ⴰⵏⵙⵙⵉⵅⴼ ⵏ ⵜⵏⴰⴱⴹⵜ, ⵉⵙⵙⵉⵅⴼ ⵜⵉⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵙⵜⵕⴰⵜⵉⵊⵉⵜ ⵏ ⵓⵖⴰⵡⴰⵙ “ⴰⵡⵕⴰⵛ”
- ⵜⴰⵢⴰⴼⵓⵜ ⵜⵓⵎⵏⵉⴳⵜ ⵏ ⵓⵖⴰⵡⴰⵙ “ⴰⵡⵕⴰⵛ” ⴳ ⵓⵙⴳⴳⵯⴰⵙ ⵏ2022, ⴷ ⵓⵙⵏⵜⵉ ⵏ ⵉⵕⵡⴰⵏ ⵏ “ⴰⵡⵕⴰⵛ 2”
- ⵜⵜⵓⵣⵎⵎⴰⵎⵏ 103.599 ⵏ ⵓⵎⵙⴱⵖⵓⵔ ⵙⴳ “ⴰⵡⵕⴰⵛ” ⴰⵙⴳⴳⵯⴰⵙ ⵏ 2022, ⴳ ⵓⵎⵥⵏⵜ ⵜⵓⵜⵎⵉⵏ 30 ⴳ ⵜⴳⵎⵉⴹⵉ ⴷⵉⴳⵙⵏ,
- “ⴰⵡⵕⴰⵛ” ⴷ ⴰⵙⵏⵜⵉ ⵏ ⵜⵣⵔⴼⵉ ⵜⴰⴼⵔⴽⴰⵏⵜ, ⵉⴷⴷⵖ ⴷ 50 ⴳ ⵜⴳⵎⵉⴹⵉ ⴳ ⵉⵎⵙⵙⴱⵖⵓⵔⵏ ⴳⴰⵏ ⵙⴳ ⵉⴼⴰⵔⴰⵏⵏ.
ⵉⴱⴷⴷⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⴰ ⵏ ⵓⵢⵏⴰⵙ 13 ⴱⵕⴰⵢⵕ 2023 ⴳ ⵕⵕⴱⴰⵟ ⵅⴼ ⵓⵙⵉⵅⴼ ⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵙⵜⵕⴰⵜⵉⵊⵉⵢⵜ ⵏ ⵓⵖⴰⵡⴰⵙ ⵏ “ⴰⵡⵕⴰⵛ”, ⵍⵍⵉ ⵜⴻⵜⵜⵓⵙⴽⴰⵏ ⵜⴻⵜⵜⵓⵙⵏⴽⴷ ⵜⵢⴰⴼⵓⵜ ⵏ ⵓⵖⴰⵡⴰⵙ ⴳ ⵓⵙⴳⴳⵯⴰⵙ ⵏ 2022 , ⴷ ⵜⵉⴽⵉ ⵏ ⵓⵙⵏⵜⵉ ⵏ “ⴰⵡⵕⴰⵛ 2”, ⵉⵙⴷⴷⵉⴷ ⵎⴰⵙ ⵜⵜ ⵜⵓⵡⵉ ⵜⵏⴱⴰⴹⵜ ⴳ ⵉⴱⴷⴷⵉ ⴳ ⵡⴰⵡⴰⵍ ⵏⵏⵙ ⵅⴼ ⵉⵙⵖⵏⵏ ⵍⵍⵉ ⵜⴼⴽⴰ ⵉ ⵉⵏⴰⵎⵓⵔⵏ, ⵎⴰ ⵔⴰⴷ ⴰⴷ ⵜⵙⵏⴽⴷ ⵜⵉⵎⵔⴰⵔⵓⵜⵉⵏ ⵜⵉⵎⵖⵉⵡⵍⵉⵏ ⵅⴼ ⵉⵏⴱⵓⵜⵜⵍⵏ ⵏ ⵓⵙⵡⵓⵔⵉ ⵍⵍⵉ ⴷ ⵢⵓⵡⵉ ⵓⴱⴰⵢⵢⵓⵕ ⵏ ⴽⵓⴼⵉⴷ-19, ⴷ ⵓⵙⴰⴷⵎⵔ ⵏ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ.
ⴷ ⵉⵎⵎⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵓⵜⵍⵜⴰⵖ ⵏ ⵎⴰⵕⵕⴰ ⵉⴳⵔⴰⵏ ⵏ ⵜⵏⴰⴱⴹⵜ, ⴳ ⵓⵙⵓⴳⴳⵣ ⵏ “ⴰⵡⵕⴰⵛ” ⵃⵎⴰ ⴰⴷ ⵜⵜⵓⵙⵏⵜⵉ ⵜⵣⵔⴼⵉ ⵜⴰⴼⵔⴽⴰⵏⵜ, ⴳ ⵜⵎⵏⴱⴰⴹⵉⵏ ⴷ ⵜⵙⴳⵯⵉⵏ ⵉⵜⵜⵓⵡⵜⵜⵙⵏ, ⵙⵍⴰⵡⵏ ⴰⴽⴽⵯ ⵎⴰⵙ ⴷ ⴷⵔⵓⵖ ⴷ 5 ⴳ ⵜⴳⵎⵉⴹⵉ ⵏ ⵉⵎⵙⵙⴱⵖⵓⵔⵏ ⵙⴳ ⵓⵖⴰⵡⴰⵙ, ⴳⴰⵏ ⵉⵎⵣⴷⴰⵖ ⵏ ⵓⴼⴰⵔⴰ.
ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⴳ ⵜⵡⴰⵍⴰ ⵏⵏⵙ ⵉⵙⵏⴽⴷ ⴰⵙⴽⴰⵏ ⴳ ⵎⵉⵏ ⵉⵇⵇⵏ ⵖⵔ ⵜⵢⴰⴼⵓⵜ ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⵏ ⵓⵖⴰⵡⴰⵙ “ⴰⵡⵕⴰⵛ”, ⵉⵏⵏⴰ ⵎⴰⵙ ⵉⴳⴰ ⵓⵎⵏⵉⴳ, ⴷ ⵉⵏⵏⴰ ⵎⴰⵙ ⴷ ⴰⵙⴳⴳⵯⴰⵙ ⵏ 2022 ⵉⵜⵜⵓⵣⵎⵎⴰⵎ ⴷⵉⴳⵙ 103.599 ⵏ ⵓⵎⵙⵙⴱⵖⵔ ⵙⴳ “ⴰⵡⵕⴰⵛ”, ⴰⵢⵏⵏⴰ ⴳ ⴳⴰⵏⵜ ⵜⵙⴷⵏⴰⵏ 30 ⴳ ⵜⴳⵎⵉⴹⵉ.
ⵉⵔⵏⵉ ⵓⵎⴰⵡⵙⴰⵙ ⴳ ⵓⵙⴽⴰⵏ ⵏ ⵜⴽⵛⵛⵓⵎⵜ ⵏⵏⵙ, ⵎⴰⵙ ⴷ 30 ⵏ ⵢⵉⴹ ⵙⴳ 100 ⵏ ⵢⵉⴹ ⵏ ⵓⵎⵙⵙⴱⵖⵓⵔ, ⵓⵡⵉⵏ ⴰⵙⵎⵓⵜⵜⴳ ⵏⵏⴰ ⵔⴰⴷ ⵜⵏ ⵢⴰⵡⵙ ⴳ ⵡⴰⴷⴰⴼ ⵖⵔ ⵓⴳⴰⴷⴰⵣ ⵏ ⵜⵡⵓⵔⵉ, ⵉⵙⵙⴼⵔⵓ ⴰⵡⴰⵍ ⵏⵏⵙ ⵙ ⴽⵔⴰ ⵏⵜⵔⵎⵉⵜⵉⵏ ⵉⵎⵎⵓⵔⵙⵏ ⵏ ⵓⵖⴰⵡⴰⵙ, ⵙⴳ ⴷⵉⴳⵙⵏⵜ ⴰⵙⵎⵓⵟⵟⵏ ⵏ ⵡⴰⵔⵔⴰ ⵏ ⵜⴳⵔⴰⵡⵉⵏ ⵜⵉⴷⵖⴰⵔⴰⵏⵉⵏ.
ⴷ ⵉⵏⵏⴰ ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⵎⴰⵙ ⴷ ⴰⵙⵖⴰⵍ ⵏ ⵉⵎⵙⵙⴱⵖⵔⵓⵔⵏ ⵓⵔ ⵉⵟⵟⴰⴼⵏ ⵉⵙⵍⴽⵉⵏⵏ ⵏⵉⵖ ⵉⴷⵉⴱⵍⵓⵎⵏ, ⵢⵓⵜⵉ 170% ⵙⴳ ⵜⵎⵓⵜⵔⵜ ⵏ ⵉⵎⵙⵙⴱⵖⵓⵔⵏ, ⴰⴼⴰⴷ ⴰⴷ ⵉⴳ ⵓⵖⴰⵡⴰⵙ ⵏ “ⴰⵡⵕⴰⵛ” ⴰⵖⴰⵡⴰⵙ ⴰⵎⵣⵡⴰⵔⵓ ⵏ ⵜⵏⴱⴰⴹⵜ ⵉⴳⴰⵏ ⵜⴰⵡⵓⵔⵉ ⵉⵎⵙⴰⵙⴰⵏ ⴷ ⵜⴳⵔⵓⵎⵎⴰ ⴰⴷ ⵏ ⵉⵏⴰⵎⵓⵔⵏ, ⴰⴽⴷ ⵓⵙⵙⴱⵖⵔⵏ ⵏⵏⵙⵏ ⵙⴳ ⵜⵖⵕⴰⴹ ⵓⵔ ⵉⴳⴳⵉⵣⵏ ⵅⴼ ⵓⵡⵜⵜⵓ ⵏ ⴰⵏⴰⴷⴷⴰ ⵏ ⵜⵖⵕⴰⴹ, ⴷ ⵓⵣⵎⵎⴻⵎ ⵏⵏⵙⵏ ⴳ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.
ⵙ ⵎⴰⵏ ⴰⵢⴰ ⵜⵙⵎⵓⵙⵙⴰ ⵜⵏⴱⴰⴹⵜ, ⴳ ⵓⵔⵣⴼ ⴰⵥⵕⴼⴰⵏ ⵏ ⵓⵙⴳⴳⵯⴰⵙ ⵏ 2023, 2.25 ⵏ ⵎⵍⵢⴰⵕ ⴷⵔⵀⵎ ⵉ “ⴰⵡⵕⴰⵛ” ⵎⴰ ⵔⴰⴷ ⴰⴷ ⵜⵜⵓⵙⴽⴰⵔ 250 ⵏ ⵏⵢⵉⴼⴹ ⵏ ⵓⵎⵓⵔ ⵏ ⵜⵡⵓⵔⵉ ⴳ ⵓⵙⴰⴳⴳⵯⴰⵙ ⵏ 2022 ⴷ 2023, ⴳ ⵓⵙⴰⵜⵉ ⵏ ⴰⵡⴰⵕⴰⵛ ⵉⵎⴽⵓⴷⴰⵏ ⵙ ⵓⵎⴰⵜⴰ ⵉⵎⵥⵥⵢⴰⵏ ⴷ ⵉⵎⵇⵇⵔⴰⵏ.
ⴷ ⴰⴷ ⵏⵉⵏⵉ, ⵎⴰⵙ ⴷ ⴰⴳⵔⴰⵡ ⴰⴷ ⵉⴷⵔⴰ ⴷⵉⴳⵙ ⴳ ⵉⴷⵉⵙ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵛⴰⴽⵉⴱ ⵏⴱⵏ ⵎⵓⵙⴰ, ⴰⵎⴰⵡⴰⵙⴰ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴷ ⵎⴰⵙⵙ ⴰⵎⴰⵡⵙⴰⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵎⵓⵃⵎⵎⴰⴷ ⵚⵉⴷⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵉⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ, ⴷ ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⴷ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⴷ ⵜⵙⴱⴱⴰⴱⵜ, ⴷ ⵎⴰⵙⵙⴰⴼⴰⵟⵉⵎⴰⵣⵣⵀⵕⴰ ⵄⵎⵎⵓⵕ, ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ, ⴷ ⵎⴰⵙⵙ ⵎⵚⵟⴰⴼⴰ ⴱⴰⵢⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴰⴽⴷ ⵍⴱⵕⵍⴰⵎⴰⵏ, ⴰⵎⵙⵡⵉⵍ ⵓⵏⵚⴱ ⵙ ⵢⵉⵙⵎ ⵏ ⵜⵏⴱⴰⴹⵜ.
