙⵖⵍⵍⴰⵏ ⵙⴳ ⵜⴷⵓⵍⵉ ⵜⴰⴷⵓⵙⴰⵏⵜ ⵏ ⵉⵜⵜⵓⴱⵣⵣⴰⵣⵏ.

46.    ⵉⵇⵇⴰⵏ ⴷ ⴰⴷ ⵏⴱⴷⵔ ⵎⴰⵙⴷ ⵉⴼⵔⴷⵉⵙⵏ ⵏ ⵜⵖⴰⵔⴰⵙⵜ ⴰⴷ ⵍⵍⴰⵏ ⴳⵉⵙ 4 ⵏ ⵜⵎⵙⵙⵉⵍⵉⵏ ⵜⵉⵎⵇⵇⵔⴰⵏⵉⵏ ⴷ 11 ⵏ ⵜⵎⴳⴳⵉⵜⵉⵏ ⵜⵉⴳⵊⴷⴰⵏⵉⵏ, ⵏⵏⴰ ⵉⴽⴽⴰⵜⵏ ⵅⴼ ⴰⴷ ⵜⵙⴷⵓⵙ  ⴰⵢⴷⴷⵖ ⵏ ⵜⵏⴰⴳⵔⴰⵡⵜ ⵃⵎⴰ ⴰⴷ ⵜⵣⵔⵢ ⵇⵇⴰⵃ ⵜⵉⴱⴱⴰⵢⴹⴰⵕⵉⵏ ⵜⴹⵎⵏ ⴰⵎⵓⵔⵙ ⵏ ⵉⵙⴰⵡⵔⵏ ⵉⵅⴰⵜⴰⵔⵏ ⵏⵏⴰ ⴳ ⵢⴰⵎⵓ ⵍⵎⵖⵔⵉⴱ.

47.    ⵀⴰⵏ ⵜⴰⵔⵙⵍⵜ ⵜⴰⵎⵣⵡⴰⵔⵓⵜ ⵏ ⵓⵙⵓⵖⴷ ⴰⴷ ⴷⴰ ⵜⴽⴽⴰⵜ ⵅⴼ ⴰⴷ ⵜⴱⴷⴷ ⵅⴼ ⵜⵉⵏⵏⵓⴱⴹⴰ ⵜⴰⵎⴰⵢⵏⵓⵜ ⵉⵔⴰⵏ ⴰⴷ ⵜⵙⴷⵓⵙ ⵉⵎⵎⴰⴽⵏ ⵉⵜⵉⵇⵏⵉⵢⵏ ⴷ ⵓⵙⵏⴰⵎ ⵏ ⵜⵡⵓⵔⵉ ⵏ ⵉⵎⴳⴳⵉⵜⵏ ⴷ ⵓⵙⴷⵓⵙ ⵏ ⵜⵉⵏⵏⵓⴱⴹⴰ ⵏ ⵓⵙⵙⴳⵏⴼ  ⴷ ⵓⵙⵖⵉⵡⵙ ⴰⴷⵖⵔⴰⵏ ⵏ ⵓⵙⴼⵙⵔ ⴰⴷⵓⵙⴰⵏ, ⵅⴼ ⵇⵇⴰⵃ ⵉⵙⵡⵉⵔⵏ ⵉⵙⵜⵔⴰⵜⵉⵊⵉⵢⵏ ⴷ ⵉⵏⴰⵎⵎⴰⵙⵏ ⵉⴷⵖⵔⴰⵏⵏ ⵙ ⵜⵎⴰⵎⴽⵜ ⴰⴷ: 
ⴰⵙⵙⴽⴰⵔ ⵏ ⵓⵏⴳⵎⴰⵎ ⴰⵏⴰⴼⵍⵍⴰ ⵏ ⵜⴷⵓⵙⵉ ⵉ ⵓⵙⴷⵓⵙ ⵏ ⵜⴰⵎⵙⴽⵔⵉⵜ ⵏ ⵓⵙⵙⵉⵜⴳ ⴰⵜⵉⵇⵏⵉⵢ ⵏ ⵓⵙⴼⵍⵙ  ⵎⴱⵣⵣⴻⵣ ⵅⴼ ⵜⵎⴰⴹⵓⵏⵜ ⴷ ⵓⵙⵜⴰⵍ ⵏ ⵓⵖⵓⴷⵓ ⵏ ⵜⵏⴰⴼⵓⵜⵉⵏ ⵏ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴳ ⵢⵉⴳⵔⴰⵏ ⵉⵎⴰⵜⴰⵢⵏ ⴷ ⵉⵎⵥⵍⴰⵢⵏ ⴷ ⵜⵉⴽⴽⵉ ⵏ ⵜⴰⵏⵏⴰⵢⵜ ⴳ ⵜⵙⵔⵜⵉⵜⵉⵏ ⵜⵉⴳⴷⵓⵏⴰⵏⵉⵏ ⵏ ⵜⴷⵓⵙⵉ ⵉⵎⵢⴰⵏⴰⵡⵏ;

ⴰⵙⵙⴽⴰⵔ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⴷⵖⵔⴰⵏⵉⵏ, ⵏⵏⴰ ⵇⴰⴷ ⵢⴰⵎⵥ ⵜⴰⵎⴰⵙⴰⵢⵜ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⴰⵎⵙⵏⵉⵊⵊⵉ ⴰⵏⵎⵏⴰⴹ, ⴷ ⵓⵙⴷⵓⵙ ⵏ ⵜⵎⴰⵎⴽⵉⵏ ⵏ ⵓⵎⵢⴰⵡⴰⵙ ⴷ ⵜⵓⵛⵛⵓⵔⵜ ⴳⵔ  ⵢⵉⴳⵔ  ⴰⵎⴰⵜⴰⵢ ⴷ ⵢⵉⴳⵔ ⵓⵥⵍⵉⵢ;
ⴰⵙⵙⴽⵔ ⵏ ⵜⵙⵏⵓⵔⴰⵢⵜ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵏ ⵜⴷⵓⵙⵉ ⴷ ⵓⵙⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ;
ⴰⵣⵣⵔⴰⵢ ⵅⴼ  ⵜⵎⵙⴽⵉⵔⵜ ⴷ ⵜⵙⵖⴰⵏⵉⵏ ⴷ ⵓⵥⵟⵟⴰ ⵏ ⵜⵎⵙⵙⵓⴳⵓⵔⵜ  ⵏ ⵡⴰⵎⵎⴰⵙ.

48.    ⴳ ⵜⵉⵣⵉ ⵏⵏⴰ ⴳ ⵜⴽⴽⴰⵜ ⵜⵔⵙⵍⵜ ⵜⵉⵙⵙ ⵙⵏⴰⵜ ⴰⴷ ⵜⵜⴰⴷⵣ  ⵉⵙⵓⴳⴰⵎ ⵉⵏⴼⴳⴰⵏⵏ, ⴰⵛⴽⵓ ⵜⵙⵙⴽⵔ  ⴰⵙⵍⴳⵏ ⵏⵜⵙⵖⵏⵜ ⵜⴰⴷⵓⵙⴰⵏⵜ ⴷ ⵓⴽⴰⵎ ⵏ ⵜⴷⵉⴽⵔⵜ ⵜⴰⵏⴼⴳⴰⵏⵜ ⴳ ⵢⵉⴳⵔ ⴰⵎⴰⵜⴰⵢ, ⴷ ⵓⵏⴰⴳⵣ ⵙⴳ  ⵓⵙⴰⵔ  ⵏ ⵖⵉⵍⴰ ⴳ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⵙⵖⵓⴷⵓ ⵏ ⵓⵏⴳⵔⴰⵡ ⵏ ⵓⵙⵎⵓⵜⵜⴳ  ⵓⵍⴰ ⴰⵔⵣⵣⵓⵎ ⵅⴼ  ⵉⵙⴰⵜⵉⵏ ⵉⵎⵙⵏⵉⵊⵊⵉⵢⵏ ⵏ ⴱⵕⵕⴰ, ⴷ ⵓⴽⴰⵎ ⵏ ⵉⵙⴰⵜⵉⵏ ⵉⵎⵙⵏⵉⵊⵊⵉⵢⵏ ⵏ ⵍⵎⵖⵔⵉⴱ ⵏⵏⴰ ⵏⵏ ⵉⵍⵍⴰⵏ ⴱⵕⵕⴰ ⴷ ⴰⵙⵏ ⵏⴳ ⵜⵎⵙⵙⵓⵎⴰⵏⵜ ⴰⴷ ⵄⴰⵢⴷⵏ ⵖⵔ ⵜⵎⵓⵔⵜ.

49.    ⵙ ⵢⴰⵏ ⵡⴰⵜⵉⴳ ⵏ ⵉⴷⵔⵉⵎⵏ ⵏⵏⴰ ⵉⵣⵔⵉⵏ 3 ⵏ ⵉⴷ ⵎⵍⵢⴰⵔ ⵏ ⵉⴷ ⴷⵔⵀⵎ, ⵜⵙⴳⵎⴹ ⵜⵏⴱⴰⴹⵜ ⵅⴼ ⵜⵎⴰⵇⵇⴰⵏⵜ _ ⴰⵙⴰⵜⵉ ⵏⵏⵉⵙⵡⵓⵜⵜⵙⵏ ⵅⴼ ⵢⵉⵍⵍ ⵏ ⵡⵓⵟⵟⵓⵏ ⵏ ⵓⵎⵣⵣⵓⵍⴰⵏ ⵏ ⵜⴷⵓⵙⵉ ⵙⴳ 17,4 ⵉ ⴽⵓ 10.000 ⵏ ⵉⴷ ⵏⴰⵙⴰⵎⴰ ⵏⵏⴰ ⵉⵜⵜⵓⵣⵎⵎⴰⵎⵏ ⴳ ⵓⵙⴳⴳⵯⴰⵙ ⵏ 2021 ⴰⵔ 24 ⴳ ⵜⵣⵡⵓⵔⵉ ⵏ ⵓⵙⴳⴳⵯⴰⵙ 2025 ⵢⵍⵉ ⴷⵉⵖ ⴰⵔ 45  ⴰⵢⴷⴷⵖ ⵙ ⵓⵙⴳⴳⵯⴰⵙ ⵏ 2030 (ⵃⵎⴰ ⴰⴷ ⴰⵙⵉⵏ ⴰⴽⴷ ⴷ ⵉⵙⴼⵔⵏ ⵏ ⵏ ⵜⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⵏ ⵜⴷⵓⵙⵉ ⵏⵏⴰ ⵉⵜⵜⵓⵥⵍⴰⵢⵏ ⴳ 23 ⵏ ⵉⵎⵣⵣⵓⵍⴰⵏ ⵏ ⵜⴷⵓⵙⵉ ⵉ ⴽⵓ 10000). ⵓⵍⴰ ⴰⵏⵓⴹⵓ ⵏ ⵉⵎⵡⵓⵔⴰ ⴳ ⵢⵉⴳⵔ ⵏ ⵜⴷⵓⵙⵉ ⵙⴳ 68 ⵏ ⵢⵉⴼⴹⵏ, ⴰⵙⴳⴳⵯⴰⵙ ⵏ 2022 ⴰⵔ ⵓⴳⴳⴰⵔ  ⵏ 90 ⵏ ⵢⵉⴼⴹⵏ ⴳ ⵜⵣⵡⵓⵔⵉ ⵏ ⵓⵙⴳⴳⵯⴰⵙ  ⵏ 2025, ⵎⴰⵏ ⴰⵢⴰ ⴰⴷ ⵉⵜⵜⴰⵊⵊⴰⵏ ⴰⴷ ⴰⵍⵍⵏ ⵙⴳ ⵡⵓⵟⵟⵓⵏ ⵏ ⵉⵎⵙⵙⵓⴼⵖⵏ ⵙⴳ ⵜⵙⴷⴰⵡⵉⵏ ⵏ ⵓⵙⵙⴰⵙⴼⵔ ⴷ ⵜⵙⴰⴼⵙⵔⵜ ⴷ ⵜⴰⵙⵏⵉⵊⵊⵉⵜ ⵏ ⵜⵖⵎⴰⵙ ⵙⵏⴰⵜ ⵜⵉⴽⴽⴰⵍ, ⵓⵍⴰ ⵉⵎⵙⵙⵓⴼⵖⵏ ⵏ ⵉⵙⵉⵏⴰⴳⵏ ⴰⵜⵜⴰⵓⵏⵉⵏ ⵏⵜⵣⵣⵓⵍⴰⵏⵉⵏ ⵏ ⵓⵙⵎⴳⵍ ⴷ  ⵜⵉⵜⵉⵇⵏⵉⵢⵢⵉⵏ ⵏ ⵜⴷⵓⵙⵉ ⵅⴼ ⴽⵕⴰⴹⵜ ⵜⵉⴽⴽⴰⵍ ⴰⵢⴷⴷⵖ ⵙ 2025, ⵓⴳⴳⴰⵔ ⵏ ⵎⴰⵏ ⴰⵢⴰ ⴰⵙⵙⵕⵚⵓ ⵏ ⵜⵀⵏⴷⴰⵙⵜ ⵜⴰⵎⴰⵢⵏⵓⵜ ⵏ ⵓⵙⵎⵓⵜⵜⴳ ⴰⴳⵊⴷⴰⵏ ⴳ ⵜⵙⴷⴰⵡⵉⵏ ⵏ ⵓⵙⵙⴰⵙⴼⵔ ⴷ ⵜⵙⴰⴼⵙⵔⵜ ⴷ ⵜⴰⵙⵏⵉⵊⵊⵉⵜ ⵏ ⵜⵖⵎⴰⵙ, ⴷ ⵓⵙⵙⴽⴰⵔ ⵏ 3 ⵜⵙⴷⴰⵡⵢⵉⵏ ⵏ ⵓⵙⵙⴰⵙⴼⵔ ⴷ ⵜⵙⴰⴼⵙⵔⵜ ⴷ 3 ⵡⴰⵎⵎⴰⵙⵏ  ⵏ ⵓⵊⵓⵊⵊⵉ ⵉⵎⵙⴷⴰⵡⵏⴳ ⵕⵕⴰⵛⵉⴷⵢⵢⴰ ⴷ ⴱⵏⵉ ⵎⵍⵍⴰⵍ ⴷ ⴳⵍⵎⵉⵎ ⴷ ⴷⴷⴰⵅⵍⴰ ⵙ ⴷⴰⵜ.

50.    ⵜⵉⵔⵙⵍⵜ ⵜⵉⵙⵙ ⴽⵕⴰⴹⵜ ⵜⴷⴷⴰ ⵙ  ⵓⵥⴹⴰⵕ ⵏ ⵓⵙⴼⵙⵔ ⴰⴷⵓⵙⴰⵏ, ⴰⵢⵏⵏⴰ ⵙ ⵇⴰⴷ ⵉⵔⴰⵔ ⵉ ⵉⴳⴰⵏⵏⴰⵢⵏ ⵏ ⵉⵎⵖⵔⴰⴱⵉⵢⵏ, ⴰⴼⴰⴷ ⴰⴷ ⵙⵙⵔⵅⵓⵏ ⴰⴷⴰⴼ ⵙ ⵜⵏⴰⴼⵓⵜⵉⵏ ⵏ ⵓⵎⵙⵏⵓⵊⵊⵉ ⴷ ⴰⴷ ⵜⴰⵍⵍ ⵙⴳ ⵓⵙⵡⵉⵔ ⵏⵏⵙ; ⴷ ⵓⴱⵟⵟⴰ ⴷ ⵢⵓⵙⴰⵏ ⵉ ⵜⵏⴰⴼⵓⵜⵉⵏ ⵏ ⵓⵎⵙⵏⵓⵊⵊⵉ ⴳ ⵜⵎⴰⵓⵔⵜ, ⵙ ⵓⵀⵉⵢⵢⴰ ⵏ ⵜⵎⵔⵙⴰⵍ ⵏ ⵓⵃⵟⵟⵓ ⵜⵉⴷⵓⵙⴰⵏⵉⵏ ⵜⵉⵎⵏⵣⴰ ⴷ ⵓⵥⴹⴰⵕ ⵏ ⵉⵎⵙⴳⵏⴰⴼ, ⵢⵉⵍⵉ ⴰⵡⴷ ⵓⵙⴱⴷⴷⵉ ⴰⵃⵎⴰ ⴰⴷ ⵙⴱⵣⵣⴻⵣⵏ ⴰⵡⵇⵇⵔ ⵏ ⵓⵙⴰⴽⴰ ⵏ ⵉⵙⴰⴼⴰⵔⵏ, ⴷ ⵓⵙⵙⴽⴰⵔ  ⵏ ⵢⴰⵏ ⵓⵏⴳⵔⴰⵡ ⴰⴼⴰⴷ ⴰⴷ ⵉⵖⵔⵎ ⵜⵉⵎⵔⵙⴰⵍ ⵜⵉⴷⵓⵙⴰⵏⵉⵏ. 
51.    ⵜⵣⴷⵉ ⵜⵔⵙⵍⵜ ⵜⵉⵙⵙ ⴽⴽⵓⵥ ⵙ  ⵜⵙⵎⵓⵟⵟⵓⵏⵜ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⴷ ⵎⴰⵏ ⴰⵢⴰ ⵙ ⵓⵙⵙⴽⴰⵔ ⵏ ⵓⵏⴰⴳⵔⴰⵡ ⴰⵙⵏⵎⴰⵍⴰⵢ ⴰⵎⵙⴰⵙⴰⵏ ⵏ ⵓⵙⵙⴳⵔⵓ ⴷ ⵓⵣⵣⵔⴰⵢ ⴷ ⵜⵙⴰⵔⵡⴰ ⵏ ⵎⴰⵕⵕⴰ ⵉⵏⵖⵎⵉⵙⵏ ⵉⴳⵊⴷⴰⵏⵏ ⵉⵥⵍⵉⵏ ⵙ ⵓⵏⴰⴳⵔⴰⵡ ⴰⴷⵓⵙⴰⵏ, ⵎⴰⵏ ⴰⵢⴰ ⵙ ⵓⵃⵟⵟⵓ ⵏ ⵓⵙⴳⵔⵡ ⵏ ⵇⵇⴰⵃ ⵜⵉⵏⴰⴼⵓⵜⵉⵏ ⵏ ⵓⵙⴰⴽⴰ ⵏ ⵉⵙⴰⴼⴰⵔⵏ ⵏ ⵉⵎⵣⴷⴰⵖⵏ ⴳ ⵢⵉⴳⵔ ⴰⵎⴰⵜⴰⵢ ⵓⵍⴰ ⴳ ⵢⵉⴳⵔ ⵓⵥⵍⵉⵢ ⴷ ⵓⵙⵖⵓⴷⵓ ⵏ ⵜⵎⴰⵎⴽⵉⵏ ⵏ ⵡⴰⴹⵓⵕ ⵏⵏⵙ ⴷ ⵓⵣⵣⵔⴰⵢ ⵏⵏⵙ.

52.    ⴳ ⵓⵎⴳⴳⴰⵔⵓ, ⵔⵉⵖ ⴰⴷ ⵙⴷⴷⵉⴷⵖ ⵉ ⵜⵎⵔⵙⵓⵍⵜ ⵏⵏⵓⵏ ⵉⵜⵜⵓⵡⵇⵇⴰⵔⵏ,  ⵅⴼ ⵉⴼⵔⴷⵉⵙⵏ ⵉⵎⵢⴰⵏⴰⵡⵏ ⵏ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ, ⵎⴰⵙ ⵜⴳⴰ ⵜⵖⴰⵡⵙⴰ ⵏ ⵓⵕⵛⴰⵎ ⵏ ⵜⵙⴰⵜⵜⵓⵢⵜ ⵜⴰⴷⵉⵎⵓⵇⵔⴰⵟⵉⵢⵜ ⴷ ⵜⵉⵏ ⵓⵙⵙⴳⵎⵉ ⴳ ⵜⴰⵣⵉⵔⵜ ⵏⵏⵖ, ⵣⵓⵏⴷ ⵢⴰⵜ ⵜⴳⴳⵓⵔⵜ ⵜⴰⴳⵊⴷⴰⵏⵜ ⵏ ⵓⵙⵏⴼⵍ ⴰⴷⵎⵙⴰⵏ ⴰⵏⴰⵎⵓⵔ ⵏ ⵓⵙⴷⵓⵙ ⵏ ⵡⵓⴷⵎ ⴷ ⵜⵏⵣⵣⴰⵔⴼⵓⵜ ⵜⴰⴳⴷⵓⴷⴰⵏⵜ. ⵓⵔ ⵜⵏⵏⵉ ⴰⴷ ⵜⴰⵡⴹ ⵎⴽ ⵓⵔ ⵉⵍⵍⵉ ⵓⵙⵎⴰⴷ ⵏ ⵉⵙⴼⴰⵙⴽⴰⵜⵏ ⵙ ⴷ ⵉⵇⵇⴰⵏ ⴷ ⵓⵙⵢⴼⴰ ⵙ ⵢⵉⵎⴰⵏ ⵏ ⵓⵙⵏⴼⵍⵓⵍ ⴷ ⵓⵙⵍⵍⵡⵉ, ⴷ ⵓⵙⴰⴳⴳⵯ ⵏ ⵏ ⵓⵙⵎⵓⵙⵙⵓ ⴰⵎⴰⴳⵓⵜ ⵏ ⵜⵎⴰⵙⴰⵢⵜ ⵉ ⵎⴰⵜⵜⴰ ⴰⵡⵔⵉⴽ ⵉⵍⵍⴰⵏ ⴳ ⵡⴰⵎⵓⵏ ⴰⵎⵖⵔⵉⴱⵉⵢ.

53.    ⵉⵜⵜⵓⵙⴷⴷⵉⴷ ⴰⵙⵙⴰ, ⵎⴰⵙⴷ ⴰⵎⴷⵢⴰ ⵏ ⵓⵙⵖⵓⴷⵓ ⴰⵎⵖⵔⵉⴱⵉⵢ ⵏⵏⴰ ⵉⵍⵍⴰⵏ ⴷⴷⴰⵡ ⵏ ⵓⵃⵔⴰⵢ ⵉⴼⵓⵍⴽⵉⵏ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵕⴱⴱⵉ ⴰⴷ ⵜ ⵢⴰⵊⵊ, ⵉⵚⴹⵀⵕ ⵎⴰⵙⴷ ⴰⵣⵏⵣⵔ ⵓⵔ ⵉⵍⵉⵏ ⴰⵏⴰⵡ, ⵎⴰⵏ ⴰⵢⴰ ⵉⵇⵔⵔⴰ ⵉⵙⵙ ⵓⵎⴰⴹⴰⵍ ⴷ ⵜⵎⵏⴰⴹⵉⵏ, ⴰⵛⴽⵓ ⵉⵣⵎⵔ ⴰⴷ ⵉⴱⴷⴷ ⵎⵏⵉⴷ ⵏ ⵜⴱⴱⴰⵢⴹⴰⵕⵉⵏ ⵏ ⵓⵣⵎⵣ  ⴷ ⵉⵙⵏⴼⴰⵍⵏ ⵏ ⵓⵎⵎⵓⵜⵢ ⵏⵏⴰ ⵇⵇⴰⵃ ⵡⴰⵎⵓⵏⵏ ⵙ ⵜⴷⵓⵙⵉ ⵏⵏⵙ ⴷ ⵓⵇⵙⴰⵃ ⵏ ⵜⵎⵥⵍⴰⵢⵉⵏ ⵏⵏⵙ.

54.    ⵜⵙⵙⴹⵀⵕ ⵜⵎⴰⵣⵉⵔⵜ ⵏⵏⵖ, ⴳ ⵢⴰⵏ ⵓⵙⴳⴳⵯⴰⵙ ⵏⵏⴰ ⵉⵜⴽⵯⴰⵔⵏ ⵙ ⵉⵎⵙⵔⴰⵙⵏ ⴷ ⵜⴱⴱⴰⵢⴹⵕⵉⵏ, ⵅⴼ ⵜⵉⵕⵡⵉ ⵏ ⵜⵥⵍⴰⵢⵉⵏ ⵏⵏⵙ ⵏ ⵜⴳⵎⵉ ⴷ ⵜⴰⵏⵏⴰⵢⵉⵏ ⵏⵏⵙ ⵜⵉⵙⵜⵔⴰⵜⵉⵊⵉⵢⵏ, ⵎⴰⵏ ⴰⵢⴰ ⵉⴹⵀⵕ ⵙⴳ ⵜⵣⵎⵔⵜ ⵏ ⴰⴷ ⵏⵏⵓⵕⵥⵎⵏ ⵉⵙⵖⵓⴷⵓⵜⵏ ⵉⵜⵜⵓⵙⵎⴰⵢⵏⵓⵏ ⴳ ⵓⵙⴰⵜⵉ ⵏ ⵓⵡⵏⴽ ⵏ ⵜⵎⵔⵙⴰⵍ.

ⵜⴰⵏⵎⵎⵉⵔⵜ, ⴰⵣⵓⵍ