ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵏⵙⵙⵉⵅⴼ ⴰⴳⵔⴰⵡ ⵡⵉⵙ ⴽⵕⴰⴹⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⵀⵡⵏ ⵏ ⵉⵍⵓⴳⵏ ⴷ ⵜⵎⴳⴳⵉⵜⵉⵏ ⵜⵉⵎⵙⵙⵓⴳⵓⵔⵉⵏ

• ⴰⵙⵀⵡⵏ ⵏ 22 ⵏ ⵓⵖⵜⴰⵙ ⴰⵎⵙⵙⵓⴳⵓⵔ ⴷ ⵓⵙⵎⵓⵟⵟⵓⵏ ⵏⵏⵙ; 
• ⴰⵙⴷⵔⵓⵙ ⵏ ⵜⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⵉ ⵉⵎⵙⵙⴰⵔⵓⵜⵏ ⵙ ⵓⵙⵖⵍ ⵏ 45 ⴳ ⵜⴳⵎⵉⴹⵉ.

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵢⵏⴰⵙ 20 ⴱⵕⴰⵢⵕ 2023 ⴳ ⵕⵕⴱⴰⵟ ⴰⴳⵔⴰⵡ ⵡⵉⵙ ⴽⵕⴰⴹ ⵏ ⵜⵙⵇⵇⵉⵎⵜ ⵜⵏⴰⵎⵓⵔⵜ ⵉ ⵓⵙⵀⵡⵏ ⵏ ⵉⵍⴳⴰⵎⵏ ⴷ ⵜⵎⴳⴳⵉⵜⵉⵏ ⵜⵉⵎⵙⵙⵓⴳⵓⵔⵉⵏ, ⵙ ⵜⴷⵔⵡⴰⵜ ⵏ ⵓⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴷ ⵓⵏⴼⵍⵓⵙ ⴰⵎⴰⵜⵓ ⵏ ⵜⵏⴱⴰⴹⵜ, ⵎⴰⵙⵙ ⵎⵓⵃⵎⵎⴰⴷ ⵃⵊⵡⵉ, ⴷ ⵓⵎⴰⵡⵙⴰⵙ ⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵉ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ, ⵎⴰⵙⵙⴰ ⵖⵉⵜⴰ ⵎⵣⵡⴰⵔ. 
ⵉⵜⵜⵓⵙⴰⵢ ⵓⴳⵔⴰⵡ ⴰⴷ ⵙⵍⴰⵡⴰ ⵏⴰ ⴽⴽⵯ ⵉ ⵓⵙⵖⵣⵏ ⵅⴼ ⵜⵙⵓⵇⵇⵍⵜ ⵜⴰⵎⵓⵀⴰⵏⵜ ⵏ ⵉⵖⵜⴰⵙⵏ ⵉⵎⵙⵙⵓⴳⵓⵔⵏ, ⵍⵍⵉ ⵉⵜⵜⵓⵣⵔⴰⵡⵏ ⴳ ⵡⴰⵎⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵙⴰⵔⵓ, ⴷ ⵓⵙⴽⴰⵏ ⵏⵜⵢⴰⴼⵓⵜ ⵏ ⵜⵉⴳⴳⵉ ⵏ ⵎⵉⵏ ⵅⴼ ⴷ ⵢⵓⵡⵉ ⵓⵣⵔⴼ ⵓⵟⵟⵓⵏ 55-19 ⵉⵇⵇⵏ ⵖⵔ ⵓⵙⵀⵡⵏ ⵏ ⵉⵍⴳⴰⵎⵏ ⴷ ⵜⵎⴳⴳⵉⵜⵉⵏ ⵏ ⵜⵉⵎⵙⵙⵓⴳⵓⵔⵉⵏ. 
ⴷⴳ ⵡⴰⵡⴰⵍ ⵏⵏⵙ ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴰⴱⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛⵏ, ⵎⴰⵙ ⴷ ⵜⵏⵓⵔⵣ ⴰⴷ ⵜⵙⵡⵓⵔⵉ ⵜⴳ ⵜⵓⴳⴳⴰⵙ ⵏⵏⵙ ⵎⴰ ⵔⴰⴷ ⴰⴷ ⵜⵙⵎⵓⵔⵙ ⴰⵙⴰⵡⵔ ⵏ ⵓⵙⵀⵡⵏ ⵏ ⵉⵍⴳⴰⵎⵏ ⵏ ⴷ ⵜⵎⴳⴳⵉⵜⵉⵏ ⵏ ⵜⵉⵎⵙⵙⵓⴳⵓⵔⵉⵏ ⴳ ⵜⵎⴰⵣⵉⵔⵜ ⵏⵏⵖ, ⴳ ⵜⵉⴳⴳⵉ ⵏ ⵜⵏⵎⵎⴰⵍⵉⵏ ⵢⴰⵜⵜⵓⵢⵏ ⵏ ⴱⴰⴱⴰ ⵏ ⵡⴰⴷⴷⵓⵔ ⴰⴷ ⵜ ⵢⴰⵊⵊ ⵕⴱⴱⵉ ⴳ ⵢⵉⴳⵔ ⴰⴷ.
ⵉⵙⵙⵓⵜⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵕⵕⴰ ⵉⵎⴰⵡⴰⵙⵏ ⵙⴳ ⵜⵎⵙⵙⵓⴳⵓⵔⵉⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ , ⴷ ⵜⵎⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⴳⵔⴰⵡⵉⵏ ⵏⵏⵉⴹⵏ, ⵖⵔ ⵓⵙⵡⵓⵔⵉ ⵅⴼ ⵓⵙⵎⵓⵜⵜⴳ ⵏ ⵜⵙⵓⵜⴰ ⵜⴰⵎⴰⵢⵏⵓⵜ ⵏ ⵉⵙⵖⵓⴷⵓⵜⵏ ⵉⵇⵇⵏ ⴰⴽⴷ ⵓⵙⵀⵡⵏ ⵏ ⵉⵍⴳⴰⵎⵏ ⵉⵎⵙⵙⵓⴳⵓⵔⵏ ⴷ ⵓⵙⵎⵓⵟⵟⵏ ⵏⵏⵙⵏ ⵙ ⵓⵖⴰⵡⴰⵙ ⵏ ⵜⵡⵓⵔⵉ ⵉⵡⵜⵜⴰⵏ, ⵏⵏⴰ ⵉⵔⴰⵏ ⴰⴷ ⵉⴼⴽ ⵉ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵎⵔⴰⵔⴰ ⴰⵙⴼⴽⴰⵏ ⵏ ⵡⵓⵎⵍⴰⵏ ⴷ ⵜⵏⵜⴰⵎⵉⵏ ⵏⴳⵔ ⵜⵎⵙⵙⵓⴳⵓⵔⵉⵏ, ⵜⴰⵍⴳⴰⵎⵜ ⵉ ⵓⵙⵖⵓⴷⵓ ⵏ ⵉⴷⵜⵜⴰⵏ ⵏ ⵓⵙⴰⵡⵔ ⵏ ⵓⵙⵀⵡⵏ ⵏ ⵉⵍⴳⴰⵎⵏ ⵉⵎⵙⵙⵓⴳⵓⵔⵏ ⵉⵎⵙⴰⵙⴰⵏ ⴰⴽⴷ ⵉⵏⴰⵔⵓⵣⵏ ⵏ ⵉⵏⴰⵎⵓⵔⵏ ⴷ ⵉⵎⵙⵙⴰⵔⵓⵜⵏ, ⵉⵍⵉⵏ ⵜⵉⵕⵡⵉ ⴷ ⵜⵎⴰⴼⴰⵡⵜ ⴳ ⵉⴱⴷⴷⵉ ⵅⴼ ⵜⵡⵓⵔⵉ ⵏ ⵜⵏⴰⴼⵓⵜⵉⵏ ⵜⵉⴳⴷⵓⴷⴰⵏⵉⵏ.  
 

ⴳ ⵓⴳⵔⴰⵡ ⴰⴷ ⴰⵍⵜⵓ ⵜⵙⵏⴽⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵢ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ, ⴰⵙⴽⴰⵏ ⴳ ⵜⵙⴰⵡⵍ ⵅⴼ ⵜⵢⴰⴼⵓⵜ ⵏ ⵏ ⵜⵉⴳⴳⵉ ⵏ ⵓⵣⵔⴼ ⴰⴷ, ⴷ ⵜⵓⴼⴰ ⵏⵏ ⵎⴰⵙ ⵉⵍⵍⴰ ⵓⵙⵀⵡⵏ ⵏ 22 ⵏ ⵓⵖⵜⴰⵙ ⴰⵎⵙⵙⵓⴳⵓⵔ ⴷ ⵓⵙⵎⵓⵟⵟⵏ ⵏⵏⵙ ⴷⵉ ⵜⴱⴰⴷⵓⵜ ⵜⴰⵍⵉⴽⵟⵕⵓⵏⵉⵜ CRI invest, ⴰⵙⴽⴽⵉⵏ ⵉⴷⴷⴰⵏ ⴰⴷ ⵉⵙⴷⵔⵓⵙ ⵜⵉⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⵉ ⵉⵎⵙⵙⴰⵔⵓⵜⵏ ⵙ ⵓⵙⵖⴰⵍ ⵏ 45 ⴳ ⵜⴳⵎⵉⴹⵉ, ⴰⵛⴽⵓ ⵉⵜⵜⵢⵡⴰⴽⴽⵙ 60 ⴳ ⵜⴳⵎⵉⴹⵉ ⵏ ⵜⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⴳ ⵎⵉⵏ ⵉⵇⵇⵏⵏ ⵖⵔ ⵓⵙⵢⴰⵀⴰ ⵏ ⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ, ⴷ 50 ⴳ ⵜⴳⵎⵉⴹⵉ ⵙⴳ ⵜⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⴳ ⵓⵙⵎⵓⵙⵙⵓ ⵏ ⵜⴼⴹⵏⴰ ⴰⵥⴽⵡⴰⵏ, ⴷ 33 ⴳ ⵜⴳⵎⵉⴹⵉ ⵏ ⵙⴳ ⵜⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⴳ ⵜⵓⵔⴰⴳ ⵏ ⵓⵥⴽⴰⵡ, ⴷ 45 ⴳ ⵜⴳⵎⵉⴹⵉ ⵏ ⵜⵏⴰⵜⵎⵉⵏ ⵉⵜⵜⵓⵙⵓⵜⵓⵔⵏ ⴳ ⵜⵓⵔⴰⴳ ⵏ ⵓⵙⵎⵔⵙ. 
ⵜⴰⴼ ⵏⵏ ⵜⵎⴰⵡⵙⴰⵙⵜ ⵎⴰⵙ ⴷ ⴰⴼⴰⴷ ⴰⴷ ⴷⵔⵉⵙⵏⵜ ⵜⵏⵜⴰⵎⵉⵏ ⵏ ⵉⵜⵜⵓⵙⵓⵜⵓⵔⵏ ⵙⴳ ⵉⵎⵙⵙⴰⵔⵓⵜⵏ ⵙ 45 ⴳ ⵜⴳⵎⵉⴹⵉ, ⵜⵜⵓⵙⵖⵜⵣⵏ ⵙⵎⵎⵓⵙⵜ ⵏ ⵜⵜⵉⵇⵏⵉⵢⵉⵏ ⵜⵉⵎⵓⵀⴰⵏⵉⵏ, ⴳ ⵉⵍⵍⴰ ⵓⵙⵏⴼⵍ ⵏ ⵏ ⴽⵔⴰ ⵏ ⵜⵏⵜⴰⵎⵉⵏ ⵉⵜⵜⵓⵙⵓⵜⵓⵔⵏ ⵙ ⵜⵏⵎⵎⴰⵍⵉⵏ ⵉⵙⵙⵓⴳⵓⵔ ⵉⵎⵙⵙⴰⵔⵓ, ⴷ ⵓⵙⵙⵓⵊⴷ ⵏ ⵜⵎⵙⵙⵓⴳⵓⵔⵜ ⴽⵔⴰ ⵏ ⵜⵏⴰⵎⵉⵏ ⴳ ⵡⴰⵏⵙⴰ ⵏ ⵓⵙⵓⵜⵔ ⵏⵏⵙⵏⵜ ⵙⴳ ⵓⵎⵙⵙⴰⵔⵓ, ⴷ ⵓⵙⵎⴰⴷ ⵏ ⵏ ⴽⵔⴰ ⵏ ⵜⵏⴰⵜⴰⵎⵉⵏ ⴷⴼⴼⵔ ⵏ ⵓⵎⵙⴰⵙⴰ ⵏ ⵜⵙⵇⵇⵉⵎⵜ, ⴷ ⵡⵓⴽⵓⵙ ⵏ ⴽⵔⴰ ⵏ ⵜⵏⴰⵜⵎⵉⵏ ⵓⵔ ⵉⵏⵥⵉⵥⵏ, ⴷ ⵓⵙⵏⴼⵍ ⵏ ⵜⵓⴳⴳⵜ ⵙⴳ ⵜⵏⵜⴰⵎⵉⵏ ⵙ ⵉⵎⴷⵢⴰⵜⵏ ⵉⵜⵜⵓⵙⵓⵉⵊⴷⵏ ⵢⴰⴷⵍⵍⵉ.
ⴳ ⵓⴳⵔⴰⵡ ⴰⴷ ⴰⵍⵜⵓ ⵉⵜⵜⵓⵏⵣⴰⵖ ⴷ ⵓⵙⴰⵍⴰ ⵏ ⵓⵙⴱⵓⵖⵍⵓ ⵏ ⵜⴳⴳⵓⵔⵜ ⵜⴰⵏⴰⵎⵓⵔⵜ ⵉ ⵉⵍⴳⴰⵎⵏ ⴷ ⵜⵎⴳⴳⵉⵜⵉⵏ ⵏ ⵜⵉⵎⵙⵙⵓⴳⵓⵔⵉⵏ " Idarati.ma" , ⴷ ⵓⴹⴼⴼⵓⵕ ⵏ ⵜⵉⴳⴳⵉ ⵏ ⵜⵎⴳⴳⵉⵜⵉⵏ ⵉⵡⵀⵏⵏ ⴳ ⵜⵉⵍⴰⵡⵜ, ⴷ ⵓⵙⴽⴰⵏ ⵏ ⴽⴽⵓⵥⵜ ⵏ ⵉⵙⵏⴼⴰⵔⵏ ⵉⵎⵕⵚⵓⵎⵏ, ⴰⴽⴷ ⵓⵙⵡⵜⵜⵓ ⵏ ⵜⵉⴳⵉⵔⴰ ⵏ ⵡⴰⵢⵢⵓⵔ ⵏ ⵎⴰⵕⵚ ⴷ ⵜⵉⵣⵉ ⵉⴳⴳⵔⴰⵏ ⵉ ⵓⵙⵎⵓⵔ ⵏ ⵓⵙⵖⵣⵏ ⵖⵉⴼⵙⵏ.