ⵉⵜⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⵙⴳⴷⴰⵍⵏ ⴰⴽⴷ ⵓⵏⵎⵀⴰⵍ ⴰⵎⴰⵔⵉ ⵏ ⵜⵖⴰⵡⵙⵉⵡⵉⵏ ⵏ ⵜⵎⵀⴰⵍⵉⵏ ⴳ ⵍⴱⴰⵏⴽ ⴰⴳⵔⴰⵖⵍⴰⵏ

ⵓⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵢⵏⴰⵙ 2 ⴱⵕⵢⵕ 2023 ⴳ ⵕⵕⴱⴰⵟ, ⵉⵎⵙⴳⴷⴰⵍⵏ ⴰⴽⴷ ⵎⴰⵙⵙ ⴰⴽⵙⵉⵍ ⴼⴰⵏ ⵜⵕⵓⵜⵙⵏⴱⵉⵔⴳ, ⴰⵏⵎⵀⴰⵍ ⴰⵎⴰⵔⵉ ⵏ ⵜⵖⴰⵡⵙⵉⵡⵉⵏ ⵜⵎⵀⴰⵍⵉⵏ ⴳ ⵍⴱⴰⵏⴽ ⴰⴳⵔⴰⵖⵍⴰⵏ, ⵏⵏⵉ ⴷ ⵉⵎⵓⵏⵏ ⴷ ⵎⴰⵙⵙ ⴼⴰⵔⵉⴷ ⴱⵏⵍⵀⴰⵊ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴱⴰⵏⴽ ⴰⴳⵔⵖⵍⴰⵏ ⵏ ⵜⵎⵏⴰⴹⵜ ⵏ ⵓⵏⵇⵇⴰⵔ ⴰⵏⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵉⵢⴰ.
ⵉⴳⴰ ⵓⴳⵔⴰⵡ ⴰⴷ ⴰⵙⵓⵍⴼ ⵉ ⵓⵙⵉⵜⴳ ⵙ ⵜⵎⵢⵇⴰⵏⵉⵏ ⵏ ⵓⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⵜⴳⵔⵓⵎⵎⴰ ⵏ ⵍⴱⴰⵏⴽ ⴰⴳⵔⴰⵖⵍⴰ, ⴷ ⵓⵔⵣⵣⵓ ⴳ ⵜⵖⴰⵔⴰⵙⵉⵏ ⴷ ⵉⵎⴰⵙⵙⵏ ⵏ ⵓⵙⴷⵓⵙ ⵏ ⵢⵎⵢⴰⵇⵇⴰⵏ ⴰⵙⵜⵕⴰⵜⵉⵊⵉ ⵏⴳⵔⵙⵏ. ⴷ ⴰⵡⴷ ⴰⵙⴽⴰⵏ ⵏ ⵉⵖⵓⴷⵓⵜⵏ ⵉⵍⵖⴰⵏⵏ ⴷ ⵉⵣⴳⵏⴰⵏ ⵍⵍⵉ ⵜⵙⵙⵏⵜⵉ ⵜⵏⴱⴰⴹⵜ ⵏ ⵖⵉⵍⴰ, ⵙ ⵓⵎⵙⴰⵙⴰ ⴰⴷⴽ ⵉⵙⵡⴰⵍⴰⵜⵏ ⵉⴳⵍⴰⴷⴰⵏⵏ ⵢⴰⵜⵜⵓⵢⵏ. 
ⵢⵓⵍⵖ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵜⵣⵎⵎⴰⵔ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴳⵡⴰⵏⵏⴰⵍ ⴷ ⵓⴹⴼⴼⵓⵕ ⵏ ⵉⵙⵏⴼⴰⵔⵏ ⵏ ⵜⴳⵎⵉ ⴷ ⵓⵙⵜⵔⴰⵔ ⴳ ⵜⵎⴰⵣⵉⵔⵜ ⵏⵏⵖ, ⵉⵡⵜⵜⵙⵏ ⵖⵔ ⵓⵙⵓⴳⴳⵣⵏ ⵉⵙⴰⵡⵔⵏ ⵉⵍⴰⵏ ⵜⵉⴼⵔⴰⵏ ⵉⵙⵜⴰⵡⵀⵎⵎⴰⵏ ⴳ ⵜⵓⵣⵣⵡⵓⵔ ⵏⵏⵙⵏ, ⴷ ⴰⵡⴷ ⴰⵙⵎⴰⵜⴰ ⵏ ⵓⵙⴰⴳⵯ ⵏ ⵓⴼⵔⴰⴳ ⴰⵏⴰⵎⵓ, ⴷ ⵓⵙⵖⵓⴷⵓ ⵏ ⵢⵉⴳⵔ ⴰⴳⴷⵓⴷⴰⵏ, ⴷ ⵓⵙⵎⴰⴷ ⵏ ⵓⵣⴳⴳⵉⵔ ⵏ ⵜⵙⵜⵕⴰⵜⵉⵊⵉⵢⵉⵏ ⵜⵉⵏⴰⴳⵔⴰⵏⵉⵏ.
 

ⴳ ⵓⵎⵙⴳⴷⴰⵍ ⴰⴷ ⴰⵍⵜⵓ, ⵢⵓⵍⵙ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵉ ⵓⴱⵓⵔⵣ ⴰⵎⵖⵔⴰⴱⵉ ⵙ ⵓⵙⵏⵎⴰⵍⴰ ⵏ ⵉⴳⵔⴰⵡⵏ ⵉⵙⴳⵯⵙⴰⵏ ⵉ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵜⵎⵇⵕⴰⴹ ⵜⵉⴳⵔⴰⵖⵍⴰⵏⵉⵏ, ⵏⵏⴰ ⵉⴷⴷⴰⵏ ⴰⴷ ⵉⵜⵜⵓⵙⵏⵎⴰⵍⴰ ⴳ ⵜⵎⴷⵉⵏⵜ ⵏ ⵎⵕⵕⴰⴽⵛ ⴰⵙⴳⴳⵯⴰⵙ ⵏ 2023, ⵎⵉⵏⵣⵉ ⵔⴰⴷ ⵉⵜⵜⵓⴳ ⴳ ⵉⴼⵔⵉⵇⵉⵢⴰ ⵜⴰⵡⴰⵍⴰ ⵏⵏⵉⴹⵏ ⴷⴼⴼⵔ ⵏ ⵓⵣⴳⵏ ⵏ ⵜⵙⵓⵜⴰ.