ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵡⵉⵙⵙ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵖⴰⵡⴰⵙ ⵏ ⵡⴰⵍⴰⵙ ⵜⵓⵚⴽⴰ ⴷ ⵓⵥⴹⴰⵕ ⴰⵎⴰⵜⴰⵢ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ

• ⵜⵙⵢⴰⴼⴰ 56.607 ⵏ ⵜⵡⵓⵊⴰ ⵍⵍⵉ ⵢⵓⵎⵥⵏ 20.000 ⵏ ⴷⴷⵔⵀⵎ ⴳ ⵜⵉⴽⴽⵉ ⵜⵎⴰⵣⵡⴰⵔⵓⵜ ⵉⵥⵍⵉⵏ ⵙ ⵜⵡⵉⵙⵉ ⴳ ⵡⴰⵍⵍⴰⵙ ⵏ ⵜⵓⵚⴽⴰⵏ ⵏ  ⴷ ⵓⵥⴹⴰⵕ  ⵏ ⵜⴷⵔⵡⵉⵏ ⵏⵏⵙ ⵉⵔⴷⵍⵏ ⵙ ⵓⵙⵖⵍ ⵏ ⵓⵙⵡⵓⴷⴷⵓ ⵏ 95% ;
• ⵓⵎⵣⵏⵜ 63. 363 ⵏ ⵜⵡⵊⵡⵉⵏ 2500 ⵏ ⴷⴷⵔⵀⵎ ⵉⴳⴰⵏ ⵜⵡⵉⵙⵉ ⵏ ⴽⵓ ⴰⵢⵢⵓⵔ ⴰⵔ ⵜⵉⴳⴰ ⵏ ⵎⴰⵢⵢⵓ 2024 ⵙ ⵢⴰⵏ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 1,2 ⵎⵍⵢⴰⵕ ⵏ ⴷⴷⵔⵀⵎ ;
• ⴰⵙⵙⵓⴼⵖ ⵏ 51.031 ⵏ ⵓⵙⵓⵔⴳ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵉⵡⵊⵉⵡⵉⵏ ⵉⵜⵜⵢⴰⴳⴰⵙⵏ ⵙ ⵓⵙⵖⵍ ⵏ 86% ⵏ ⵜⵡⵓⵔⵉ ⵜⵙⴽⵔⴰⵡⵜ ;
• ⵜⵉⴱⴹⵉ ⵏ 353.830 ⵇⵏⵟⴰⵕ ⵏ ⵜⵎⵥⵉⵏ ⴷ 12.180 ⵏ ⵡⴰⵅⵙⵉⵡⵏ ⴼ ⵉⴼⵍⵍⴰⵃⵏ ⴷ ⵉⴽⵙⵙⴰⴱⵏ ⴳ ⵜⵎⵏⴰⴹⵉⵏ ⵉⵜⵜⵢⴰⴳⴰⵙⵏ.

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⴰⵙⵉⵏⴰⵙ 4 ⵢⵓⵏⵢⵓ 2024  ⴳ ⵕⵕⴱⴰⵟ ⴰⴳⵔⴰⵡ ⵡⵉⵙⵙ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵏ ⵡⴰⵍⴰⵙ ⵏ ⵓⵥⴹⴰⵕ ⴷ ⵜⵡⵉⵙⵉ ⵉ ⵡⴰⵍⴰⵙ ⴰⵎⴰⵜⴰⵢ ⵏ ⵜⵓⵚⴽⴰ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⴳ ⵍⵃⴰⵡⵣ. ⵢⵓⴳⴳⴰ ⵏⵏ ⵖ ⵓⴳⵔⴰⵡ ⵅⴼ ⵎⴰⵏⵉ ⵜⵍⴽⵎ ⵜⵡⵓⵔⵉ ⴷ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⴰⴷ ⵖⵎⴽⵍⵍⵉ ⴷ ⵉⴷⴷⴰⵏ ⵖ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵏⵚⵕ ⴱⵔⵔⵉ.
ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵅⴼ ⵉ ⵉⴳⵔⴰⵏ ⵉⵎⴰⵡⴰⵙⵏ ⴰⴷ ⴹⴼⵉⵔⵏ ⵜⴰⵡⵓⵔⵉ ⵏ ⵓⵙⵎⵓⵙⵙⵓ ⵉⴷⵓⵙⵏ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⵖ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵃⵎⴰ ⴰⴷ ⴱⵉⴷⴷⵏ ⴷ ⵉⵎⵣⴷⴰⵖ ⵉⵜⵜⵢⴰⴳⴰⵙⵏ. ⵉⵏⵏⴰ ⴰⵡⴷ ⵎⴰ ⵙ ⵉⵇⵇⴰⵏ ⴰⴷ ⵢⵉⵍⵉ ⵡⵓⵇⵇⵔ ⵏ ⵉⵍⵓⴳⵏⵏ ⵜⵓⵚⴽⴰ ⴷ ⵡⵉⵏ ⵜⵖⵔⵎⴰ ⴷ ⵓⵙⵎⵔⵙ ⵏ ⵉⵎⴰⵜⵜⵉⵡⵏ ⵏ ⵜⵓⵚⴽⴰ ⵉⴷⵓⵙⵏ ⵖ ⵉⵍⵍⴰ ⵓⴼⵔⴰ ⴷ, ⵎⵎⴰⵖⵏ ⴰⵡⴷ ⴰⴷ ⵢⵉⵍⵉ ⵓⵣⵓⵣⵣⵍ ⴷ ⵓⵙⵔⵓⵙ ⵏ ⵜⵏⵓⴼⴰ ⵍⵍⵉ ⵙⵖⴰⵡⵙⴰⵏ ⵉⵎⵣⴷⴰⵖ, ⵙⵍⴰⵀⵡⴰⵏ ⵜⵉⵏⵎⴰⵍ ⴷ ⵉⵙⴳⵏⴰⴼⵏ ⵏ ⵜⴷⵓⵙⵉ. ⵜⵉⵡⵉ ⴷ ⴰⵡⴷ ⵜⵙⵇⵇⵉⵎⵜ ⵎⴰ ⵙ ⵜⵙⵢⴰⴼⴰ  ⴳ ⵜⵡⵉⵙⵉ ⵏ 56.607 ⵏ ⵜⵡⵓⵊⴰ ⵍⵍⵉ ⵢⵓⵎⵥⵏ 20.000 ⵏ ⴷⴷⵔⵀⵎ ⴰⵔ ⵜⵉⴳⵉⵔⴰ 2024 ⵖ ⵜⵉⴽⴽⵉ ⵜⵎⴰⵣⵡⴰⵔⵓⵜ ⵉⵥⵍⵉⵏ ⵙ ⵜⵡⵉⵙⵉ ⴳ ⵡⴰⵍⵍⴰⵙ ⵏ ⵜⵓⵚⴽⴰⵏ ⵜⴷⵔⵡⵉⵏ ⵍⵍⵉ ⴽⵓⵍⵍⵓ ⵉⵔⴷⵍⵏ ⴷ ⵜⵉⵍⵍⵉ ⵉⵔⴷⵍⵏ ⵙ ⵉⵎⵉⴽ ⵙ ⵢⴰⵏ ⵓⵇⵇⵕⵉⴹ ⵏ 1,1 ⵎⵍⵢⴰⵕ ⵏ ⴷⴷⵔⵀⵎ ⴷ ⵓⵙⵖⵍ ⵏ ⵓⵙⵡⵓⴷⴷⵓ ⵏ 95%.
ⵙⵙⵃⴰⵏ ⵉⵏⵖⵎⵉⵙⵏ ⵎⴰ ⵙ ⵜⵓⵎⵥ 6.927 ⵏ ⵜⵡⵓⵊⴰ ⵙⵜⵉⴽⴽⵉ ⵜⵉⵙ ⵙⵏⴰⵜ ⵏ ⵜⵡⵉⵙⵉ ⵉ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⴳⵓⵎⵎⴰ ⵍⵍⵉ ⵉⵜⵜⵓⵜⵏ ⵙ ⵎⴰ ⵉⵣⵔⵉⵏ 122 ⵎⵍⵢⵓⵏ ⵏ ⴷⴷⵔⵀⵎ, ⵖⵉⴽⵍⵍⵉ ⵜⵙⵢⴰⴼⴰ 872 ⵏ ⵜⵡⵓⵊⴰ ⴳ ⵜⵉⴽⴽⵉ ⵜⵉⵙ ⴽⵕⴰⴹⵜ ⵙ ⵡⴰⵜⵉⴳ ⵏ ⵓⵥⵕⴼⴰⵏ ⵉⵣⵔⵉⵏ 11 ⵎⵍⵢⵓⵏ ⵏ ⴷⴷⵔⵀⵎ. ⵜⵣⵎⵎⵉⵏ ⴰⵡⴷ ⵜⵙⵇⵇⵉⵎⵜ ⵎⴰ ⵙ ⵓⵎⵣⵏⵜ ⵜⵡⵊⵡⵉⵏ 2500 ⵏ ⴷⴷⵔⵀⵎ ⵉⴳⴰⵏ ⵜⵡⵉⵙⵉ ⵏ ⴽⵓ ⴰⵢⵢⵓⵔ ⴰⵔ ⵜⵉⴳⴰ ⵏ ⵎⴰⵢⵢⵓ 2024 ⵙ ⵢⴰⵏ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 1,2 ⵎⵍⵢⴰⵕ ⵏ ⴷⴷⵔⵀⵎ.
ⴳ ⵜⵖⴰⵔⴰⵙⵜ ⵏ ⵓⴹⴼⵉⵔ ⵏ ⵜⵡⵓⵔⵉ ⵍⵍⵉ ⵜⴳⴳⴰⵏⵜ ⵜⵏⴱⴰⴹ ⵜⵉⴷⵖⵔⴰⵏⵉⵏ ⴷ ⵜⵙⵇⵇⵉⵎⵉⵏ ⵉⴱⵉⴷⵏ ⴷ ⵉⵎⵣⴷⴰⵖ ⵉⵜⵜⵢⴰⴳⴰⵙⵏ, ⵜⵡⵉ ⴷ ⵜⵙⵇⵇⵉⵎⵜ ⵙ ⵓⵙⵙⵓⴼⵖ ⵏ 51.031 ⵏ ⵓⵙⵓⵔⴳ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵉⵡⵊⵉⵡⵉⵏ ⵉⵜⵜⵢⴰⴳⴰⵙⵏ ⵖ 53.084 ⵏ ⵜⵓⵜⵔⵉⵡⵉⵏ ⵍⵍⵉ ⵏⵏ  ⵉⵜⵜⵔⵙⵏ, ⴼⴰⴷ ⴰⴷ ⵍⴽⵎⵏ 86% ⵖ ⵓⵙⵖⵍ ⵏ ⵜⵡⵓⵔⵉ ⵜⵙⴽⵔⴰⵡⵜ.
ⵜⵓⴳⴳⴰ ⵏⵏ ⴰⵡⴷ ⵜⵙⵇⵇⵉⵎⵜ ⵖ ⵓⴳⵔⴰⵡ ⴰⴷ ⵅⴼ ⵜⴽⵛⵛⵓⵎⵉⵏ ⵉⵥⵍⵉⵏ ⵙ ⵓⵙⵙⵉⵏⴼ ⵏ ⵉⵅⵔⴱⴰⵏ ⵉⵔⴷⵍⵏ ⵖ ⵉⵍⵍⴰ 43.080 ⵏ ⵓⵣⴷⴷⵓⵖ. ⵜⵉⵡⵙ ⴳⵉⵙ ⵜⵎⴰⵡⴰⵙⵜ ⵏ ⵓⴳⵯⵏⵙ ⵙ ⵜⵡⵉⵙⵉ ⵏ ⵉⵎⴰⵣⵣⴰⵍⵏ ⵏ ⵓⵙⴷⴷⵔ ⴰⵏⴰⵎⵓⵔ ⴷ ⵜⴰⵎⴰⵡⴰⵙⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ. ⵖⵉⴽⵍⵍⵉ ⵜⵣⵣⵓⴳⴰⵣ ⵜⵡⵓⵔⵉ ⵓⵙⵙⵉⵏⴼ ⵏ ⵉⵅⵔⵓⴱⴱⴰ ⴳ 248 ⵏ ⵜⵎⵔⵙⵍⵜ ⵏ ⵓⵙⵍⵎⴷ ⴼⴰⴷ ⴰⴷ ⵕⵥⵎⵏ ⴰⵖⵔⴰⵙ ⵏ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵜⵓⵚⴽⴰ.
ⵖⵉⴽⵍⵍⵉ ⵜⵉⵡⵉ ⵜⵙⵇⵇⵉⵎⵜ ⴼ ⵜⵡⵓⵔⵉ ⵉⵣⵣⵓⴳⴰⵣⵏ ⴳ ⵓⴱⵔⵉⴷ ⴰⵏⴰⵎⵓⵔ ⵓⵟⵟⵓⵏ 7  ⵖ ⵓⵙⵡⵉⵔ ⵏ ⵓⴳⵣⵣⵓⵎ ⴰⴱⵔⴷⴰⵏ ⵏⴳⵔ ⵜⵉⵣⵉ ⵏ ⵜⴰⵙⵜ ⴷ ⵜⵏⴼⴳⵓⵍⵜ ⴳ ⵜⵎⵏⴰⴹⵜ ⵏ ⵜⵔⵓⴷⴰⵏⵜ ⵖ ⵜⵉⵖⵣⵉ ⵏ 8 ⵏ ⴽⵉⵍⵓⵎⵜⵜⵔ. ⵖⵉⴽⵍⵍⵉ ⵉⵜⵜⵓⵣⵎⴰⵎ ⵜⵉⴽⴽⵉ ⵏ ⵜⵎⵙⵎⵀⴰⵍⵉⵏ ⵉⵥⵍⵉⵏ ⵙ ⵉⵙⵏⴼⴰⵕⵏ ⵏ ⵓⵙⴳⴷⴷ ⵏ ⵉⴱⵔⴷⴰⵏ ⴰⴼⴰⴷ ⴰⴷ ⴳⵉⵙⵏ ⵜⵙⵏⵜⵉ ⵜⵡⵓⵔⵉ, ⵉⵍⵍⴰ ⴳⵉⵙⵏ ⵓⵖⴰⵔⴰⵙ ⵏⴳⵔ ⵡⵉⵔⴳⴰⵏ ⴷ ⵜⴰⵍⴰⵜ ⵏ ⵢⴰⵄⵇⵓⴱ ⵖ ⵉⵇⵍⵉⵎ ⵏ ⵍⵃⴰⵡⵣ, ⵔⴰⴷ ⵉⵜⵜⵓⵙⴽⵉⵔ ⵅⴼ ⵙⵉⵏ ⵉⴳⵣⵎⴰⵏ ⵉⴳⴰⵏ 34 ⴽⵉⵍⵓⵎⵉⵜⵔ ⴳ ⵜⵉⵖⵣⵉ ⵙ ⵢⴰⵜ ⵜⵎⵙⴰⵙⵍⵜ ⵏ ⵎⴰ ⵉⵜⵜⴳⴰⵏ 176 ⵎⵍⵢⵓⵏ ⴷ 195 ⵎⵍⵢⵓⵏ ⵏ ⴷⴷⵔⵀⵎ. ⵉⵍⵍⴰ ⴰⵡⴷ ⵢⴰⵏ ⵓⴳⵣⵣⵓⵎ ⵏ ⵓⵖⵔⴰⵙ ⵢⴰⴹⵏⵉⵏⵏ ⵏⴳⵔ ⵜⵉⵣⵉ ⵏ ⵜⴰⵙⵜ ⴷ ⵜⴼⵏⴳⵓⵍⵜ ⵖ ⵜⵎⵏⴰⴹⵜ ⵏ ⵜⵔⵓⴷⴰⵏⵜ ⵉⴳⴰⵏ 22 ⴽⵉⵍⵓⵎⵜⵜⵔ ⵖ ⵜⵉⵖⵣⵉ ⵙ ⵡⴰⵜⵉⴳ 178 ⵎⵍⵢⵓⵏ ⵏ ⴷⴷⵔⵀⵎ.
ⵖ ⵉⴳⵔ ⵏ ⵜⴼⵍⵍⴰⵃⵜ, ⵉⵜⵜⵓⴱⴹⴰ 353.830 ⵇⵏⵟⴰⵕ ⵏ ⵜⵎⵥⵉⵏ ⵍⵍⵉⵖ ⵙⵔⵙ ⵉⵙⵢⴰⴼⴰ ⴰⵔ ⵜⵉⴳⵔⴰ ⵏ ⵎⴰⵢⵢⵓ ⵉⵣⵔⵉⵏ 48.581 ⵏ ⵓⴼⵍⵍⴰⵃ ⴳ ⵜⵙⴳⴳⵉⵡⵉⵏ ⵉⵜⵜⵢⴰⴳⴰⵙⵏ. ⵖⵉⴽⵍⵍⵉ ⵜⵣⵣⵓⴳⴰⵣ ⵜⵎⵀⵍⵜ ⵏ ⵜⵉⴱⴹⵉ ⵏ ⵡⴰⵅⵙⵉⵡⵉⵏ ⴱⵍⴰ ⴰⴼⵔⴰ ⵉ ⵉⴽⵙⵙⴰⴱⵏ ⵉⵙⵖⴰⵡⵙⴰⵏ, ⵍⵍⵉ ⵉⴱⴷⴰⵏ ⵣⵖ ⴰⵢⵢⵓⵔ ⵏ ⵉⵏⵏⴰⵢⵔ ⵉⵣⵔⵉⵏ. ⴰⵔ ⵖⵉⵍⴰⴷ ⵉⵜⵜⵓⴱⴹⴰ 12.180 ⵏ ⵜⵅⵙⵉ ⴼⴰⴷ ⴰⴷ ⵏⴰⵡⴹ 70 ⵏ ⵉⴼⴹ ⵏ ⵉⵅⴼ ⵏ ⵡⴰⵅⵙⵉⵡⵉⵏ. ⵢⵉⵍⵉ ⴰⵡⴷ ⵓⵙⴳⴷⴷ 126 ⴽⵉⵍⵓⵎⵜⵔ ⵏ ⵉⴳⵔⴰⵏ ⵏ ⵉⵎⵥⵥⵉⵏ ⴷ ⵉⵎⵊⴰⵀⴷⵉⵏ ⵙ ⵎⴰ ⵉⵜⵜⴳⴰⵏ 75 % ⴷ ⵜⵣⵣⵉⴳⵣⵜ ⵙ ⵎⴰ ⵉⵜⵜⴳⴰⵏ 88% ⴳ ⵓⵙⵡⵉⵔ ⵏ ⵓⵥⴹⴰⵕ 54 ⴽⵉⵍⵓⵎⵜⵜⵔ ⵏ ⵉⵖⴰⵔⴰⵙⵏ ⵉⴼⴰⵔⴰⵏⵏ.
ⵖ ⵉⴳⵔ ⵏ ⵜⴷⵓⵙⵉ, ⵜⵓⴳⴰ ⵏⵏ ⵜⵙⵇⵇⵉⵎⵜ ⵎⴰⵏⵉ ⵜⵍⴽⵎ ⵜⵡⵓⵔⵉ ⵏ ⵜⵙⵉⵥⴹⵕⵜ 42 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵅⴼ ⵉⵍⵍⴰ ⵓⵖⴰⵡⵍ ⵍⵍⵉⵖ ⴳⵉⵙⵏ ⵜⵙⵏⵜⵉ ⵜⵡⵓⵔⵉ ⴳ ⵉⵏⵏⴰⵢⵔ ⵉⵣⵔⵉⵏ, ⵔⴰⴷ ⴳⵉⵙⵏ ⵜⴽⵎⵎⵍ ⵜⵡⵓⵔⵉ ⵙⵔⵙ ⵉⵥⵍⵉⵏ ⵖ ⵜⴳⵉⵔⴰ ⵏ ⵢⵓⵍⵢⵓⵣ ⴷ ⵉⴷⴷⴰⵏ.
ⵖ ⵓⵎⵏⵉⴷ ⵢⴰⴹⵏⵉⵏ, ⵜⵎⴹⴰⴽⴰⵕ ⵜⵙⵇⵇⵉⵎⵜ 225 ⵏ ⵜⵓⵜⵔⴰ ⵏ ⵜⵡⵉⵙⵉ ⵜⴰⵥⵕⴼⴰⵏⵜ ⵍⵍⵉ ⴷ ⵜⵃⵢⵢⵉⵍ ⵜⵎⵔⵙⴰⵍ ⵏ ⵓⵣⴷⴷⵓⵖ ⵏ ⵜⵎⴰⵍⵍⴰⵢⵜ ⵉⵜⵜⴰⵡⵙⵜⴰⵢⵏ  ⵍⵍⵉ ⵉⵜⵜⵢⴰⴳⴰⵙⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ, ⵙ ⵢⴰⵜ ⵜⵎⵙⴰⵙⵍⵜ ⵏ ⵎⴰ ⵉⵜⵜⴳⴰⵏ 128 ⵎⵍⵢⵓⵏ ⵏ ⴷⴷⵔⵀⵎ. ⵖ ⵓⵎⵏⵉⴷ ⴰⴷ ⵏⵉⵜ, ⵜⵙⵢⴰⴼⴰ 115 ⵏ ⵜⵎⵔⵙⵍⵜ ⵖ ⵓⴳⵣⵣⵓⵎ ⴰⵎⴰⵣⵡⴰⵔⵓ ⵉⵥⵍⵉⵏ ⵙ ⵜⵡⵉⵙⵉ ⵙ ⵢⴰⵜ ⵜⵎⵙⴰⵙⵍⵜ ⵏ ⵎⴰ ⵉⵜⵜⴳⴰⵏ 44 ⵎⵍⵢⵓⵏ ⵏ ⴷⴷⵔⵀⵎ. ⵖⵉⴽⵍⵍⵉ ⵜⵉⵡⵉ ⵜⵙⵇⵇⵉⵎⵜ ⵅⴼ ⵓⵙⵏⵜⵉ ⵏ ⵜⵡⵓⵔⵉ ⵏ ⵜⴽⵏⵏⴰⵡⵜ ⵏ ⵜⵓⴳⵜ ⵏ ⵉⴳⵓⴷⴰⵔ ⵏ ⵜⴰⵢⵙⵉ ⵏ ⵓⵎⵣⵔⵓⵢ ⵉⵜⵜⵓⵜⵏ.