ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 18 ⵢⵓⵍⵢⵓⵣ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 18 ⵎⵓⵃⴰⵕⵕⴰⵎ 1445 ⵉⵎⵙⴰⵙⴰⵏ ⴰⴽⴷ 24 ⵢⵓⵍⵢⵓⵣ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵎⵉⵏⴷ ⵏ ⵢⴰⵜ ⵜⴽⵛⵛⵓⵎⵉⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵓⵟⵟⵓⵏ 2.24.715 ⵏ ⵓⵙⴽⴰⵔ ⵏ ⵜⵎⴳⴳⵉⵢⵉⵏ ⵉⵏⴽⵍⵉⵢⵏ ⵜⵜⵉ ⵉⵥⵍⵉⵏ ⵙ ⵉⵏⴱⴹⴰⵢ, ⵉⵃⵢⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵃⵊⵊⵉⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ, ⴳ ⵓⴷⵖⴰⵔ ⵏ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵟⵟⵓⵏ 2.24.705 ⵉⵥⵍⵉⵏ ⵜⵡⵓⵔⵉⵡⵉⵏ ⴷ ⵓⵙⵡⵓⴷⴷⵓ ⵏ ⵜⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ, ⵍⵍⵉⵖ ⵏⵏ ⴳⵉⵙ ⵣⴰⴹ ⴰⵢⵍⵍⵉ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵃⵉⵢⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵃⵊⵊⵉⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ, ⵉⵎⴹⴰⴽⴰⵕ ⵉⵙⵖⵥⵏ ⵙⵉⵏ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴳⵔ ⵏ ⵜⴷⵓⵙⵉ, ⵉⵃⵢⵉⵍ ⵜⵏ ⵉⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵎⵓⵏ ⴰⵏⴰⵎⵓⵔ. ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.687 ⵉⵥⵍⵉⵏ ⵙ ⵉⵎⵏⵀⴰⴹⵏ ⴷ ⵉⵎⵙⵜⴳⴳⴰⵔⵏ ⵅⴼ ⵉⵙⵎⵓⵜⵜⴳⵏ ⴳ ⵜⵎⵔⵙⴰⵍ ⵏ ⵜⴷⵓⵙⵉ ⴳ ⵍⵍⴰⵏⵜ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵉ ⵉⵎⵃⴹⴰⵕⵏ ⴳ ⵜⵡⵓⵔⵉⵡⵉⵏ ⵜⵉⴷⵓⵙⴰⵏⵉⵏ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.646 ⵉⵥⵍⵉⵏ ⵙ ⵜⵉⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵜⵉⵎⴳⵔⴰ ⵉⵜⵜⴳⴰⵏ ⴰⵣⴷⴷⵓⵢ ⵏ ⵓⵙⵎⵓⵜⵜⴳ ⵓⵙⵏⵉⵙ ⴳ ⵜⵡⵓⵔⵉⵡⵉⵏ ⵜⵉⴷⵓⵙⴰⵏⵉⵏ ;
- ⴹⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵓⵟⵟⵓⵏ 2.24.706 ⵉⵙⵖⵓⴷⴰⵏ ⴰⵙⴹⴼⵉⵔ ⵏ ⵓⵎⵕⵙⵙⵓⵎ ⵓⵟⵟⵓⵏ 2.23.1067 ⵍⵍⵉ ⴷ ⵉⴼⴼⴰⵖⵏ ⴳ 17 ⵊⵓⵎⴷⴰ ⴰⵎⵣⵡⴰⵔⵓ 1445 ⵉⵎⵙⴰⵙⴰⵏ ⴷ ⵓⵎⵣⴰⵡⵔⵓ ⴳ ⴷⵓⵊⴰⵏⴱⵉⵔ 2023 ⵉⵙⵡⵓⴷⴷⵓⵏ ⴰⵙⵍⴳⵏ ⵓⵟⵟⵓⵏ 58.23 ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵜⵡⵓⵙⵉ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⴼⴰⵡⵣⵉ ⵍⵇⵇⵊⵄ, ⴰⵎⴰⵡⵙⴰⵙ ⵉⵎⵉⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⵓⵔⴰⵢⵜ ⵜⴰⵏⴼⵍⵍⴰⴼⵜ ⵏ ⵓⵙⵖⵉⵡⵙ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴰⵏⴰⵙ ⵙⵙⵎⴰⵝⵉⵍⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵏⵜⴰⵎ
- ⴳ ⵜⵎⴰⵡⴰⵙⵜ ⵏ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵅⴰⴷⵉⵊⴰ ⵃⴱⵓⴱⵉ, ⵜⴰⵏⵎⵀⴰⵍⵜ ⵏ ⵜⵉⵎⵍ ⵜⵏⴰⵎⵓⵔⵜ ⵜⵉⵎⴰⵙⵙⴰⵏⵉⵏ ⵜⵓⵙⵏⵉⵙⵉⵏ ⴳ ⵍⵃⵓⵙⴰⵢⵎⴰ ;
- ⴳ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵓⵜⴳ ⵏ ⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵃⵙⵉⵏ ⴱⵏ ⵊⴰⵍⴷⵓⵏ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⴳ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵇⵇⵏⵄⵟⵕⴰ ;
- ⴳ ⵜⵎⴰⵡⴰⵙⵜ ⵜⴰⵎⵉⵔⵉⵜ ⵖⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⴰⵕⵍⵎⴰⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵍⴰⵢ ⵍⴽⴱⵉⵔ ⵚⵚⵓⵚⵉ ⵍⵄⴰⵍⴰⵡⵉ, ⴰⵏⵎⵀⴰⵍ ⵏ ⵜⵣⴷⴰⵢⵉⵏ ⴷ ⵓⴱⴰⵕⵍⵎⴰⵏ ;
- ⴳ ⵜⵎⴰⵡⴰⵙⵜ ⵏ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵀⵉⵏⴷ ⵍⵎⵙⵟⴰⵙⵉ, ⵜⴰⵏⵎⵀⴰⵍⵜ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵓⵥⵕⵉⴼⵉⵏ ⴷ ⵜⴰⵎⵜⵜⴰⵢⵉⵏ.
- ⵎⴰⵙⵙⴰ ⵀⵉⵏⴷ ⵍⵎⵙⵟⴰⵙⵉ, ⵜⴰⵏⵎⵀⴰⵍⵜ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵓⵥⵕⵉⴼⵉⵏ ⴷ ⵜⴰⵎⵜⵜⴰⵢⵉⵏ.
