ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵉⴹⵉ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⵙⵉⵏⴰⵙ 16 ⵢⵓⵍⵢⵓⵣ 2024 ⴰⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵉⴹⵉ ⵍⵍⵉ ⵉⵜⵜⵓⵙⴽⴰⵔⵏ ⵙ ⵓⵙⵍⴳⵏ 50.17 ⵍⵍⵉⵖ ⵙⵔⵙ ⵉⵍⵍⴰ ⵓⵙⵡⵓⵔⵉ ⵣⵖ 2022 ⴳ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵏ ⵜⵏⵉⴹⵉ.
ⵜⴻⵜⵜⵓⵙⴽⴰⵔ ⴳ ⵓⴳⵔⴰⵡ ⴰⴷ ⵜⵙⵇⵇⵉⵎⵜ ⵜⵎⵥⵍⵉⵢⵜ ⵍⵍⵉ ⵔⴰⴷ ⵉⴳ ⵢⴰⵜ ⵜⵖⴰⵔⴰⵙⵜ ⵜⴰⵙⵕⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⵙⴱⵓⵖⵍⵓ ⵏ ⵜⵏⵉⴹⵉ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵓⵎⴰⴳⵔⴰⴷ 31 ⵏ ⵓⵙⵍⴳⵏ 50.17. ⵉⴳⴰ ⵓⵡⵜⵜⴰⵙ ⵏ ⵜⵙⵕⴰⵜⵉⵊⵉⵜ ⴰⴷ ⴰⵎⵏⴰⵍⴰ ⵎⵏⵉⴷ ⵏ ⵉⵏⴰⵥⴰⵕⵏ ⵉⵍⵍⴰⵏ ⵖ ⵉⴳⵔ ⴰⴷ ⵖ ⵉⵍⵍⴰ ⴰⵃⵟⵟⵓ ⵏ ⵡⴰⵢⴷⴰ ⴷ ⵓⵙⵎⴰⵜⴰ ⵏ ⵡⴰⵔⴰⵢ ⴰⴷⵓⵙⴰⵏ ⴷ ⵜⵡⵉⵙⵉ ⴷ ⵓⵙⴷⵓⵙ ⵏ ⵜⵉⵎⵢⴰⵡⴰⵙⵉⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⵉⵙⵓⴳⴰⵎ ⵉⵎⵣⵡⵓⵔⴰ ⴷ ⵓⵙⴳⴷⵣ ⴷ ⵓⵙⵙⵓⴳⵜ ⴳ ⵉⵙⴰⴼⵓⴹⵏ.
ⵉⴳⴰ ⵓⵙⵔⵓⵙ ⵏ ⵓⵙⵇⵇⵉⵎ ⴰⴷ ⵢⴰⵏ ⵓⵥⵎⵎⴰⵥⵍ ⵎⵇⵇⵓⵔⵏ ⴳ ⵜⵙⵕⴰⵜⵉⵊⵉⵜ ⵜⴰⵏⵎⵓⵔⵜ ⵏ ⵓⵙⴱⵓⵖⵍⵓ ⵏ ⵜⵏⵉⴹⵉ, ⵍⵍⵉ ⵎⵓ ⵜⴳⴰ ⵜⵡⵓⵔⵉ ⵏⵏⵙ ⵜⴰⴷⵙⵍⴰⵏⵜ ⴰⵙⵔⵓⵙ ⵏ ⵜⴰⵏⵏⴰⵢⵉⵏ ⴷ ⵜⵎⴳⴳⵉⵢⵉⵏ ⵍⵍⵉ ⵔⴰⴷ ⵉⵙⵎⵓⵙⵙⵓ ⵉⵙⵏⴼⵍ ⵉⴳⵔ ⴰⴷ, ⵙ ⵜⵖⴰⵔⴰⵙⵜ ⵏ ⵓⵎⵃⵉⵣⵡⵔ ⵏ ⵉⵃⵔⴰⵢⴼⵉⵏ ⴷ ⵡⴰⴷⴷⴰⴷⵏ ⵏⵏⵙⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴷ ⵓⵃⵟⵟⵓ ⵏ ⵡⴰⵢⴷⴰ ⵉⵖⵓⴷⴰⵏ ⵏ ⵜⵏⵉⴹⵉ ⵏ ⵜⴳⵍⴷⵉⵜ.
ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵅⴼ ⵡⴰⵜⵉⴳ ⵜⵙⵕⴰⵜⵉⵊⵉⵜ ⵏ ⵜⵏⵉⴹⵉ ⴳ ⵜⴷⴰⵎⵙⴰ ⵜⴰⵎⵓⵔⵜ, ⵉⵏⵏⴰ ⵎⴰ ⵙ ⵉⴳⴰ ⵉⴳⵔ ⵜⴰⵡⵍⵍⴰⴼⵜ ⵏ ⵜⵎⴰⴳⵉⵜ ⵏ ⵜⴷⵍⵙⴰ ⵜⴰⵎⵖⵔⵉⴱⵉⵜ ⴷ ⵢⴰⵜ ⵜⵎⴰⵜⴰⵔⵜ ⵉⴷⵓⵙⵏ ⵏ ⵜⵎⴰⵍⵍⴰⵢⵜ.
ⴹⴰⵕⴰⵜ ⵎⴰⵢⴰⴷ, ⵜⴳⴰ ⵎⴰⵙⵙⴰ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵜⵡⵉⵣⵉ ⵢⴰⵏ ⵓⵙⴼⵙⵔ ⵉⴼⵔⵙⵏ ⵅⴼ ⵉⵙⵏⴼⴰⵔⵏ ⵢⴰⵜⵜⵓⵢⵏ ⵍⵍⵉ ⵜⵙⵏⵜⵉ ⵜⵏⴱⴰⴹⵜ ⵣⵖ 2021 ⴳ ⵉⴳⵔ ⵏ ⵜⵏⵉⴹⵉ. ⵖ ⵉⵍⵍⴰ ⵓⵙⵡⵓⴷⴷⵓ ⵏ ⵓⵙⵍⴳⵏ 50.17 ⴷ ⵓⵙⵓⴼⵏ ⵏ ⵉⴹⵕⵉⵙⵏ ⵏ ⵓⵙⵡⵓⴷⴷⵓ ⵏⵏⵙ. ⴰⵡⴷ ⵓⵙⵏⵜⵉ ⵏ ⵓⵣⵎⵎⴰⵎ ⴰⵏⴰⵎⵓⵔ ⵏ ⵜⵏⵉⴹⵉ ⵍⵍⵉⵖ ⵉⵜⵜⵓⵣⵎⵎⴰⵎ
ⵉⵉⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵉⴳⴰ ⴰⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵉⴹⵉ ⵢⴰⵏ ⵡⴰⵏⵙⴰ ⵏ ⵓⵎⵢⴰⵡⴰⵙ ⵍⵍⵉ ⵉⵙⵎⵓⵏ ⵜⵓⴳⵜ ⵏ ⵉⵎⴷⵔⴰⵡⵏ ⴳ ⵉⴳⵔ ⴰⴷ : ⵜⵉⵙⵏⵓⵔⴰⵢ ⵜⵉⵣⵣⵓⵍⴰⵏⵉⵏ, ⵜⵎⵔⵙⴰⵍ ⵜⵉⵎⴰⵜⵜⵢⵉⵏ, ⵉⵎⵓⵣⴰⵢⵏ ⴷ ⵉⵏⵢⴰⴱⵏ ⵏ ⵉⵃⵔⴰⵢⴼⵉⵏ. ⵖⵉⴽⵍⵍⵉ ⵔⴰⴷ ⵢⴰⵡⵙ ⵡⴰⵏⵙⴰ ⵢⴰⴷ ⴳ ⵓⵙⵔⵓⵙ ⵏ ⵜⵖⵔⴰⵙⵜ ⵏ ⵓⵙⴱⵓⵖⵍⵓ ⴷ ⵉⴼⵙⵙⴰⵢⵏ ⵉⵙⵏⴼⵍⵏⵏ ⴷ ⵓⵙⵔⵓⵙ ⵏ ⵜⵎⴳⴳⵉⵢⵉⵏ ⵜⵏⵣⵔⴰⴼ ⴷ ⵜⵉⵏ ⵓⵙⵏⵎⴰⵍⴰ ⴷ ⵓⵣⴷⴷⵓⵢ ⴳⵔ ⵉⵎⴷⵔⴰⵡⵏ ⵃⵎⴰ ⴰⴷ ⵜⵉⵍⵉ ⵢⴰⵜ ⵜⴳⵎⵉ ⵜⴰⵙⵓⵍⴰⵏⵜ ⴳ ⵉⴳⵔ ⴰⴷ.
ⵉⵃⴰⴹⵕ ⵖ ⵓⴳⵔⴰⵡ ⴰⴷ ⵉⵙⵜ ⵎⴰⵙⵙ ⴷ ⵉⵙ ⵎⴰⵙⵙ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵓⵎⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵎⴰⵎⴰⵏ ⴷ ⵜⴳⴰⵏⵉⵏ ⴷ ⵓⵎⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏ ⴷ ⵓⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵜⵡⵉⵣⵉ ⴷ ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵏⵥⴹⴰⵕ ⴷ ⵜⴳⵎⵉ ⵜⵙⵓⵍⴰⵏⵜ ⴷ ⵓⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⴳⵓⵜ ⵏ ⵉⵎⴷⵔⴰⵡ ⵢⴰⴹⵏ ⴳ ⵉⴳⵔ ⴰⴷ.
