ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⵜⴰⵙⵓⵜⵍⵜ ⵏⵏⵙ ⵜⵉⵙⵙ 87

• ⵜⵙⵖⵣⵏ ⵅⴼ 12  ⵏ ⵜⵎⵢⴰⵇⵇⴰⵏⵜ ⴷ 14  ⵏ ⵓⵎⴹⴼⵓⵕ ⵉ ⵉⵖⴰⵡⴰⵙⵏ ⵉⵎⵙⵙⴰⵔⵓⵜⵏ ⵙ ⵡⵓⴳⴳⴰⵔ ⵏ 28.5 ⵎⵍⵢⴰⵕ ⴷⵔⵀⵎ;
• ⵜⵉⴳⴳⵉ ⵉⴷⵎⴰⵏ ⵏ ⵡⵓⴳⴳⴰⵔ ⵏ 3735 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ ⴷ 23182 ⴰⵔⵓⵙⵔⵉⴷ.

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙⴰ ⵏ ⵓⵙⵉⵎⵡⴰⵙ 27 ⵉⵏⵏⴰⵢⵔ 2013 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵜⴰⵎⵔⴰⵡ ⴷ ⵙⴰⵜ (87), ⵜⵣⵔⴰ ⴷⵉⴳⵙ ⵜⵙⵇⵇⵉⵎⵜ 12 ⵏ ⵓⵙⵏⴼⴰⵔ, ⵙ ⵡⴰⵜⵉⴳ ⴰⵎⵙⵎⵓⵏ ⵏ 28.5 ⵎⵍⵢⴰⵕ ⴷⵔⵀⵎ, ⴰⵢⵏⵏⴰ ⵉⴷⴷⴰⵏ ⴰⴷ ⵉⵙⵙⴽⵔ ⵓⴳⴳⴰⵔ ⵏ 3735 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ, ⴷ 23182 ⵏ ⵡⴰⵔⵓⵙⵔⵉⴷ. 
ⵉⵣⵔⵡⴰⵔ ⵢⵉⴳⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⵉ ⵉⵙⵏⴼⴰⵔⵏ ⵉⵎⵙⵙⴰⵔⵓⵜⵏ ⵏⵏⴰ ⵅⴼ ⵉⵍⵍⴰ ⵓⵙⵖⵣⵏ, ⵉⴹⴼⵓⵕⵜ ⵉⴷ ⴳ ⵜⴼⵔⴽⵜ ⵜⵉⵙ ⵙⵏⴰⵜ ⵢⵉⴳⵔ ⵏ ⵜⵎⴳⵓⵔⵉ, ⴷ ⵢⵉⴳⵔ ⵏ ⵜⵎⴰⵍⵍⴰⵢⵜ.
ⴳ ⵓⵖⵣⴷⵉⵙ ⵏ ⵜⵉⴳⴳⵉ ⵉⵙⵓⵍⴼⵏ ⵏ ⵜⵡⵓⵔⵉ, ⵢⵓⵙ ⴷ ⵢⵉⴳⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⴰⵍⵜⵓ ⴳ ⵜⵉⵣⵡⵓⵔⵉ ⵙ ⵓⵙⵎⵓⵏⴰⵏ ⵏ 1560 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ ⵉⵜⵜⵓⴷⵎⴰⵏ, ⵉⴹⴼⵓⵕ ⵜ ⵉⴷ ⵢⵉⴳⵔ ⵏ ⵜⵙⴱⴱⴰⴱⵜ ⴷ ⵓⵥⴽⴰⵡ ⴷ ⵢⵉⴳⵔ ⵏ ⵜⵎⴰⵍⵍⴰⵢⵜ.
ⴷ ⵡⵓⴳⴳⴰⵔ ⵏ ⵎⴰⵏ ⴰⵢⵏⵏⵉ, ⴳⴰⵏ ⵉⵙⵏⴼⴰⵔⵏ ⵉⴷ ⴱ ⵓ ⵜⴷⴳⴰⵔⵜ ⵜⴰⵏⴰⵎⵓⵔⵜ ⵙ 96% ⵙⴳ ⵉⵙⵙⴰⵔⵓⵜⵏ ⵏⵏⴰ ⵔⴰⴷ ⵢⵉⵍⵉⵏ, ⵙ ⵡⴰⵜⵜⴰⵢⵏ ⵏ 27.5 ⵎⵍⵢⴰⵕ ⴷⵔⵀⵎ. 
ⴳ ⵓⴳⵔⴰⵡ ⴰⴷ ⵉⵙⵙⴽⵜⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⵉⵏⴷⵉ ⵏ ⵓⵙⵖⵓⴷⵓ ⵏ ⵜⵙⵔⵜⵉⵜ ⵏ ⵓⵡⴰⵏⴽ ⴳ ⵓⵙⴷⵓⵢ ⴰⵎⵙⵙⴰⵔⵓ, ⴷ ⵉⵇⵇⴰⵏⴷ ⴰⴷ ⵜⵜⵓⵙⵎⴰⵙⴰ ⴰⴽⴷ ⵉⵙⵏⴼⵍⵏ ⵉⴷⵔⴰⵏ ⵍⵍⵉ ⵜⵙⵙⵏ ⵜⵎⴰⵣⵉⵔⵜ ⵏⵏⵖ ⴳ ⴽⵔⴰ ⵉⴳⴰ ⵜⵜ ⵜⴰⵙⴳⴰ, ⵙ ⵜⵉⴳⴳⵉ ⵏ ⵜⵏⵎⵎⴰⵍⵉⵏ  ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵇⵇⵏⵏ ⵖⵔ ⵡⴰⴷ ⵉⴳ ⵓⵙⵙⴰⵔⵓ ⴰⵙⵎⴰⵙⵙⵓ ⵏ ⵜⴳⵎⵉ ⵜⴰⵙⵓⵙⵢⵓ-ⵜⴰⴷⵎⵙⴰⵏⵜ.
ⵎⵛⵉⵏⵏⴰ ⵉⵙⵙⵉⵜⴳ ⵙ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵙ ⵜⵓⴳⴳⵜ ⵏ ⵉⵙⵡⵓⴷⴷⵓⵜⵏ ⵍⵍⵉ ⵙ ⵜⵓⵙⵉ ⵜⵏⴱⴰⴹⵜ ⵎⴰ ⵔⴰⴷ ⴰⴷ ⵜⵙⵖⵉⵡⵍ ⴳ ⵉⵙⴰⵡⵔⵏ ⵏ ⵓⵙⵖⵓⴷⵓ ⵉⵡⴰⵍⴰⵏ ⴰⵙⵀⵡⵏ ⵏ ⵜⵉⴳⴳⵉ ⵏ ⵓⵙⵙⴰⵔⵓ, ⵍⵓⵎⵏ ⴰⵙⵀⵡⵏ ⵙ ⵓⵙⵎⵓⵟⵟⵏ ⵏ ⵜⴱⵔⵉⴷⵉⵏ, ⴷ ⵡⴰⵔⵏ ⵜⵏⵓⵎⵙⴰ ⴰⵎⵓⵙⵙⵓⴳⵓⵔ, ⴷ ⵓⵙⵀⵡⵏ ⵏ ⵡⴰⴷⴰⴼ ⵖⵔ ⵜⴼⴹⵏⴰ ⵏ ⴰⵥⴽⵡⴰⵏ, ⴷ ⵓⵙⵖⵓⴷⵓ ⵏ ⵓⵙⴰⵜⵉ ⵓⵚⴽⵉⵡ.
ⴷ ⵉⵙⴱⵏⵏⴷ ⴰⵍⵜⵓ ⵎⴰⵙ ⴷ ⴰⵡⵕⴰⵛ ⵉⵍⵖⴰⵏⵏ, ⴷⴷⴰⵏ ⴰⴷ ⴰⵡⵙⵏ ⴳ ⵓⵙⴷⵓⵙ ⵏ ⵜⵏⵣⵖⵜ ⴷ ⵜⵎⵣⵉⵣⵡⵔⵜ ⵏ ⵜⴳⵍⴷⵉⵜ, ⴷ ⵔⴰⴷ ⵜⴰⵡⵙ ⴳ ⵓⵙⴷⵓⵙ ⵏ ⵓⵏⵣⵡⵉ ⵏ ⵜⴼⵍⵙⵜ ⵍⵍⵉ ⴰⵙ ⵢⴰⴽⴽⴰⵏ ⵉ ⵍⵎⵖⵔⵉⴱ ⴰⴷ ⵉⴳ ⵜⴰⵏⵉⵍⴰ ⵜⴰⵎⵙⵙⴰⵔⵓⵜ ⴷ ⵉⵏⵣⵣⵖⵏ.
ⴰⴷ ⵏⵙⵙⴽⵜⵉ ⵎⴰⵙ ⴷ ⵙⴳ ⵜⵉⵣⵡⵓⵔⵉ ⵏ ⵍⵡⵉⵍⴰⵢⴰ ⵏ ⵜⵏⴱⴰⴹⵜ ⵏ ⵖⵉⵍ, ⵜⵜⵓⴳⵏⵜ 7 ⵏ ⵜⵙⵓⵜⴰⵍ ⵉ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ,ⴷ ⴷⵉⴳⵙⵏ ⵉⵜⵜⵓⵙⵖⵣⴰⵏ ⵅⴼ 84 ⵏ ⵓⵙⵏⴼⴰⵔ ⵏ ⵜⵎⵢⴰⵇⵇⴰⵏⵜⴷ ⵉⵎⴹⴼⵕⵏ ⵙ ⵡⴰⵜⵉⴳ ⵏ 67.6 ⵎⵍⵢⴰⵕ ⴷⵔⵀⵎ, ⴷ ⵜⵉⴳⴳⵉ ⵏ 10259 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ, ⴷ 33418 ⵏ ⵡⴰⵔⵓⵙⵔⵉⴷ.  
 

ⴷⵔⴰⵏ ⴳ ⵓⴳⵔⴰⵡ ⴰⴷ, ⵎⴰⵙⵙⴰ ⴷ ⵉⴷ ⵎⴰⵙⵙ: ⵎⴰⵙⵙ ⵎⵓⵄⵎⵎⴰⴷ ⵃⵊⵡⵉ, ⴰⵏⴼⵍⵓⵙ ⴰⵎⴰⵜⵓ ⵏ ⵜⵏⴱⴰⴹⵜ, ⴷ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⵜⴷⴰⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵏⵉⵣⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ, ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙⴰ ⴼⴰⵟⵉⵎⵣⵣⵣⵕⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⴷ ⵓⵥⴽⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⴷ ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⴷ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⴷ ⵜⵙⴱⴱⴰⴱⵜ, ⴷ ⵎⴰⵙⵙⴰ ⴼⴰⵟⵉⵎⵣⵣⵀⵕⴰ ⵄⵎⵎⵓⵕ, ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴷⵎⴰⵙⵙⴰ ⵄⴱⴷⵍⵟⵉⴼ ⵎⵉⵔⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ ⴰⵣⵎⵔⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⴷⵉⴳⴷⵓⴷⴰⵏⵉⵏ, ⴷ ⵎⴰⵙⵙ ⵄⵍⵉ ⵚⴷⵉⵇⵉ , ⴰⵏⵎⵀⴰⵍ ⴰⵎⴰⵜⵓ ⵉ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵉ ⵜⴳⵎⵉ ⵏ ⵉⵙⵙⴰⵔⵓⵜⵏ ⴷ ⵉⵙⵉⴼⴹⵏ (AMDI).