ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵏ ⵓⴹⴼⴼⵓⵕ ⵏ ⵉⵚⵏⴼⴰⵕⵏ ⵏ ⵉⴱⴰⵔⴰⵣⵏ ⵏ ⵜⵓⵏⵏⵓⵏⵜ ⵏ ⵡⴰⴽⴰⵙ ⵏ ⵉⴼⵕⵉⵇⵢⴰ ⵏ ⵜⵎⵜⵜⴰ 2025 ⵡⴰⴽⴰⵙ ⵏ ⵓⵎⴰⴹⴰⵍ ⵏ 2030
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 27 ⴱⵕⵢⵕ 2025 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵏ ⵓⴹⴼⴼⵓⵕ ⵏ ⵉⵚⵏⴼⴰⵕⵏ ⵏ ⵉⴱⴰⵔⴰⵣⵏ ⵏ ⵜⵓⵏⵏⵓⵏⵜ ⵏ ⵡⴰⴽⴰⵙ ⵏ ⵉⴼⵕⵉⵇⵢⴰ ⵏ ⵜⵎⵜⵜⴰ 2025 ⵡⴰⴽⴰⵙ ⵏ ⵓⵎⴰⴹⴰⵍ ⵏ 2030, ⵍⵍⵉⵖ ⵜⵃⴰⴹⵕ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ ⵎⴰⵙⵙ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⵎⴰⵙⵙ ⴼⴰⵡⵣⵉ ⵍⵇⵊⵄ.
ⵜⵣⵣⵔⵉ ⵜⵙⵇⵇⵉⵎⵜ ⵅⴼ ⵜⵓⵚⴽⵉⵡⵉⵏ ⵏ ⵓⵙⵎⵙⴰⵙⴰ ⵏ ⵜⵥⴰ (9) ⵏ ⵉⴱⴰⵔⴰⵣⵏ ⵍⵍⵉ ⵔⴰⴷ ⵜⵜⵓⵙⴽⵉⵔⵏ ⵓⵔⴰⵔⵏ ⵏ ⵡⴰⴽⴰⵙ ⵏ ⵉⴼⵕⵉⵇⵢⴰ ⵏ ⵜⵎⵜⵜⴰ 2025 ⴳ ⵜⵖⴰⵔⴰⵙⵜ ⵏ ⵓⵙⵖⵉⵡⵙ ⵉⵜⵜⵓⵙⴽⴰⵔⵏ, ⵃⵎⴰ ⴰⴷ ⵜⴽⵎⵎⵍ ⵜⵡⵓⵔⵉ ⴳ ⵉⴱⴰⵔⴰⵣⵏ ⴰⴷ ⵏⴳⵔ ⵡⴰⵢⵢⵓⵔ ⵏ ⵎⴰⵕⵚ ⴷ ⵡⴰⵢⵢⵓⵔ ⵖⵓⵛⵜ 2025.
ⵖⵉⴽⵍⵍⵉ ⵜⵓⴳⴳⴰ ⵜⵙⵇⵇⵉⵎⵜ ⵎⴰⵏⵉ ⵜⵉⵡⴹ ⵜⵡⵓⵔⵉ ⵏ ⵜⵓⵚⴽⴰ ⵏ ⵓⴱⴰⵔⴰⵣ ⵏ ⴱⵏⵙⵍⵉⵎⴰⵏ ⵙ ⵓⵎⵙⴰⵙⴰ ⵏ ⵉⵍⵓⴳⵏⵏ ⵏ ⵡⴰⵎⵓⵏ ⴰⵖⵔⴰⵖⵍⴰⵏ ⵏ ⵜⵛⴰⵎⵎⴰ ⵏ ⵓⴹⴰⵕ ⴼⵉⴼⴰ ⴱⴰⵛ ⴰⴷ ⵢⵓⵊⴰⴷ ⵖⵉⴷ ⵙ ⴷⵓⵊⴰⵏⴱⵉⵔ 2027 ⴱⴰⵛ ⴰⴷ ⵉⵙⵏⵓⴱⴱⴳ ⵉⵎⵃⵉⵣⵡⴰⵔⵏ ⵏ ⵡⴰⴽⴰⵙ ⵏ ⵓⵎⴰⴹⴰⵍ ⵏ 2030 ⵍⵍⵉ ⵔⴰⴷ ⵜⵙⵏⵎⴰⵍⴰ ⵜⵎⴰⵣⵉⵔⵜ ⵏⵏⵖ ⵙ ⵜⵡⵉⵙⵉ ⵏ ⵉⵙⴱⴰⵏⵢⴰ ⴷ ⵍⴱⵓⵔⵜⵓⵖⴰⵍ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵣⵎⵣⵣⵓ ⴰⴷ ⵎⴰ ⵙ ⵔⴰⴷ ⵜⴱⵉⴽⴽⵙ ⵜⴹⴼⵉⵕ ⵜⵏⴱⴰⴹⵜ ⵜⵡⵓⵔⵉ ⴳ ⵜⵓⴳⵜ ⵏ ⵉⵚⵏⴼⴰⵕⵏ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴰⵡⵉⵏ ⵏ ⵜⵓⵏⵏⵓⵏⵜ, ⵉⵏⵏⴰ ⴰⵡⴷ ⵎⴰ ⵙ ⵔⴰⴷ ⵜⵉⵡⵣ ⵜⵏⴱⴰⴹⵜ ⴳ ⵓⵙⵙⵓⵊⴷ ⵏ ⵜⵉⴼⴰⴷⵉⵡⵉⵏ ⵏ ⵓⵙⵎⵓⵔⵙ ⵏ ⵓⵙⵏⵎⴰⵍⴰ ⵏ ⴽⴰⵏ 2025 ⴷ ⵍⵎⵓⵏⴷⵢⴰⵍ 2030 ⵙ ⵓⵙⵡⵓⴷⴷⵓ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ.
