ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⵉⵏⵏⴰⵢⵔ 2025

• ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1133 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵖⵔⴰⴷ ⵅⴼ ⵜⵏⵓⴼⴰ ⵉⵜⵜⴰⵡⴼⴽⴰⵏ ⵖⵓⵔ ⴰⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵔⵉⵜ ⵏ ⵓⵣⵎⵎⴻⵎ ⴷ ⵜⵓⵣⵣⵓⵍⵉⵏ ⵜⵓⵍⴳⵏⵉⵏ ⴷ ⵜⵙⴱⴱⴹⴰⵢⵉⵏ, ⵉⵙⵎⵉⴷ ⵜ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⴰⵙⴰⵙ ⵏ ⵜⵣⵔⴼⵜ.
• ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵓⵟⵟⵓⵏ 2.24.634 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵎⴳⴳⵉⵢⵉⵏ ⵓⵙⵎⴰⵍⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵙⵏⵓⵔⴰⵢⵜ ⵜⴰⵏⴰⴼⵍⵍⴰⵜ ⵏ ⵜⴷⵓⵙⵉ, ⵢⵓⵊⵊⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵔ ⴰⴳⵔⴰⵡ ⴷ ⵉⴷⴷⴰⵏ.
• ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.642 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵎⴳⵔⴰⴷ 32 ⵏ ⵓⵙⵍⴳⵏ  ⵓⵟⵟⵓⵏ 07.22 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵏⴰⴼⵍⵍⴰⵜ ⵜⴷⵓⵙⵉ, ⵉⵙⵎⵏⴷ ⵜ ⵎⴰⵙⵙ ⴰⵎⵉⵏ ⵜⵜⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ. 
• ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1145 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.93.66 ⵍⵍⵉ ⴷ ⵉⴼⴼⴰⵖⵏ ⴳ 14 ⴳ ⵕⴰⴱⵉⵄ ⴰⵎⴰⴳⴳⵓⵔⵓ 1414 (ⴰⵎⴰⵣⵡⴰⵔⵓ ⵏ ⴽⵟⵓⴱⵕ 1993) ⵉⵙⵡⵓⴷⴷⵓⵏ ⴰⵙⵍⴳⵏ  ⵓⵟⵟⵓⵏ 016.89 ⵉⵥⵍⵉⵏ ⵙ ⵓⵙⵡⵓⴷⴷⵓ ⵜⵡⵓⵔⵉ ⵏ ⵉⴱⴰⵔⵉⵛⵏ ⴷ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⴱⴰⵔⵉⵛⵏ, ⵜⵙⵎⵉⴷⵜ ⵜ ⵎⴰⵙⵙⴰ ⴼⴰⵜⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⴰⵙⴰⵙⵜ ⵏ  ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
   

ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ, ⵉⵙⵏⵖⵎⵙ ⵅⴼ ⴽⵔⴰ ⵏ ⵜⵉⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ, ⵉⵙⵎⵏⵉⴷ ⵜⵏⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵥⵍⵉⵏ ⵙ : 

• ⵜⴰⵎⵢⴰⵇⵇⴰⵏⵜ ⵏⴳⵔ ⵜⴰⵏⴱⴰⴹⵜ ⵏ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵉⴼⵔⵉⵇⵢⴰ ⵏ ⵉⵎⵄⴹⴰⵕ ⵉⵥⵍⵉⵏ ⵙ ⵓⵙⴽⴰⵔ ⵏ ⵓⵙⵖⵉⵎ ⵉⴷⴷⵔⵏ ⵏ ⵡⴰⵎⵓⵏ ⵏⴼⵔⵉⵇⵢⴰ, ⵍⵍⵉ ⵉⵜⵜⵓⵙⵎⴰⴳⴹⵏ ⴳ ⵕⵕⴱⴰⵟ 19 ⵎⴰⵕⵚ 2024 ⴷ ⵓⵙⵏⵜⵉ ⵓⵟⵟⵓⵏ 28.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ.
• ⵜⵓⴹⴼⵉⵚⵜ ⵏ ⵜⵎⵢⴰⵇⵇⴰⵏⵜ ⵏⴳⵔ ⵜⴰⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵓⵎⴰⴹⴰⵍ ⴰⵎⵓⵙⵍⵎ ⵏ ⵓⵙⴳⵎⵉ ⴷ ⵉⵎⴰⵙⵙⴰⵏ ⴷ ⵜⴷⵍⵙⴰ ⵉⵜⵜⴰⵡⵙⴳⵎⴰⴹⵏ ⴳ 4 ⵎⴰⵢⵓ 2024 ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 31.24 ⵉⵙⵖⵥⵏ ⵜⵓⴹⴼⵉⵚⵜ ⵏ ⵜⵎⵢⴰⵇⵇⴰⵏⵜ ⴰⴷ.
   

ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ:

• ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙ ⵎⵓⵃⵎⵎⴰⴷ ⵏⵏⵄⵉⵏⵉⵄⴰ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵖⵔⵎⴰⵏⵜ ⵏ ⵇⵍⵄⴰⵜ ⵙⵙⵕⴰⵖⵏⴰ-ⵕⵕⵃⴰⵎⵏⴰ ; 
• ⴳ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⴰ ⵉⴳⵔ ⵏ ⵜⵎⵍⵍⴰⵢⵜ, ⵜⴻⵜⵜⵓⵙⵏⵎⴰⵍⴰ :
  • ⵎⴰⵙⵙⴰ ⵥⵥⵓⵀⵕⴰ ⵜⵜⴰⵣⵉ, ⵜⴰⵏⵎⵀⴰⵍⵜ ⵏ ⵜⵙⵜⵕⴰⵜⵉⵊⵉⵜ ⴷ ⵓⵎⵢⴰⵡⴰⵙ ;
• ⴳ  ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙ ⵍⵃⵙⵏ ⴱⴰⵎⵓ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴻⵜⵜⵉⴽⵓⵍⵓⵊⵉⵜ ⴳ ⵡⴰⵔⵣⴰⵣⴰⵜ ;
• ⴳ  ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ- ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ, ⵜⵜⵓⵙⵏⵎⴰⵍⴰⵏ :
  • ⵎⴰⵙⵙ ⵎⵓⵍⴰⵢ ⵢⵓⵙⴼ ⴰⵍⴰⵣⵀⴰⵔⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵡⵓⵔⵉ ⵜⴰⵙⴳⵎⴰⵏⵜ
  • ⵎⴰⵙⵙ ⵃⵙⴰⵢⵏ ⵓⵊⵓⵕ, ⴰⵏⵎⵀⴰⵍ ⵏ ⵓⵙⵖⵓⵔⵉ ⴰⵙⵙⵉⴽⵍⴷ ⵜⵉⵏⵎⵍ ⵜⵓⵙⴷⵉⴼⵜ ;
• ⴳ  ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵉⴳⵔ ⵏ ⵜⴷⵍⵙⴰ, ⵜⴻⵜⵜⵓⵙⵏⵎⴰⵍⴰ :
  • ⵎⴰⵙⵙⴰ ⵙⴰⵎⵉⵔⴰ ⵍⵎⴰⵍⵉⵏⵣⵉ, ⵜⴰⵏⵎⵀⴰⵍⵜ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.