ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵙⴰ

ⵉⵙⵏⵓⴳⴱ ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 12 ⴷⵓⵊⴰⵏⴱⵉⵔ 2024 ⴳ ⵕⵕⴱⴰⵟ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵙⴰ ⵢⴰⵢⵍ ⴱⵕⵓⵏ ⴱⵉⴼⵉ Yaël Braun-Pivet ⵍⵍⵉ ⴷ ⵉⴳⴰⵏ ⵢⴰⵜ ⵜⵔⵣⵣⵉⴼⵢ ⵏ ⵜⵡⵓⵔⵉ ⵙ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⴷ ⵉⴷⴷⴰⵏ ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴰⴱⴰⵕⵍⴰⵎⴰⵏⵉ ⵏⴳⵔ ⵜⵎⵉⵣⴰⵔ ⵙ ⵙⴰⵏⵜ.
ⵙⵎⵖⵔⵏ ⴳ ⵓⴳⵔⴰⵡ ⴰⴷ ⵙ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⵉⵖⵓⴷⴰⵏ ⵢⴰⵜⵜⵓⵢⵏ ⵏⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ ⵍⵍⵉ ⵉⴷⵓⵙⵏ ⵍⵍⵉⵖ ⵉⵙⴳⵎⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵓⵏⵎⵖⵓⵔ ⵎⴰⵙⵙ ⵉⵎⴰⵏⵢⵓⵍ ⵎⴰⴽⵕⵓⵏ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵙⴰ ⴳ 28 ⴽⵟⵓⴱⵕ 2024 ⵅⴼ ⵓⵍⵖⵓ ⵉⵥⵍⵉⵏ ⵙ ⵓⵎⵢⴰⵡⴰⵙ ⵉⵎⵥⵍⵉⵢ ⵉⴷⵓⵙⵏ ⵍⵍⵉ ⵔⴰⴷ ⵢⴰⵡⵙ ⵉ ⵜⵎⵉⵣⴰⵔ ⵙ ⵙⵏⴰⵜ ⴰⴷ ⵙⴱⵓⵖⵍⵓⵏⵜ ⵉⵏⴰⵥⴰⵔⵏ ⵙ ⵓⵙⴷⵓⵙ ⵏ ⵉⴳⵔⴰⵏ ⴰⴽⴽⵯ ⵉⵣⴷⵉⵏ ⵙ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.
ⴳ ⵎⵉⵏⵉⴷ ⴰⴷ ⵏⵉⵜ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⵓⵙⵏⵜ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵙⴰ ⵙ ⵜⴳⵓⵍⴷⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⴷ ⵜⵡⵉⵙⵉ ⵏⵏⵙ ⵉ ⵜⵙⵏⵜⴰⵢⵜ ⵏ ⵓⵏⴱⴹ ⴰⵏⵉⵎⴰⵏ ⴳ ⵓⵙⴰⵜⵉ ⵏⵜⵎⵓⵏⵉ ⵜⴰⵏⴽⵍⴰⵏⵜ ⵏ ⵍⵎⵖⵔⵉⴱ ⵉⴳⴰⵏ ⵢⴰⵏ ⵓⵏⴱⴷⴰⴷ ⵏ ⵓⵎⵣⴰⵖ ⴰⵙⴳⴰⵡⴰⵏ ⵉⵜⵜⴰⵡⵙⴽⴰⵔⵏ. ⵉⵙⵎⵖ ⴰⵡⴷ ⵙ ⵡⴰⵜⵉⴳ ⵏ ⵓⵎⵢⴰⵡⴰⵙ ⴰⵎⴰⵖⵔⵉⴱⵉ ⴷ ⵓⴼⵕⴰⵏⵙⴰⵡⴰⵉ ⴳ ⵉⴼⵔⵉⵇⵢⴰ, ⵉⵙⴽⵜⵉ ⴷ ⵙ ⵉⵥⵉⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵎⵏⵉⴷ ⵏ ⴰⴼⵕⵉⵇⵢⴰ.
ⵖⵉⴽⵍⵍⵉ ⵉⵍⵍⴰ ⵓⵎⴹⴰⴽⴰⵕ ⴳ ⵓⴳⵔⴰⵡ ⴰⴷ ⵅⴼ ⵡⴰⵜⵉⴳ ⵏ ⵓⵎⵛⵉⵡⴰⵕ ⴷ ⵓⵣⴷⴷⵓⵢ ⴳ ⵜⵖⴰⵡⵙⵉⵡⵉⵏ ⵜⵉⵎⴷⵔⴰⵡ ⵏ ⵓⴱⴰⵕⵍⴰⵎⴰⵏ ⴷ ⵓⵙⴷⵓⵙ ⵏ ⵜⵡⵓⵔⵉⵡⵉⵏ ⵏ ⵜⵔⴰⴱⴱⵓⵜ ⵏ ⵜⵉⴷⴷⵓⴽⵍⴰ ⵜⴰⴱⴰⵕⵍⴰⵎⴰⵏⵉⵜ ⵏ ⵍⵎⵖⵔⵉⴱ ⴷ ⴼⵕⴰⵏⵙⴰ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⴰⵎⴰⵔⵉ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵙⴰ ⵎⴰⵙⵙⴰ ⵏⴰⵄⵉⵎⴰ ⵎⵓⵜⵛⵓ ⴷ ⵓⵏⵙⵙⵉⵅⴼ ⵏ ⵜⵙⴳⴳⵉⵎⵜ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⵎⴰⵙⵙ ⴱⵓⵕⵏⵓ ⴼⵓⴽⵙ ⴷ ⵓⵎⴰⵔⵉ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵙⴰ ⵎⴰⵙⵙ ⴷⴰⵎⵢⴰⵏ ⵛⴰⵎⵓⵙⵉ ⴷ ⵓⵎⵙⵇⴰⴷ ⵏ ⴼⵕⴰⵏⵙⴰ ⵉⵍⵍⴰⵏ ⴳ ⵕⵕⴱⴰⵟ ⵎⴰⵙⵙ ⴽⵉⵔⵉⵙⵜⵓⴼ ⵍⵓⴽⵓⵖⵜⵢⵉ.