ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 06 ⴱⵕⴰⵢⵕ ⵉⵏⵏⴰⵢⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 7 ⵛⴰⵄⴱⴰⵏ ⵕⴰⵊⴱ 1446 ⵉⵎⵙⴰⵙⴰⵏ ⴰⴽⴷ 06 ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵙⵏⴰⵜ ⵜⴽⵛⵛⵓⵎⵉⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵜⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵓⵎⵡⴰⵔⵓ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵓⵔⵣⴰⵢ ⵏ ⵜⵎⴰⴹⵓⵏⵜ ⵏ ⴱⵓⵃⵎⵕⵓⵏ ⴷ ⵜⵎⴳⴳⵢⵉⵏ ⵍⵍⵉ ⵜⴳⴳⴰ ⵜⵏⴱⴰⴹⵜ ⵃⵎⴰ ⴰⴷ ⴰⵙ ⵜⴳ ⵜⵜⵎⵉ, ⵉⵙⵎⵏⵉⴷ ⵜ ⵎⴰⵙⵙ ⴰⵎⵉⵏ ⵜⵜⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
ⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵅⴼ ⵡⴰⴷⴷⴰⴷ ⵏ ⵜⵎⴰⴹⵓⵏⵜ ⵏ ⴱⵓⵃⵎⵕⵓⵏ ⴳ ⵜⵎⴰⵣⵉⵔⵜ ⵏⵏⵖ ⴷ ⵜⵙⵜⵕⴰⵜⵉⵊⵉⵜ ⵉⵉⵜⴰⵡⵙⴽⴰⵔⵏ ⵎⵏⵉⴷ ⵏⵏⵙ, ⵉⵏⵏⴰ ⵎⴰ ⵙⵜⵔⵙⵔⵜ ⵜⵎⴰⵡⴰⵙⵜ ⵢⴰⵜ ⵜⵖⵔⴰⵙⵜ ⵖ ⵍⵍⴰⵏ ⵎⵏⵏⴰⵡ ⵉⵙⴳⵓⵎⵏ ⵃⵎⴰ ⴰⴷ ⴳⵉⵏ ⵜⵜⵎⵉ ⵉ ⵜⵎⴰⴹⵓⵏⵜ ⴰⴷ ⵍⵍⵉⵖ ⵉⵍⵍⴰ ⵓⵎⵣⵉⵣⵣⵍ ⴰⵏⴰⵎⵓⵔ ⵏ ⵓⵛⵕⴰⴹ ⴷ ⵡⴰⵍⵍⴰⵙ ⵏⵏⴰⵙ, ⴰⵢⵍⵍⵉ ⵓⵊⵊⴰⵏ ⴰⴷ ⵍⴽⵎⵏ ⵖⵉⵍⴰⴷ ⵎⴰ ⵉⵣⵔⵉⵏ 8.88 ⵎⵍⵢⵓⵏ ⵏ ⵡⴰⵣⵣⴰⵏ ⴷⴰⵡⴰⵜ 18 ⵏ ⵓⵙⴳⴳⵯⴰⵙ.
ⵖⵉⴽⵍⵍⵉ ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵎⴰ ⵙ ⵜⵙⵙⵓⴳⵜ ⵜⵎⴰⵡⴰⵙⵜ ⴳ ⵜⵉⵥⴹⴰⵕ ⵏ ⵓⵚⴰⴹⴰⴼ ⵅⴼ ⵜⵎⴰⴹⵓⵏⵜ ⴰⴷ ⵙ ⵓⵙⵙⵓⴳⵜ ⵏ ⵜⵉⴹⴰⴼ ⵜⵉⴷⵓⵙⴰⵏⵉⵏ ⴷ ⵓⵙⵙⵓⴳⵜ ⴳ ⵜⵔⵓⴱⴱⴰ ⵏ ⵓⴽⵛⵛⵓⵎ ⵏ ⵓⴳⴰⵡⵍ ⴳ ⵜⵙⴳⴳⵉⵡⵉⵏ ⴳ ⵜⴳⴳⵓⵜ ⵜⵎⴰⴹⵓⵏⵜ ⴰⴷ. ⵢⵉⵍⵉ ⴰⵡⴷ ⵓⵙⵙⵓⵊⴷ ⵏ ⵉⵙⴰⴼⴰⵔⵏ ⴷ ⵉⵎⴰⵙⵙⵏ ⵏ ⵓⵙⵊⵊⵉ ⵉ ⵉⵎⵓⴹⴰⵏ.
ⴳ ⵎⵏⵉⴷ ⴰⴷ ⵏⵉⵜ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰ ⵜⴳⴳⴰ ⵜⵎⴰⵡⴰⵙⵜ ⵢⴰⵜ ⵓⵎⵓⵙⵙⵓ ⵓⵙⴼⵔⴽ ⴳ ⵓⵙⵡⵉⵔ ⴰⵏⴰⵎⵓⵔ ⵃⵎⴰ ⴰⴷ ⵜⴳⴳⴰⵏ ⵎⵉⴷⴷⵏ ⴰⵛⵕⴰⴷ ⵉ ⵜⴰⵔⵡⴰ ⵏⵏⵙⵏ ⴷ ⵓⵙⵙⵓⴳⵜ ⵏ ⵉⵎⵢⴰⵡⴰⵙⵏ ⴳ ⵉⴳⵎⴰⵎⵏ ⵉⵎⴷⵔⴰⵡⵏ ⴳ ⵉⴳⵔ ⵏ ⵜⴷⵓⵙⵉ ⴰⴼⴰⴷ ⴰⴷ ⵢⵉⵍⵉ ⵓⵙⵙⵓⵊⴷ ⵏ ⵓ ⵓⴳⵣⵣⴰⵢ.
ⴹⴰⵕⴰⵜ ⵎⴰⵢⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵡⴰⴷⴷⴰⴷ ⴷ ⵓⵙⵡⵓⴷⴷⵓ ⵏ ⵢⵉⵔⵉⵎ ⴰⵏⴼⵍⴰⵃ 2024-2025, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵏⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ.
ⴳ ⵎⵏⵉⴷ ⴰⴷ, ⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⴷⵔⵓⵙ ⵓⵏⵥⴰⵕ ⴳ ⵢⵉⵔⵉⵎ ⴰⵏⴼⵍⴰⵃ ⵏ ⵓⵙⴳⴳⵯⴰⵙ ⵉⵖ ⵜ ⵏⵙⵎⵙⴰⵙⴰ ⴷ ⵜⵎⵏⵛⴽⵜ ⵜⴰⵏⴰⵎⵓⵔⵜ ⵏ 30 ⵏ ⵓⵙⴳⴳⵯⴰⵙ ⴰⴷ ⵉⵣⵔⵉⵏ. ⵖⵉⴽⵍⵍⵉ ⴷ ⵢⵉⵡⵉ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵜⴳⴳⴰ ⵜⵎⴰⵡⵙⴰⵙⵜ ⵜ ⴳⵉⵎⴳⴳⵉⵢⵉⵏ ⴳ ⵜⵡⵉⵙⵉ ⵏ ⵉⴼⵍⵍⴰⵃⵏ ⴷ ⵓⴹⴼⵉⵕ ⵏⵏⵙⵏ, ⵙⵍⴰⵀⴰⵡ ⴰⴽⴽⵯ ⵍⵍⵉⵖ ⵜⵙⵙⵓⵊⴰⴷ ⴰⵎⵓⴷ ⵉⴼⵓⵍⴽⵉⵏ ⴳ ⵜⵎⵥⵉⵏ ⵙ ⵎⴰ ⵉⵜⵜⴳⴰⵏ 1,3 ⵇⵏⵟⴰⵕ ⴷ ⵓⵙⵙⵓⵊⴷ ⵏ ⴰⵎⵓⴷ ⵏ ⵡⴰⵥⵓⵜ ⵙ 200 ⵟⵓⵏ ⵏ ⵉⴼⴹ.
ⵖⵉⴽⵍⵍⵉ ⵉⵜⵜⴰⵡⵙⴽⴰⵔ ⵢⴰⵏ ⵓⵖⴰⵡⴰⵙ ⵏ ⵜⵡⵉⵙⵉ ⴳ ⵉⴳⵔ ⵏ ⵓⵙⴰⵢⴰⴼⵓ ⵏ ⵉⵎⵓⴷⴰⵔ, ⵉⵍⵍⴰ ⴳⵉⵙ ⵓⵜⵛⵉ ⵏ ⵉⵎⵓⴷⴰⵔ ⴳ ⵓⵙⵙⵓⵊⴷ ⵏ ⵍⵄⵍⴼ ⵉ ⵉⴽⵙⵙⴰⴱⵏ ⴷ ⵓⴹⴼⵉⵕ ⴰⵜⵉⵇⵏⵉ ⴳ ⵓⵙⵖⵓⴷⵓ ⵏ ⵡⴰⵅⵙⵉⵡⵉⵏ ⴳ ⵢⴰⵏ ⵓⵣⵎⵣ ⴰⵏⴰⵎⵎⴰⵙ ⴷ ⵜⴷⵓⵙⵉ ⵏ ⵉⵎⵓⴷⴰⵔ ⴷ ⵜⴼⵍⵍⴰⵃⵜ ⵏ ⵜⵡⵉⵣⵉ ⵉⵥⵍⵉⵏ ⵙ ⵓⵙⴳⵎⵉ ⵏ ⵓⵡⵍⵍⵉ ⴷ ⵜⵡⵉⵙⵉ ⵏ ⵜⵡⵓⵜⵎⵉⵏ ⴳ ⵡⴰⵍⵍⴰⵙ ⵏ ⵓⵡⵍⵍⵉ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.61 ⵉⵥⵍⵉⵏ ⵙ ⵓⵙⵔⵓⵙ ⵏ ⵉⴱⵔⵉⴷⵏ ⵏ ⵜⵉⴹⴰⴼ ⵅⴼ ⵉⵎⴰⵙⵙⵏ ⵓⵙⵖⵍⵉ ⵏ ⵡⴰⵎⴰⵏ ⵏ ⵓⵜⵜⵛⵉ ⴰⴳⴷⵓⴷⴰⵏ, ⵍⵍⵉⵖ ⵏⵏ ⴳⵉⴰⵙ ⵍⵍⴰⵏⵜ ⵜⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵉⴷ ⵜ ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ, ⴰⵎⴰⵡⴰⵙⴰⵙ ⵏ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.62 ⵉⵥⵍⵉⵏ ⵙ ⵉⴼⵔⴷⵉⵙⵏ ⴷ ⵜⵎⴳⵉⵢⵉⵏ ⵏ ⵓⵙⴽⴰⵔ ⵏ ⵉⴱⵔⵉⴷⵏ ⵏ ⵜⵉⴹⴰⴼ ⴷ ⵓⵙⴱⴷⴷⵉ ⵜⵉⴽⴽⵉ ⵏ ⵜⵓⵔⴰⴳⵉⵏ ⴷ ⵜⵎⵣⵡⵓⵔⵉⵏ ⴳ ⵓⴳⵯⵏⵙ ⵏ ⵉⵡⵜⵜⴰ ⵏⵏⵙⵏ, ⵍⵍⵉⵖ ⵏⵏ ⴳⵉⴰⵙ ⵍⵍⴰⵏⵜ ⵜⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵉⴷ ⵜ ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ, ⴰⵎⴰⵡⴰⵙⴰⵙ ⵏ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵔⵉⵇⵢⴰ ⴷ ⵉⵎⵖⵔⴰⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵟⴰⵍⴰⵍ ⵍⵊⵏⵏⴰⵏ, ⴰⵏⵎⵀⴰⵍ ⵏ ⵓⴷⴳⴰⵔ ⴰⵏⴼⴳⴰⵏ ;
- ⵎⴰⵙⵙ ⵍⵀⵙⵏ ⴱⵓⴽⵍⵉⵍⵉ, ⴰⵏⵎⵀⴰⵍ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ ⴷ ⵜⵎⴰⴷⴷⴰⵙⵉⵏ ⵜⵉⵙⴳⴰⵡⴰⵏⵉⵏ ⵏ ⵉⴼⵔⵉⵇⵢⴰ ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ- ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⴷⴷⵉⴱ, ⴰⵏⵎⵀⴰⵍ ⵏ ⵜⴽⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉⴷ ⵓⵙⵎⵓⵜⵜⴳ ⵏ ⵜⵙⴳⴰ ⵜⴳⵎⵎⵉ ⵜⵓⵎⵍⵉⵍⵜ ⴷ ⵙⵟⵟⴰⵜ ;
- ⵎⴰⵙⵙ ⵎⵓⵃⵎⵎⴰⴷ ⵄⵡⵡⴰⵊ, ⴰⵏⵎⵀⴰⵍ ⵜⴽⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⵕⵕⵏⴰⵟ ⵙⴰⵍⴰ ⴷ ⵍⵇⵏⵉⵟⵕⴰ ;
- ⵎⴰⵙⵙ ⵄⴰⴱⴷ ⵍⵎⵓⵎⵏⵉ ⵄⵡⵡⴰⵊ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵡⵓⴷⴷⵓ ⵏ ⵜⵓⴷⵔⵜ ⵏ ⵜⵉⵏⵎⵍ.
