ⵓⵔⵔⵉ ⵙ ⵜⵉⵖⵔⴷⵉⵏ

ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 25 ⴷⵓⵊⴰⵏⴱⵉⵔ2023

CG-1-25-12-2023.jpeg

ⵜⴳⴳⴰ ⵜⵏⴱⴰⴹⵜ, ⴰⵙⵙ ⵏ ⵡⴰⵢⵏⴰⵙ11 ⵊⵓⵎⴰⴷⴰ ⴰⵎⴳⴳⴰⵔⵓ 1445, ⵉⵎⵙⴰⵙⴰⵏ ⴰⴽⴷ 25 ⴷⵓⵊⴰⵏⴱⵉⵔ2023, ⴰⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵙ ⵓⵎⵢⴰⵏⵏⴰ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.

  • ⴳ ⵜⵉⵣⵡⵉⵔⵉ ⵏ ⵜⵡⵔⵉⵡⵉⵏ ⵏ ⵓⵙⵇⵇⵉⵎ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵎⴰⵡⵙⴰⵙⵏ ⴰⵔ ⵜⵜⴰⵣⵏ ⵉⵙⵙⵔⵖⵓⴷⵏ ⵢⴰⵜⵜⵓⵢⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⵅⴰⵜⴰⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵔⵏⵓ ⵔⴱⴱⵉ ⴷ ⵜⵡⵓⵊⴰ ⵜⴳⵍⴰⴷⴰⵏⵜ ⵙ ⵓⵣⵎⵓⵣⵓ ⵏ ⵓⵙⴳⴳⵯⴰⵙ ⴰⵎⴰⵢⵏⵓ, ⵏⵏⵓⵔⵣⵏ ⵜⴰⴷⵓⵙⵉ ⵉⵛⵏⴰⵏ ⵉ ⴱⴰⴱ ⵏ ⵡⴰⴷⴷⵓⵔ. ⴰⵔ ⵉⵜⵜⴰⵣⵏ ⴰⵡⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵔⵖⵓⴷⵏ ⵏⵏⵙ ⵉ ⵓⴳⴷⵓⴷ ⴰⵎⴰⵖⵔⵉⴱⵉ ⵙ ⵓⵎⴰⵜⴰ, ⵉⵏⵏⵓⵔⵣ ⴰⵙⵏ ⵢⴰⵏ ⵓⵙⴳⴳⵯⴰⵙ ⴳ ⵜⵍⵍⴰ ⵜⵢⴰⴼⵓⵜ ⵉⴼⵓⵍⴽⵉⵏ ⴷ ⵜⵡⴰⵔⵜ ⵉ ⵜⵎⴰⵣⵉⵔⵜ ⵏⵏⵖ ⴷ ⵜⴳⵎⵉ ⵍⵍⵉ ⴽⵓⵍⵍⵓ ⵏⴻⵏⵓⵔⵣ ⴷⴷⴰⵡ ⵉⵥⵉⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵔⵏⵓ ⵔⴱⴱⵉ. 
  • ⵉⵡⵉ ⴷ ⴰⵡⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵉⴼⵔⵃ ⴱⴰⵀⵔⴰ ⵍⵍⵉⵖ ⵜⵙⵏⵜⵉ ⵜⵏⴱⴰⴹⵜ ⴳ ⵉⵎⴰⵍⴰⵙ ⵜⵉⴱⴹⵉ ⵜⴰⵎⵣⵡⴰⵔⵓⵜ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ ⵉ ⵜⵡⵓⵊⵉⵡⵉⵏ ⵍⵍⵉ ⵙ ⵉⴱⴰⵢⵏ ⵉⵙ ⵙⵖⴰⵡⵙⴰⵏⵜ ⴷ ⵜⵉⵍⵍⵉ ⵉⵜⵜⵓⵣⵎⵎⴰⵏⵎ ⴳ ⵓⵣⵎⵎⴰⵎ ⴰⵏⴰⵎⵓⵏ ⵓⵙⵔⵉⴷ ⴷ ⵜⵉⵍⵍⵉ ⵉⴽⵍⵎⵏ ⵜⴰⵙⴽⵯⴼⵍⵜ ⵏ ⵓⵙⵖⴰⵡⵙⴰ.
  • ⴳ ⵎⵏⵉⴷ ⴰⴷ ⵏⵉⵜ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴷ ⵉⵍⴽⵎ ⵜⴰⵏⴱⴰⴹⵜ ⴰⵔ ⵖⵉⵍⴰⴷ ⵎⴰ ⵉⵜⴳⴳⴰⵏ1.9 ⵎⵍⵢⵓⵏ ⵏ ⵜⵓⵜⵔⴰ ⵣⵖ ⵍⵍⵉⵖ ⵜⵕⵥⵎ ⵜⵡⵡⵓⵔⵜ ⵜⵉⵍⵉⴽⵜⵕⵓⵏⵉⵜ www.asd.ma ⴰⵔ ⵖⴰⵙⵙⴰⴷ, ⵉⵏⵏⴰ ⴰⵡⴷ ⵎⴰ ⵙ ⵓⵟⵟⵓⵏ ⴰⵔ ⵓⴽⴰⵏ ⵙⵓⵍ ⵉⵜⵜⵣⴰⵢⴰⴷ ⴽⵓ ⵢⴰⵙⵙ. ⵖⵉⴷ ⵙ 28 ⴷⵓⵊⴰⵏⴱⵉⵔ ⴰⴷ, ⵎⵍⵢⵓⵏ ⵏ ⵜⵡⵓⵊⴰ ⵍⵍⵉ ⵙ ⵉⴱⴰⵢⵏ ⵉⵙ ⵙⵖⴰⵡⵙⴰⵏⵜ ⴷ ⵜⵉⵍⵍⵉ ⵉⵜⵜⵓⵣⵎⵎⴰⵏⵎ ⴳ ⵓⵣⵎⵎⴰⵎ ⴰⵏⴰⵎⵓⵏ ⵓⵙⵔⵉⴷ ⴰⵔ ⴰⴷ ⵢⴰⵎⵥ ⵜⵡⵉⵙⵉ ⴰⴷ, ⵎⴰ ⵉⵜⵜⴳⴳⴰⵏ 3.5 ⵎⵍⵢⵓⵏ ⵏ ⵓⵎⵖⵔⵉⴱⵉ, ⴳ ⵜⵉⴽⴽⵉ ⵜⴰⵎⵣⵡⴰⵔⵓⵜ ⵏ ⵜⵡⵉⵙⵉ ⵢⴰⴷ ⵍⵍⵉ ⴷ ⵓⵔ ⵢⵓⵣⵣⵔⵏ 500 ⵏ ⴷⴷⵔⵀⵎ ⵉ ⴽⵓ ⵜⴰⵡⵊⴰ ⵓⵏⵛⴽⴰ ⵔⴰⵏ ⴳⵉⵏⵜ ⴹⵕⴰⵜ ⵍⵍⵉⵖ ⵙⴽⵔⵏⵜ ⵜⵓⵜⵔⵡⵉⵏ ⵏⵏⵙⵏⵜ ⵇⴱⵍ 10 ⴷⵓⵊⴰⵏⴱⵉⵔ ⴰⴷ ⵢⵉⵍⵉ ⵓⵙⵖⵣⵏ ⵏ ⵉⵙⴷⴰⵡⵏ ⵏⵏⵙⵏ. ⵜⵡⵉⵊⵡⵉⵏ ⵢⴰⴹⵏⵉⵏ ⵔⴰⴷ ⵜⵏⵜⵉⵏ ⵜⵍⴽⵎ ⵜⵡⵉⵙⵉ ⴹⴰⵕⴰⵜ ⵜⵉⵣⵉ ⵢⴰⴷ ⵍⵍⵉⵖ ⵔⴰⴷ ⴰⵎⵣⵏ ⵜⵉⵏ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ ⴷ ⵡⴰⵢⵢⵓⵔ ⵉⵏⵏⴰⵢⵔ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⴰⴷ ⴷ ⵉⴷⴷⴰⵏ.
  • ⵉⵡⵉ ⴷ ⴰⵡⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵓⵔ ⵜⵇⵇⵉⵏ ⵜⵡⵡⵓⵔⵜ ⵏ ⵓⵙⵔⵓⵙ ⵏ ⵜⵓⵜⵔⵡⵉⵏ ⵉ ⵜⵉⵡⵊⵡⵉⵏ ⵍⵍⵉ ⵉⵍⴽⵎⵏ ⵜⴰⵏⵙⴽⴼⵜ ⵏ ⵓⵙⵖⴰⵡⵙⴰ ⴼⴰⴷ ⴰⴷ ⵙⵢⴰⴼⴰⵏⵜ ⴳ ⵜⵡⵉⵙⵉ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ. ⵉⵏⵏⴰ ⴰⵡⴷ ⵎⴰ ⵙ ⵉⴳⴰ ⵓⵙⴳⴳⵯⴰⵙ ⵏ 2023 ⵢⴰⵏ ⵓⵙⴳⴳⵯⴰⵙ ⵍⵍⵉⵖ ⵉⵍⵍⴰ ⵓⵙⵙⵓⵣⵔ ⴰⴽⴽⵯ ⵏ ⵉⵚⵏⴼⴰⵕⵏ ⵏ « ⵡⴰⵏⴽ ⴰⵏⴰⵎⵓⵏ », ⴷ ⵓⵙⵖⵓⴷⵓ ⵏ ⵉⵙⵓⴳⴰⵎ ⵉⵥⴰⵕⴼⴰⵏⵏ ⵖ ⵎⴰ ⵉⵥⵍⵉⵏ ⵙ ⵓⵙⴼⵍⵙ ⵓⵛⵛⵉⵍ ⵅⴼ ⵜⵎⴰⴹⵓⵏⵜ ⴷ ⵜⵡⵉⵙⵉ ⵜⴰⵏⵎⵓⵏⵜ ⵜⵓⵙⵔⵉⴷⵜ ⵉⵥⵍⵉⵏ ⵙ ⵜⵡⵊⵉⵡⵉⵏ ⵍⵍⵉ ⵉⵙⵖⴰⵡⵙⴰⵏ ⵉⵍⵍⴰⵏ ⵢⴰⵏ ⴳ ⵢⴰⵏ ⵡⴰⴷⴷⴰⴷ ⵉⵛⵇⴰⵏ ⴷ ⵜⵡⵉⵙⵉ ⵉⵥⵍⵉⵏ ⵙ ⵡⴰⵙⵙⴰⵖ ⵓⵣⴷⴷⵓⵖ ⴰⵎⴰⵜⴰⵢ.
  • ⴰⵢⵍⵍⵉ ⵉⵥⵍⵉⵏ ⵙ ⵓⵙⴳⴷⴷ ⵏ ⵉⵔⴳ ⵏ ⵓⵙⵍⵎⴷ ⴷ ⵓⵙⴳⵎⵉ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵓⵔ ⴰⴷ ⵢⵉⵍⵉ ⵓⵙⴳⴷⴷ ⵏ ⵉⴳⵔ ⴷ ⵓⵔ ⴰⴷ ⵉⵍⴽⵎ ⵉⵡⵜⵜⴰⵙⵏ ⵏⵏⵙ ⵏⵏⵙ ⴰⴱⵍⴰ ⵉⵖ ⵉⵍⵍⴰ ⵓⵙⵖⵓⴷⵓ ⵏ ⵡⴰⴷⴷⴰⴷ ⵏ ⵓⵙⵍⵎⴰⴷ, ⴷ ⵖⵢⴰⵏ ⴰⴷ ⴼ ⵜⴱⵉⴷⴷ ⵜⵏⴱⴰⴹⵜ ⴼⴰⴷ ⴰⴷ ⵜⵉⵍⵉ ⵜⵎⵢⵉⵎⴰⵏⵜ ⴷ ⵜⵔⴰⴱⴱⵓⵜ ⴰⴷ ⵙⵜⵖⴰⵔⴰⵙⵜ ⵏ ⵓⵙⵖⵓⴷⵓ ⵏ ⵡⴰⴰⴷⴷⴰⴷ ⵏⵏⵙ ⵓⵔⵔⵉⵎ, ⵎⵢⴰⵏ ⴰⴼ ⴷ ⵢⵓⵛⴽⴰ ⵓⵎⵙⴰⵙⴰ ⵏ 10 ⴷⵓⵊⴰⵏⴱⵉⵔ ⴰⴷ ⵉⵣⵔⵉⵏ ⵍⵍⵉⵖ ⵉⵍⵍⴰ ⵓⵙⵎⵖⵔ ⵏ ⵜⵖⵔⴰⴷ ⵏⵏⵙ ⵙ ⵎⴰ ⴷ ⵓⵔ ⵓⵣⵣⵔⵏ 1500 ⵏ ⴷⴷⵔⵀⵎ ⴽⵓ ⴰⵢⵢⵓⵔ, ⵉⴳ ⵓⵙⵎⵖⵔ ⴰⴷ ⵡⴰⵍⵍⵉ ⴽⵓⵍⵍⵓ ⵢⴰⵜⵜⵓⵏ ⴳ ⵓⵎⵣⵔⵓⵢ ⵏ ⵜⴳⵍⴷⵉⵜ, ⵍⵍⵉ ⵔⴰⴷ ⵢⴰⵊⵊ ⵜⴰⵎⵙⴰⵙⵍⵜ ⵏ ⵡⵏⴽ ⴰⴷ ⵜⴼⵔⴰ ⵎⴰ ⵉⵣⵔⵉⵏ 10 ⵏ ⵎⵍⵢⴰⵕ ⵏ ⴷⴷⵔⵀⵎ ⴽⵓ ⵢⴰⵙⴳⴳⵯⴰⵙ.
  • ⴳ ⵎⵏⵉⴷ ⵢⴰⴹⵏ, ⵉⵙⵔⵃⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵡⵉⵍⵍⵉ ⵎⵎⵓⵜⵏⵉⵏ ⴹⴰⵕⴰⵜ ⴰⵏⴷⵓⴷⵉ ⵍⵍⵉ ⵢⵓⵜⵏ ⵜⴰⴳⵍⴷⵉⵜ, ⵉⵙⴽⵜⵉ ⴷ ⵙ ⵜⵡⵓⵔⵉ ⵢⴰⵜⵜⵓⵏ ⵍⵍⵉ ⵜⴳⴰ ⵜⵏⴱⴰⴹⵜ ⵙ ⵜⵉⴼⴰⵡⵜ ⵏ ⵜⵖⵍⴰⴼ ⴷ ⵜⵏⵏⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵍⵍⵉⵖ ⵓⵔⵔⵉⵏ ⵉⵏⴰⵥⴰⵕⵏ ⴳⴰⵏ ⵉⵣⵎⴰⵣ ⵍⵍⵉ ⵜⴱⵉⴷ ⵅⴼ ⵜⵡⵓⵔⵉ ⵏ ⵡⴰⵍⴰⵙ ⵏ ⵜⵙⴳⵡⵉⵏ ⵍⵍⵉ ⵉⵜⵜⵓⵜⵏ ⵙ ⵓⵏⴷⵓⴷⵉ ⴷ ⵓⴽⴰⵔ ⵏ ⵜⴳⵎⵉ. ⵜⵥⴹⴰⵕ ⵜⵏⴱⴰⴹⵜ ⵜⵣⵔⵉ ⵜⴰⵙⵙⴰⵙⵜ ⴰⴷ ⵙ ⵓⵖⴰⵡⵍ ⴷ ⵓⵙⴷⵓⵙ ⴷⴷⴰⵡ ⵜⵉⵎⵎⵓⵖⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ ⵙ ⵜⵖⵍⴰⴼ ⵏⵏⵙ ⵢⴰⵜⵜⵢⵓⵏ, ⵖⵉⴽⵍⵍⵉ ⵜⵙⴱⴰⵢⵏ ⵜⵎⴰⵣⵉⵔⵜ ⵏⵏⵖ ⵜⵉⵥⴹⵉⵔⵜ ⵏ ⵓⵙⵓⴼⵖ ⴳ ⵜⴰⵙⵙⴰⵙⵉⵏ ⴷ ⵉⵏⴰⵥⴰⵕⵏ, ⵜⴰⵡⵓⵔⵉ ⵢⴰⵏⵏ ⵍⵍⵉ ⴰⴽⴽⵯ ⵉⵙⵙⵓⵎⵖⵓⵔ ⵓⵎⴹⴰⵍ.
     
  • ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ  2.23.105ⵉⵥⵍⵉⵏ ⵙ ⵜⵓⵔⴰⴳⵜ ⵏ ⵡⵉⵍⵍⵉ ⵉⵇⵇⴰⵣⵏ ⵓⵏⴰ, ⵉⵃⵢⵢⵉⵍ ⵜ ⵉⴷ ⵎⴰⵙⵙ ⵏⵥⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵇⵇⵓⵎ ⴷ ⵡⴰⵎⴰⵏ ⴹⴰⵕⴰⵜ ⵍⵍⵉⵖ ⴳⵉⵙ ⵍⵍⴰⵏ ⵜⴰⵏⵏⵢⵉⵏ ⵍⵍⵉ ⴼⵍⵍⴰⵙ ⵢⵓⵛⴽⴰⵏ.
  • ⴹⴰⵕⴰⵜ ⵎⴰⵢⴰ ⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ  2.23.1115ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 48.15 ⵉⵥⵍⵉⵏ ⵙ ⵉⴳⵔ ⵏ ⵜⵔⵉⵙⵉⵏⵜⵉ  ⴷ ⵓⵙⴽⴰⵔ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵣⵎⵎⴻⵎ ⵏ ⵜⵔⵉⵙⵉⵏⵜⵉ, ⵜⵃⵢⵢⵉⵍ ⵜ ⵉⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵉⴹⴼⴰⵕ ⵓⵙⵇⵇⵉⵎ ⵜⴰⵡⵓⵔⵉ ⵏⵏⵙ, ⵉⵎⴹⴰⴽⴰⵕ ⵉⵙⵖⵥⵏ ⵏ ⵙⵉⵏ ⵉⵙⵏⵜⵉⵏ ⵉⵎⵕⵙⵓⵎⵏ ⵍⵍⵉⴷ ⵉⵃⵢⵢⵉⵍ ⵎⴰⵙⵙ ⴼⴰⵡⵣⵉ ⵍⵇⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵙ ⵜⵎⵙⴰⵙⵍⵜ, ⵥⵍⵉⵏ ⵉⵎⵕⵚⵓⵎ ⴰⴷ  ⵙ : 

  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ  2.22.283ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵙⵇⵇⵉⵎⵜ ⵉⵜⵜⴳⴰⵏ ⵜⵉⴹⴰⴼ ⵅⴼ ⵉⵣⴳⴳⴰⵍⵏ ⵉⵔⴳⴰⵢⵏ ⴷ ⵓⵙⵡⵓⴷⴷⵓ ⵏⵏⵙⵏ.
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ ⵓⵟⵟⵓⵏ 2.23.1118 ⵉⵙⵏⴼⵏ ⴷ ⵉⵙⵖⵓⴷⴰⵏ ⴰⵎⵕⵚⵓⵎ ⵓⵟⵟⵓⵏ 2.06.574 ⵍⵍⵉ ⵉⴼⴼⴰⵖⵏ ⴳ 10 ⴷⵉⵍⵃⵉⵊⵊⴰ 1427 ⵉⵎⵙⴰⵙⴰⵏ ⴷ 31 ⴷⵓⵊⴰⵏⴱⵉⵔ 2006 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⵔⴳⴰⵢⴰⵏ ⵅⴼ ⵖⴰⵢⵍⵍⵉ ⵢⵓⴼⴰⵏ ⵉⵏⵏⴰⵏ ⴳ ⵓⴳⵟⵟⵓⵎ ⵡⵉⵙ ⴽⵕⴰⴹ ⴳ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ.
     

ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵎⵉⵏ ⴷ ⵢⵓⵙⴰⵏ ⴰⴽⴷ ⵓⵎⴰⴳⵔⴰⴷ 92 ⴳ ⵓⴷⵓⵙⵜⵓⵔ.

  • ⴳ ⵓⵙⵡⵉⵔ ⵏ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵖⴰⵡⴰⵙ: 
    • ⵎⴰⵙⵙ ⵙⴰⵎⵉⵔ ⵉⵙⴰⵔⴰ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⵜⴰⵢⵉⵏ ; 
    • ⵎⴰⵙⵙⴰ ⵉⵎⴰⵏ ⴱⵏⵇⵍⵉⵍⵓ ; ⵜⴰⵎⴳⴳⵉⵡⵙⵜ ⵜⴰⵎⴰⵜⴰⵢⵜ ;
  • ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵜ- ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ- ⵉⵜⵜⵓⵙⵎⴳⴰⵍ : 
    • ⵎⴰⵙⵙ ⴼⵓⵡⴷ ⴰⵔⵡⴰⴹⵉ, ⴰⵎⵏⵀⴰⵍ ⵏ ⵜⴰⴽⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⴼⴰⵙ ⴷ ⵎⴽⵏⴰⵙ ; 
  • ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵎⴳⴰⵍ-ⵉⴳⵔ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵎⴳⴰⵍ:
    • ⵎⴰⵙⵙ ⵣⴰⴽⴰⵔⵢⴰ ⵃⵛⵍⴰⴼ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵉⴳⵔ ⵏ ⵜⴳⵎⵉ ⵜⴰⵙⵓⵍⴰⵏⵜ 
  • ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ-ⵉⴳⵔ ⵏ ⵜⴷⵍⵙⴰ ⵉⵜⵜⵓⵎⴳⴰⵍ: 
    • ⵎⴰⵙⵙ ⵎⵚⵟⴰⴼⴰ ⵊⵍⵍⵓⵇ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴰⵢⵙⵉ  ⵜⴰⴷⵍⵙⴰⵏⵜ
       
البلاغ صحفي

ⵜⴰⴱⵔⴰⵜ ⵜⴰⵏⵖⵎⴰⵙⵜ