ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵓⵜⵍⵜ ⵜⵉⵙ ⵚⴹⵉⵚⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ

• ⴰⵙⵖⵥⵏ ⵏ 56 ⵏ ⵓⵚⵏⴼⴰⵕ ⵙ ⵎⴰ ⵉⵜⵜⴳⴳⴰⵏ 134 ⵎⵍⵢⴰⵕ ⵏ ⵓⴷⵉⵔⵀⴰⵎ ⴳ ⵉⵍⵍⴰ 45 ⵎⵍⵢⴰⵕ ⵏ ⵓⴷⵔⵀⴰⵎ ⵉⵥⵍⵉⵏ ⵙ ⵉⵙⵙⴰⵔⵓⵜⵏ ⵉⵎⵥⵎⴰⵢ ⵍⵍⵉ ⵔⴰⴷ ⵉⵙⴽⵔ 28.000 ⵏ ⵜⵔⵙⵓⵜ ⵏ ⵜⵡⵓⵔⵉ :
  • ⴰⵙⵖⵥⵏ ⵏ 52 ⵏ ⵓⵚⵏⴼⴰⵕ ⵎⴰ ⵉⵜⵜⴳⴳⴰⵏ 113 ⵎⵍⵢⴰⵕ ⵏ ⵓⴷⵔⵀⵎ ⵍⵍⵉ ⵔⴰⴷ ⵉⵙⴽⵔ 18.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
  • ⴰⵙⵖⵥⵏ ⵏ 4 ⵏ ⵉⵚⵏⴼⴰⵕⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵉⵣⵍⵉⵏ ⵙ ⵉⵚⵏⴼⴰⵔⵏ ⵏ ⵉⵙⴰⵔⵓⵜ ⵉⴳⴰ ⵉⵙⵜⵕⴰⵜⵉⵊⵉⵏ ⵙ ⵡⴰⵜⵉⴳ ⵏⵏⵙ ⵎⴰ 21 ⵎⵍⵢⴰⵕ ⵏ ⵓⴷⵉⵔⵀⴰⵎ ⵎⴰ ⵉⵜⵜⴰⴳⴰⵏ 10.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
• ⵜⵉⴽⴽⵉ ⵏ « ⵡⴰⴷⴷⴰⴷ ⴰⵙⵜⵕⴰⵜⵉⵊⵉ » ⵉ 3 ⵉⵚⵏⴼⴰⵕⵏ ⵢⴰⴹⵏⵉⵏ ⵍⵍⵉ ⵎⵓ ⵉⴳⴰ ⵡⴰⵜⵉⴳ ⵏⵏⵙⵏ 14 ⵎⵍⵢⴰⵔ ⵏ ⵓⴷⵉⵔⵀⴰⵎ ⵍⵍⵉ ⵔⴰⴷ ⵉⵙⴽⵔ 38.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
• ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵥⵍⵉⵏ ⵙ 32 ⵏ ⵜⵎⵏⴰⴹⵉⵏ ⴳ 12 ⵜⵙⴳⴳⵉⵡⵉⵏ.

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 10 ⴷⵓⵊⴰⵏⴱⵉⵔ 2024, ⵜⴰⵙⵓⵜⵍⵜ ⵜⵉⵙ ⵚⴹⵉⵚⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵣⵖ ⵎⴰⵕⵚ 2023 ⵙ ⵓⵎⵙⴰⵙⴰ ⴷ ⵜⵔⴰⵔⵜⵉⵏ ⵢⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ.
ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ 48 ⵏ ⵓⵚⵏⴼⴰⵕ ⵏ ⵜⵎⵢⴰⵇⵇⴰⵏⵜ ⴷ 4 ⵏ ⵜⵎⵢⴰⵇⵇⴰⵏⵉⵏ ⵜⵙⴹⴼⴰⵕ, ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⴰⵎⴰⵜⴰⵢ ⵏ ⵓⵙⵙⴰⵔⵓ, ⵍⵍⵉ ⴷ ⵉⴷⴷⴰⵏ ⴳ ⵜⵏⵜⵜⴰⵎⵜ ⵏⵓⵙⵙⴰⵔⵓ ⴰⵎⴰⵢⵏⵓ. ⵉⴳⴰ ⵡⴰⵜⵉⴳ ⵏ ⵉⵙⵙⴰⵔⵓⵜⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵎⴰ ⵉⵜⵜⴳⴳⴰⵏ 113 ⵎⵍⵢⴰⵕ ⵏ ⴷⴷⵔⵀⵎ ⴳ ⵉⵍⵍⴰ 24 ⵎⵍⵢⴰⵕ ⵏ ⵓⴷⵔⵀⴰⵎ ⵉⵥⵍⵉⵏ ⵙ ⵉⵙⵙⴰⵔⵓⵜⵏ ⵉⵎⵥⵎⴰⵢ. ⵔⴰⴷ ⴰⵡⵙⵏ ⵉⵚⵏⴼⴰⵔⵏ ⴰⴷ ⴳ ⵓⵙⴽⴰⵔ ⵎⴰ ⵉⵣⵔⵉⵏ 18.000 ⵜ ⵜⵔⵙⵓⵜ ⵏ ⵜⵡⵓⵔⵉ ⴳ ⵉⵍⵍⴰ 10.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ 8.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵡⴰⵔ ⵜⵓⵙⵔⵉⴷⵜ.
ⵖⵉⴽⵍⵍⵉ ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⵎⵓⵔⵜ ⵏ ⵉⵙⵙⴰⵔⵓⵜⵏ 4 ⵏ ⵉⵚⵏⴼⴰⵕⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵉⵣⵍⵉⵏ ⵙ ⵉⵚⵏⴼⴰⵔⵏ ⵏ ⵉⵙⴰⵔⵓⵜ ⵉⴳⴰ ⵉⵙⵜⵕⴰⵜⵉⵊⵉⵏ ⵉⵣⴷⵉⵏ ⴷ ⵡⴰⵙⵙⴰⵢ ⴰⵎⵥⵥⴰⵕⵓⵕ ⴷ ⵜⵎⴳⵓⵔⵉ ⵉⵣⴷⵉⵏ ⴷ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵡⴰⵎⴰⵏ ⵏ ⵢⵉⵍⵍ ⴳ ⵜⵙⴳⴳⵉⵡⵉⵏ ⵏ ⴳⵓⵍⵎⵉⵎ ⵡⴰⴷ ⵏⵓⵏ ⴷ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⴰⵢⵎⴰ ⴷ ⵜⴳⵎⵎⵉ ⵜⴰⵎⵍⵍⴰⵜ ⵙⵟⵟⴰⵜ. ⵔⴰⴷ ⵉⵙⴽⵔⵏ ⵉⵚⵏⴼⴰⵕⵏ ⴰⴷ ⵎⵓ ⵉⴳⴰ ⵡⴰⵜⵉⴳ ⵏⵏⵙ ⵎⴰ 21 ⵎⵍⵢⴰⵕ ⵏ ⵓⴷⵉⵔⵀⴰⵎ ⵎⴰ ⵉⵜⵜⴰⴳⴰⵏ 10.000 ⵏ ⵜⵔⵙⵓⵜ ⵏ ⵜⵡⵓⵔⵉ.
ⵜⴼⴽⴰ ⵜⵙⵇⵇⵉⵎⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵚⴹⵉⵚⵜ « ⴰⴷⴷⴰⴷ ⴰⵙⵜⵕⴰⵜⵉⵊⵉ » ⵉ 3 ⵉⵚⵏⴼⴰⵕⵏ ⵢⴰⴹⵏⵉⵏ ⵍⵍⵉ ⵎⵓ ⵉⴳⴰ ⵡⴰⵜⵉⴳ ⵏⵏⵙⵏ 14 ⵎⵍⵢⴰⵔ ⵏ ⵓⴷⵉⵔⵀⴰⵎ ⵍⵍⵉ ⵔⴰⴷ ⵉⵙⴽⵔ 38.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ ⴳ ⵉⴳⵔⴰⵏ ⵏ ⵜⵓⵥⴹⵉⴹⵜ ⴷ ⵡⴰⵙⵙⴰⵢ ⴰⵎⵥⵥⴰⵕⵓⵕ ⴷ ⵉⵣⵓⵣⵣⵔⵉ ⵉⵎⵢⴰⵡⴰⴹⵏ.
ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⴰⵎⴰⵜⴰⵢ ⵏ ⵓⵙⵙⴰⵔⵓ ⵥⵍⵉⵏ ⵙ 32 ⵏ ⵜⵎⵏⴰⴹⵉⵏ ⴳ 12 ⵜⵙⴳⴳⵉⵡⵉⵏ ⵖ ⵉⵍⵍⴰ ⴼⴰⵙ ⴷ ⵎⴽⵏⴰⵙ ⴷ ⵉⴼⵔⴰⵏ ⴷ ⵍⵎⴹⵢⴰⵇ-ⴼⵏⵉⴷⵇ ⴷ ⵍⵄⵔⴰⵢⵛ ⴷ ⵍⵃⵓⵙⴰⵢⵎⴰ ⴷ ⵍⵄⵢⵓⵏ ⴷ ⴷ ⴱⵓⵊⴷⵓⵔ ⴷ ⵅⵔⵉⴱⴳⴰ ⴷ ⵚⵚⵡⵉⵕⴰ ⴷ ⵜⵔⵓⴷⴰⵏⵜ ⴷ ⵕⵕⴰⵛⵉⴷⵢⴰ ⴷ ⵏⵏⴰⴹⵓⵕ ⴷ ⵡⴰⴷ ⴷⴷⴰⵀⴰⴱ ⴷ ⵟⴰⵏⵟⴰⵏ.
ⵥⵍⵉⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵙ 19 ⵏ ⵉⴳⵔⴰⵏ ⵖ ⵍⵍⴰⵏ ⵉⵣⵓⵣⵣⵔⵉ ⵉⵎⵢⴰⵡⴰⴹⵏ ⴷ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵜⵎⴰⵍⵍⴰⵢⵜ ⴷ ⵜⵉⵎⵜⵜⴰⵡⵉⵏ ⵏ ⵜⵓⵚⴽⴰ ⴷ ⵜⵎⴳⵓⵔⵉ ⵜⴰⵎⵥⵥⴰⵕⵓⵕⵜ ⴷ ⵜⵎⴳⵓⵔⵉ ⵏ ⴷ ⵜⴷⵓⵙⵉ ⴷ ⵜⵎⴳⵓⵔⵉ ⵏ ⵓⵜⵛⵉ. ⵢⵉⵍⵉ ⴰⵡⴷ ⵜⵉⵏⵓⴼⴰ ⵜⵉⵍⵓⵊⵓⵙⵜⵉⵏ ⴷ ⵜⵎⴳⵓⵔⵉⵏ ⵜⵉⴽⵎⴰⵡⵉⵏ ⴷ ⵜⵉⵍⵍⵉ ⵜⵏⵜ ⵉⵔⵡⴰⵙⵏ ⴷ ⵉⴱⵔⵉⴷⵏ ⵏ ⵢⵉⵍⴰⵡⴰⵢⵏ ⵜⵓⵥⴹⵉⴹⵜ ⴷ ⵜⵎⴳⵓⵔⵉ ⵏ ⵜⵀⵉⵔⵔⴰⵢ ⴷ ⵓⴱⵍⴰⵙⵜⵉⴽ ⴷ ⵓⵙⵎⵓⵜⵜⵉ ⵏ ⵜⵏⵓⴼⴰ.
 

ⵜⴳⴰ ⵜⵎⴰⵍⵍⴰⵢⵜ ⵉⴳⵔ ⴰⵎⴰⵜⴰⵢ ⴳ ⵓⵟⵟⵓⵏ ⵏ ⵜⵔⵙⵓⵜⵉⵏ ⵏ ⵜⵡⵓⵔⵉ ⵍⵍⵉ ⵔⴰⴷ ⵢⵉⵍⵉ ⵙ ⵉⵚⵏⴼⴰⵔⵏ ⴰⴷ ⵅⴼ ⵉⵍⵍⴰ ⵓⵙⵖⵣⵏ ⴳ ⵓⵙⴰⵜⵉ ⵏ ⵜⵡⵉⵙⵉ ⵜⴰⵎⴰⵜⴰⵢⵜ ⵏ ⵓⵙⵙⴰⵔⵓ, ⵙⵍⴰⵀⵡⴰⵏ ⴰⴽⴽⵯ ⵍⵍⵉ ⵔⴰⴷ ⵉⵙⴽⵔ ⵉⴳⵔ ⴰⴷ ⵎⴰ ⵉⵜⵜⴳⴰⵏ 19% ⴳ ⵉⵣⵎⴰⵣ ⵏ ⵜⵡⵓⵔⵉ ⵍⵍⵉ ⵔⴰⴷ ⵢⵉⵎⵍⵉ ⵉⴹⴼⴰⵕ ⵜ ⴷ ⵉⴳⵔ ⵜⵉⵎⵜⵜⴰⵡⵉⵏ ⵏ ⵜⵓⵚⴽⴰ ⵙ 18% ⴷ ⵉⴳⵔ ⵏ ⵜⴷⵓⵙⵉ ⵙ 15 % ⵉⴹⴼⵉⵕ ⵜⵏ ⵉⴷ ⵉⴳⵔ ⵏ ⵜⵎⴳⵓⵔⵉ ⵏ ⵓⵜⵛⵉ ⵙ 8%.
ⵢⵓⵍⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵉⵏⵏⴰ ⵎⴰ ⵙ ⴷ ⵉⴷⴷⴰ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2025 ⴰⴷ ⵉⵙⴷⵓⵙ ⵜⵉⵣⵡⵓⵔⵉⵏ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵜⵡⵉⵙⵉ ⵏ ⵓⵙⵙⴰⵔⵓ ⵉⵎⵥⵎⵉⵢ ⴷ ⵓⵙⴽⴰⵔ ⵏ ⵉⵣⵎⴰⵣ ⵏ ⵓⵙⵡⵓⵔⵉ, ⵉⵙⵎⵉⴷ ⵎⴰ ⵙ ⵜⵙⴽⵔ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⴳ 4 ⵜⵙⵓⵜⴰⵍ ⵍⵍⵉ ⵜⴳⴰ ⴳ ⵓⵙⴳⴳⵯⴰⵙ ⵏ 2024, ⵍⵍⵉⵖ ⵜⵍⴽⵎ ⵓⵟⵟⵓⵏⵏ ⵢⴰⵜⵜⵓⵢⵏⵉⵏ ⴳ ⵎⴰ ⵉⵣⵍⵉⵏ ⵙ ⵉⵙⵙⴰⵔⵓⵜⵏ ⵍⵍⵉⵖ ⵅⴼ ⵉⵍⵍⴰ ⵓⵙⵖⵥⵏ ⴷ ⵉⵣⵎⴰⵣ ⵏ ⵓⵙⵡⵓⵔⵉ ⵍⵍⵉ ⴳⵉⵙ ⵉⵜⵜⴰⵡⵙⴽⴰⵔⵏ. ⵖⵉⴽⵍⵍⵉ ⵉⵙⴷⴷⵉⴷ ⵎⴰ ⴰⵏⵥⴰⵕ ⵍⵍⵉ ⵉⵍⵍⴰ ⵖⵓⵔ ⵜⵏⴱⴰⴹⵜ ⵉⴳⴰ ⵜ ⴰⴷ ⵜⵙⵓⵍⵜ ⵜⴷⵉⵏⴰⵎⵉⵜ ⴰⴷ ⴳ ⵓⵙⴰⵜⵉ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵙ ⵓⵙⵎⵎⵓⴷ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ.