ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 4 ⵎⴰⵢⵢⵓ 2023

• ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ16.23 ⴷ ⵢⵓⵡⵉⵏ ⵅⴼ ⵓⵙⵖⵣⵏ ⵅⴼ ⵓⵎⵔⵙⵓⵎ ⵙ ⵓⵣⵔⴼ ⵓⵟⵟⵓⵏ 2.23.102 ⴷ ⵉⴼⴼⵖⵏ ⴳ 16 ⵜⴰⵍⵜⵢⵓⵔⵜ 1444 (9 ⵎⴰⵕⵚ 2023) ⵉⵇⵇⵏ ⵖⵔ ⵡⵓⵖⵓⵏ ⵏ ⵜⵙⵏⵓⵔⴰⵢⵜ ⵏ ⵓⵙⵉⵟⵟⵏ ⵏ ⵜⵏⵥⵕⵜ ⵜⴰⵏⵉⴹⵜ-ⵍⵎⵖⵔⵉⴱ (MCA-MOROCCO) ⴷ ⵓⵙⵎⵓⵔ ⵏⵏⵙ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⴰⵍⵜ.
• ⵉⵙⵙⵓⴷⵓ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.310 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.19.67 ⴷ ⵉⴼⴼⵖⵏ ⴳ 11 ⵜⴰⵍⵜⵢⵓⵔⵜ1440 (17 ⵉⴱⵔⵉⵔ 2019) ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵓⵏ 47.18 ⵉⵇⵇⵏ ⵖⵔ ⵓⵙⵖⵓⴷⵓ ⵏ ⵡⴰⵎⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵙⴰⵔⵓ ⴷ ⵓⵙⴱⴷⴷ ⵏ  ⵜⵙⵇⵇⵉⵎⵜ ⵉⵏ ⵜⵉⵏⵎⵏⴰⴹⵉⵏ ⵉⵎⵓⵏⵏ ⵉ ⵓⵙⵙⴰⵔⵓ, ⵉⵙⴽⵏⴷ ⵜ ⵎⴰⵙⵙ ⵎⵓⵃⵎⵎⴰⴷ ⵃⵊⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ.
   

ⵉⵔⴳⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴰⴽⴷ ⵉⵎⵉⵔ ⵡⵉⵙ 92 ⴳ ⵓⴷⵓⵙⵜⵓⵔ. 

• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵉⵜⵜⵓⵙⵎⴰⵍ: 
  • ⵎⴰⵙⵙ ⵀⵉⵛⴰⵎ ⵍⵎⵍⴰⵟⵉ, ⴷ ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵏⴱⴽⴰⴹⵏ ⴷ ⵓⵙⵙⵓⵔⴼ ⴷ ⵓⵎⴷⵉ ⵏ ⵓⴱⴽⴽⴰⴹ; ⴳ  ⵜⵙⵎⵉⵔⵉⵜ ⵜⴰⵎⴰⵜⵓⵜ ⵏ ⵜⵎⵙⵙⵓⴳⵓⵔⵜ ⵏ ⵉⵖⵣⵓⵜⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ, ⵉⵜⵜⵓⵙⵎⴰⵍ: 
  • ⵎⴰⵙⵙ ⵢⵓⵏⵙ ⵊⴱⵕⴰⵏ,  ⴷ ⴰⵎⴰⵔⵉ ⴰⵎⴰⵜⴰⵢ;
  • ⵎⴰⵙⵙ ⴼⵓⴰⴷ ⵎⵀⵉⵍ , ⴷ ⴰⵎⴳⴳⵉⵡⵙ ⴰⵎⴰⵜⵓ;
  • ⵎⴰⵙⵙ ⵃⴰⵙⴰⵏ ⵃⵎⵉⵏⴰ, ⴷ ⴰⵏⵎⵀⴰⵍ ⵏ ⵓⵙⵏⴰⵎ ⴰⵏⴱⴹⴰⵢ; 
  • ⵎⴰⵙⵙ ⵉⵃⵢⴰ ⵓⵄⵍⵉ,ⴷ  ⴰⵏⵎⵀⴰⵍ ⵏ ⵓⴼⵔⴰ ⵏ ⵉⵏⴽⵔⴰⴼ ⴷ ⵉⵎⴷⴰⵏⵏ ⴷ ⵜⵓⵚⴽⵉⵡⵉⵏ ⵉⵜⵜⵓⵥⵍⴰⵢⵏ ⵙ ⵉⵖⵣⵓⵜⵏ;
  • ⵎⴰⵙⵙ ⵢⵓⵙⴼ ⴱⵍⵃⵊⵊⴰⵎ, ⴷ ⴰⵏⵎⵀⴰⵍ ⵏ ⵜⵎⵙⴰⵙⵜⴰⵍⵜ ⴷ ⵓⵎⴰⵡⴰ;
  • ⵎⴰⵙⵙ ⵎⵓⵍⴰⵢ ⴷⵔⵉⵙ ⴰⴳⵍⵎⴰⵎ, ⴷ ⴰⵏⵎⵀⴰⵍ ⵏ ⵜⵡⵓⵔⵉ ⵜⴰⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵉ ⵉⵏⴽⵔⴰⴼ;
  • ⵎⴰⵙⵙ ⵃⴰⵙⴰⵏ ⴷⴰⵀⵉ, ⴷ ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ.
• ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵉⵜⵜⵓⵙⵎⴰⵍ:
  • ⵎⴰⵙⵙ ⵎⵓⵍⴰⵢ ⵀⵉⵛⴰⵎ ⵄⴰⴼⵉⴼ, ⴷ ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵓⵙⵓⵊⵊⵉ ⴰⵙⴷⴰⵡⴰⵏ ⵏ ⵉⴱⵏⵓ ⵕⵓⵛⴷ ⴳ ⵜⴳⵎⵎⵉ ⵜⵓⵎⵍⵉⵍⵜ;
• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⵍ:
  • ⵎⴰⵙⵙ ⵎⵓⵃⵎⵎⴷ ⵙⵙⴱⴰⵄⵉ, ⴷ ⴰⵏⵎⵀⴰⵍ ⵏ ⵉⵙⵓⴳⴰⵎ ⴷ ⵓⵅⵔⵔⵙ ⴳ ⵜⵎⵀⵍⴰ ⵜⴰⵎⴰⵜⵓⵜ ⵏ ⵉⵔⴳⴰⵢⵏ;