ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⵜⵏⴰⵔⴰ ⵏ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⴽⵕⴰⵙ ⴳ ⵕⵕⴱⴰⵟ, ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⵜⵏⴰⵔⴰ ⵏ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ, ⵍⵍⵉⴳ ⵉⵃⴰⴹⵕ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⵎⴰⵙⵙ ⵙⴰⵄⴷ ⴱⵕⵕⴰⴷⴰ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⵎⴰⵙⵙ ⴼⴰⵡⵣⵉ ⵍⵇⵊⵄ.
ⵉⵉⵜⴰⵡⵥⵍⴰⵢ ⵓⴳⵔⴰⵡ ⴰⴷ ⵙ ⵓⴹⴼⵉⵕ ⵏ ⵓⵣⵓⴳⴳⵣ ⵏ ⵜⵓⴳⵜ ⵏ ⵉⵖⴰⵡⴰⵙⵏ ⵏ ⵜⴱⵔⵉⴷⵜ ⵏ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ 2022-2026 ⵍⵍⵉ ⵉⵕⵚⴰⵏ ⵅⴼ ⵉⵍⵎⵎⵓⴷⵏ ⵉⵙⵉⵍⴰⵏⵏ ⴷ ⵓⵙⴷⵓⵙ ⵏ ⵓⴱⵓⵖⵍⵓ ⴷ ⵜⵎⵓⵔⵉ ⴷ ⵓⵙⴽⴰⵔ ⵓⵛⵛⵉⵍ ⵏ ⵓⵙⵍⵎⴷ ⵍⵍⵉⵖ ⵔⴰⴷ ⵉⵣⴰⵢⴷ ⵓⵟⵟⵓⵏ ⵏ ⵉⵏⴰⵍⵎⴰⴷⵏ ⴷ ⵜⵏⴰⵍⵎⴰⴷⵉⵏ ⴳ ⵓⵙⵡⵉⵔ ⴰⵎⵣⵡⴰⵔⵓ ⵉⵙⵙⵏ ⵉⵍⵎⵎⵓⴷⵏ ⵉⵉⵙⵉⵍⴰⵏⵏ ⴷ ⵓⵙⵙⵓⴳⵜ ⵏ ⵓⵟⵟⵓⵏ ⵏ ⵉⵏⴰⵍⵎⴷⴰⵏ ⴷ ⵜⵏⴰⵍⵎⴰⴷⵉⵏ ⵍⵍⵉ ⵉⵙⵢⴰⴼⴰⵏ ⴳ ⵉⵎⵓⵙⵙⵓⵜⵏ ⵉⵏⵎⵍⴰⵏⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴱⴷⴷ ⵓⴼⵓⵖ ⴳ ⵜⵉⵏⵎⵍ ⵙ ⵜⴽⵕⴰⴹⵜ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵙⵎⵓⵜⵜⴳ ⵉⴷⵓⵙⵏ ⵏ ⵓⵙⵍⵎⴷ ⵓⵛⵛⵉⵍ.
ⵢⵉⵡⵉ ⴷ ⵎⴰ ⵄⴰⵣⵉⵣ ⴰⵅⵏⵏⵓⵛ ⵎⴰ ⵙ ⵉⵍⵍⴰ ⵓⴼⵔⴰⴽ ⵖⵓⵔ ⵜⵏⴱⴰⴹⵜ ⵙ ⵡⴰⵜⵉⴳ ⵉⵍⵍⴰⵏ ⵔⴰⴷ ⵜⴳ ⵜⵓⴳⴳⵜ ⵏ ⵜⵎⴳⴳⵉⵢⵉⵏ ⵏ ⵓⵣⵔⵔⴰⴼ ⴷ ⵓⵙⵡⵓⴷⴷⵓ ⴷ ⵜⵉⵏ ⵜⵥⵕⴼⵜ ⴷ ⵜⵉⵏ ⵜⵎⵔⵙⴰⵍ ⵍⵍⵉ ⵙ ⴷ ⵉⵇⵇⴰⵏ ⵃⵎⴰ ⴰⴷ ⵢⵉⵍⵉ ⵓⵙⵎⵓⵔⵙ ⵏ ⵜⴱⵔⵉⴷⵜ ⴰⴷ. ⵉⵙⵎⵖⵔ ⴳ ⵜⵡⵓⵔⵉ ⵍⵍⵉ ⵉⵜⵜⵙⴽⴰⵔⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵓⵜⵜⴳ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ ⴷ ⵓⵙⴷⵓⵙ ⵏⵏⵙ, ⵖⵉⴽⵍⵍⵉ ⵉⵙⵙⵉⵎⵖⵓⵔ ⵉⵙⴰⵍⵎⴰⴷⵏ ⴳ ⵜⵡⵓⵔⵉ ⵏⵏⵙ ⵜⴰⵣⵣⵓⵍⴰⵏⵜ ⵍⵍⵉ ⵉⵎⵙⴰⵙⴰⵏ ⴷ ⵓⵖⴰⵡⴰⵙ ⵓⵏⴱⵉⴹ. ⵖⵉⴽⵍⵍⵉ ⵉⵜⵜⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⵜⵙⵓⵍ ⵜⵡⵓⵔⵉ ⴳ ⵓⵣⴳⴳⵣ ⵏ ⵉⵖⴰⵡⴰⵙⵏ ⵙ ⵜⵖⴰⵔⴰⵙⵜ ⴰⴷ ⵃⵎⴰ ⴰⴷ ⵢⵉⵍⵉ ⵓⵙⵎⵓⵔⵙ ⵏ ⵓⵚⵏⴼⴰⵕ ⵏ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵢⴰⵜ ⵜⵙⵙⵏⴹⵡⵜ ⴳ ⵉⴳⵔ ⵏ ⵓⵙⵍⵎⴷ.
ⴳ ⵎⵏⵉⴷ ⵏⵏⵙ ⵉⵏⵏⴰ ⵓⵎⴰⵡⵙⴰⵙ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵏⵏⵓⵏⵜ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ ⵎⴰ ⵙ ⴰⵔ ⵜⴰⴽⴽⴰ ⵜⵏⴱⴰⴹⵜ ⴰⵜⵉⴳ ⵎⵇⵇⵓⵔⵏ ⵉ ⵉⵙⴳⴳⴷ ⵏ ⵓⵖⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴷ ⵓⵣⵣⴳⵉⵔ ⵏ ⵓⵏⴰⵥⴰⵕ ⵏ ⵜⵉⵏⵎⵍ ⵖ ⵓⵔ ⵢⵉⵍⵍⵉ ⵓⵙⵏⵓⵃⵢⵓ, ⵉⵏⵏⴰ ⴰⵡⴷ ⵎⴰ ⵙ ⵔⴰⴷ ⵜⴱⵉⴷⴷ ⵜⵎⴰⵡⴰⵙⵜ ⵅⴼ ⵓⵖⵓⴷⵓ ⵏ ⵓⵙⵖⴰⵏ ⴷ ⵓⵙⵎⵓⵜⵜⴳ ⴷ ⵡⴰⴽⴰⵎ ⵏ ⵉⵙⵓⵜⴰⵢ ⵍⵍⵉ ⵉⵙⵡⵓⵔⵏ ⴳ ⵉⴳⵔ ⴰⴷ ⵃⵎ ⴰⴷ ⵙⵓⵍⵏ ⴰⵔ ⵜⵜⴰⵡⵙⵏ ⴳⵓⵙⴳⴳⴷ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ. 
 

ⵢⵉⵡⵉⵏ ⴷ ⴳ ⵓⴳⵔⴰⵡ ⴰⴷ ⵎⴰ ⵙ ⵜⵎⵎⴰⵜⵜⵉ ⵜⵎⵙⴰⵙⵍⵜ ⵉⵜⵜⴰⵡⵥⵍⴰⵢⵏ ⵉ ⵜⴰⵎⴰⵡⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ ⵙ ⵜⵉⵔⵉⵜ ⵜⴰⵙⵔⵜⴰⵏⵜ ⵏ ⵜⵏⴱⴰⴹⵜ ⵣⵖ 62 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵙⴳⴳⵯⴰⵙ ⵏ 2021 ⴰⵔ 91 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵚⵏⴼⴰⵕ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ 2025, ⵉⵣⴰⵢⴷ ⵙ ⵎⴰ ⵉⵜⵜⴳⴳⴰⵏ 45%. 
ⴱⵉⴷⴷⵏ ⴰⵡⴷ ⴳ ⵓⴳⵔⴰⵡ ⴰⴷ ⵅⴼ ⵜⵣⵣⵉⴳⵣⵜ ⵉⵜⵜⵓⵙⴽⴰⵔⵏ ⴳ ⵓⵣⵓⴳⴳⵣ ⵏ ⵓⵖⴰⵡⴰⵙ ⵏ ⵓⵙⵎⴰⵜⴰ ⴷ ⵓⵙⴷⵓⵙ ⵏ ⵓⵙⴼⵙⵔ ⴰⵏⵎⵍⴰⵏ ⵉ ⵉⵏⴰⵍⵎⴰⴷⵏ ⴷ ⵜⵏⴰⵍⵎⴷⴰⵉⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⴰⵎⵣⵡⴰⵔⵓ ⴷ ⵓⵎⵙⴰⵜⵜⴰⴳ ⴷ ⵓⵙⵉⵏⴰⵏ ⵍⵍⵉⵖ ⵉⵍⴽⵎ ⵓⵟⵟⵓⵏ ⵏ ⵡⵉⵍⵍⵉ ⵉⵙⵢⴰⴼⴰⵏ ⴳ ⵓⵙⵍⵎⴷ ⴰⵎⵣⵡⴰⵔⵓ ⴰⴳⴷⵓⴷⴰⵏ 80% ⵃⵎⴰ ⴰⴷ ⵉⵡⴹ ⵓⵙⵖⵍ ⵏ 90% ⴳ ⵓⵙⴳⴳⵯⴰⵙ ⵏ 2026.
ⵖⵉⴽⵍⵍⵉ ⵉⵍⵍⴰ ⵓⵎⴹⴰⴽⴰⵕ ⴰⵡⴷ ⵅⴼ ⵎⴰⵏⵉ ⵉⵍⴽⵎ ⵓⵣⴳⴳⵯⵣ ⵓⵙⵎⴰⵜⴰ ⵏ « ⵜⵎⵔⵙⴰⵍ ⵏ ⵜⵉⵣⵣⵉⵜ » ⴳ ⵜⵎⵔⵙⴰⵍ ⵜⵉⵎⵣⵡⵓⵔⴰ ⴷ ⵜⵉⵏ ⵏ ⵓⵎⵙⴰⵜⵜⴰⴳ ⴷ ⵜⵉⵏ ⵓⵙⵉⵏⴰⵏ ⴷ ⵓⵖⵓⴷⵓ ⵏ ⵉⵍⵎⵎⵓⴷⵏ ⴳ ⵓⵙⵡⵉⵔ ⴰⵙⵉⵏⴰⵏ ⴷ ⵓⵎⵙⴰⵜⵜⴰⴳ. ⵉⴳⴰ ⵓⵡⵜⵜⴰⵙ ⵏ ⵜⵏⴱⴰⴹⵜ ⴳ ⵓⵚⵏⴼⴰⵕ ⴰⴷ ⵢⵓⵓⵜⵓⵢⵏ ⴰⴷ ⵜⵔⴰⵔ ⵉ ⵜⵉⵏⵎⵍ ⵜⴰⴳⴷⵓⴷⴰⵏⵜ ⴰⵜⵉⴳ ⵏⵏⵙ ⵍⵍⵉ ⵜⵙⵜⴰⵀⵍⵍⴰ ⴷ ⴰⴷ ⵜⵉⵍⵉ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵓⵙⵡⵓⴷⵓ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵓⵙⴷⵓⵙ ⵏ ⵉⵙⴰⵍⵎⴰⴷⵏ ⵙ ⵉⵙⵎⵓⵜⵜⴳⵏ ⵍⵍⵉ ⵔⴰⴷ ⵢⴰⵡⵙ ⵓⵙⵎⵓⵔⵙ ⵏ ⵜⵉⵔⵎⵜ ⴰⴷ ⵉⵅⴰⵜⵔⵏ.  
ⴹⵕⴰⵜ ⵍⵍⵉⵖ ⴱⴰⵢⵏⵜ ⵉⵢⴰⴼⵓⵜⵏ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵍⵍⵉⵖ ⵉⵍⵍⴰ ⵓⵙⵉⵔⵎ ⵏ ⵡⴰⵏⴰⵡ ⴰⴷ ⵏ « ⵜⵎⵔⵙⴰⵍ ⵏ ⵜⵉⵣⵣⵉⵜ » ⴳ 626 ⵏ ⵜⵎⵔⵙⵍⵜ ⵏ ⵓⵙⵍⵎⴷ ⴰⵎⴰⵣⵡⴰⵔⵓ ⴳ ⵡⴰⵎⵎⴰⵙ ⴰⵖⵔⵎⴰⵏ ⵡⴰⴷ ⵉⵔⵡⴰⵙⵏ ⴰⵖⵔⵎⴰⵏ ⴷ ⵡⴰⵎⵎⴰⵙ ⴰⴼⴰⵔⴰⵏ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ ⴳ ⵉⵔⵉⵎ ⴰⵏⵎⵍⴰⵏ ⵏ 2023-2024, ⵉⴼⴰⵡ ⴰⵡⴷ ⵡⴰⵜⵉⴳ ⴷ ⵓⵙⵎⵓⵜⵜⴳ ⵉⵍⵍⴰⵏ ⴳ ⵓⵙⵡⵉⵔ ⵏ ⵉⵍⵎⵎⵓⴷⵏ ⵖⵓⵔ ⵉⵏⴰⵍⵎⴰⴷⵏ ⴷ ⵜⵏⴰⵍⵎⴰⴷⵉⵏ, ⴷ ⵎⴰⵎⵏⴽ ⵙ ⵢⵓⵡⵙ ⴳ ⵓⵙⴽⴰⵔ ⵏ ⵢⴰⵏ ⵓⵙⵏⴼⵍ ⴳ ⵜⵡⵓⵔⵉ ⵏ ⵜⵙⵏⴼⴰⵍ ⴰⴷ. ⵎⵢⴰⵏⵏ ⵢⵓⵊⵊⴰ ⵜⴰⵎⵡⴰⵙⵜ ⴰⴷ ⵜⵙⵏⵜⵉ ⵜⵉⵔⵎⵜ ⴰⴷ ⴳ ⵜⵎⵔⵙⴰⵍ ⴳ ⵓⵙⵡⵉⵔ ⴰⵙⵉⵏⴰⵏ ⴷ ⵓⵎⵙⴰⵜⵜⴰⴳ ⴳ 32 ⵏ ⵜⵎⵔⵙⵍⵜ ⴳ ⵉⵔⵉⵎ 2024-2025 ⵃⵎⴰ ⴰⴷ ⵜⴰⵡⴹ 730 ⵏ ⵜⵎⵔⵙⵍⵜ ⴳ ⵉⵔⵉⵎ ⴰⵏⵎⵍⴰⵏ 2025-2026.
ⵉⵇⵇⴰⵏ ⴷ ⴰⴷ ⵉⵙⴽⵜⵉ ⵎⴰ ⵙ ⵉⵜⵜⵡⵙⴰⴽⴰⵔ ⴳ ⵉⵔⵉⵎ ⴰⵏⵎⵍⴰⵏ ⵏ 2024-2025 ⵓⵙⵙⵓⵙⵄⵓ ⵏ « ⵜⵎⵔⵙⴰⵍ ⵏ ⵜⵉⵣⵣⵉⵜ » ⴱⴰⵛ ⴰⴷ ⵍⴽⵎⵏⵜ 2.626 ⵏ ⵜⵉⵏⵎⵍ ⵜⴰⵎⵣⵡⴰⵔⵓⵜ ⵖ ⵓⵟⵟⵓⵏ ⵏ ⵉⵎⵃⴹⴰⵕⵏ ⵍⵍⵉ ⵉⵙⵢⴰⴼⴰⵏ ⴳ ⵓⵙⴳⴳⵯⴰⵙ ⴰⴷ 1.3 ⵎⵍⵢⵓⵏ ⵏ ⵉⵏⴰⵍⵎⴰⴷⵏ ⵎⴰ ⵉⵜⵜⴳⴰⵏ 30% ⵏ ⵉⵏⴰⵍⵎⴰⴷⵏ ⵏ ⵉⵔⵉⵎ ⴰⵎⵣⵡⴰⵔⵓ.