ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⴼⵓⴳⵍⵓ ⵏ ⵓⵙⴳⵎⴹ ⵜⴰⵎⵢⴰⵇⵇⴰⵏⵜ ⵏ ⵓⵙⵎⵓⵜⵜⴳ ⵏ ⵓⵙⵔⵙ ⵏ ⵜⵎⴰⵍⵍⴰⵢⵜ ‘‘ⵎⵓⴳⴰⴹⵓⵕ’’

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⵓⴽⴰⵡⴰⵙ 19 ⴷⵓⵊⴰⵏⴱⵉⵔ 2024 ⴳ ⵜⴰⵚⵚⵓⵕⵜ, ⴰⵙⴼⵓⴳⵍⵓ ⵏ ⵓⵙⴳⵎⴹ ⵜⴰⵎⵢⴰⵇⵇⴰⵏⵜ ⵏ ⵓⵙⵎⵓⵜⵜⴳ ⵏ ⵓⵙⵔⵙ ⵏ ⵜⵎⴰⵍⵍⴰⵢⵜ ‘‘ⵎⵓⴳⴰⴹⵓⵕ’’ ⴳ ⵉⵃⴰⴹⵕ ⵎⴰⵙⵙ ⵓⵏⴷⵕⵉ ⴰⵥⵓⵍⴰⵢ ⵉⴳⴰⵏ ⴰⵎⵛⵛⵉⵡⵔ ⴱⴰⴱ ⵏ ⵡⴰⴷⴷⵔ ⴰⴳⵍⵍⵉⴷ. ⵉⴳⴰ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 2.3 ⵎⵍⵢⴰⵕ ⵏ ⵓⴷⵔⵀⴰⵎ. ⵜⴷⴷⴰ ⴷ ⵜⵙⵏⵜⵉⵜ ⴰⴷ ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵜⵎⴰⵍⵍⴰⵢⵜ ⵃⵎⴰ ⴰⴷ ⵜⴳ ⵢⴰⵏ ⵓⵏⴱⴷⴰⴷ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ ⴳ ⵜⴳⵍⴷⵉⵜ ⵙ ⵓⵎⵙⴰⵙⴰ ⴷ ⵉⵥⵉⵕ ⴰⴳⵍⴷⴰⵏ ⵉⴼⴰⵡⵏ.
ⵉⵙⴳⵎⴹ ⵜⴰⵎⵢⴰⵇⵇⴰⵏⵜ ⴰⴷ ⵜⴰⵎⵓⵏⵜ ⵏ ⵉⵎⵙⵙⵓⵔⵉⵏ ⵣⴳ ⵜⴰⴳⵓⵜ ⵜⴰⵏⵎⵎⴰⵙⵜ ⵖ ⵉⵍⵍⴰ ⵙⴰⵎⵉⵃ ⵙⴰⵡⵉⵔⵙ ⴷ ⵃⵓⵙⴰⵢⵏ ⵏⵏⵡⵉⵙ ⴷ ⵃⵓⵙⴰⵎ ⵛⵛⴰⵄⵕ, ⵔⴰⴷ ⴳⵉⵏ ⵉⵎⵙⵙⵓⵔⵉⵏ ⴰⴷ ⴰⵙⵡⵓⴷⴷⵓ ⵏ50% ⵏ ⵉⵙⵙⴰⵔⵓⵜⵏ ⴳ ⵓⵙⵔⵙ ⵏ ⵜⵎⴰⵍⵍⴰⵢⵜ ‘‘ⵎⵓⴳⴰⴹⵓⵕ’’ ⵖⵉⴷ ⵙ ⵓⵙⴳⴳⵯⴰⵙ ⵏ 2030.
ⵉⴳⴰ ⵓⵡⵜⵜⴰⵙ ⵓⵙⵔⵙ ⵏ ⵜⵎⴰⵍⵍⴰⵢⵜ ‘‘ⵎⵓⴳⴰⴹⵓⵕ’’ ⵍⵍⵉ ⴷⴰⵔ ⵢⴰⵏ ⵡⴰⵜⵉⴳ ⴰⵙⵜⵕⴰⵜⵉⵊⵉ ⴳ ⵓⵙⵡⵉⵔ ⵏ ⵜⴷⴰⵎⵙⴰ ⵜⴰⴷⵖⵔⴰⵏⵜ ⴷ ⵜⵏⴰⵎⵓⵔⵜ ⴰⴷ ⵢⴰⵡⵙ ⴳ ⵜⵉⵥⴹⵉⵕⵜ 3.700 ⵏ ⵜⵉⵙⵉ ⵙ ⵓⵙⵢⴰⴼⴰ 35% ⵉⵖ ⵜ ⵏⵙⵎⴰⵙⴰ ⴷ ⴰⵜⵉⵥⴹⵉⵔⵜ ⵏ ⵖⵉⵍⴰⴷ ⵏ ⵜⵎⴷⵉⵏⵜ. ⵔⴰⴷ ⵉⵙⴽⵔ ⴰⵡⴷ ⵓⵙⵏⴼⴰⵕ ⴰⴷ ⵎⴰ ⵉⵜⵜⴳⴰⵏ 20.000 ⵏ ⵜⵡⵓⵔⵉ ⵜⴰⵎⴰⵢⵏⵓⵜ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
ⵉⵙⵎⵓⵏ ⵓⵏⵚⵏⴼⴰⵕ ⴰⴷ ⴰⵙⵅⵉⵜⵔ ⵏ ⵓⵙⵏⵙⵓ ⵏ ⵚⵓⴼⵉⵜⵉⵍ ⵎⵓⴳⴰⴹⵓⵕ ⴷ ⵓⵙⴽⴰⵔ ⵏ ⴽⵕⴰⴹ ⵏ ⵉⵙⵏⵙⴰ ⵏ ⵉⵜⵜⴰⴳⴳⵯⴰⵏ ⵡⴼ ⵢⵉⵍⵍ ⴷ ‘‘ⴽⵍⵓⴱ ⵎⵉⴷ’’ ⴷ ⵓⵙⴳⵔⴰⵡ ⵏ ⵓⴼⵜⴰⵙ ⴷ ⵢⴰⵜ ⵜⵖⵔⵎⵜ ⵏ ⵓⵎⵙⵓⵔⴰⵔ ⴷ ⵢⴰⵏ ⵓⵙⴰⵢⵔⵓⵔ ⵏ ⵍⴳⵓⵍⴼ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵜⵎⴰⵍⵍⴰⵢⵜ ⴳ ⵜⴰⵚⵚⵓⵕⵜ ⵙⵍⴰⵡⴰⵏ ⴰⴽⴽⵯ ⵜⴰⵎⴰⵍⵍⴰⵢⵜ ⵏ ⵜⵓⵏⵏⵓⵜ ⴷ ⵜⴷⵍⵙⴰⵏⵜ.
ⴳ ⵜⴳⵓⵔⵉ ⵏⵏⵙ, ⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵔⴰⴷ ⵢⴰⵡⵙ ⵓⵚⵏⴼⴰⵕ ⴰⴷ ⴳ ⵓⵙⴳⴷⴷ ⵏ ⵡⴰⴷⴷⴰⴷ ⵏ ⵍⵎⵖⵔⵉⴱ ⵃⵎⴰ ⴰⴷ ⵉⴳ ⵢⴰⵜ ⵜⵙⴳⴰ ⵏ ⵜⵎⴰⵍⵍⴰⵢⵜ ⵢⴰⵜⵜⵓⵢⵏ ⴷ ⵎⴰ ⵙ ⵔⴰⴷ ⵉⵙⴽⵔ ⵎⴰⵢⴰⴷ ⵢⴰⵜ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵏⵎⵓⵏⵜ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⵏⴳ ⵜⵎⴷⵉⵏⵜ ⵏ ⵜⴰⵚⵚⵓⵕⵜ, ⵉⵙⴽⵜⵉ ⴷ ⴰⵡⴷ ⵙ ⵜⴰⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵃⵎⴰ ⴰⴷ ⵉⴳ ⵓⴷⵎ ⴰⵟⵍⴰⵙⵉ ⵏ ⵜⴳⵍⴷⵉⵜ ⵢⴰⵏ ⵓⵙⴰⵢⵙ ⵏ ⵓⵎⵢⴰⵡⴰⴹ ⴰⵏⴼⴳⴰⵏ ⴷ ⵓⵎⵙⴰⵙⴰ ⴰⴷⴰⵎⵙⴰⵏ ⴷ ⵓⵙⴱⵓⵖⵍⵓ ⴰⴳⵔⴰⵖⵍⴰⵏ.
ⵉⵣⴰⵢ ⴷ ⵉⵏⵏⴰ ⵓⵏⵙⵙⵉⵅⴼ ⵏ ⵜⴱⴰⴹⵜ ⵎⴰ ⵙ ⵉⴳⴰ ⵓⵚⵏⴼⴰⵕ ⴰⴷ ⵉⵀⵢⵢⴰⵏ ⵢⴰⵜ ⵜⵉⵙⵉ ⵉⴷⵓⵙⵏ ⴳ ⵜⵖⵔⴰⵙⵜ ⵏ ⵓⵙⵖⵓⴷⵓ ⵏ ⵜⵓⵙⴽⵉⵡⵉⵏ ⵏ ⵜⵎⴷⵉⵏⵉⵏ ⴷ ⵓⵙⴱⵓⵖⵍⵓ ⵏⵏⵙⵏⵜ ⵙ ⵖⵉⴽⵍⵍⵉ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵄⵣⵣⵓ ⵔⴱⴱⵉ.
 

ⵉⵙⴷⴷⵉⴷ ⵎⴰ ⵙ ⵜⴳⴳⴰ ⵜⵏⴱⴰⴹⵜ ⴰⵙⵖⵓⴷⵓ ⵏ ⵉⵙⵙⴰⵔⵓⵜⵏ ⵉⵣⴷⵉⵏ ⴷ ⵉⴳⵔ ⵏ ⵜⵎⴰⵍⵍⴰⵢⵜ ⴷ ⵉⴳⵔⴰⵏ ⵢⴰⴹⵏⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵡⵓⵔⵉ, ⵉⵏⵏⴰ ⴰⵡⴷ ⵔⴰⴷ ⵜⴼⴽ ⵜⵏⴱⴰⴹⵜ ⵉ ⵉⵎⵙⵙⵓⵔⵉⵏ ⵜⵓⴳⵜ ⵏ ⵉⵎⴰⵙⵙⵏⵏ ⵓⵣⵣⵓⴳⵣ ⵏ ⵉⵚⵏⴼⴰⵕⵏ ⵙ ⵢⴰⵜ ⵜⵖⴰⵔⴰⵙⵜ ⵉⵀⵢⵢⴰⵏ.
ⵉⴷⴷⴰ ⴷ ⵓⵏⵚⵏⴼⴰⵕ ⴰⵎⴰⴳⴳⵓⵎ ⵏ ⵜⵎⴷⵉⵏⵜ ⵏ ⵜⴰⵚⵚⵓⵕⵜⵍⵍⵉ ⵉⴳⴰⵏ ⵢⴰⵜ ⵜⵎⴰⵜⴰⵔⵜ ⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵜⴰⵢⵙⵉ ⵜⴰⵎⴰⴹⵍⴰⵏⵜ ⴳ ⵓⵙⴰⵜⵉ ⵏ ⵉⵥⵉⵕ ⵏ ⵓⵙⵖⵓⴷⵓ ⵏ ⵜⵎⴰⵍⵍⴰⵢⵜ ⴳ ⵜⵎⴰⵣⵉⵔⵜ ⵏⵏⵖ, ⵖ ⴱⵉⵍⵍⴰ ⵓⵣⵓⴳⴳⵣ ⵏ ⵉⵚⵏⴼⴰⵔⵏ ⵉⵙⵜⵕⴰⵜⵉⵊⵉⵏ ⴷ ⵓⵙⴽⴰⵔ ⵏ ⵜⵡⵓⵔⵉⵡⵉⵏ ⴷ ⵓⵙⴱⵓⵖⵍⵓ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴷ ⵓⴳⴰⵎⴰⵏ ⵏ ⵜⴳⵍⴷⵉⵜ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙ, ⵜⴰⵎⴰⵡⴰⵙⴰⵜ ⵏ ⵜⴰⴷⴰⵎⵙⴰ ⴷ ⵜⵥⵕⴼⵜ, ⵏⴰⴷⵢⴰ ⴼⵜⵜⴰⵃ ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴼⴰⵜⵎⴰ ⵣⵀⵔⴰ ⵄⵎⵎⵓⵕ ⴷ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⴰⵥⴹⵕⴰⵏ ⴷ ⵜⴳⵎⵉ ⵜⵔⴰⵙⵓⵍⴰⵏⵜ ⵍⴰⵢⵍⴰ ⴱⵏⵄⵍⵉ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⵉⵏ, ⴽⴰⵔⵉⵎ ⵣⵉⴷⴰⵢⵏ ⴷ ⵓⵏⴱⴱⴰⴹ ⵏ ⵜⴰⵚⵚⵓⵕⵜ ⵄⴰⴷⵉⵍ ⵍⵎⴰⵍⴽⵉ ⴷ ⵓⵏⵎⵀⴰⵍ ⵏ ⵜⵎⵙⵙⵏⵜⴰⵢⵜ ⵜⴰⵎⴰⵖⵔⵉⴱⵉⵜ ⵏ ⵓⵜⵡⴰⵍ ⵏ ⵜⵎⴰⵍⵍⴰⵢⵜ ⵄⵉⵎⴰⴷ ⴱⵔⵇⴰⴷ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵜⴰⵚⵚⵓⵕⵜ ⵟⴰⵕⵉⵇ ⵍⵄⵓⵜⵎⴰⵏⵉ ⴷ ⵜⵓⴳⵜ ⵏ ⵉⵏⵎⵖⵓⵔⵏ ⴷ ⵉⵎⵙⵜⴳⴰⵔⵏ ⴳ ⵉⴳⵔ ⵏ ⵍⴱⴰⴽⴰ.