ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 19 ⴷⵓⵊⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 17 ⵖ ⵊⵓⵎⴰⴷⴰ ⴰⵎⴳⴳⴰⵔⵓ 1446 ⵉⵎⵙⴰⵙⴰⵏ ⴰⴽⴷ 19 ⴷⵓⵊⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ, ⴳ ⵓⴳⵔⴰⵡ ⴰⴷ, ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1096 ⵏ ⵓⵏⴳⵔⴰⵡ ⴰⵎⴰⵜⴰⵢ ⵉⵥⵍⵉⵏ ⵙ ⵜⵙⵏⵓⵔⴰⵢⵜ ⵏ ⵉⵎⵙⵡⵓⵔⵉⵏ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ, ⵜⵙⵎⵏⵉⴷ ⵜ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ, ⵜⴰⵎⴰⵡⵙⴰⵙⵜ ⵜⴰⵎⵉⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⴰⵙⵙⵓⴳⵓⵔⵜ.
- ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.730 ⵏ ⵓⵙⴽⴰⵔ ⵏ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵎⵢⴰⵡⴰⵙⵜ ⴷ ⵜⵄⵄⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵓⵙⵔⵓⵙ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵓⵙⵡⵓⴷⴷⵓ ⵏⵏⵙ, ⴷ ⵓⵎⵕⵙⵓⵎ ⵓⵟⵟⵓⵏ 2.24.731 ⵏ ⵓⵙⴽⴰⵔ ⵏ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵙⴱⴱⴰⴱⵜ ⴷ ⵓⵙⴰⵢⴰⴼⵓ ⴳ ⵜⵎⴳⵓⵔⵉ ⴷ ⵓⵙⵉⴷⴼ ⴰⴷⴰⵎⴰⵙⴰⵏ ⴷ ⵓⵙⵔⵓⵙ ⵜⵡⵓⵔⵉⵡⵉⵏ ⵏⵏⵙ ⴷ ⵓⵙⵡⵓⴷⴷⵓ ⵏⵏⵙ, ⵔⴰⴷ ⵉⵣⵔⵉ ⴳ ⵢⴰⵏ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ ⴹⵕⴰⵜ ⵉⵖ ⴼⵍⴰⵙ ⵉⵙⵢⴰⴼⴰ ⵓⵎⴹⴰⴽⴰⵟ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴽⵕⴰⴹ ⵏ ⵉⵙⵏⵜⵉⵏ ⵉⵎⵕⵙⵓⵎⵏ ⴹⴰⵕⴰⵜ ⵓⵙⵖⵓⴷⵓ ⵏⵏⵙ ⵙ ⵜⴰⵏⵏⴰⵢⵉⵏ, ⵜⵙⵎⵏⵉⴷ ⵜⵏ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ, ⵜⴰⵎⴰⵡⵙⴰⵙⵜ ⵜⴰⵎⵉⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⴰⵙⵙⵓⴳⵓⵔⵜ. ⵉⵍⵍⴰ ⴳⵉⵙⵏ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.522 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.22.385 ⵍⵍⵉ ⴷ ⵉⴼⴼⴰⵖⵏ 17 ⵏ ⵛⵡⵡⴰⵍ 1444 (8 ⵎⴰⵢⵓ 2023) ⵉⵥⵍⵉⵏ ⵙ ⵓⵙⵔⵓⵙ ⵏ ⵓⵙⴷⴷⵉ ⵏ ⵉⵖⵜⴰⵙⵏ ⵉⵎⵙⵙⵓⴳⴰⵔ ⵉⴷⵙⵍⴰⵏⵏ ⵏ ⵓⵙⴽⴰⵔ ⵏ ⵓⵙⵙⴰⵔⵓ ⵍⵍⵉ ⵎⵓ ⵏⵏ ⵓⵔ ⵉⵣⵔⵉ ⵓⵙⴰⵙⴼⵔ ⵜⵓⵜⵔⵉⵡⵉⵏ ⵏⵏⵙ 30 ⵏ ⵡⴰⵙⵙ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.523 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.22.386 ⵍⵍⵉ ⴷ ⵉⴼⴼⴰⵖⵏ 17 ⵏ ⵛⵡⵡⴰⵍ 1444 (8 ⵎⴰⵢⵓ 2023) ⵉⵥⵍⵉⵏ ⵙ ⵓⵙⵔⵓⵙ ⵏ ⵓⵙⴷⴷⵉ ⵏ ⵉⵖⵜⴰⵙⵏ ⵉⵎⵙⵙⵓⴳⴰⵔ ⵉⵥⵍⵉⵏ ⵙ ⵓⵙⴰⵙⴼⵔ ⵜⵓⵜⵔⵉⵡⵉⵏ ⵏ ⵍⵍⵉ ⵎⵓ ⵉⵜⵜⵣⴰⵢⵙ ⵓⵣⵎⵣ ⵏ ⵜⵉⴽⴽⵉ ⵏⵏⵙ ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵎⵓⵣⴰⵢⵜ ⵜⴰⵜⵉⵇⵏⵉⵜ ⵏⵖ ⴷ ⴰⵔⵣⵣⵓ ⴰⴳⴷⵓⴷⴰⵏ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.524 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.22.387 ⵍⵍⵉ ⴷ ⵉⴼⴼⴰⵖⵏ 17 ⵏ ⵛⵡⵡⴰⵍ 1444 (8 ⵎⴰⵢⵓ 2023) ⵉⵥⵍⵉⵏ ⵙ ⵓⵙⵔⵓⵙ ⵏ ⵓⵙⴷⴷⵉ ⵏ ⵉⵖⵜⴰⵙⵏ ⵉⵎⵙⵙⵓⴳⴰⵔ ⵍⵍⵉ ⵉⵜⵜⴳⴰⵏ ⴰⵙⵖⵥⵏ, ⵉⵖ ⵓⵔ ⵜⴷⴷⵉ ⵜⵎⴰⵔⴰⵔⵓⵜ ⵖⵓⵔ ⵜⵎⵙⵙⵓⴳⵓⵔⵜ ⵉⵖ ⵉⵣⵔⵉ ⵓⵣⵎⵣ ⵏ ⵓⵙⴰⵙⴼⵔ ⵜⵓⵜⵔⵉⵡⵉⵏ.
