ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵏⵎⴰⵍⴰ ⵢⴰⵏ ⵓⴳⵔⴰⵡ ⴰⴽⴷ ⵉⵣⵣⵓⵍⴰⵏⵏ ⵏ ⵓⵙⴷⴷⵉ ⵏ ⵉⴽⵙⴰⵎⵏ ⵉⵣⴳⴳⵯⴰⵖⵏ

ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙⴰ ⵏ ⵓⵢⵏⴰⵙ ⴳ ⵕⵕⴱ , ⵢⴰⵏ ⵓⴳⵔⴰⵡ ⴰⴽⴷ ⵉⵎⵣⵣⵓⵍⴰⵏ ⵉⵙⴷⴷⵉ ⵏ ⵉⴽⵙⴰⵎⴰⵏ ⵉⵣⴳⴳⵯⴰⵖⵏ ⵉⵙⴳⵏⵙⴰⵙⵏ ⴳ ⵜⴼⵉⴷⵕⴰⵍⵉⵢⵜ ⵜⴰⴳⵔⵣⵣⵓⵍⴰⵏⵜ ⵏ ⵉⴽⵙⵎⴰⵏ ⵉⵣⴳⴳⴰⵖⵏ ( FIVIAR), ⴷ ⵉⵙⴳⵏⵙⴰⵙ ⵏ ⵜⴽⵓⵏⴼⵉⴷⵕⴰⵍⵉⵢⵜ ⵜⴰⵎⵖⵔⴰⴱⵉⵢⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ( COMADER), ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵉⴽⵙⵙⴰⴱⵏ ⵏ ⵜⵖⵟⵟⵏ ⴷ ⵡⵓⵍⵍⵉ( (ANOC) , ⴷ ⵜⴼⵉⴷⵕⴰⵍⵉⵢⵜ ⵜⴰⴳⵔⵣⵣⵓⵍⴰⵏⵜ ⵓⵙⴷⴷⵉ ⵏ ⵓⴽⵯⴼⴰⵢ(FIMALAIT), ⴷ ⵉⴳⵏⵙⴰⵙ ⵙⴳ ⵓⵎⵓⵏⵉ ⴰⵎⴰⵜⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ (CGEM), ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ,  ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵍⴰⵍ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵜⵜⵓⵎⵙⴳⴰⵍⵏ ⵙ ⵜⵎⵙⴰⵙⵜⴰⵍⵜ, ⴷ ⵎⴰⵙⵙ ⵄⴱⴷⵍⵍⴰⵀ ⵍⵃⵏⵏⴰⵜⵉ, ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵉ ⵉⵙⵢⴰⴼⵓⵜⵏ ⵉⵎⵙⴰⴷⵓⵔⵏ 
ⴷⴳ ⵓⴳⵔⴰⵡ ⵢⵓⵎⴰ ⵉ ⵓⵙⵓⵊⴷ ⵏ ⵜⴼⴰⵙⴽⴰ, ⵉⵜⵜⵓⴳⴰ ⵉⴱⴷⴷⵉ ⵅⴼ ⵡⴰⴷⴷⴰⴷ ⴰⴷⵓⵙⴰⵏ ⴰⵚⴱⵃⴰⵏ ⵏ ⵜⵡⵉⵍⵉ, ⵙ ⵜⵣⵎⵎⴰⵔ ⵜⵉⵎⵙⴰⵡⴰⴹⵉⵏ ⵏⵏ ⵉⵜⵜⴻⴳⴳⴰ ⵓⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵏ ⵉⵢⴰⴼⵓⵜⵏ ⵉⵎⵙⴰⴷⵓⵔⵏ” ⵓⵙⵏⴰ” ⴳ ⵢⵉⴳⵔ ⵏ ⵜⵉⴹⴰⴼ ⵜⴰⴷⵓⵙⴰⵏⵜ ⵜⴰⵙⵉⵍⴰⵏⵜ ⵉ ⵜⵡⵉⵍⵉ ⴰⵏⴰⵎⵓⵔ ⴷ ⵓⵃⵟⵟⵓ ⵏ ⵓⴳⵯⵣⴷⵉ ⴳ ⵜⵎⵓⴹⴰⵏ ⵜⵉⵎⵓⴷⴰⵔⵉⵏ ⵜⵉⵏⵎⴰⴳⴳⴰⵔⵉⵏ, ⴷ ⵅⴼ ⵜⵎⴰⵎⴽⵜ ⵏ ⵓⵙⵎⵀⵍ ⵏ ⵓⵙⵏⵇⴹ ⴷ ⵡⵓⵍⵍⵉ ⴷ ⵜⵉⵖⵟⵟⵏ ⵉⵜⵜⵓⵙⵎⴰⵔⵏ ⵉ ⵜⴼⴰⵙⴽⴰ.
ⵉⵎⴽⵉⵏⵏⴰ ⵉⵜⵜⵓⵥⵍⴰⵢ ⵓⴳⵔⴰⵡ ⴰⴷ ⴰⵡⴷ ⵉ ⵜⵖⵓⵔⵉ ⵏ ⵓⵙⵓⵔⵙ ⵏ ⵢⵉⴳⵔ ⵏ ⵉⴽⵙⵎⴰⵏ ⵉⵣⴳⴳⵯⴰⵖⵏ ⴷ ⵉⵙⵡⵓⴷⴷⵓⵜⵏ ⵔⴰⴷ ⵜ ⵉⵙⴱⵓⵖⵍⵓ ⵉⵙⴳⵎⵉⵜ ⴳ ⵎⴰⵕⵕⴰ ⵏ ⵜⴰⵎⵎⵓⵔⵜ, ⴷ ⴰⵡⴷ ⴰⵙⵓⵔⵙ ⵏ ⵓⵎⵓⵏⴰ ⵏ ⵓⴳⴰⴷⴰⵣ ⴰⴳⵏⵙⴰⵏ , ⴷ ⵜⵎⴰⵎⴽⵜ ⵏ ⵓⵙⵎⵀⵍ ⵓⵙⴽⵛⵎ ⵏ ⵉⵎⵓⴷⴰⵔ ⵉⵜⵜⵓⵙⵎⴰⵔⵏ ⵉ ⵜⵖⵔⵙⴰ, ⵏⵏⴰ ⵇⴰⴷ ⵢⴰⵡⵙ ⴳ ⵓⵚⵕⵚⵓ ⵏ ⵡⴰⵜⵉⴳ ⵏ ⵓⵃⵟⵟⵓ ⵏ ⵜⵡⵉⵍⵉ ⵜⴰⵏⵎⵓⵔⵜ ⴷ ⵡⴰⵍⵍⴰⵙ ⵏ ⵓⵙⵙⵓⵏⵛⴽ ⵏⵏⵙ, ⵉⵜⵜⵓⴳⴰ ⵙⴳ ⵓⵎⵣⵡⴰⵔⵓ ⵏ ⵓⵙⵎⵀⵍ ⵏ ⵓⵙⵙⴽⵛⵎ, ⴰⵢⵢⵓⵔ ⵏ ⵉⴱⵔⵉⵔ 2023,ⴰⵙⵙⴽⵛⵎ ⵏ ⵡⴰⵜⵜⴰⵢⵏ ⵏ 22 ⵏ ⵢⵉⴼⴹ ⵏ ⵉⵅⴼ ⵏ ⵉⵣⴳⴰⵔⵏ ⴷ ⵡⴰⵜⵜⴰⵢⵏ ⵏ 10 ⵏ ⵉⵅⴼ ⵏ ⵡⴰⵍⵍⵉ.
ⵉⵙⴷⴷⵉⴷ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ, ⵎⴰⵙⴷ ⵜⴰⵏⴱⴰⴹⵜ ⵜⵙⵙⴽⵔ ⵛⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵉⵎⵔⴰⵏ ⵉ ⵓⵙⵡⵓⵔⵉ ⵅⴼ ⵡⴰⵍⵍⴰⵙ ⵏ ⵓⵎⵢⴰⵙ ⵉ ⵓⵙⴷⴷⵉ ⴷ ⵓⵙⵙⵓⵏⵛⴽ  ⵏ ⵜⵡⵉⵍⵉ ⴳ ⵎⴰⴷ ⵢⵓⵙⵉⵏ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⵏ ⵓⵖⴰⵡⴰⵙ ⵏⵏⴰ ⵉⵜⵜⵓⴳⴰⵏ ⴰⴽⴷ ⵉⵎⵣⵣⵓⵍⴰⵏⵏ, ⵏⵏⴰ ⵇⴰⴷ ⵉⵜⵜⵓⵙⴳⵎⴹ ⴳ ⵔⴰⴷⴰⵙ ⵊⴰⵔ ⵜⵎⴰⵡⵙⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⵙⵓⵏⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵉⵎⵣⵣⵓⵍⵏ ⴷ ⵜⴼⵉⴷⵕⴰⵍⵉⵢⵜ ⵜⴰⴳⵔⵣⵓⵍⴰⵏⵜ ⵏ ⵉⴽⵙⵎⴰⵏ ⵉⵣⴳⴳⵯⴰⵖⵏ, ⵙ ⵓⵡⵜⵜⴰⵙ ⵏ ⵓⵙⵎⵓⵏⴰ ⵏ ⵓⴰⴳⴰⴷⴰⵣ ⴰⵏⴰⵎⵓⵔ ⵙ ⵜⵙⵎⴽⵜⴰ ⵏ ⵉⴽⵙⵎⴰⵏ ⵉⵣⴳⴳⵯⴰⵖⵏ ⴷ ⵓⵣⴳⴳⵓ ⵏ ⵡⴰⵜⵉⴳ, ⵉⵙⵎⴰⵍ ⵎⴰⵙⴷ ⵜⵜⵓⴳⴰⵏ ⵛⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵏ ⵓⵙⵙⴽⵛⵎ ⵏ ⵉⵣⴳⴰⵔⵏ ⴷ ⵡⵓⵍⵍⵉ ⵏⵏⴰ ⵉⴳⴰⵏ ⵜⵉⵏ ⵜⵖⵕⵙ, ⵙⴳ ⴷⵉⴽⵙⵏⵜ ⴰⵙⴱⴱⴷ ⵏ ⵓⵙⵎⴷ  ⵏ ⵓⵎⵕⵙⵓⵎ ⵉⵜⵜⵓⵙⵏⵙⴰⵏ ⴷ ⵓⵔⴳⴰⵢ ⵅⴼ ⵡⴰⵜⵉⴳ ⴰⵡⵍⴳⴰⵏ , ⵏⵏⴰ ⵙ ⵉⴽⴽⴰ ⵉⴳⴰ ⵉⵎⵔⵙⵉ ⵏ ⵓⵎⵢⴰⵡⴰⴹ ⵉⵙⵜⵡⵀⵎⵎⴰⵏ ⵙⴳ ⵜⵏⴱⴰⴹⵜ
 

ⵉⵎⴽⵉⵏⵏⴰ ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⵣⵣⵓⵍⴰⵏ ⵙ ⴰⴷ ⴳⵉⵏ ⵜⵉⵣⵎⵎⴰⵔ ⵏⵏⵙ ⴳ ⵓⵙⴷⴷⵔⴼ ⵏ ⵓⵙⵙⴽⵛⵎ ⵃⵓⵎⴰ ⴰⴷ ⵉⵜⵜⵓⴹⴰⴽⵍ ⵓⴳⵊⴳⵊ ⵏ ⵓⵙⵢⴰⴼⴰ ⴷ ⵓⵎⵓⵏⴰ ⴰⵙⵓⵍⴰⵏ ⵉ ⵓⴳⴰⴷⴰⵣ ⴰⵏⴰⵎⵓⵔ ⵙ ⵡⴰⵜⵉⴳⵏ ⴷ ⵢⵓⵙⴰⵏ, ⵉⵙⴷⴷⵉⴷ ⵎⴰⵙⴷ ⵜⴰⵏⴱⴰⴹⵜ ⵇⴰⴷ ⵜⴰⵡⵙ ⵉ ⵉⵣⵣⵓⵍⴰⵏ ⴳ ⵜⵉⴳⴳⵉ ⵏ ⵉⵙⵡⵓⴷⴷⵓⵜⵏ ⴷ ⵢⵓⵙⴰⵏ.
ⵉⴳⴰ ⵓⴳⵔⴰⵡ ⵢⴰⵏ ⵓⵎⵡⴰⵊⴱ ⵉ ⵓⵙⵜⴰⵍ ⵏ ⵜⵉⴳⴳⵉⵜⵉ ⵏⵏⴰ ⵉⵜⵜⵓⴳⴰⵏ ⵎⵏⵉⴷ ⵉⵎⵓⴽⵔⵉⵙⵏ ⵏ ⵡⴰⵍⴰⵢ ⴷ ⵉⵎⵔⵡⵉⵜⵏ ⴳ ⵡⴰⵜⵉⴳ ⵏ ⵉⴽⵙⵎⴰⵏ ⵙⴳ ⵡⴰⵢⵢⵓⵔ ⵏ ⴽⵟⵓⴱⵕ ⵉⵣⵔⵉⵏ, ⴼⴼⵉⵔ ⵎⴰⴷ ⵉⵍⵎⵍⴰⵡⴰⵢ ⵓⵙⴷⴷⵉ ⵏ ⵉⴽⵙⵎⴰⵏ ⵛⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⵡⵓⴳⵓⵔ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ , ⵜⵜⵓⴹⴼⵕ ⵙ ⵡⵓⴳⵓⵔ ⵏ ⵜⴰⵖⴰⵕⵜ ⵉⴼⵔⴳ ⴳ ⵜⵙⵙⴰⵙⵜ ⴰⴷ ⵡⴰⵍⴰⵢ ⴳ ⵡⴰⵜⵉⴳ ⵏ ⵓⵙⵢⴰⴼⵓ ⵎⴰⵢⴰⴷ ⵢⵓⵡⵉⴷ ⴰⴳⴳⵉⵥⵥ  ⴳ ⵓⵙⴷⴷⵉ.