ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵡⵉⵙⵙ ⵙⵉⵏ ⴷ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵖⴰⵡⴰⵙ ⵏ ⵡⴰⵍⴰⵙ ⵜⵓⵚⴽⴰ ⴷ ⵓⵥⴹⴰⵕ ⴰⵎⴰⵜⴰⵢ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ
- ⵙ ⵓⵙⵡⵓⴷⴷⵓ ⵏ ⵜⵏⵖⵍⴰⴼ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵜⵣⴰⵢⴷ ⵖ ⵜⵉⵣⵉ ⵏ ⵜⵉⵟⵟⵉ ⵏ ⵜⵉⵡⵉⵙⵉⵡⵉⵏ ⵏ ⵓⵖⴰⵡⵍ ⵍⵍⵉ ⴳⴰⵏ 2500 ⵏ ⴷⴷⵔⵀⵎ ⵉ ⵜⴰⵡⵊⵉⵡⵏ ⵍⵍⵉ ⵎⵓ ⵔⴷⵍⴰⵏⵜ ⵜⴷⵔⵡⵉⵏ ⵙ ⵉⵎⵉⴽ ⵏⵖ ⴷ ⵙ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ ⵙ ⵎⴰ ⵉⵜⵜⴳⴰⵏ 5 ⵡⴰⵢⵢⵓⵔⵏ ;
- ⴰⵙⵎⵓⵜⵜⴳ ⴷ ⵓⵙⴷⵓⵙ ⵏ ⵜⴷⵔⵡⵉⵏ ⵉⵔⴷⵍⵏ ⵖ 50.807 ⵏ ⵓⵣⴷⴷⵓⵖ ⵜⵉⴱⴹⵉ ⵏ 56.095 ⵏ ⵓⵙⵓⵔⴳ ⵏ ⵡⴰⵍⵍⴰⵙ ⵏ ⵜⵓⵚⴽⴰ ;
- ⴰⵙⵔⵓⵙ ⵏ ⵓⴼⵙⵙⴰⵢ ⵉ1700 ⵏ ⵓⵣⴷⴷⵓⵖ ⵍⵍⵉ ⵜⵙⴳⴳⵉⵡⵉⵏ ⵏ ⵖⴷ ⵖ ⵍⵄⵡⴰⵔⵉ ⴱⴰⵀⵔⴰ ⵉⵛⵇⵇⴰⵏ ;
- 57.703 ⵏ ⵜⵡⵓⵊⴰ ⴰⴷ ⵉⵙⵢⴰⴼⴰⵏ ⴳ ⵜⵡⵉⵙⵉ ⵏ 20.000 ⵏ ⴷⴷⵔⵀⵎ ⴳ ⵡⴰⵍⵍⴰⵙ ⵏ ⵜⵓⵚⴽⴰⵏ ⵜⴷⵔⵡⵉⵏ ⵉⵔⴷⵍⵏ ⴷ ⵜⵙⵢⴰⴼⴰ ⵎⴰ ⵙ ⵜⵓⵎⵥ 26.110 ⵏ ⵜⵡⵓⵊⴰ ⵙⵜⵉⴽⴽⵉ ⵜⵉⵙ ⵙⵏⴰⵜ, ⵜⵙⵢⴰⴼⴰ 12.839 ⵏ ⵜⵡⵊⴰ ⴳ ⵜⵉⴽⴽⵉ ⵜⵉⵙ ⴽⵕⴰⴹⵜ, ⵜⵙⵢⴰⴼⴰ ⴰⵡⴷ 1.868 ⵏ ⵜⵡⵊⴰ ⵖ ⵜⵉⴽⴽⵉ ⵜⵉⵙ ⴽⴽⵓⵥⵜ ;
- ⵜⵙⵏⵜⵉ ⵜⵡⵓⵔⵉ ⴳ ⵓⴳⵣⵣⵓⵎ ⵡⵉⵙ ⵙⵉⵏ ⵉⵥⵍⵉⵏ ⵙ ⵓⵙⵖⵓⴷⵓ ⴷ ⵡⴰⵍⵍⴰⵙ ⵏ ⵜⵓⵚⴽⴰ 153 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵍⵍⵉ ⵔⴰⴷ ⵢⴰⵡⵉ ⵎⴰ ⵉⵜⵜⴳⴳⴰⵏ 532 ⵎⵍⵢⵓⵏ ⵏ ⴷⴷⵔⵀⵎ ;
- ⵜⵕⵣⵎ 127 ⵏ ⵜⵉⵏⵎⵍ ⵉⴳⴳⵓⵔⴰ ⵏⵏⵙ ⵉⵎⵃⴹⴰⵕⵏ, ⵜⵣⵣⵓⴳⴰⵣ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⵓⴳ ⵏ 42 ⵏ ⵜⵎⵔⵙⵍⵜ ⵏ ⵓⵙⵍⵎⴷ ⵃⵎⴰ ⴰⴷ ⵓⵊⴰⴷⵏⵜ ⵖⵉⴷ ⵙ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵏⵡⴰⵏⴱⵉⵔ ⴷ ⵉⴷⴷⴰⵏ ;
- ⵉⵜⵜⵓⴱⴹⴰ 30.510 ⵏ ⵏ ⵡⴰⵅⵙⵉⵡⵏ ⵅⴼ 3.051 ⵏ ⵓⴽⵙⵙⴰⴱ ⴱⵍⴰ ⴳⵉⵙ ⴼⵔⴰⵏ ⵡⴰⵍⵓ ⵖ ⵜⵙⴳⴳⵉⵡⵉⵏ ⵍⵍⵉ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ;
- ⵖⴽⵍⵍⵉ ⵏⵏ ⵜⵓⴳⴳⴰ ⵜⵙⵇⵇⵉⵎⵜ ⵙ ⵉⵚⵏⴼⴰⵔⵏ ⵏ ⵓⵙⵏⴼⵍ ⵏ ⵜⴳⵓⵜ ⵏ ⵉⵖⵔⴱⴰⵏ ⴷ ⵡⴰⵏⵙⵉⵜⵏ ⵏ ⵜⴰⵢⵙⵉ ⵏ ⵓⵎⵣⵔⵓⵢ ⵙ ⵜⵎⵙⴰⵙⵍⵜ ⵏ ⵉⵣⵔⵉⵏ 130 ⵎⵍⵢⵓⵏ ⵏ ⴷⴷⵔⵀⵎ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⴰⵙⵉⵏⴰⵙ 2 ⴽⵟⵓⴱⵕ 2024 ⴳ ⵕⵕⴱⴰⵟ ⴰⴳⵔⴰⵡ ⵡⵉⵙⵙ ⵙⵉⵏ ⴷ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵏ ⵡⴰⵍⴰⵙ ⵏ ⵓⵥⴹⴰⵕ ⴷ ⵜⵡⵉⵙⵉ ⵉ ⵡⴰⵍⴰⵙ ⴰⵎⴰⵜⴰⵢ ⵏ ⵜⵓⵚⴽⴰ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⴳ ⵍⵃⴰⵡⵣ. ⵢⵓⴳⴳⴰ ⵏⵏ ⵖ ⵓⴳⵔⴰⵡ ⵅⴼ ⵎⴰⵏⵉ ⵜⵉⵡⴹ ⵜⵡⵓⵔⵉ ⵏ ⵓⵙⵡⵓⴷⴷⵓ ⴷ ⵓⵣⵓⴳⴳⵯⵣ ⵏ ⵓⵖⴰⵡⴰⵙ.
ⵙ ⵓⵙⵡⵓⴷⴷⵓ ⵏ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵔⴰⴷ ⵏⵏ ⵣⴰⵢⴷ ⵖ ⵜⵉⵣⵉ ⵏ ⵜⵉⵟⵟⵉ ⵏ ⵜⵉⵡⵉⵙⵉⵡⵉⵏ ⵏ ⵓⵖⴰⵡⵍ ⵍⵍⵉ ⴳⴰⵏ 2500 ⵏ ⴷⴷⵔⵀⵎ ⵉ ⴽⵓ ⵜⴰⵡⵊⴰ ⵍⵍⵉ ⵎⵓ ⵔⴷⵍⴰⵏⵜ ⵜⴳⵯⵎⵎⴰ ⵙ ⵉⵎⵉⴽ ⵏⵖ ⴷ ⵙ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ ⵖ ⵎⴰ ⵉⵜⵜⴳⴰⵏ 5 ⵡⴰⵢⵢⵓⵔⵏ, ⴹⵕⴰⵜ ⵍⵍⵉⵖ ⴽⵎⵎⵍⵏⵜ ⵜⵡⵉⵙⵉⵡⵉⵏ ⵏ 12 ⵏ ⵡⴰⵢⵢⵓⵔ ⵙ ⵎⴰ ⵉⵜⵜⴳⴰⵏ 1.7 ⵎⵍⵢⴰⵕ ⵏ ⴷⴷⵔⵀⵎ.
ⵜⵉⵡⵉ ⴷ ⴰⵡⴷ ⵜⵙⵇⵇⵉⵎⵜ ⵎⴰ ⵙ ⵜⵙⵢⴰⴼⴰ ⴳ ⵜⵡⵉⵙⵉ ⵏ 57.703 ⵏ ⵜⵡⵓⵊⴰ ⵍⵍⵉ ⵢⵓⵎⵥⵏ 20.000 ⵏ ⴷⴷⵔⵀⵎ ⵖ ⵜⵉⴽⴽⵉ ⵜⵎⴰⵣⵡⴰⵔⵓⵜ ⵉⵥⵍⵉⵏ ⵙ ⵜⵡⵉⵙⵉ ⴳ ⵡⴰⵍⵍⴰⵙ ⵏ ⵜⵓⵚⴽⴰⵏ ⵜⴷⵔⵡⵉⵏ ⵍⵍⵉ ⴽⵓⵍⵍⵓ ⵉⵔⴷⵍⵏ ⴷ ⵜⵉⵍⵍⵉ ⵉⵔⴷⵍⵏ ⵙ ⵉⵎⵉⴽ. ⵖⵉⴽⵍⵍⵉ ⴷ ⵜⵉⵡⵉ ⵜⵙⵇⵇⵉⵎⵜ ⵎⴰ ⵙ ⵜⵙⵢⴰⴼⴰ ⵎⴰ ⵙ ⵜⵓⵎⵥ 26.110 ⵏ ⵜⵡⵓⵊⴰ ⵙⵜⵉⴽⴽⵉ ⵜⵉⵙ ⵙⵏⴰⵜ, ⵜⵙⵢⴰⴼⴰ 12.839 ⵏ ⵜⵡⵊⴰ ⴳ ⵜⵉⴽⴽⵉ ⵜⵉⵙ ⴽⵕⴰⴹⵜ, ⵜⵙⵢⴰⴼⴰ ⴰⵡⴷ 1.868 ⵏ ⵜⵡⵊⴰ ⵖ ⵜⵉⴽⴽⵉ ⵜⵉⵙ ⴽⴽⵓⵥⵜ, ⵙ ⵡⴰⵜⵉⴳ ⵏ ⵓⵥⵕⴼⴰⵏ ⵉⵣⵔⵉⵏ 2 ⵎⵍⵢⵓⵏ ⵏ ⴷⴷⵔⵀⵎ.
ⴰⵢⵍⵍⵉ ⵉⵥⵍⵉⵏ ⵙ ⵢⵉⴳⵔ ⵏ ⵜⴼⵍⵍⴰⵃⵜ, ⵉⵜⵜⵓⴱⴹⴰ 30.510 ⵏ ⵏ ⵡⴰⵅⵙⵉⵡⵏ ⵅⴼ 3.051 ⵏ ⵓⴽⵙⵙⴰⴱ ⴱⵍⴰ ⴳⵉⵙ ⴼⵔⴰⵏ ⵡⴰⵍⵓ. ⵖⵉⴽⵍⵍⵉ ⵜⵉⵡⵉ ⵜⵙⵇⵇⵉⵎⵜ ⵎⴰ ⵙ ⴷ ⵓⵔⵔⵉⵏⵜ ⵙⵙⵇⵇⴰⵢⴰⵜ ⵉⵜⵜⵓⵜⵏ ⵙ ⵜⵡⵓⵔⵉ ⴷ ⵓⵙⴳⴷⴷ ⵏ ⵜⵓⴳⵜ ⵏ ⵉⴳⵔⴰⵏ ⵉⵎⵥⵥⴰⵏ ⴷ ⵡⴰⵎⵎⴰⵙⵏ ⵖ ⵜⵉⵙⴳⴳⵉⵡⵉⵏ ⴰⴷ. ⵢⵉⵎⵉ ⴰⵡⴷ ⵓⵙⴳⴷⴷ ⵏ ⵉⴷⵖⴰⵔⵏ ⵏ ⵓⵍⵍⵉ ⵖⵉⴽⵍⵍⵉ ⵜⴽⵎⵎⵍ ⵜⵡⵓⵔⵉ ⵏ ⵓⵙⵎⵓⵜⵜⴳ 54 ⴽⵉⵍⵓⵎⵉⵜⵕ ⵏ ⵉⵖⵔⴰⵙⵏ ⵉⴼⴰⵔⴰⵏⵏ.
ⵖ ⵉⴳⵔ ⵏ ⵜⴷⵓⵙⵉ, ⴹⵕⴰⵜ ⵍⵍⵉⵖ ⵜⴽⵎⵎⵍ ⵜⵡⵓⵔⵉ ⵏ ⵜⵙⵉⵥⴹⵕⵜ ⵉⵥⵍⵉⵏ ⵓⵙⵎⵓⵜⵜⴳ ⵏ 42 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵅⴼ ⵉⵍⵍⴰ ⵓⵖⴰⵡⵍ, ⵜⵡⵉ ⴷ ⵜⵙⵇⵇⵉⵎⵜ ⵎⴰ ⵜⵙⵏⵜⵉ ⵜⵡⵓⵔⵉ ⴳ ⵓⴳⵣⵣⵓⵎ ⵡⵉⵙ ⵙⵉⵏ ⵉⵥⵍⵉⵏ ⵙ ⵓⵙⵖⵓⴷⵓ ⴷ ⵡⴰⵍⵍⴰⵙ ⵏ ⵜⵓⵚⴽⴰ 153 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵍⵍⵉ ⵔⴷⴰ ⵢⴰⵡⵉ ⵎⴰ ⵉⵜⵜⴳⴳⴰⵏ 532 ⵎⵍⵢⵓⵏ ⵏ ⴷⴷⵔⵀⵎ.
ⴳ ⵢⵉⴳⵔ ⵏ ⵓⵙⵍⵎⴷ, ⵜⵕⵣⵎ 127 ⵏ ⵜⵉⵏⵎⵍ ⵉⴳⴳⵓⵔⴰ ⵏⵏⵙ ⵉⵎⵃⴹⴰⵕⵏ ⵙ ⵓⵣⵎⵣⵣⵓ ⵏ ⵓⴽⵛⵛⵓⵎ ⴰⵏⵎⵍⴰⵏ ⵏ ⵓⵙⴳⴳⵯⴰⵙ ⴰⴷ, ⵖⵉⴽⵍⵍⵉ ⵜⵍⵍⴰ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⵓⴳ ⵏ 42 ⵏ ⵜⵎⵔⵙⵍⵜ ⵏ ⵓⵙⵍⵎⴷ ⵃⵎⴰ ⴰⴷ ⵓⵊⴰⴷⵏⵜ ⵖⵉⴷ ⵙ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵏⵡⴰⵏⴱⵉⵔ ⴷ ⵉⴷⴷⴰⵏ, ⴱⴰⵛ ⴰⴷ ⴽⵓⵍⵍⵓ ⵉⴽⵎⵎⵍ ⵓⴳⵣⵣⵓⵎ ⵡⵉⵙ ⵙⵉⵏ ⵏ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⵎⵔⵙⴰⵍ ⵏ ⵓⵙⵍⵎⴷ ⵉⵜⵜⵡⵖⵡⴰⵙⵏ ⴼⴰⴷ ⴰⴷ ⴽⵎⵎⵍⵏⵜ ⵖ ⵜⵉⵣⵉ ⵍⵍⵉ ⴰⵙ ⵉⵜⵜⵓⴼⴽⴰⵏ. ⵖⵉⴽⵍⵍⵉ ⵜⵓⵚⵚⴰ ⵜⵙⵇⵇⵉⵎⵜ ⴼⴰⴷ ⴰⴷ ⵢⵉⵍⵉ ⵓⵙⵖⴰⵡⵍ ⵏ ⵓⵙⵎⵏⵉⴷ ⵏⵓⴳⵣⵣⵓⵎ ⵡⵉⵙ ⴽⵕⴰⴹ ⵖ ⵜⵡⵓⵔⵉⵡⵉⵏ ⵏ ⵓⵙⵎⵓⵜⵜⴳ ⴷ ⵜⵓⵚⴽⴰ ⵏ ⵜⵎⵔⵙⴰⵍ ⵏ ⵓⵙⵍⵎⴷ ⵉⵜⵜⵡⵖⴰⵡⴰⵙⵏ.
ⴰⵢⵍⵍⵉ ⵉⵣⴷⵉⵏ ⵙ ⵉⴳⵔ ⵏ ⵜⵎⴰⵍⵍⴰⵢⵜ, ⵜⵣⵎⵎⵉⵎ ⵜⵙⵇⵇⵉⵎⵜ ⵜⵎⴰⵔⴰⵔⵓⵜ ⵅⴼ ⵎⴰ ⵉⵜⵜⴳⴳⴰⵏ 258 ⵏ ⵜⵓⵜⵔⴰ ⵏ ⵓⵙⵢⴰⴼⵓ ⵖ ⵜⵡⵉⵙⵉ ⵜⴰⵥⵕⴼⴰⵏⵜ ⵖ 386 ⵏ ⵜⵓⵜⵔⴰ ⵍⵍⵉ ⴷ ⵉⴷⴷⴰⵏ ⵉ ⵜⵎⵔⵙⴰⵍ ⵏ ⵓⵣⴷⴷⵓⵖ ⵉⵎⴰⵍⵍⴰⵢⵏ ⵍⵍⵉ ⵉⵜⵜⵓⵜⵏ ⵙ ⵏ ⵓⵏⴷⵓⴷⴷⵉ ⵏ ⵍⵃⴰⵡⵣ. ⴰⵔ ⵖⵉⵍⴰⴷ, ⵉⵙⵢⴰⴼⵓ 153 ⵏ ⵜⵎⵔⵙⵍⵜ ⵏ ⵓⵣⵣⴷⵓⵖ ⵏ ⵉⵎⵍⵍⴰⵢⵏ ⵖ ⵓⴳⵣⵣⵓⵎ ⴰⵎⵣⵡⴰⵔⵓ ⵙ ⵢⴰⵜ ⵜⵎⵙⴰⵙⵍⵜ ⵏ 50 ⵎⵍⵢⵓⵏⵏ ⴷⴷⵔⵀⵎ. ⵖⵉⴽⵍⵍⵉ ⵔⴰⴷ ⵉⵜⵜⵓⴼⴽⵉ ⵓⴳⵣⵣⵓⵎ ⵡⵉⵙ ⵙⵉⵏ ⵉµⵥⵍⵉⵏ ⵙ ⵜⵡⵉⵙⵉ ⵍⵍⵉ ⵔⴰⴷ ⵉⵙⵢⴰⴼⵓ 13 ⵏ ⵓⵎⵙⵢⴰⴼⵓ ⵙ ⵢⴰⵏ ⵡⴰⵜⵉⴳ ⵏ 6 ⵎⵢⵓⵏ ⴷⴷⵔⵀⵎ.
ⴰⵢⵍⵍⵉ ⵉⵥⵍⵉⵏ ⵙ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ, ⵜⵣⵎⵎⵉⵎ ⵜⵙⵇⵇⵉⵎⵜ 173 ⵏ ⵓⵙⴷⴰⵡ ⵏ ⵜⵜⴰⵄⴰⵡⵏⵉⵢⴰⵜ, ⵔⴰⴷ ⵉⵜⵜⵓⴼⴽⵉ ⵓⴳⵣⵣⵓⵎ ⴰⵎⵣⵡⴰⵔⵓ ⴷ ⵡⵉⵙ ⵙⵉⵏ ⴷ ⵡⵉⵙ ⴽⵕⴰⴹ ⵏ ⵜⵡⵉⵙⵉ ⵏ ⵎⴰ ⵉⵜⵜⴳⴰⵏ 166 ⵏ ⵜⵜⴰⵄⴰⵡⵓⵏⵢⴰ ⵙ ⵢⴰⵜ ⵜⵎⵙⴰⵙⵍⵜ ⵜⵍⴽⵎ ⵖⵉⵍⴰⴷ 7 ⴷ ⵍⵎⵏⴰⵢⵏ ⵏ ⴷⴷⵔⵀⵎ.
ⵖ ⵢⵉⴳⵔ ⵏ ⵜⵎⴳⵓⵔⵉ ⵏ ⵜⵙⴱⴱⴰⴱⵜ, ⵜⵡⵉ ⴷ ⵜⵙⵇⵇⵉⵎⵜ ⵅⴼ ⵓⵙⵏⵜⵉ ⵏ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵜⵡⵉⵙⵉ ⵏ 153 ⵏ ⵓⵎⵣⵣⵏⵣ ⵍⵍⵉ ⵉⵜⵜⵢⴰⴳⴰⵙⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ. ⵖⵉⴽⵍⵍⵉ ⵜⵏⵏⴰ ⵎⴰ ⵙ ⵉⵇⵇⵔⴱ ⴰⴷ ⵜⴽⵎⵎⵍ ⵜⵡⵓⵔⵉ ⵏ ⵓⵙⵎⵓⵜⵜⴳ ⵏ ⵜⴰⵍⴰⵜ ⵏ ⵢⴰⵄⵇⵓⴱ ⵖ ⵜⵎⵏⴰⴹⵜ ⵏ ⵍⵃⴰⵡⵣ ⵖ ⵉⵍⵍⴰ 118 ⵏ ⵓⴷⵖⴰⵔ ⵏ ⵓⵣⵣⵏⵣ.
ⵖⴽⵍⵍⵉ ⵏⵏ ⵜⵓⴳⴳⴰ ⵜⵙⵇⵇⵉⵎⵜ ⵙ ⵉⵚⵏⴼⴰⵔⵏ ⵏ ⵓⵙⵏⴼⵍ ⵏ ⵜⴳⵓⵜ ⵏ ⵉⵖⵔⴱⴰⵏ ⴷ ⵡⴰⵏⵙⵉⵜⵏ ⵏ ⵜⴰⵢⵙⵉ ⵏ ⵓⵎⵣⵔⵓⵢ, ⵉⵍⵍⴰ ⴳⵉⵙ 23 ⵏ ⵓⵚⵏⴼⴰⵕ ⵖ ⵉⵍⵍⴰ 8 ⵏ ⵉⵚⵏⴼⴰⵔⵏ ⵉⵍⵍⴰⵏ ⵖ ⵡⴰⴷⴷⴰⴷ ⵏ ⵓⵙⵡⵓⴷⴷⵓ ⵙ ⵜⵎⵙⴰⵙⵍⵜ ⵏ ⵉⵣⵔⵉⵏ 130 ⵎⵍⵢⵓⵏ ⵏ ⴷⴷⵔⵀⵎ.
ⴷ ⵓⵙⴳⴷⴷ ⵏ ⵉⵎⵙⴽⵔⵉⵙⵏ ⵍⵍⵉ ⵉⵍⵍⴰⵏ ⵓⵏⴰ ⵏ ⵡⴰⵎⴰⵏ ⵉⵥⵍⵉⵏ ⵙ ⵓⵍⵍⵉ. ⵖⵉⴽⵍⵍⵉ ⵜⴽⵎⵎⵍ ⵜⵡⵓⵔⵉ ⵏⵏ ⵓⵙⵎⵓⵜⵜⴳ ⵏ 54 ⴽⵉⵍⵓⵎⵜⵔ ⵏ ⵉⵖⵔⴰⵙⵏ ⵉⵏⴰⴼⴰⵔⵏ ⵍⵍⵉ ⵉⵜⵜⵓⵖⴰⵡⴰⵙⵏ.
ⵜⵣⵎⵎⵉⵎ ⵜⵙⵇⵇⵉⵎⵜ ⵎⴰ ⵙ ⵉⵜⵜⵓⴼⴽⴰ 56.095 ⵏ ⵓⵙⵓⵔⴳ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⴰⵔ ⵜⵉⴳⵉⵔⴰ ⵏ ⵛⵓⵜⴰⵏⴱⵉⵔ ⵉⵣⵔⵉⵏ, ⴷ ⵓⵙⵎⵓⵜⵜⴳ ⴷ ⵓⵙⴷⵓⵙ ⵏ ⵜⴷⵔⵡⵉⵏ ⵉⵔⴷⵍⵏ ⵖ 50.807 ⵏ ⵓⵣⴷⴷⵓⵖ. ⵜⴽⵍⵎ ⵜⵡⵓⵔⵉⵏ ⵓⵙⵎⵓⵜⵜⵉ ⵉⵅⵔⴱⴰⵏ ⵅⴼ ⵓⵣⴷⴷⵓⵖⵏ ⴰⴳⵣⵣⵓⵎ ⵏⵏⵙ ⴰⵎⴳⴳⴰⵔⵓ. ⵖⵉⴽⵍⵍⵉ ⵜⵡⵉ ⵜⵙⵇⵇⵉⵎⵜ ⵉⵜⵜⵢⴰⴼⴰ ⵓⴼⵙⵙⴰⵢ 1700 ⵏ ⵓⵣⴷⴷⵓⵖ ⵍⵍⵉ ⵜⵙⴳⴳⵉⵡⵉⵏ ⵏ ⵖⴷ ⵖ ⵍⵄⵡⴰⵔⵉ ⴱⴰⵀⵔⴰ ⵉⵛⵇⵇⴰⵏ.
ⵖ ⵎⵉⵏⵉⴷ ⵢⴰⴹⵏⵉⵏ, ⵜⵓⴳⴳⴰ ⵏⵏ ⵜⵙⵇⵇⵉⵎⵜ ⴼ ⵜⵡⵓⵔⵉ ⵏ ⵓⵙⵎⵓⵜⵜⴳ ⵏ ⴽⴽⵓⵥ ⵉⴱⵔⴷⴰⵏ ⵖ ⵉⵍⵍⴰ ⵓⴱⵔⵉⴷ ⴰⵏⴰⵎⵓⵔ ⵓⵟⵟⵓⵏ 7 ⵍⵍⵉ ⵎⵓ ⵜⴳⴰ ⵜⵖⵣⵉ ⵏⵏⵙ 64 ⵏ ⴽⵉⵍⵓⵎⵜⵔ ⵙ ⵢⴰⵜ ⵜⵎⵙⴰⵙⵍⵜ ⵏ 665 ⵎⵍⵢⵓⵏ ⵏⴷⴷⵔⵀⵎ. ⵜⵉⵡⵉ ⴷ ⴰⵡⴷ ⵜⵙⵇⵇⵉⵎⵜ ⵎⴰ ⵙ ⵍⵍⴰⵏⵜ 4 ⵜⵔⵓⴱⴱⴰ ⵜⵉⴳⴰⵡⴰⵏⵉⵏ ⵏ ⵓⵇⵡⵡⵎ ⴷⴰⵔ ⵉⵍⵍⴰ 37 ⵏ ⵉⵎⵉⵙ, ⵔⴰⴷ ⴰⵙⵏ ⵙⵓⵍ ⵣⴰⵢⴷⵏⵜ 9 ⵏ ⵉⵎⵉⵙⵏ ⵢⴰⴹⵏⵉⵏ ⵙ ⵢⴰⵜ ⵜⵎⵙⴰⵙⵍⵜ ⵏ ⵎⴰ ⵉⵜⵜⴳⴰⵏ 160 ⵎⵍⵢⵓⵏ ⵏ ⴷⴷⵔⵀⵎ.
