ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵎⵀⴰⵡⴹ ⵏ ⵓⵔⵓⴱⴱⴰ ⵉⵜⵜⵓⵙⵎⴰⴳⵍⵏ ⵙ ⵜⵙⵔⵜⵉⵜ ⵏ ⵓⵏⵎⵉⵍⴰ ⴷ ⵓⵏⵖⴰⵍ
ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵎⴹⵉⴽⴰⵕ ⴷ, ⴰⵙⵙ ⵏ 2 ⵎⴰⵕⵚ 2023 ⴳ ⵕⵕⴱⴰⵟ, ⴰⴽⴷ ⵓⵎⵀⴰⵡⴹ ⵏ ⵓⵔⵓⴱⴱⴰ ⵉⵜⵜⵓⵙⵎⴰⴳⵍⵏ ⵙ ⵜⵙⵔⵜⵉⵜ ⵏ ⵓⵏⵎⵉⵍⴰ ⴷ ⵓⵏⵖⴰⵍ, ⵏⵏⴰ ⴷ ⵉⴳⴰⵏ ⵉⵊⵊ ⵏ ⵓⵔⵣⴰⴼ ⴰⵡⵓⵔⵉⵡ ⵉ ⵍⵎⵖⵔⵉⴱ.
ⵉⴳⴰ ⵓⵔⵣⴰⴼ ⴰⴷ, ⵡⵉⵙⵙ ⵙⵉⵏ ⵏⵏⴰ ⴷ ⵉⴳⴰ ⵉ ⵍⵎⵖⵔⵉⴱ ⴳ ⵢⵉⵡⵏ ⵓⵙⴳⴳⵯⴰⵙ, ⴰⵢⴰ ⴷⴰ ⴰⵖ ⵉⵎⵎⴰⵍ ⵉⵙ ⴷ ⵜⵎⵀⵉⵡⴹⵜ ⵏ ⵓⵔⵓⴱⴱⴰ ⵜⵓⵛⴰ ⵢⴰⵏ ⵡⴰⵜⵉⴳ ⴰⵎⵇⵔⴰⵏ ⵉ ⵓⵎⵛⵛⵔⴽ ⴰⵙⵜⵔⴰⵜⵉⵊⵉⵢ ⴳⵔⴰⵙ ⵜⴳⵍⴷⵉⵜ ⵏ ⵍⵎⵖⵔⵉⴽ.
ⴳ ⵓⵏⵎⵓⵇⵇⴰⵔ ⴰⴷ, ⵢⵓⵍⵖ ⵓⵏⵙⵙⵉⵅⴼ ⴷ ⵓⵎⴰⵙⴰⵢ ⵏ ⵓⵔⵓⴱⴱⴰ ⵙ ⵜⴷⵉⵏⴰⵎⵉⵢⵜ ⴷ ⵓⵙⵡⵉⵔ ⵏ ⵓⵣⴷⴰⵢ ⴳⵔ ⵍⵎⵖⵔⵉⴱ ⴷ ⵜⵎⵀⵉⵡⴹⵜ ⵏ ⵓⵔⵓⴱⴱⴰ, ⴳ ⴽⵕⴰⴹ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ, ⵏⵏⴰ ⴷ ⵢⵉⵡⵉⵏ ⴰⵙⴳⵎⴹ ⵏ ⵢⴰⵏ ⵓⵙⴷⴷⵉⵢ , ⴷ ⵜⵎⵢⴰⵇⵇⴰⵏⵉⵏ, ⵏⵏⴰ ⵉⵍⵍⴰⵏ ⴳ ⵓⵙⴰⵜⵉ ⵏ ⵜⵖⵍⴼⵜ ⵏ ⵓⵎⴷⵢⴰ ⴰⵏⴳⵎⴰⵏ ⴰⵎⴰⵢⵢⵓⵏⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵜⵎⵙⴰⵙⴰ ⴷ ⵉⵙⵉⵣⵡⵉⵔⵏ ⵏⵏⴰ ⵉⴳⵍⵉ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵜ ⵉⵏⵚⵕ, ⴰⵔ ⵜ ⵜⵣⵣⴳⵓⵣ ⵜⵏⴱⴰⴹⵜ ⵏ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵎⴰ ⴰⴷ ⵉⵥⵍⵉⵏ ⵙ ⵢⵉⴳⵔ ⵏ ⵓⵃⵟⵟⵓ ⵏ ⵜⵏⴰⵎⵓⵏⵜ, ⴷ ⵡⴰⵎⴰⵏ, ⴷ ⵜⴼⵍⵍⴰⵃⵜ.
ⴷ ⴳⴰⵏ ⵉⵎⴷⴰⴽⴰⵔⵏ ⴰⴷ, ⵏⵏⴰ ⴳ ⵜⴰⵎⵓ ⵜⵎⵙⵇⴰⴷⵜ ⵏ ⵡⴰⵎⵓⵏ ⵏ ⵓⵔⵓⴱⴱⴰ ⴳ ⵍⵎⵖⵔⵉⴱ, ⵎⴰⵙⵙⴰ ⴱⴰⵜⵔⵉⵛⵢⴰ ⵢⵓⵎⴱⴰⵔⵜ, ⵢⴰⵏ ⵓⵣⵎⵣⵣⵓ ⴳⵔ ⵜⵎⵉⵣⴰⵔ ⵙ ⵙⵏⴰⵜ ⵏ ⵓⵙⵙⵏⴽⴷ ⵏ ⵎⴰ ⴰⴷ ⵉⴳⴰⵏ ⵜⵉⵖⵎⵔⵜ ⵏ ⵜⵓⵛⵛⵓⵔⴽⴰ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵀⵉⵡⴹⵜ ⵏ ⵓⵔⵓⴱⴱⴰ, ⴳ ⵓⵙⴰⵜⵉ ⵏ ⵓⵣⵎⵣⵣⵓ ⵉⴷⴷⴰⵏ ⴰⴷ ⵢⴰⵡⵙ ⵉ ⵓⵏⵖⴰⵍ ⴷ ⵓⵙⴷⵓⵙ ⵏ ⵓⵎⵢⴰⴳⴳⴰ ⴰⴷⴰⵎⵙⴰⵏ ⴷ ⵜⵙⴱⴱⴰⴱⵜ.
