ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 13 ⴱⵕⴰⵢⵕ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 8 ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ 13 ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⴹⴰⴼⵉⵕ ⵏ ⵢⴰⵜ ⵜⴽⵛⵛⵓⵎⵜ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳ ⵏ ⵓⵙⵎⵓⵔ ⵓⵟⵟⵓⵏ 07.25 ⵉⵥⵍⵉⵏ ⵙ ⵏⵓⵙⵡⵓⴷⴷⵓ ⵏ ⵓⵙⵍⴳⵏ ⵏ ⵜⵥⵔⴼⵜ 2023, ⵉⵙⵎⵏⵉⴷ ⵜ ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵏ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.515 ⵉⵥⵍⵉⵏ ⵙ ⵜⵉⴽⴽⵉ ⵏ ⵓⵎⵢⴰⵔⴰⵣ ⵅⴼ ⵉⵎⵉⵣⴰⵏ ⵉⵣⵣⵓⵍⴰⵏⵏ ⵉ ⵉⵎⵙⵖⴰⵏⵏ ⵉⵍⵍⴰⵏ ⴳ ⵉⴳⵔⴰⵡⵏ ⵏ ⵉⵏⵙⵎⴰⴳⴰⵍⵏ ⴷ ⵉⵜⵉⵇⵏⵉⵏ ⵏ ⵜⴷⵓⵙⵉ ⵉⵙⵡⵓⵔⵏ ⴳ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵔⵓⴱⴱⴰ ⵏⵏⵙ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ, ⵉⵙⵏⵖⵎⵙ ⵅⴼ ⵢⴰⵜ ⵜⵉⵎⵢⴰⵇⵇⴰⵏⵉⵏ ⵏⴳ ⵜⴰⵏⴱⴰⴹⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵜⴳⴷⵓⴷⴰⵏⵜ ⵏ ⵙⴰⵏ ⵎⴰⵔⵉⵏⵓ ⵉ ⵓⵙⵖⵓⴷⵓ ⴷ ⵓⴼⵔⴰⴳ ⵏ ⵉⵙⵙⴰⵔⵓⵜⵏ ⴳ ⵓⵎⵎⵙⴽⴰⵍ, ⵉⵜⵜⵓⵙⴳⵎⴹⵏ ⴳ ⵏⵢⵓⵕⴽ ⴳ 27 ⵛⵓⵜⴰⵏⴱⵓⵔ 2024 ⴷ ⵓⵙⵍⴳⵏ ⵓⵟⵟⵓⵏ65.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵏⵎⵉⴷ ⵜⵏ ⵎⴰⵙⵙ ⴽⴰⵔⵉⵎ ⵣⵉⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⴳⴰ ⵓⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⴰⵙⵖⵓⴷⵓ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⵏⴳ ⵜⵎⵉⵣⴰⵔ ⵙ ⵙⵏⴰⵜ ⵙ ⵜⵖⴰⵔⴰⵙⵜ ⵏ ⵓⵙⵅⵉⵜⵔ ⵏ ⵓⵙⵙⴰⵔⵓ ⵉⵜⵜⴰⵡⵙⵏ ⴳ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵖⵓⴷⵓ ⵏ ⵏ ⵡⴰⵙⵙⴰⵢ ⵏ ⵜⴰⵜⵉⴽⵏⵓⵍⵓⵊⵉⵜ ⴷ ⵓⵙⴽⴰⵔ ⵏ ⵉⵣⵎⴰⵣ ⵏ ⵜⵡⵓⵔⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⵏⴳⵔ ⵉⴳⵔ ⵉⵥⵍⵉⵏ ⴷ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ:
- ⴳ ⵜⵎⴰⵡⴰⵙⵜ ⵏ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴱⵕⴰⵀⵉⵎ ⴱⵏⵎⵓⵙⴰ, ⴰⵏⴼⵍⵓⵙ ⴰⵎⴰⵜⴰⵢ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴷⵉⵍ ⵍⵄⵓⴼⵉⵔ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵓⵙⵎⵓⵜⵜⴳ ⵏ ⵉⴳⵉⵜⵏ ⵉⵏⴰⵎⵓⵏ ⵉ ⵉⵎⵙⵓⵡⵓⵔⵉⵏ ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ-ⵉⴳⵔ ⵏ ⵜⴼⵍⵍⴰⵃⵜ.
- ⴳ ⵜⵎⴰⵡⴰⵙⵜ ⵏ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵎⵓⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ; ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵢⵓⵙⵓⴼ ⵎⵓⵙⴱⴰⵇ, ⴰⵏⵎⵀⴰⵍ ⵜⴰⵙⵖⵏⵜ ⵜⴰⴳⴷⵓⴷⴰⵏⵜ ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴱⴷⵙⵙⵍⴰⵎ ⵎⵉⵍⵉ, ⴰⵏⵎⵀⴰⵍ ⵏ ⵓⵙⵎⵓⵜⵜⴳ ⵏ ⵜⵓⵏⵏⵓⵏⵜ ⵜⴰⵏⴰⵎⵍⴰⵏⵜ.
- ⵎⴰⵙⵙ ⵄⴰⴱⴷⵙⵙⵍⴰⵎ ⵎⵉⵍⵉ, ⴰⵏⵎⵀⴰⵍ ⵏ ⵓⵙⵎⵓⵜⵜⴳ ⵏ ⵜⵓⵏⵏⵓⵏⵜ ⵜⴰⵏⴰⵎⵍⴰⵏⵜ.
