ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 18 ⵉⴱⵔⵉⵔ 2024
ⵉⵜⵜⵓⵙⵏⵎⴰⵍⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ 09 ⵛⵡⵡⴰⵍ 1445 ⵉⵎⵙⴰⵙⴰⵏ ⴰⴽⴷ 04 ⵉⴱⵔⵉⵔ 2024. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵏⵖⵎⵙ ⵅⴼ ⵢⴰⵏ ⵓⵎⵙⴰⵙⴰ ⴰⴳⵔⴰⵖⵍⴰⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 22.24 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 47.18 ⵉⵥⵍⵉⵏ ⵙ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴷ ⵓⵙⴽⴰⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵓⵎⵓⵏⵏ ⵏ ⵓⵙⵙⴰⵔⵓ, ⵉⵍⵍⴰ ⵓⵎⴹⴰⴽⴰⵕ ⵅⴼ ⵜⴰⵏⵏⴰⵢⵉⵏ ⵍⵍⵉ ⴷ ⴳⵉⵙ ⵉⴷⴷⴰⵏ ⵃⵎⴰ ⴰⴷ ⴼⵍⵍⴰⵙ ⵢⵉⵍⵉ ⵓⵙⵖⵥⵏ ⴳ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.1119 ⵉⵥⵍⵉⵏ ⵙ ⵜⴰⵎⵎⴰⴽⵉⵏ ⵙ ⵓⵙⴽⴰⵔ ⵏ ⵢⴰⵜ ⵜⵍⴳⴰⵎⵜ ⵏ ⵉⵏⴼⴳⵓⵔⵏ ⴷ ⵜⴼⴰⴷⵉⵡⵉⵏ ⵏ ⵓⵣⵎⵎⴰⵎ ⴷ ⵓⴽⴽⵓⵙ ⵙⵔⵙⵏ ⵉⵥⵍⵉⵏ, ⵉⵀⵢⵉⵍ ⵜ ⵉⴷ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⵉⴹⴼⴰⵔ ⵓⵙⵇⵇⵉⵎ ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.681 ⵉⵥⵍⵉⵏ ⵙ ⵜⴰⵙⵢⴰⴼⵓⵜ ⴷ ⵓⵏⵀⵍⵍⴰ ⴷ ⵓⵙⵙⴰⵔⴰ ⵏ ⵓⵛⵡⵡⵕ, ⵉⵀⵢⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵄⴰⴱⴷⵍⵊⵍⵉⵍ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵢⴰⴳⴳ ⵏⵏ ⴳ ⵢⴰⵏ ⵓⵎⵙⴰⵙⴰ ⵏ ⵜⵎⴰⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵣⵔⴼ ⵏ ⵢⵉⵍⵍ ⵉⵥⵍⵉⵏ ⵙ ⵓⵃⵟⵟⵓ ⴷ ⵓⵙⵎⵔⵙ ⴰⵙⵓⵍⴰⵏ ⵏ ⵜⵎⵢⴰⵡⴰⵏⵜ ⵜⴰⴱⵢⵓⵍⵓⵊⵉⵜ ⵖ ⴱⵕⵕⴰ ⵏ ⵉⵡⵓⵜⵜⴰ ⵏ ⵉⴷⵖⴰⵔⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⵉⵜⵜⵓⵙⵖⵥⵏ ⴳ ⵏⵢⵓⵕⴽ ⴳ 19 ⵢⵓⵏⵢⵓ 2023, ⵜⵙⴳⵎⴹⵜ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 21 ⵛⵓⵜⴰⵏⴱⵉⵔ 2023, ⴷ ⴰⵙⵏⵜⵉ ⵏ ⵓⵙⵍⴳⵏ 10.24 ⵍⵍⵉ ⵉⵙⵖⵥⵏ ⴰⵙⵍⴳⵏ ⴰⴷ, ⵜⵃⵢⵢⵉⵍ ⵜⵏ ⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⴷⵖⴰⵔ ⵏ ⵏⴰⵚⵕ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵔⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵜⴰⵎⵉⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⴰⵕⵍⵎⴰⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵛⴰⴼⵉⵇ ⵍⵡⴷⵖⵔⵉ, ⴰⵏⴼⵍⵓⵙ ⴰⵎⴰⵜⴰⵢ ;
- ⴳ ⵜⴰⵎⴰⵡⴰⵙⵜ ⵜⴰⵎⵉⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵎⵓⵃⵎⵎⴰⴷ ⵉⴱⵔⴰⵀⵉⵎⵉ, ⴰⵎⴳⴳⵉⵡⵙ ⴰⵎⴰⵜⴰⵢ
- ⴳ ⵜⴰⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⴱⵍⵄⵉⴷ ⴱⵡⴰⵖⴰⵍⵏ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵉⵎⴰⵙⵙⴰⵏⵏ ⵏ ⵓⵙⵏⵉⵙⵏ ⴳ ⴱⵏⵉⵎⵍⵍⴰⵍ ;
- ⵎⴰⵙⵙ ⵄⴰⵍⵉ ⵃⴰⵢⵜⵓⴼ, ⴰⵏⵎⵀⴰⵍ ⵏ ⵜⵉⵎⵍ ⵜⴰⵏⴰⴼⵍⵍⴰⵜ ⵏ ⵉⵙⴰⵍⵎⴰⴷⵏ ⴳ ⴼⴰⵙ ;
- ⴳ ⵜⴰⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⵖⵏⵣⵉⵜ, ⵉⵜⵜⵓⵙⵏⵎⴰⵍⴰ :
- ⵍⵃⵙⵏ ⵎⵙⵄⵓⴷⵉ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵉⵥⵕⴼⴰⵏⵏ ⴷ ⵉⵖⴰⵡⴰⵙⵏ ⵏ ⵓⵙⵖⵎⵙ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⵜⵢⵉⵏ.
- ⵍⵃⵙⵏ ⵎⵙⵄⵓⴷⵉ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵉⵥⵕⴼⴰⵏⵏ ⴷ ⵉⵖⴰⵡⴰⵙⵏ ⵏ ⵓⵙⵖⵎⵙ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⵜⵢⵉⵏ.
