ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵜ ⵜⵙⵎⵉⵔⵉⵜ ⵏ ⵉⴳⵎⴰⵎⵏ ⵏ ⵍⴽⵓⵏⴳⵔⵉⵙ ⵏ ⵎⵉⵔⵉⴽⴰⵏ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴰⴱⴰⴹⵜ ⴰⵙⵙ ⵏ ⵡⴰⵢⵏⴰⵙ 25 ⵎⵕⵚ 2024 ⴳ ⵕⵕⴱⴰⵟ ⵢⴰⵜ ⵜⵙⵎⵉⵔⵉⵜ ⵏ ⵉⴳⵎⴰⵎⵏ ⵏ ⵍⴽⵓⵏⴳⵔⵉⵙ ⵏ ⵎⵉⵔⵉⴽⴰⵏ ⵖ ⵍⵍⴰⵏ ⵚⴹⵉⵚ ⵏ ⵉⴳⵎⴰⵎⵏ ⵏ ⵉⴽⴰⴱⴰⵔⵏ ⴰⴳⴷⵓⴷⴰⵏ ⴷ ⵓⴷⵉⵎⵓⵇⵕⴰⵟⵉ ⵍⵍⵉ ⵉⵙⴽⵔⵏ ⵢⴰⵜ ⵜⵔⵣⵣⵉⴼⵜ ⵏ ⵜⵡⵓⵔⵉ ⵍⵍⵉ ⴷ ⵉⴷⴷⴰⵏ ⴳ ⵓⵙⴰⵜⵉ ⵏ ⵓⵔⵣⵣⵓ ⵅⴼ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⵜⵉⵙⵜⵕⵜⵉⵊⵉⵏ ⵏⴳⵔ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⴷⴷⴰⵡ ⵜⵉⵍⴰⵍ ⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⵔⵏⵓ ⵔⴱⴱⵉ ⴷ ⵓⵏⵙⵙⵉⵅⴼ ⵏ ⵎⵉⵔⵉⴽⴰⵏ ⴷⵊⵓ ⴱⴰⵢⴹⵏ.
ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ ⵍⵍⵉⵖ ⵉⵃⴰⴹⵕ ⴰⵡⴷ ⵓⵎⴰⵡⵙⴰⵙ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵖ ⵜⵙⴳⴰ ⵏ ⵎⵉⵔⵉⴽⴰⵏ ⴰⵎⵙⵇⴰⴷ ⵏ ⵡⴰⵏⴽⵏ ⵉⵎⵓⵏ ⴳ ⵍⵎⵖⵔⵉⴱ. ⵙⴰⵡⵍⵏ ⵅⴼ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵖ ⵉⵍⵍⴰ ⵓⵎⵢⴰⵡⴰⵙ ⴰⵎⴳⵔⵓ ⴳⵔ ⵙⵏⴰⵜ ⵜⵎⵉⵣⴰⵔ ⴳ ⵜⵓⴳⵜ ⵏ ⵉⴳⵔⴰⵏ, ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⴳⴰⴷⴷⴰⵏⵜ ⵜⵖⴰⵡⵙⵉⵡⵉⵏ ⴳ ⵎⴰ ⵉⵥⵍⵉⵏ ⵙ ⵏ ⵉⵎⵎⵙⴽⴰⵍⵏ ⵏ ⵜⵙⴱⴱⴰⴱⵜ ⵏⴳⵔ ⵙⵏⴰⵜ ⵜⵉⵎⵣⴰⵔ ⵍⵍⵉⵖ ⵉⵎⵎⴰⵜⵉ ⵣⵖ 43,4 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵙⴳⴳⵯⴰⵙ 2021 ⴰⵔ 68,9 ⵎⵍⵢⴰⵕ ⵏ ⴷⴷⵔⵀⵎ ⴳ ⵜⵉⵣⵉ ⵢⴰⴷ. ⵖⵎⴽⵍⵍⵉ ⵉⵍⵍⴰ ⵙⴽⵜⵉⵏ ⵎⴰ ⵙ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⴳ ⵜⴰⵡⵓⵔⵉ ⵏⵏⵙ ⴳ ⵓⵙⵡⵉⵔ ⵉⵥⵍⵉⵏ ⵓⵙⵍⴽⵎ ⵏ ⵉⵙⵙⴰⵔⵓⵜⵏ ⵏ ⵎⵉⵔⵉⴽⴰⵏ ⴳ ⵉⴼⵔⵉⵇⵢⴰ ⴳ ⵜⵖⴰⵔⴰⵙⵜ ⵏ ⵓⵎⵢⴰⵡⴰⵙ ⴰⵎⵔⵓⵣ- ⴰⵎⵔⵓⵣ.
ⵉⵙⴽⵜⵉ ⵜ ⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴷ ⵉⵔⵙⴰⵏⵜ ⵜⵉⵣⴷⴰⵢⵉⵏ ⴳⵔ ⵕⵕⴱⴰⵜ ⴷ ⵡⴰⵛⵉⵏⵟⵓⵏ ⵅⴼ ⵓⵣⴷⴷⵓⵢ ⵉⴷⵓⵙⵏ ⴳ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵜⵉⵙⴳⴰⵡⵏⵉⵏ ⴷ ⵜⴳⵔⴰⵖⵍⴰⵏⵉⵏ, ⵉⵙⴱⴰⵢⵏ ⴷ ⵜⵡⵉⵙⵉ ⵏ ⵍⵎⵖⵔⵉⴱ ⵖ ⵓⵙⵖⵓⴷⵓ ⵏ ⵓⴼⵔⴰ ⴷ ⵓⵔⴳⴳⵉⴳ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵛⵛⵔⵇ ⴰⵏⴰⵎⵎⴰⵙ.
ⴰⵢⵍⵍⵉ ⵉⵥⵍⵉⵏ ⵜⴰⵙⵓⵎⵔⵜ ⵜⴰⵏⴰⵎⵓⵔⵜ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴱⴷⴷⴰⴷ ⵏ ⵡⴰⵏⴽⵏ ⵉⵎⵓⵏ ⵏ ⵎⵉⵔⵉⴽⴰⵏ ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵜⵙⵙⵓⵙⵏ ⵙ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵖ ⵜⴳⵉⵔⴰ ⵏ 2020 ⴷ ⵜⵡⵉⵙⵉ ⵍⵍⵉ ⵜⵜⴳⴳⴰ ⵉ ⵓⵖⴰⵡⴰⵙ ⵏ ⵓⵏⴱⵉⴹ ⴰⵙⵉⵎⴰⵏ ⴷ ⵉⵙ ⵉⴳⴰ ⵢⴰⵏ ⵓⴼⵙⵙⴰⵢ ⴰⵏⵉⵍⴰⵡ ⵉⴷⵓⵙⵏ.
ⵙⴽⵜⵉⵏ ⴷ ⴰⵡⴷ ⵉⵎⵙⵏⴰⵍⴰⵜⵏ ⴰⴷ ⵜⵉⵣⴷⴰⵢⵉⵏ ⵏ ⵓⵎⵥⵕⵓⵢ ⵉⵖⵓⴷⴰⵏ ⵏ ⵜⵉⴷⴷⵓⴽⵍⴰ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⵣⵖ ⵉⵍⵍⴰ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⴼⵔⴰ ⴷ ⵜⵉⴷⴷⵓⴽⵍⴰ ⵜⴰⵎⵖⵔⵉⴱⵉⵜ-ⵜⴰⵎⵉⵔⵉⴽⴰⵏⵉⵜ ⴳ ⵓⵙⴳⴳⵯⴰⵙ 1787 ⵍⵍⵉ ⵉⴳⴰⵏ ⵢⴰⵏ ⵡⴰⵔⵔⴰ ⴰⵇⴱⵓⵔ ⵍⵍⵉ ⵉⵙⴳⵎⴹ ⵎⵔⵉⴽⴰⵏ ⴰⴽⴷ ⵜⵎⴰⵣⵉⵔⵜ ⵢⴰⴹⵏⵉⵏ.
