ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 20 ⴱⵕⴰⵢⵕ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 21 ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ 20 ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⴹⴼⵉⵕ ⵏ ⵢⴰⵜ ⵜⴽⵛⵛⵓⵎⵜ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵉⵔⵉ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴰⴽⵛⵛⵓⵎⵜ ⵅⴼ ⵜⵊⴰⵡⵜ ⵉ ⵓⴳⴰⴷⴰⵣ ⵙ ⵜⵉⵎⵜⵜⴰ ⵜⵉⵎⵙⴰⴷⵓⵔⵉⵏ ⴳ ⵡⴰⵢⵢⵓⵔ ⵏ ⵕⵎⴹⴰⵏ 1446-2025, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵓⵡⴰⵔⵉ, ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⵏ ⴷ ⵜⴰⴳⴰⵏⵉⵏ.
ⴳ ⵎⵏⵉⴷ ⴰⴷ ⵏⵉⵜ, ⵢⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵅⴼ ⵜⴷⵔⴰⵡⵜ ⵏ ⵉⵎⴷⵔⴰⵡⵏ ⴰⴷ ⵜⵉⵍⵉ ⵜⵊⴰⵡⵜ ⵉ ⵉⴳⴰⴷⴰⵣⵏ ⵙ ⵜⵉⵎⵜⵜⴰ ⵜⵉⵏⴼⵍⴰⵃⵉⵏ ⴷ ⵓⵙⴷⵓⵙ ⵏ ⵜⵉⴹⴰⴼ ⵏ ⵜⵉⵔⵡⵉ ⵜⵉⵎⵙⴰⴷⵓⵔⵉⵏ ⴷ ⵜⵉⵏⴼⵍⴰⵃⵉⵏ ⴳ ⵉⵣⵎⴰⵣ ⵏ ⵜⵙⵖⵏⵣⵉⵜ, ⵃⵎⴰ ⴰⴷ ⵜⵉⵍⵉ ⵜⵊⴰⵡⵜ ⵜⴰⴷⵙⵍⴰⵏⵜ ⵉⵜⵜⵓⵙⵎⵙⴰⵏ ⵉ ⵓⴳⴰⴷⴰⵣ ⴰⵏⴰⵎⵓⵔ ⵙ ⵜⵉⵎⵙⴰⴷⵓⵔⵉⵏ ⵏ ⵓⵜⵛⵉ ⵙ ⴰⵢⵍⵍⵉ ⵅⴼ ⵔⴰⴷ ⵢⵉⵍⵉ ⵓⵙⵖⵉⵡⵙ ⴳ ⵡⴰⵢⵢⵓⵔ ⵏ ⵕⵎⴰⴹⴰⵏ ⴰⵎⴱⴰⵕⴽⵉ.
ⵉⵙⴷⴷⵉⵙ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⵏ ⴷ ⵜⴰⴳⴰⵏⵉⵏ ⵎⴰ ⵙ ⵔⴰⴷ ⵜⴹⴼⵉⵕ ⵜⵎⴰⵡⴰⵙⵜ ⵜⴰⵡⵔⵉ ⴷ ⵉⵎⴷⵔⴰⵡⵏ ⴷ ⵉⵎⵙⵡⵓⵔⵉⵜⵏ ⴳ ⵉⴳⵔ ⴰⴷ ⵃⵎⴰ ⴰⴷ ⵜⴰⵍⵍ ⴳ ⵡⴰⴷⴷⴰⴷ ⵏ ⵜⵊⴰⵡⵜ ⵏ ⵉⴳⴰⴷⴰⵣⵏ ⴷ ⵜⵉⴹⴰⴼ ⵏ ⵜⵔⵡⵉⵜ ⵏ ⵜⵉⵎⵙⴰⴷⵓⵔⵉⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳ ⵓⵟⵟⵓⵏ 75.24 ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 12.06 ⵉⵥⵍⵉⵏ ⵙ ⵓⵄⴱⴱⴰⵕ ⴷ ⵓⵙⵍⴽⵉⵏ ⵙ ⵓⵎⵙⴰⵙⴰ ⴷ ⵜⵙⵖⵣⵏⵜ, ⵉⵙⵎⵏⵉⴷ ⵜ ⵎⴰⵙⵙ ⵕⵢⴰⴹ ⵎⵣⵡⴰⵔ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⴹⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓ 2.24. 920 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⵉⵎⵉⵣⴰⵏ ⵉⵎⵖⵢⴰⵢⵏ ⵏ ⵓⵥⵥⵏⵥⵕ ⴷ ⵉⴱⵢⵓⵍⵓⵊⵉⵏ ⴷ ⵉⴽⵉⵎⴰⵡⵉⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ, ⵉⵙⵏⵖⵎⵙ ⵓⵙⵇⵇⵉⵎ ⵏ ⵜⵏⴱⵇⴹⵜ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵉⵎⴰⴷⴰⵏⵏ ⵍⵍⵉ ⵎⵓ ⵉⵚⵃⴰ ⵉⴱⴹⵉ ⵏⴳ ⵜⴰⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ, ⵉⵜⵜⵓⵙⴳⵎⴹⵏ ⴳ ⵏⵢⵓⵕⴽ ⴳ 27 ⵛⵓⵜⴰⵏⴱⵓⵔ 2024 ⴷ ⵓⵙⵍⴳⵏ ⵓⵟⵟⵓⵏ64.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵏⵎⵉⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ:
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⴰⴱⴷⵙⵙⵍⴰⵎ ⵣⵢⴰⴷ, ⴰⵏⵎⵀⴰⵍ ⵏ ⵜⵙⵜⵕⴰⵜⵉⵊⵉⵜ ⴷ ⵉⵙⵏⵎⴽⵜⴰⵜⵏ;
- ⵎⴰⵙⵙⴰ ⵎⵕⵢⴰⵎ ⴼⴰⵔⵙ, ⵜⴰⵏⵎⵀⴰⵍⵜ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵅⴰⵍⵉⴷ ⴱⵏⵉⵛⵓ, ⴰⵏⵎⵀⴰⵍ ⵏ ⵉⵙⴽⴽⵉⵏⵏ ⵓⵍⴳⵉⵏⵏ ⴷ ⵉⵎⵏⵣⴰⵖⵏ.
- ⵎⴰⵙⵙ ⵅⴰⵍⵉⴷ ⴱⵏⵉⵛⵓ, ⴰⵏⵎⵀⴰⵍ ⵏ ⵉⵙⴽⴽⵉⵏⵏ ⵓⵍⴳⵉⵏⵏ ⴷ ⵉⵎⵏⵣⴰⵖⵏ.
