ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵡⵉⵙⵙ ⴽⵕⴰⴹ ⴷ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵖⴰⵡⴰⵙ ⵏ ⵡⴰⵍⴰⵙ ⵜⵓⵚⴽⴰ ⴷ ⵓⵥⴹⴰⵕ ⴰⵎⴰⵜⴰⵢ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⴰⵙⵉⵏⴰⵙ 2 ⴷⵓⵊⴰⵏⴱⵉⵔ 2024 ⴳ ⵕⵕⴱⴰⵟ, ⴰⴳⵔⴰⵡ ⵡⵉⵙⵙ ⴽⵕⴰⴹ ⴷ ⵎⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵓⵥⴹⴰⵕ ⴷ ⵡⴰⵍⴰⵙ ⴰⵎⴰⵜⴰⵢ ⵏ ⵜⵓⵚⴽⴰ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⴳ ⵍⵃⴰⵡⵣ. ⵢⵓⴳⴳⴰ ⵏⵏ ⵖ ⵓⴳⵔⴰⵡ ⵅⴼ ⵎⴰⵏⵉ ⵜⵉⵡⴹ ⵜⵡⵓⵔⵉ ⴷ ⵓⵙⵡⵓⴷⴷⵓ ⵏ ⵓⵣⵓⴳⴳⵯⵣ ⵏ ⵓⵖⴰⵡⴰⵙ ⴰⴷ.
ⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰ ⵙ ⵜⵙⵕⵚⴰ ⵜⵏⴱⴰⴹⵜ ⵢⴰⵜ ⵜⴷⵉⵏⴰⵎⵉⵜ ⵉⴷⵓⵙⵏ ⴳ ⵓⴱⵉⴽ ⴷ ⵓⵖⴰⵡⵍ ⴳ ⵡⴰⵍⵍⴰⵙ ⵏ ⵜⵓⵚⴽⴰ ⴳ ⵡⴰⴷⴷⴰⵏ ⵉⵥⵉⵍⵏ ⴳ ⵜⵖⵔⴰⵙⵜ ⵏ ⵓⵙⵡⵓⴷⴷⵓ ⵏ ⵜⵔⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ, ⵉⵏⵏⴰ ⵎⴰ ⵙ ⵜⵉⵎⵏⴰⴹⵉⵏ ⵍⵍⵉ ⵉⵜⵜⵓⵜⵏ ⵜⵓⵔⵔⵉ ⴳⵉⵙⵏⵜ ⵜⵓⴷⵔⵜ ⵙ ⵡⴰⵜⵉⴳ ⵍⵍⵉ ⴰⵙⵏ ⵉⴼⴽⴰ ⵓⴳⵍⵍⵉⴷ ⴷ ⵜⵡⵓⵔⵉ ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵣⵓⴳⴳⵣ ⵏ ⵓⵖⴰⵡⴰⵙ ⵏ ⵓⵥⴹⴰⵕ ⴷ ⵡⴰⵍⴰⵙ ⴰⵎⴰⵜⴰⵢ ⵏ ⵜⵓⵚⴽⴰ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ.
ⵙ ⵓⵙⵡⵓⴷⴷⵓ ⵏ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵜⵍⵍⴰ ⵓⴽⴰⵏ ⵙⵓⵍ ⵜⵉⵟⵟⵉ ⵏ ⵜⵉⵡⵉⵙⵉⵡⵉⵏ ⵏ ⵓⵖⴰⵡⵍ ⵍⵍⵉ ⴳⴰⵏ 2500 ⵏ ⴷⴷⵔⵀⵎ ⵉ ⵜⵉⵡⵊⵉⵡⵉⵏ  ⵍⵍⵉ ⵎⵓ ⵔⴷⵍⴰⵏⵜ ⵜⴳⵯⵎⵎⴰ ⵙ ⵉⵎⵉⴽ ⵏⵖ ⴷ ⵙ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ  ⵍⵍⵉ ⵎⵓ ⵣⴰⵢⴷⵏ 5 ⵡⴰⵢⵢⵓⵔⵏ ⵢⴰⴹⵏⵉⵏ, ⵉⵍⴽⵎ ⵡⴰⵜⵉⴳ ⵏ ⵜⵡⵉⵙⵉⵡⵉⵏ ⵣⵖ ⵍⵍⵉⵖ ⵉⴱⴷⴰ ⴰⵔ ⵖⵉⵍⴰⴷ ⴰⴷ  ⵎⴰ ⵉⵜⵜⴳⴰⵏ 2 ⵎⵍⵢⴰⵕ ⵏ ⴷⴷⵔⵀⵎ.
ⵜⵣⵎⵎⵉⵎ ⵜⵙⵇⵇⵉⵎⵜ ⵎⴰ ⵙ ⵉⵜⵜⵓⴼⴽⴰ 57.072 ⵏ ⵓⵙⵓⵔⴳ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⴰⵔ ⵜⵉⴳⵉⵔⴰ ⵏ ⵏⵓⵡⴰⵏⴱⵉⵔ ⵉⵣⵔⵉⵏ, ⵜⵏⵏⴰ ⴰⵡⴷ ⵎⴰ  ⵙ ⵙⵓⵍⵏ ⵉⵚⵏⴼⴰⵕⵏ ⵏ ⵜⵓⵚⴽⴰ ⴷ ⵓⵙⴷⵓⵙ ⵏ ⵜⴷⵔⵡⵉⵏ ⵉⵔⴷⵍⵏ ⵏⵖ ⴷ ⵜⵉⵍⵍⵉ ⵉⴽⵎⵎⵍⵏ ⴳ ⵓⵙⵡⵉⵔ ⵏ 35.214   ⵏ ⵓⵣⴷⴷⵓⵖ ⵙ ⵓⵙⵢⴰⴼⵓ ⵏ ⵎⴰ ⵉⵜⵜⴳⴳⴰⵏ 5.000 ⵏ ⵓⵣⴷⴷⵓⵖ.
ⵜⵙⵙⵉⵙⴼⵉⵡ ⵜⵙⵇⵇⵉⵎⵜ ⵎⴰ ⵙ ⵜⵙⵢⴰⴼⴰ ⴳ ⵜⵡⵉⵙⵉ ⵏ 57.786 ⵏ ⵜⵡⵓⵊⴰ ⵍⵍⵉ ⵢⵓⵎⵥⵏ 20.000 ⵏ ⴷⴷⵔⵀⵎ ⵖ ⵜⵉⴽⴽⵉ ⵜⵎⴰⵣⵡⴰⵔⵓⵜ ⵉⵥⵍⵉⵏ ⵙ ⵜⵡⵉⵙⵉ ⴳ ⵡⴰⵍⵍⴰⵙ ⵏ ⵜⵓⵚⴽⴰⵏ ⵜⴷⵔⵡⵉⵏ ⵍⵍⵉ ⴽⵓⵍⵍⵓ ⵉⵔⴷⵍⵏ ⴷ ⵜⵉⵍⵍⵉ ⵉⵔⴷⵍⵏ ⵙ ⵉⵎⵉⴽ. ⵖⵉⴽⵍⵍⵉ ⴷ ⵜⵉⵡⵉ ⵜⵙⵇⵇⵉⵎⵜ ⵎⴰ ⵙ ⵜⵙⵢⴰⴼⴰ ⵎⴰ ⵙ ⵜⵓⵎⵥ 35.983  ⵏ ⵜⵡⵓⵊⴰ ⵙⵜⵉⴽⴽⵉ ⵜⵉⵙ ⵙⵏⴰⵜ, ⵜⵙⵢⴰⴼⴰ 25.754 ⵏ ⵜⵡⵊⴰ ⴳ ⵜⵉⴽⴽⵉ ⵜⵉⵙ ⴽⵕⴰⴹⵜ, ⵜⵙⵢⴰⴼⴰ ⴰⵡⴷ 12.664 ⵏ ⵜⵡⵊⴰ ⵖ ⵜⵉⴽⴽⵉ ⵜⵉⵙ ⴽⴽⵓⵥⵜ ⵉⴳⴰⵏ ⵜⴰⵎⴳⴳⴰⵔⵓⵜ, ⵙ ⵡⴰⵜⵉⴳ ⵏ ⵓⵥⵕⴼⴰⵏ ⵉⵣⵔⵉⵏ 2,7 ⵏ ⵎⵍⵢⵓⵏ ⵏ ⴷⴷⵔⵀⵎ.
ⴰⵢⵍⵍⵉ ⵉⵥⵍⵉⵏ ⵙ ⵉⵣⴷⴷⵓⵖⵏ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵓⴷⴰⵔⴰⵔ, ⵜⵉⵡⵉ ⴷ ⵜⵙⵇⵇⵉⵎⵜ  ⵎⴰ ⵙ ⵜⵙⵓⵍ ⵜⵡⵓⵔⵉ ⵏ ⵓⵙⵡⵓⴷⴷⵓ ⴷ ⵉⴼⵙⵙⴰⵢⵏ ⵏ ⵎⴰ ⵉⵜⵜⴳⴳⴰⵏ 4.016 ⵏ ⵓⵣⴷⴷⵓⵖ ⵙ ⵎⴰ ⵉⵜⵜⴳⴰⵏ 750 ⵏ ⵓⵣⴷⴷⵓⵖ ⵉⴱⴹⴰⵏ ⵅⴼ 65 ⵏ ⵓⴷⵡⵡⴰⵕ, ⵍⵍⵉ ⵉⵙⵖⴰⵡⵙⴰⵏ ⵙ ⵙ ⵜⵓⵚⴽⴰ ⵙ ⵓⵙⵎⵓⵜⵜⴳ ⵏⵖ ⴷ ⴰⵎⵓⵜⵜⵉ ⵏⵏⵙ ⵙ ⵜⵙⴳⴰ ⵢⴰⴹⵏⵉⵏ.
ⴹⵕⴰⵜ ⵍⵍⵉⵖ ⵉⵍⵍⴰ ⵓⵣⵣⵓⴳⵣ ⵏ ⵜⵓⴳⵜ ⵏ ⵉⵚⵏⴼⵕⵏ ⵏ ⵉⴳⵔⴰⵏ ⵉⵎⴰⵡⵙⴰⵙⵏⴳ ⵡⴰⵢⵢⵓⵔⵏ ⴰⴷ ⵉⵣⵔⵉⵏ, ⵉⵜⵜⵓⵙⴷⵉⴷ ⴳ ⵓⴳⵔⴰⵡ ⴰⴷ ⵎⴰ ⵙ « ⵜⴰⵙⵏⵓⵔⴰⵢⵜ ⵏ ⵜⴳⵎⵉ ⵏ ⵡⴰⵟⵍⴰⵚ ⴰⵎⵇⵇⵕⴰⵏ » ⵍⵍⵉ ⵉⵜⵜⵓⵙⴽⴰⵔⵏ ⵃⵎⴰ ⴰⴷ ⵜⴳ ⴰⵙⵎⵓⵜⵜⴳ ⵏ ⵜⵉⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⵉ ⵏ ⵍⵃⵡⴰⵣ, ⵔⴰⴷ ⵜⴹⴼⵓⵕ ⴰⵙⵡⵓⴷⴷⵓ ⴷ ⵓⵣⵓⴳⵣ ⵏ ⵉⵖⴰⵡⴰⵙⵏ ⵍⵍⵉⵖ ⵜⵙⵏⵜⵉ ⵜⵡⵓⵔⵉ ⴳ ⵉⴳⵔⴰⵏ ⵏ ⵏ ⵜⴼⵍⵍⴰⵃⵜ ⴷ ⵓⵇⵡⵡⵓⵎ ⴷ ⵓⵣⴷⴷⵓⵖ ⴷ ⵓⵙⵍⵎⴷ ⴷ ⵜⴷⵓⵙⵉ ⴷ ⵜⴷⵍⵙⴰ ⴷ ⵜⵎⴰⵍⵍⴰⵢⵜ ⴷ ⵜⵏⵉⴹⵉ.  ⴳ ⵎⵉⵏⵉⴷ ⴰⴷ ⵏⵉⵜ, ⵜⴰⵙⵖⵥⵏ ⵜⵙⵇⵇⵉⵎⵜ ⴰⵖⴰⵡⴰⵙ ⵏ ⵜⵡⵓⵔⵉ ⵍⵍⵉ ⵔⴰⴷ ⵜⴹⴼⵓⵕ ⴷ ⵍⵍⵉ ⵔⴰⴷ ⵜⵙⵡⵓⴷⴷⵓ ⵜⵙⵇⵇⵉⵎⵜ ⵏ ⵜⴳⵎⵉ ⵏ ⵡⴰⵟⵍⴰⵚ ⴰⵎⵇⵇⵕⴰⵏ.