ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 07 ⵏⵓⵡⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 04 ⵖ ⵊⵓⵎⴰⴷⴰ ⴰⵎⵣⵡⴰⵔⵓ ⵕⴰⴱⵉⵄ ⴰⵎⵣⵡⴰⵔⵓ1446 ⵉⵎⵙⴰⵙⴰⵏ ⴰⴽⴷ 07 ⵏⵓⵡⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵙ ⵜⵎⵍⴷⴰ ⵏ ⵓⴽⴰⵜⵜⴰⵢ ⵡⵉⵙ 49 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵉⵙⴽⵜⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵖ ⵜⴳⵓⵔⵉ ⵏⵏⵙ ⵙ ⵉⵏⵏⴰⵡ ⵏ ⵓⴳⵍⵍⵉⴷ ⵢⴰⵜⵜⵓⵢⵏ ⵍⵍⵉⵖ ⴷ ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵎⴰ ⵙ ⵉⵇⵇⴰⵏ ⴰⴷ ⵢⴰⵙⵉ ⵡⴰⵎⵓⵏ ⴰⴳⵔⴰⵖⵍⴰⵏ ⴷ ⵜⵎⵜⵜⴰ ⵉⵎⵓⵏ ⵜⵎⴰⵙⴰⵢⵜ ⵏⵏⵙⵏ ⵃⵎⴰ ⴰⴷ ⴳⵉⵏ ⵜⵜⵎⵉ ⵉ ⵓⴽⵏⴰⵙ ⵉⵉⵜⵡⵙⴽⴰⵔⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵎⵏⵛⴽ ⴰⵢⴰⴷ ⵉⵣⵔⵉⵏ. ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⵔⵙ ⴰⵎⵣⴰⵔⴰⵢ ⵎⵇⵇⵓⵔⵏ ⵏⴳⵔ ⵢⴰⵏ ⵓⵎⴹⴰⵍ ⴰⵏⵉⵍⴰⵡ ⵍⵍⵉ ⵉⴳⴰ ⵍⵎⵖⵔⵉⴱ ⵖ ⵜⵏⵣⵔⵓⴼⵜ ⵏⵏⵙ ⴷ ⵢⴰⵏ ⵓⵎⴰⴹⴰⵍ ⵓⵔⵙⵉⵍ ⵍⵍⵉ ⵏⵏ ⵢⴰⴳⴳⵓⴳⵏ ⴼ ⵜⵉⴷⵜ ⴷ ⵉⵙⵎⵓⵜⵜⴳⵏ ⵏⵏⵙ ⵍⵍⵉ ⴳⴰⵏ ⵡⴰⵄⴷⴰⵡⵏ ⵏ ⵏ ⵜⵎⵓⵏⵉ ⵜⴰⵏⴰⴽⵍⴰⵏⵜ.
ⵙ ⵓⵣⵎⵣⵣⵓ ⴰⴷ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴰⴱⴰⴹⵜ ⵅⴼ ⵓⵙⵎⵓⵙⵙⵓ ⵏ ⵜⵏⴱⴰⴹⵜ ⴷ ⴰⴽⴽⵯ ⵉⴳⵎⴰⵎⵏ ⵏⵏⵙ ⵃⵎⴰ ⴰⴷ ⴹⴼⵉⵔⵏ ⴰⵎⵣⴰⵖ ⵅⴼ ⵜⵎⵙⵍⴰⵢⵜ ⵜⴰⵏⴰⵎⵓⵔⵜ ⵖ ⵓⵣⵎⵣ ⴰⴷ ⵖ ⵉⵍⵍⴰ ⵓⵙⴷⴰⵡ ⵏ ⵜⴰⵢⴰⵏⵜ ⵏ ⵡⴰⴽⴰⵍ.
ⵖ ⵎⵏⵉⴷ ⴰⴷ ⵏⵉⵜ, ⵉⵙⴽⵜⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵉⵏⵏⴰⵡ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵍⵍⵉⵖ ⴷ ⵢⵉⵡⵉ ⵙ ⵡⴰⴷⴷⵓⵔ ⵍⵍⵉ ⵉⵍⵍⴰⵏ ⴷⴰⵔ ⵉⵎⵖⵔⵉⴱⵉⵏ ⵉⵍⵍⴰⵏ ⵖ ⵜⵎⵉⵣⴰⵔ ⵏ ⴱⵕⵕⴰ ⵣⵓⵏ ⴷ ⵏ ⵡⴰⵎⵓⵏ ⴰⵎⵖⵔⵉⴱⵉ ⵖ ⵓⵎⵣⴰⵖ ⴼ ⵜⵉⵍⵍⵓⴳⵏⴰ ⵏ ⵜⵏⵣⵔⵓⴼⵜ ⵜⴰⵎⴰⵖⵔⵉⴱⵉⵜ ⴷ ⵜⵉⵔⵙⴰⵍ ⵏ ⵡⴰⵎⵓⵔ, ⵍⵍⵉⵖ ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⵉ ⵜⵏⴱⴰⴹⵜ ⴰⴷ ⵜⴳ ⵢⴰⵏ ⵓⵙⵏⴼⵍ ⵖ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⴷ ⵓⵙⵏⴼⵍ ⴰⵎⵔⵙⴰⵍ ⵏ ⵓⵙⵇⵇⵉⵎ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⴷ ⵓⵙⴰⴽⵔ ⵏ ⵜⵎⵔⵙⵍⵜ ⵍⵎⵃⴰⵎⵎⴰⴷⵢⴰ ⵏ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵙ ⵓⵙⵡⵓⴷⴷⵓ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵔⴰⴷ ⵜⵙⵡⵓⵔⵉ ⵜⵏⴱⴰⴹⵜ ⴷ ⵓⵖⴰⵡⵍ ⵖ ⵓⵣⵓⴳⴳⵣ ⵏ ⵉⵥⵉⵕ ⴰⴳⵍⴷⴰⵏ ⵖⵉⴽⵍⵍⵉ ⵙ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵔⴰⴷ ⵉⴷⵎⵏ ⴰⵣⴷⴷⵓⵢ ⴷ ⵓⵙⵎⵙⴰⵙⴰ ⵏ ⵜⵡⵓⵔⵉⵡⵉⵏ ⵙ ⴰⵢⵍⵍⵉ ⵙⵖⴰⵡⵙⴰⵏ ⵉⵎⵖⵔⵉⴱⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ.
ⵖ ⵎⵏⵉⴷ ⴰⴷ ⵏⵉⵜ, ⵔⴰⴷ ⵉⵜⵜⵓⵙⴽⵉⵔ ⵖⴰⵙⵙⴰⴷ ⵢⴰⵏ ⵓⴳⵔⴰⵡ ⴷ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵥⵍⵉⵏ ⵙ ⵓⵎⴹⴰⴽⴰⵕ ⵅⴼ ⵜⵖⴰⵔⴰⵙⵉⵏ ⴷ ⵉⴰⵎⵙⵙⵏ ⵉⵎⵔⵙⵍⴰⵏ ⴷ ⵓⵙⵍⵉⴳⵏ ⵉⵥⵍⵉⵏ ⵙ ⵓⵣⵓⴳⴳⵣ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴷ ⵓⵙⵔⵓⵙ ⵏ ⵢⴰⵏ ⵓⵖⴰⵡⴰⵙⵏ ⵜⵡⵓⵔⵉ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵍⵍⵉ ⵎⵓ ⵜⵥⵍⵉ ⵜⵡⵓⵔⵉ ⵙ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ.
- • ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 54.23 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 65.00 ⵉⵥⵍⵉⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⴷ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵙⵔⵙ ⵉⵥⵍⵉⵏ (ⴰⵏⴰⵡ ⴰⵎⴰⵢⵏⵓ), ⵉⵙⵎⵏⵉⴷ ⵜ ⵎⴰⵙⵙ ⴰⵎⵉⵏ ⵟⵟⴰⵀⵔⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
- • ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1009 ⵉⵥⵍⵉⵏ ⵙ ⵓⵙⵖⵥⵏ ⵉⵣⵡⴰⵍ ⵍⵍⵉ ⵉⵙⵔⵓⵙⵏ ⵓⵟⵟⵓⵏ ⵓⵍⴳⵉⵏ ⵏ ⵉⵎⵣⴷⴰⵖ ⵏ ⵜⴳⵍⴷⵉⵜ, ⵉⵙⵎⵏⵉⴷ ⵏ ⵜⴳⵍⴷⵉⵜ ⵜ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ - ⵉⴳⵔ ⵏⵜⴼⵍⵍⴰⵃⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵜⴰⵡⴼⵉⵇ ⵍⵄⵛⴱⵉ, ⴰⵏⵎⵀⴰⵍ ⵏ ⵜⴳⵎⵉ ⵏ ⵉⵙⴷⴷⵉⵜⵏ ⵏ ⵓⵙⵢⴰⴼⵓ ;
- ⴳ ⵜⴰⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵙⵙⴰⵔⵓ ⴷ ⵓⵎⵎⵔⵡⵙ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⵚⴰⴱⵉⵔⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⴼⴰⵙ - ⵎⴽⵏⴰⵙ ;
- ⵎⴰⵙⵙ ⵙⵍⵎⴰⵏ ⴱⵍⵄⵢⴰⵛⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⵜⴳⵎⵎⵉ ⵜⵓⵎⵍⵉⵍⵜ - ⵙⵟⵟⴰⵜ ;
- ⵎⴰⵙⵙ ⵎⵓⵏⵉⵔ ⵀⵡⵡⴰⵔⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ.
