ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 03 ⴽⵟⵓⵏⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 29 ⵖ ⵕⴰⴱⵉⵄ ⴰⵎⵣⵡⴰⵔⵓ ⵕⴰⴱⵉⵄ ⴰⵎⵣⵡⴰⵔⵓ1446 ⵉⵎⵙⴰⵙⴰⵏ ⴰⴽⴷ 03 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 46.21 ⵉⵥⵍⵉⵏ ⵙ ⵉⴳⵏⵙⴰⵙⵏ ⵉⵙⵏⴱⴹⴰⵢ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⵏⵏⴰⵢⵏⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵏⵎⵉⴷ ⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.742 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.21.439 ⵍⵍⵉ ⴷ ⵉⴼⴼⵓⵖⵏ ⴳ ⵓⵎⵣⵡⴰⵔⵓ ⵏ ⵛⴰⵄⴱⴰⵏ 1443 ⵉⵎⵙⴰⵙⴰⵏ ⴷ 4 ⵎⵕⵚ 2022 ⵍⵍⵉ ⵉⵙⵎⴰⵍⴰⵏ ⴰⵏⴳⵔⴰⵡ ⵏ ⵜⵎⵍⵙⵉⵜ ⵜⵎⴰⴷⴷⴰⵙⵜ ⵏ ⵉⵎⵙⵖⴰⵏⵏ ⵏ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔ ⵓⵙⵔⵉⴷⵏ ⴷ ⵜⵎⴰⵜⴰⵔⵉⵏ ⵙⵔⵙⵏ ⵉⵥⵍⵉⵏ, ⵜⵙⵎⵏⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵙⵉⵏ ⵉⵙⵏⵜⴰⵢ ⵏ ⵉⵎⵕⵙⵓⵎⵏ, ⵜⵙⵎⵏⵉⴷ ⵜⵏ ⵎⴰⵙⵙⴰ ⵖⵉⵜⴰ ⵎⵣⵣⵓⵔ, ⵜⴰⵎⴰⵡⵙⴰⵙⵜ ⵜⴰⵎⵉⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵥⵍⵉⵏ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.801 ⵏ ⵓⵙⵏⴼⵍ ⵏ ⵓⵙⵓⵔⴳ ⵍⵍⵉ ⵉⵜⵜⵓⴼⴽⴰⵏ ⵉ ⵎⵉⴷⵉ ⵜⵉⵍⵉⴽⵓⵎ « Medi Telecom SA » ⵏ ⵓⵙⴽⴰⵔ ⴷ ⵓⵙⵢⴰⴼⵓ ⵏ ⵓⵥⵟⵟⴰ ⴰⴳⴷⵓⴷⴰⵏ ⵡⵉⵙ ⵙⵉⵏ ⵏ ⵜⵜⵉⵍⵉⴼⵓⵏ ⵏ ⵓⴼⵓⵙ ⴰⵏⴰⵡ ⵏ GSM.
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.802 ⵏ ⵓⵙⵏⴼⵍ ⵓⵙⵓⵔⴳ ⵍⵍⵉ ⵉⵜⵜⵓⴼⴽⴰⵏ ⵉ ⵡⴰⵏⴰ ⴽⵓⵔⵃⵄⵔⴰⵢⵜ ⵉⵥⵍⵉⵏ ⵙ ⵓⵙⴽⴰⵔ ⴷ ⴷ ⵓⵙⵢⴰⴼⵓ ⵏ ⵓⵥⵟⵟⴰ ⴰⴳⴷⵓⴷⴰⵏ ⵡⵉⵙ ⴽⵕⴰⴹ ⵏ ⵓⵣⵓⵣⵣⵔ ⴰⵎⴰⵢⴰⵡⴰⴹ ⵙ ⵜⵡⵉⵙⵉ ⵏ ⵜⴰⵜⵉⴽⵏⵓⵍⵓⵊⵉⵜ ⵏ ⵜⵜⵉⵍⵉⴼⵓⵏ ⵏ ⵓⴼⵓⵙ ⴳ ⵜⵙⵓⵜⵍⵜ ⵜⵉⵙ
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵔⵉ ⵏⵏⵙ ⵙ ⵓⵎⴹⴰⴽⴰⵕ ⴼ ⵢⴰⵜ ⵜⴰⵎⵢⴰⵇⵇⴰⵏⵜ ⵏ ⵜⵓⵙⵏⵜ ⵜⵎⵙⵏⵉⵍⵜ ⵏ ⵜⵓⵔⴰⴳⵜ ⵏ ⵓⵏⴷⴰⵀ ⵉⴳⴰⵏ ⵉ ⵓⵙⵏⴼⵍ ⵏⴳ ⵜⴰⵏⴱⴰⴹⵜ ⵜⴰⵎⵖⵔⵉⴱⵉⵜ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵉⵟⴰⵍⵢⴰ ⵍⵍⵉ ⵉⵜⵜⵓⵙⴳⵎⴹⵏ ⵖ ⵕⵓⵎⴰ ⵖ 27 ⵏ ⵎⴰⵕⵚ 2024 ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 38.24 ⵍⵍⵉ ⵉⵙⵖⵥⵏ ⵜⵎⴰⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵕⵉⵇⵉⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⵉⵔⵉⵜ ⵜⴰⵎⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴰⴳⴰⵏⵏ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⴼⴰⵟⵉⵎⴰ ⴱⵔⴽⴰⵏ, ⵜⴰⵏⴼⵓⵙⵜ ⵜⴰⵎⴰⵜⴰⵢⵜ
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⵛⴰⴱⴰⴱ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵉⵎⴰⵙⵙⴰⵏ ⵓⵙⵏⵉⵙⵏ ⴳ ⵓⵙⴼⵉ ;
- ⵎⴰⵙⵙ ⵄⴰⴱⴷⵕⵕⴰⵃⵉⵎ ⵕⵓⴼⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵜⵙⵏⵉⵊⵊⵉⵜ ⴷ ⵜⵙⵏⵙⴼⴰⵔⵜ ⵏ ⴳ ⴱⵏⵉⵎⵍⵍⴰⵍ.
