ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 15 ⵢⵓⵏⵢⵓ 2023
ⵜⴳⴰ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ 26 ⴷⵓⵍⵃⵉⵊⵊⴰ 1444, ⵉⵎⵙⴰⵙⴰⵏ ⴷ 15 ⵢⵓⵏⵢⵓ 2023 ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⴰⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵙ ⵓⵎⴷⴰⴽⴰⵔ ⵅⴼ ⵜⵓⴳⵜ ⵉⵙⵖⵏⴰ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⴰⵎⵓⵅ ⵉⵜⵜⵉⵏⵉ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⵉ ⵜⵉⵣⵡⵉⵔⵉ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵎⴷⴰⴽⴰⵔ ⴷ ⵉⵣⵣⵔⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵖⵏⵓ ⵏ ⵓⵎⵕⵚⵓⵎ ⵡⵉⵙ 2.23.463 ⵍⵍⵉⴳ ⵉⵙⵎⴷ ⵉ ⵓⵎⵕⵚⵓⵎ ⵡⵉⵙⵙ 2.77.862 ⵉ ⴷ ⵉⴼⴼⵖⵏ ⴰⵙⵙ ⵏ 25 ⵛⵡⵡⴰⵍ 1397 (9 ⴽⵟⵓⴱⵕ 1977) ⵉⴽⵙⵉⵏ ⵜⵉⵙⵏⵙⵉⵜ ⵏ ⵉⵏⵉⴳⵍ ⵏ ⵍⵊⴰⵎⴰⵕⵉⴽ ⴷ ⵉⵔⴳⴰⵢⵏ ⵉⵔⵓⵙⵔⵉⴷⵏ ⵏ ⵜⵎⵙⵙⵓⴳⵓⵔⵜ ⵏ ⵍⵊⴰⵎⴰⵕⵉⴽ ⴷ ⵉⵔⴳⴰⵢⵏ ⵉⵔⵓⵙⵔⵉⴷⵏ, ⵏⵏⴰ ⵅⴼ ⵉⵜⵜⵓⵎⵙⴰⵙⴰ ⵙ ⴹⴰⵀⵉⵕ ⵛⴰⵔⵉⴼ ⵉⴳⴰⵏ ⵉⵣⵔⴼ ⵡⵉⵙⵙ 1.77.399 ⵉ ⴷ ⵉⴼⴼⵖⵏ ⴰⵙⵙ ⵏ 25 ⵛⵡⵡⴰⵍ 1397 (9 ⴽⵟⵓⴱⵕ 1977), ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵟⵥⵕⴼⵜ.
- ⴼⴼⵉⵔ ⴰⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ, ⵉⵣⵔⵔⵉ ⴰⵙⵖⵏⵓ ⵏ ⵓⵎⵕⵚⵓⵎ ⵡⵉⵙⵙ 2.23.315 ⵍⵍⵉⴳ ⵉⵙⵏⴼⵍ ⴰⵎⵕⵚⵓⵎ ⵡⵉⵙⵙ 2.02.423 ⵉ ⴷ ⵉⴼⴼⵖⵏ ⴰⵙⵙ ⵏ 27 ⵔⴰⴱⵉⵄ 1 1424 (29 ⵎⴰⵢ 2003) ⵏⵏⴰ ⵢⴰⴽⴽⴰⵏ ⵢⴰⵏ ⵡⴰⵔⵔⴰⵣ ⴼ ⵜⵉⵔⵎⵜ ⵏ ⵓⵙⵙⵍⵎⴷ ⵉ ⵉⵏⵖⵍⴰⴼ ⵏ ⵉⵍⵎⵎⵓⴷⵏ ⴳ ⵢⴰⵏ ⵓⵙⵉⵏⴰⴳ ⵏ ⵓⵥⴰⵡⴰⵏ ⴷ ⵜⵥⵓⵕⵉⵡⵉⵏ ⵏ ⵓⵕⴽⴰⴹ ⵉⵡⴰⵍⴰⵏ ⵉ ⵜⵎⴰⵡⴰⵙⵜ ⵏ ⵜⴷⵍⵙⴰ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
- ⴳ ⵎⵉⵏ ⵉⵇⵏⴻⵏ ⵖⴰⵔ ⵓⵙⵖⵏⵓ ⵏ ⵓⵎⵕⵚⵓⵎ ⵡⵉⵙⵙ 2.23.493 ⵉⵥⵍⵉⵏ ⵙ ⵓⵙⵎⵀⵍ ⵏ ⵓⵖⴰⵡⴰⵙ ⵏ ⵡⴰⵏⵏⴰⵍ ⵓⵙⵍⵉⴳ ⵉⵡⴰⵜⵙⵏ ⴰⵙⴱⵖⵙ ⵏ ⵜⵉⵍⵉⵜ ⵏ ⵜⵎⵙⵙⵏⵜⴰⵢ ⵜⵉⵎⵖⵔⴰⴱⵉⵢⵉⵏ ⴳ ⵓⵙⵡⵉⵔ ⴰⵎⴰⴹⵍⴰⵏ, ⵙⵎⴰⵜⵜⵉⵏ ⵜ ⴰⵔ ⵜⵉⵣⵉ ⵏⵏⴹⵏⵉ ⵀⵉⵎⴰ ⴰⴷ ⵙⵓⵍⵍⵖⵏ ⵜⵓⵎⴰⵢⵜ ⵏⵏⵙ.
ⴳ ⵓⵏⴳⴳⴰⵔ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵎⴷⴰⴽⴰⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⵓⴽⴰ ⵉⵣⵣⵔⵉ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵎⴽⴷⴰ ⵉⵍⵍⴰⵏ ⴳ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ - ⵜⴰⵣⵓⵏⵉ ⵏ ⵓⵙⴳⵎⵉ ⴰⵏⴰⵎⵓⵔ, ⵉⵜⵜⵓⵙⵎⴰⵍ :
- ⵎⴰⵙⵙ ⵎⵓⵃⵎⵎⴰⴷ ⴱⵏⵥⵔⵀⵓⵏⵉ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⵙⵎⵓⵜⵜⴳ ⵏ ⵉⵙⴰⵜⵉⵜⵏ ;
- ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵖⵓⵔⵔⵎⴰ ⴷ ⵜⵣⴷⴷⵓⵖⵜ ⴷ ⵜⵙⵔⵜⵉⵜ ⵏ ⵜⵖⵔⵎⵜ - ⵜⴰⵣⵓⵏⵉ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵖⵓⵔⵔⵎⴰ, ⵉⵜⵜⵓⵙⵎⴰⵍ:
- ⵎⴰⵙⵙ ⴰⵎⵉⵏ ⵉⴷⵔⵉⵙⵉ ⴱⵍⵇⴰⵙⵎⵉ, ⴰⵏⵎⵀⴰⵍ ⵏ ⵜⵏⵓⵔⴰⵢⵜ ⵜⵓⵖⵔⵉⵎⵜ ⵏ ⵓⴳⴰⴷⵉⵔ;
- ⴳ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⴷⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⵜⴰⵎⵢⴰⵡⴰⵙⵜ - ⵜⴰⵣⵓⵏⵉ ⵏ ⵜⵎⴰⵍⵍⴰⵢⵜ, ⵉⵜⵜⵓⵙⵎⴰⵍ
- ⵎⴰⵙⵙ ⵄⴰⴷⵉⵍ ⵍⴼⴰⵇⵉⵔ, ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⴰⵎⵖⵔⴰⴱⵉ ⵏ ⵜⵎⴰⵍⵍⴰⵢⵜ ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⵉⵍⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ - ⵜⴰⵣⵓⵏⵉ ⵏ ⵜⴼⵍⵍⴰⵃⵜ, ⵉⵜⵜⵓⵙⵎⴰⵍ
- ⵎⴰⵙⵙ ⵃⵎⴰⴷ ⵍⴱⵓⵡⴰⵔⵉ, ⴰⵏⵎⵀⴰⵍ ⵏ ⵉⵙⵙⵡⵉ ⴷ ⵓⵙⵎⵙⴰⵙⴰ ⵏ ⵡⴰⴽⴰⵍ ⵏ ⵜⴼⵍⵍⴰⵃⵜ;
- ⴳ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ
- ⵎⴰⵙⵙ ⵎⵓⵃⵎⵎⴰⴷ ⵍⵖⴰⵍⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⵜⵉⴷⴰⵎⵙⴰⵏⵉⵏ ⵜⵉⵏⴰⵎⵓⵏⵉⵏ ⴳ ⵇⵍⵄⴰⵜ ⵙⵔⴰⵖⵏⴰ.
- ⵎⴰⵙⵙ ⵎⵓⵃⵎⵎⴰⴷ ⵍⵖⴰⵍⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⵜⵉⴷⴰⵎⵙⴰⵏⵉⵏ ⵜⵉⵏⴰⵎⵓⵏⵉⵏ ⴳ ⵇⵍⵄⴰⵜ ⵙⵔⴰⵖⵏⴰ.
