ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 11 ⵢⵓⵍⵢⵓⵣ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 5 ⵎⵓⵃⵕⵕⴰⵎ 1446 ⵉⵎⵙⴰⵙⴰⵏ ⴰⴽⴷ 11 ⵢⵓⵍⵢⵓⵣ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵜⵏⴱⴰⴹⵜ ⵅⴼ ⴽⵕⴰⴹ ⵏ ⵉⵙⵏⵜⴰⵢ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴳⵔ ⵏ ⵜⴷⵓⵙⵉ, ⵉⵃⵢⵉⵍ ⵜⵏ ⵉⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵉⵙⵏⵜⴰⵢ ⴰⴷ ⵥⵍⵉⵏ ⵙ:
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.1054 ⵉⵙⵡⵓⴷⴷⵓⵏ ⴽⴰⵔⴰ ⵏ ⵓⵙⵓⵖⵏ ⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⵓⵟⵟⵓⵏ 08.22 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵏⴰⴽⴰⵍⵉⵏ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.1055 ⵉⵙⵡⵓⴷⴷⵓⵏ ⵏ ⵓⵙⵓⵖⵏ ⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⵓⵟⵟⵓⵏ 10.22 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵢⴰⴼⵓⵜⵏ ⵉⴷⵓⵙⴰⵏⵏ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.1056 ⵉⵙⵡⵓⴷⴷⵓⵏ ⴽⴰⵔⴰ ⵏ ⵓⵙⵓⵖⵏ ⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⵓⵟⵟⵓⵏ 10.22 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ;
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵜⵏⴱⴰⴹⵜ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.676 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.06.620 ⵍⵍⵉ ⴷ ⵉⴼⴼⴰⵏ ⴳ 24 ⵕⴰⴱⵉⵄ ⴰⵎⴰⵣⵡⴰⵔⵓ 1428 ⵉⵎⵙⴰⵙⴰⵏ ⴷ 13 ⵉⴱⵔⵉⵍ 2007 ⵖ ⵎⴰ ⵉⵥⵍⵉⵏ ⵙ ⵓⵏⴳⵔⴰⵡ ⵓⵥⵍⵉⵢ ⵙ ⵉⵎⵙⴰⵙⴼⵔⵏ ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴷ ⵓⵎⵕⵙⵓⵎ ⵓⵟⵟⵓⵏ 2.24.677 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.17.535 ⵍⵍⵉ ⴷ ⵉⴼⴼⴰⵏ ⴳ 07 ⵎⵓⵃⴰⵕⵕⴰⵎ 1439 ⵉⵎⵙⴰⵙⴰⵏ ⴷ 28 ⵛⵓⵜⴰⵏⴱⵉⵔ 2017 ⵖ ⵎⴰ ⵉⵥⵍⵉⵏ ⵙ ⵓⵏⴳⵔⴰⵡ ⵓⵥⵍⵉⵢ ⵙ ⵉⵎⵙⴰⵙⴼⵔⵏ ⵉⵜⵉⵇⵏⵉⵏ ⵉⵎⴳⵔⴰ ⵏⴳⵔ ⵜⵎⴰⵡⵙⴰⵙⵉⵏ, ⵜⵃⵢⵉⵍ ⵜ ⵉⴷ ⵎⴰⵙⵙⴰ ⵖⵉⵜⴰ ⵎⵣⵣⵓⵔ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
- ⵉⴹⴼⴰⵕ ⵓⵙⵇⵇⵉⵎ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.603 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.21.437 ⵍⵍⵉ ⴷ ⵉⴼⴼⴰⵖⵏ ⵊⵓⵎⴰⴷⴰ ⴰⵎⵣⵡⴰⵔⵓ 1443 ⵉⵎⵙⴰⵙⴰⵏ ⴷ 9 ⴷⵓⵊⴰⵏⴱⵉⵔ 2021 ⵉⵙⵡⵓⴷⴷⵓⵏ ⴰⵙⵍⴳⵏ ⵓⵟⵟⵓⵏ 50.17 ⵉⵥⵍⵉⵏ ⵙ ⵓⵙⵡⵓⵔⵓ ⴳ ⵉⵎⵓⵙⵙⵓⵜⵏ ⵏ ⵜⵏⵉⴹⵉ (ⵚⵚⵏⵉⵄⵜ ⵜⴰⵇⴱⵓⵔⵜ), ⵜⵃⵢⵉⵍ ⵜ ⵉⴷ ⵎⴰⵙⵙⴰ ⴼⴰⵜⵉⵎⴰ ⵣⵣⴰⵀⵕⴰ ⵄⵎⵎⵓⵔ, ⵜⴰⵎⴰⵡⴰⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵜⵡⵉⵣⵉ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍ ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵙⴰⵄⵉⴷ ⵣⵣⴰⵡⵉⵀⵉⵔ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⵏⵉⵊⵊⵉⵜ ⴷ ⵜⵙⵏⵙⴼⴰⵔⵜ ⴳ ⵎⵕⵕⴰⴽⵯⵛ ;
- ⵎⴰⵙⵙ ⵎⵓⵃⵎⵎⴰⴷ ⵟⵟⴰⵢⴱ ⵍⵡⴰⵣⵣⴰⵏⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵉⵎⵎⴰⵙⵙⴰⵏ ⵉⵏⴰⴼⴳⴰⵏⵏ ⴳ ⵜⵉⵟⴰⵡⵉⵏ ;
- ⴳ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵓⵜⴳ ⵏ ⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⵖⵉⵜⴰ ⵍⵎⵃⴼⵓⴹⵉ, ⵜⴰⵏⵎⵀⴰⵍⵜ ⵏ ⵓⵏⴳⵉⴳⵜ ⵏ ⵜⵡⵓⵔⵉⵡⵉⵏ ;
- ⵎⴰⵙⵙ ⵢⴰⵙⵉⵏ ⵍⵄⵙⵔⵉ, ⴰⵏⵎⵀⴰⵍ ⵏ ⵓⵏⵎⴰⴳⴰⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ;
- ⴳ ⵜⵎⴰⵡⴰⵙⵜ ⵏ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵏⴰⵊⴰⵜ ⵍⴽⵃⵍⴰⵏⵉ, ⵜⴰⵏⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⴱⵕⵕⵛⵉⴷ ⴱⵏⵙⵍⵉⵎⴰⵏ ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⴰⴱⴷ ⵍⵄⴰⵍⵉ ⵄⴰⵣⵉⵣ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵜⴳⵔⴰⵡⴰⵏⵜ ⵏ ⵜⵎⵙⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵙⵖⵏⵣⵉⵜ ⵏ ⵡⴰⵎⵓⴷ ;
- ⵎⴰⵙⵙ ⵎⵓⵃⵎⵎⴰⴷ ⵙⴰⴱⴽⵉ, ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵎⵏⴷⵉ ⴷ ⵉⵛⴰⴽⴰⵏ ⵉⴷ ⴱⵓ ⵡⴰⵇⵇⴰⵢⵏ.
