ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⵣⴰⵡⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵡⵉⵙⵉ ⵜⴰⵏⴰⵎⵓⵏⵜ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙⴰ ⴰⴷ ⴰⴽⵕⴰⵙ ⴳ ⵕⵕⴱⴰⵟ ⵢⴰⵏ ⴰⴳⵔⴰⵡ ⴰⵎⵣⴰⵡⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵡⵉⵙⵉ ⵜⴰⵏⴰⵎⵓⵏⵜ, ⵍⵍⵉ ⵉⵜⵜⵓⵙⴽⴰⵔⵏ ⵙ ⵜⴰⵔⴰⵜⵉⵏ ⵜⵉⴳⵍⴷⵏⵉⵏ ⵢⴰⵜⵜⵓⵢⵏ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⴷ ⵓⵙⵡⵓⴷⴷⵓ ⵏ ⵜⵙⵔⵜⴰⵢ ⵏ ⵜⵡⵉⵙⵉ ⵜⴰⵏⴰⵎⵓⵏⵜ, ⵙⵍⴰⵀⵡⴰⵏ ⴰⴽⴽⵯ ⴰⵖⴰⵡⴰⵙ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵜⵓⵙⵔⴷⵉⵜ ⵍⵍⵉ ⵎⵓ ⵉⵍⵍⴰ ⵓⵏⵏⵓⵕⵥⵎ ⵏⵏⵙ ⴳ ⵜⴳⵉⵔⴰ ⵏ 2023.
ⵉⴳⴰ ⵓⴳⵔⴰⵡ ⴰⴷ ⴰⵎⴰⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵢⴰⵏ ⵓⵣⵎⵣ ⵏ ⵓⵎⴹⴰⴽⴰⵕ ⵏ ⵜⵖⴰⵡⵙⵉⵡⵉⵏ ⵜⵉⵙⵜⵕⴰⵜⵉⵊⵉⵏ ⵉⵥⵍⵉⵏ ⵙ ⵜⵙⵏⵓⵔⴰⵢⵜ ⴷ ⵓⵙⵖⵥⵏ ⴰⵖⴰⵡⴰⵙ ⵏ ⵜⵡⵓⵔⵉ ⴰⵙⴳⴳⵯⵙⴰⵏ ⴷ ⵜⵎⵙⴰⵙⵍⵜ ⵏ ⵓⵙⴳⴳⵯⴰⵙ ⵏ 2025. ⵖⵉⴽⵍⵍⵉ ⵉⵙⵖⵥⵏ ⵓⵙⵇⵇⵉⵎ ⵓⵥⵟⵟⴰ ⴰⵎⴰⴷⴷⵓⴷ ⴷ ⵓⵙⵔⵓⵙ ⵉⵥⵍⵉⵏ ⵙ ⵉⵙⵓⴳⴰⵎ ⵏⵏⵙ ⵉⵏⴰⴼⴳⴰⵏⵏ.
ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⴳⴰ ⵓⵡⵜⵜⴰⵙ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ ⵉⵜⵜⴰⵡⵥⵍⴰⵢⵏ ⵉ ⵜⵉⵡⵊⵉⵡⵉⵏ ⵜⵉⵎⵥⵍⴰⴹⵜ ⴰⴷ ⴰⵙⴼⵓⵍⴽⵉ ⵏ ⵍⵎⵄⵉⵛⵜ ⵏ ⵜⵔⵓⴱⴱⴰ ⵍⵍⵉ ⵉⵙⵢⴰⴼⴰⵏ ⴷ ⴰⴷ ⵉⴳ ⵜⵜⵎⵉ ⵉ ⵓⵥⵍⴰⴹ ⴷ ⵓⵙⴷⵓⵙ ⵏ ⵜⴳⵎⵉ ⵜⴰⵏⴰⵎⵓⵜ ⵙ ⵓⵡⵇⵇⵔ ⵏ ⵉⵏⴱⴷⴰⴷⵏ ⵏ ⵜⵙⵓⵙⵖⵜ ⴷ ⵓⵙⵓⵎⵓ ⴷ ⵜⵡⵉⵣⵉ ⴷ ⵜⵏⵏⵓⴱⴹⴰ ⵉⴷⵓⵙⵏ.
ⴰⵔ ⵉⵙⵢⴰⴼⴰ ⴳ ⵓⵖⴰⵡⴰⵙ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ ⵍⵍⵉ ⴷ ⵉⴷⴷⴰⵏ ⵙ ⵜⵖⴰⵔⴰⵙⵜ ⵏ ⵓⵣⴳⴳⵣ ⵓⵏⴱⵉⴹ ⵏ ⵓⵖⴰⵡⵍ ⵏ ⵓⵣⵎⵎⴰⵎ ⴰⵏⴰⵎⵓⵏ ⴰⵙⵢⵉⵡⴰⵏ ⵎⴰ ⵉⵜⵜⴳⴰⵏ 4 ⴷ ⵍⵎⵍⴰⵢⵏ ⵏ ⵜⵡⵓⵊⴰ ⵖ ⵉⵍⵍⴰ 5,4 ⵎⵍⵢⵓⵏ ⵏ ⵓⵔⴱⴰ ⴷ 1,2 ⵎⵍⵢⵓⵏ ⵏ ⵓⵎⴰⴷⴰⵏ ⵉⵥⵔⵉⵏ 60 ⵏ ⵓⵙⴳⴳⵯⴰⵙ. ⵙ ⵓⵙⵡⵓⴷⴷⵓ ⵏ ⵉⵙⵏⵉⵎⴰⵍⵏ ⵉⵥⵍⵉⵏ ⵙ ⵜⵎⵙⴰⵙⵍⵜ ⵍⵍⵉ ⵔⴰⴷ ⵉⵙⵎⴰⵙⵙ ⵓⵖⴰⵡⴰⵙ ⵎⴰ ⵉⵜⵜⴳⴰⵏ 25 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵙⴳⴳⵯⴰⵙ 2024.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙ, ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵏⵜⵉⵜ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵜⵎⴰⵡⵙⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵓⵊⴰ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⴷ ⵓⵏⵖⵍⴰⴼ ⴰⵎⴰⵍⴰⵍ ⵏ ⵓⵙⵖⵡⵙ ⴷ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⴷ ⵓⵎⵏⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ.
