ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 30 ⵉⵏⵏⴰⵢⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 29 ⵕⴰⵊⴱ 1446 ⵉⵎⵙⴰⵙⴰⵏ ⴰⴽⴷ 30 ⵉⵏⵏⴰⵢⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵓⵎⵣⵡⴰⵔⵓ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.643 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵙⵏⵓⵔⴰⵢⵜ ⵜⴰⵏⴰⴼⵍⵍⴰⵜ ⵏ ⵜⴷⵓⵙⵉ ⵍⵍⵉ ⵎⵓ ⴰⴷ ⵉⵎⵜⵜⴰⵉ ⵉⵣⵎⵣ ⵏⵏⵙ, ⵉⵙⵎⵏⴷ ⵜ ⵎⴰⵙⵙ ⴰⵎⵉⵏ ⵜⵜⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.18 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.16.461ⵏⵍⵍⵉ ⴷ ⵉⴼⴼⴰⵖⵏ ⴳ 12 ⴳ ⴷⵉⵍⵃⵉⵊⵊⴰ 1437 ⵉⵎⵙⴰⵙⴰⵏ ⴷ 14 ⵛⵓⵜⴰⵏⴱⵉⵔ 2016 ⵉⵥⵍⵉⵏ ⵙ ⵓⵙⴽⴰⵔ ⵏ ⵙⵏⴰⵜ ⵜⵙⵎⵖⵓⵔⵉⵏ ⵅⴼ ⵜⵡⵓⵔⵉⵡⵉⵏ ⵜⵉⵎⵥⵍⴰⵢ ⴷ ⵓⵙⵎⵓⵜⵜⴳ ⵉ ⵉⵎⵜⴰⵖⵏ ⵏ ⵓⵏⴹⴰⴼ ⵏ ⵉⵏⵣⵡⵉ, ⵉⵙⵎⵏⵉⴷ ⵜ ⵎⴰⵙⵙ ⵏⵉⵣⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23. 1032 ⵉⵥⵍⵉⵏ ⵙ ⵉⵖⴰⵡⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵎⵙⴰⵙⴰ ⵏ ⵜⵙⴳⵎⵉⵍⵜ ⴷ ⵓⵙⵡⵓⴷⴷⵓ ⵏⵏⵙ ⵏ ⵓⵎⵍⴰⵏ ⵏ ⵜⵙⴳⵎⵉⵍⵜ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵡⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵎⵕⵙⵓⵎ ⵓⵟⵟⵓⵏ 2.24.987 ⵉⵥⵍⵉⵏ ⵙ ⵜⵉⴽⴽⵉ ⵏ ⵡⴰⵔⵔⴰⵣ ⵅⴼ ⵜⴰⵖⴰⵎⵜ ⵏ ⵓⵙⵎⵓⵜⵜⴳ ⵉⵚⵏⴰⵢⵄⵉⵏ ⵉⵇⴱⵓⵔⵏ ( ⵏ ⵜⵏⵉⴹⵉ) ⵍⵍⵉ ⵉⵜⵜⴳⴰⵏ ⵜⴰⵡⵓ ⵏ ⵓⵙⵎⵓⵜⵜⴳ ⴳ ⵉⵙⵉⵏⴰⴳⵏ ⴷ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵉⴹⴼⴰⵕⵏ ⵉ ⵢⵉⴳⵔ ⵏ ⵜⵏⵉⴹⵉ, ⵜⵙⵎⵏⵉⴷ ⵜ ⵎⴰⵙⵙⴰ ⴼⴰⵜⵉⵎⴰ ⵥⵥⴰⵀⵕⴰ ⵄⵎⵎⵓⵔ, ⵜⴰⵎⴰⵡⴰⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⴰ.
