ⴰⵔ ⵉⵙⵏⴱⴳⵉ ⵎⴰⵙⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵎⵖⵔⴰⴱⵉⵜ ⵉ ⵓⴳⴰⴷⴰⵣ ⵏ ⵜⴷⴳⴰⵔⵉⵏ

ⵉⵙⴱⵔⵔⴽ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵙⵖⵉⵎ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⵟ, ⵎⴰⵙⵙⴰ ⵏⵣⵀⴰ ⵃⴰⵢⴰⵜ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵎⵖⵔⴰⴱⵉⵜ ⵉ ⵓⴳⴰⴷⴰⵣ ⵏ ⵜⴷⴳⴰⵔⵉⵏ, ⵍⵍⵉ ⵉⵙⵏⴽⴷⵏ ⴷⴰⵜ ⵡⴰⵍⵍⴰⵏ ⵏⵏⵙ, ⴰⵏⵇⵇⵉⵙ ⴰⵙⴳⵯⵙⴰⵏ ⵏ ⵜⵙⵇⵇⵉⵎⵜ ⵏ ⵓⵙⴳⴳⵯⴰⵙ ⵏ 2021.
ⵢⵓⵡⵉ ⴷ ⵓⵏⵇⵇⵉⵙ ⴰⴷ, ⵅⴼ ⵜⵉⵎⴳⴳⵉⵜⵉⵏ ⵜⵉⴷⵙⵍⴰⵏⵉⵏ ⵏⵏⵉ ⵉⵥⵍⵉⵏ ⴰⴳⴰⴷⴰⵣ ⵏ ⵜⴷⴳⴰⵔⵉⵏ ⵏ ⵓⵙⴳⴳⵯⴰⵙ ⵏ 2021, ⵙⵍⴰⵡⴰⵏ ⴰⴽⴽⵯⴰⴷⵡⴰⵍ ⵉⵎⵉⴽ ⵙ ⵉⵎⵉⴽ ⵖⵔ ⵓⵙⴷⵓⵢ ⴰⴷⵎⵙⴰⵏ, ⴷ ⵜⵙⵓⵍⵉ ⴷ ⵓⵙⵙⵔⵅⵓ ⵏ ⵜⵎⵙⴽⵉⵔⵉⵏ ⴰⴳⵏⵙⵓ ⵏ ⵓⴳⴰⴷⴰⵣ ⴳ ⵜⵉⵣⵉ ⴰⴷ.
 

ⵎⵛⵉⵏⵏⴰ ⴷ ⵢⵓⵡⵉ ⵅⴼ ⵜⵎⴳⴳⵉⵜⵉⵏ ⵍⵍⵉ ⵏⵏ ⵜⵓⵡⴹ ⵜⵙⵇⵇⵉⵎⵜ ⵜⴰⵎⵖⵔⵉⴱⵉⵜ ⵉ ⵓⴳⴰⴷⴰⵣ ⵏ ⵜⴷⴳⴰⵔⵉⵏ ⴳ ⵓⵙⴳⴳⵯⴰⵙ ⴰⴷ, ⴳ ⵓⵙⴰⵜⵉ ⵏ ⵓⵙⵖⵉⵡⵙ ⵏⵏⵙ ⴰⵙⵜⵕⴰⵜⵉⵊⵉⵏ ⴳⵔ 2021 ⴰⵔ 2023, ⵍⵍⵉ ⴳ ⵍⵍⴰⵏ ⵜⵓⴳⴳⵜ ⵏ ⵉⵙⵡⵓⴷⴷⵓⵜⵏ ⵉⵡⵜⵜⵙⵏ ⵉ ⵡⴰⵡⵡⴰⵙ ⴳ ⵜⴷⵉⵏⴰⵎⵉⵜ ⵏ ⵓⵙⴷⵓⵢ ⴰⴷⵎⵙⴰⵏ, ⵉ ⵜⵉⵣⵉ ⵏ ⴷⴼⴼⵔ ⵏ ⵓⴱⴰⵢⵢⵓⵕ ⴽⵓⴼⵉⴷ 19.
ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵍⵍⵉ ⵉⵙⵎⴰⵏⵏ ⴰⴽⴷ ⵎⴰⵙⵙ ⴰⵏⵙⵙⵉⵅⴼ  ⵜⵏⴱⴰⴹⵜ, ⵜⵙⴷⴷⵉⴷ ⵎⴰⵙⵙⴰ ⵏⵣⵀⴰ ⵃⴰⵢⴰⵜ ⵅⴼ ⵓⵣⵣⵉⴳⵣ ⵏ ⵜⵙⵇⵇⵉⵎⵜ ⴳ ⵜⵡⵓⵔⵉ ⵏ ⵓⵙⴱⵓⵖⵍⵓ ⵏ ⵓⴳⴰⴷⴰⵣ ⵏ  ⵜⴷⴳⴰⵔⵉⵏ ⴷ ⵓⵃⵟⵟⵓ ⵏ ⵓⵙⵙⵉⵜⵎ ⴰⴼⴰⴷ ⴰⴷ ⵢⵉⵍⵉ ⵓⴳⴰⴷⴰⵣ ⵜⵉⵡⵙⵉ ⵢⴰⵜⵜⵓⵢⵏ ⴳ ⵓⵙⵥⵕⴼ ⵏ ⵓⵙⵙⴰⵔⵓ, ⴷ ⵓⵄⵡⵡⵍ ⵅⴼ ⵓⵙⵏⴼⵍ ⴰⵎⵓⵟⵟⵓⵏ ⴷ ⵜⴰⵔⵙⵍⵜ ⵏ ⵓⵙⵖⵓⴷⵓ ⵏ ⵜⵡⵓⵔⵉ ⵏ ⵓⴳⴰⴷⴰⵣ.