ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 27 ⴱⵕⴰⵢⵕ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 28 ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ 27 ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵉⵔⵉ, ⵙ ⵓⵣⵎⵣⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵉⵙⵎ ⵏⵏⵙ ⴷ ⵉⵙⵎ ⵉⴳⵎⴰⵎⵏ ⵏ ⵜⴱⴰⴹⵜ ⵉⵙⵔⵖⵓⴷⵏ ⵉ ⵓⵎⵏⵓⴽⴽⴰⵍ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵉⴳⴰⵎⴰⵏ ⵏ ⵜⵡⵓⵊⴰ ⵜⴰⵄⴰⵍⴰⵡⵉⵜ ⵜⴳⵔⵔⴰⵎⵜ ⴷ ⵓⴳⴷⵓⴷ ⴰⵎⵖⵔⵉⴱⵉ, ⵉⵜⵜⵔ ⵉ ⴱⴰⴱ ⵏ ⵉⴳⵏⵡⴰⵡⵏ ⴰⴷ ⵉⵙⴽⵛⵎ ⴰⵢⵢⵓⵔ ⴰⵎⴱⴰⵕⴽⵉ ⵅⴼ ⵉⵎⵖⵔⵉⴱⵉⵏ ⴰⴽⴽⵯ ⴷ ⵜⴷⵓⵙⵉ ⴷ ⵍⵀⵏⴰ ⴷ ⴰⴷ ⵜⵉⵍⵉ ⵜⵎⴰⵣⵉⵔⵜ ⵏⵏⵖ ⴳ ⵓⴼⵔⴰ ⴷ ⵓⴱⵓⵖⵍⵓ.
ⴳ ⵎⵏⵉⴷ ⴰⴷ ⵏⵉⵜ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⴱⵔⴰⵜ ⵢⴰⵜⵜⵓⵢⵏ ⵏ ⵓⵎⵏⵓⴽⴽⴰⵍ ⵏ ⵉⵎⵓⵎⵏ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵢⵓⵣⵏ ⵉⴹⴳⴰⵎ ⵏ ⵉ ⵓⴳⴷⵓⴷ ⵏⵏⵙ ⵅⴼ ⵓⵙⵙⴰⴽⵉ ⵏ ⵜⵖⵔⵙⵉ ⵏ ⵍⵄⵉⴷ, ⵉⵏⵏⴰ ⵎⴰ ⵙ ⵔⴰⴷ ⵜⴰⵡⵙ ⵜⵖⵜⴰⵙⵜ ⴳ ⵓⵙⵏⴼⵍ ⴷ ⵓⵙⵙⵓⴳⵜ ⵏ ⵓⴳⵣⴷⵉ ⵏ ⵡⵓⵍⵉ ⵏ ⵜⵎⴰⵣⵉⵔⵜ, ⵙⵍⴰⵀⴰⵡ ⴰⴽⴽⵯ ⵍⵍⵉ ⴱⵀⵔⴰ ⵉⴷⵔⵓⵙ ⴳ ⵡⴰⴷⴷⴰⴷ ⵍⵍⵉⵖ ⵜⵍⵍⴰ ⵜⴰⵎⴰⵣⵉⵔⵜ ⵏⵏⵖ ⴹⵕⴰⵜ ⵏ ⵎⵏⵏⴰⵡ ⵏ ⵉⵙⴳⴳⵯⴰⵙⵏ ⵏ ⵜⴰⵖⴰⵔⵜ.
ⵖⵉⴽⵍⵍⵉ ⴷ ⵉⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵃⴼⴹ ⵕⴱⴱⵉ ⵜⴰⵔⵡ ⵏ ⵓⴳⴷⵓⴷ ⵏⵏⵙ ⵍⵍⵉⵖ ⴼⵍⵍⴰⵙⵏ ⵉⵙⵉⴼⵙⵓⵙ ⴰⴳⴳⵯⴰ ⵢⴰⴷ ⵉⵙⵔⵅⵓ ⴼⵍⵍⴰⵙⵏ ⴰⴷ ⵣⵣⵔⵉⵏ ⵜⵎⵢⵓⵔⵉⵏ ⵏⵍⵄⵉⴷ ⵙ ⴰⵢⵍⵍⵉ ⵖ ⵜⵍⵍⴰ ⵚⵚⴰⵃⵜ ⵏ ⵛⵛⵕⵄ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳ ⵓⵟⵟⵓⵏ 03.25 ⵉⵥⵍⵉⵏ ⵙ ⵜⵙⵏⵓⵔⴰⵢ ⵏ ⵓⵙⵎⵓⵜⵜⵉ ⵓⵎⴳⵔⵓ ⵏ ⵉⵣⴰⵍⵉⵡⵏ ⵉⵎⵉⵡⴰ, ⵜⵙⵎⵏⵉⴷ ⵜ ⵎⴰⵙⵙⴰ ⵏⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⵉⵎⴹⴰⴽⴰⵕ ⴰⵡⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.117 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.17.321 ⵍⵍⵉ ⴷ ⵉⴼⴼⴰⵖⵏ ⴳ ⵛⵡⵡⴰⵍ 1438 ⵉⵎⵙⴰⵙⴰⵏ ⴷ 17 ⵢⵓⵍⵢⵓⵣ 2017 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵎⵀⵍⴰ ⵓⵔ ⵉⴷⴷⵔⵏ ⴳ ⵜⵎⴰⵡⴰⵙⴰⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ ⵃⵎⴰ ⴰⴷ ⵜⴹⴼⵉⵕ ⴰⵙⵡⵓⴷⴷⵓ ⵏ ⵜⵡⵔⵉⵡⵉⵏ ⵏ ⵓⴱⵔⵉⴷ ⵓⵟⵟⵓⵏ 1 ⵏⴳⵔ ⵜⵉⵣⵏⵉⵜ ⴷ ⴷⴷⴰⵅⵍⴰ, ⵉⵙⵎⵏⵉⴷ ⵜ ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ, ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
- ⴹⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓ 2.25.116 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.10.624 ⵍⵍⵉ ⴷ ⵉⴼⴼⴰⵖⵏ ⴷⵉⵍⵇⵄⴷⴰ 1432 ⵉⵎⵙⴰⵙⴰⵏ ⴰⴽⴷ 19 ⴽⵟⵓⴱⵕ 2011 ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵙⵡⵓⴷⴷⵓ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵥⵓⵕⵉ ⴷ ⵓⵙⵎⵓⵙⵙⵓ ⴰⴷⵍⵙⴰⵏ, ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵎⴰⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴼⵍⵍⴰⵃⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⴰⵊⵉⴷ ⵍⵃⵍⵓ, ⴰⵎⴳⴳⵉⵡⵙ ⴰⵎⴰⵜⴰⵢ;
- ⵎⴰⵙⵙ ⵣⴰⴽⴰⵔⵢⴰ ⵍⵢⴰⵄⵇⵓⴱⵉ, ⴰⵏⵎⵀⴰⵍ ⵏ ⵓⵙⵃⵔ / ⵉⵙⵡⵉ ⴷ ⵓⵎⵙⴰⵙⴰ ⵏ ⵉⴳⵔ ⴰⵏⴼⵍⴰⵃ;
- ⵎⴰⵙⵙ ⵀⵉⵛⴰⵎ ⵕⵕⵃⴰⵍⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵓⵎⵛⵛⵉⵡⵕ ⴰⵏⴼⵍⴰⵃ;
- ⵎⴰⵙⵙ ⵊⴰⵡⴰⴷ ⴱⵃⴰⵊⵉ, ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵜⴳⵎⵉ ⵜⴰⵏⴼⵍⴰⵃⵜ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵉⴱⵕⴰⵀⵉⵎ ⴱⵓⴷⵉⵏⴰⵕ, ⴰⵏⴼⵍⵓⵙ ⴰⵎⴰⵜⴰⵢ;
- ⵎⴰⵙⵙ ⵄⴱⴷⵓⵍⵍⴰⵀ ⵍⵎⵙⵜⴰⵜⵉⵔ, ⴰⵏⵎⵀⴰⵍ ⵏ ⵜⴳⵎⵔⵜ ⵜⴰⵢⵍⴰⵏⵜ;
- ⵎⴰⵙⵙ ⵃⴰⵙⴰⵏ ⵍⴼⵉⵍⴰⵍⵉ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵎⵜⵜⴰⵢⵉⵏ ⴷ ⵜⵓⵍⴳⵉⵏⵉⵏ;
- ⵎⴰⵙⵙⴰ ⵉⵍⵀⴰⵎ ⵍⵎⵏⵏⵓⵏⵉ, ⵜⴰⵏⵎⵀⴰⵍⵜ ⵏ ⵜⵙⵜⵕⴰⵜⵉⵊⵉⵜ ⴷ ⵓⵎⵢⴰⵡⴰⵙ;
- ⵎⴰⵙⵙ ⵎⵓⵃⵎⵎⴰⴷ ⵏⴰⵊⵉⵃ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵓⵣⵔⵔⵓ ⴳ ⵜⴳⵎⵜ ⵜⴰⵢⵍⴰⵏⵜ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵙⵍⵉⵎⴰⵏ ⵎⵀⴷⴰⴷ, ⴰⵏⵎⵀⴰⵍ ⵏ ⵜⵥⵕⴼⵜ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⵜⴰⵢⵉⵏ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ- ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵍⵃⵓⵙⴰⵢⵏ ⵇⵓⴹⴰⴹ, ⴰⵎⴳⴳⵉⵡⵙ ⴰⵎⴰⵜⴰⵢ.
